Vergi Məcəlləsinə əsasən…

2017-ci il yanvarın 1-dən qüvvədə olan Vergi Məcəlləsinə əsasən, mallar yalnız hesabat blankları vasitəsilə alınmalıdır. Əks halda bu, sahibkarlıqla məşğul olan fiziki və hüquqi şəxslərin vergidən yayınmasına səbəb ola bilər. Bununla bağlı vergiödəyicilərinin üzərinə hansı vəzifələr düşür və qanunu pozanlara qarşı sanksiyaların tətbiqi nəzərdə tutulubmu?Azərtac xəbər verir ki, Vergilər Nazirliyinin vergi qanunvericiliyinin icrasına nəzarət departamentinin baş direktoru Toğrul Quliyev qanunvericilikdə nəzərdə tutulmuş qaydada gəlirlərin və vergitutma obyektlərinin uçotunu aparmağın hər bir vergiödəyicisinin vəzifəsi olduğunu bildirib.Onun sözlərinə görə, Vergi Məcəlləsinə edilmiş son dəyişikliklərdə bu məsələlərə də aydınlıq gətirilib. Eyni zamanda, qanunun tələbini pozan şəxslərin məsuliyyətə cəlb edilməsi məsələsi də Vergi Məcəlləsində nəzərdə tutulub. “Belə ki, hər bir vergiödəyicisi sahibkarlıq fəaliyyətini həyata keçirən hüquqi və fiziki şəxslərə malların (işlərin, xidmətlərin) təqdim edilməsi ilə bağlı qaimə-faktura və ya elektron qaimə-faktura verməyə borcludur. Məlum olduğu kimi, gəlir və xərclərin, həmçinin vergitutma obyektlərinin uçotunun aparılmaması vergidən yayınmaya gətirib çıxarır. Bu cür halların qarşısının alınması məqsədilə Vergi Məcəlləsinə edilmiş son əlavə və dəyişikliklərlə məsuliyyət tədbirləri planlaşdırılıb”.xeber100.com

Beynəlxalq konfrans keçirilib

Bu gün Tbilisidə “Gürcüstan iqtisadiyyatı: perpsektivlər və çağırışlar” adlı beynəlxalq konfrans keçirilib.Azərbaycan nümayəndə heyətinin də iştirak etdiyi tədbirdə Gürcüstanın maliyyə və bank bazarının imkanları, orta və kiçik biznesin inkişaf perspektivləri, investisiya qoyuluşu, xarici iş adamları üçün yaradılan şərait və s. məsələlər müzakirə olunub.Tədbirin təşkilatçılarından olan “Paşa Bank-Gürcüstan” idarə heyətinin sədri Şahin Məmmədov konfransın özəl sektorun inkişafına həsr olunduğunu deyib: “Biz regional bank olaraq bu tədbirə dəstək veririk. Bu cür tədbirlər Azərbaycan-Gürcüstan biznes və iqtisadi əlaqələrinin genişləndirilməsinə töhfə verir. Gürcüstan ərazisində 3 ildən çoxdur ki, fəaliyyət göstərən “Paşa Bank-Gürcüstan” Azərbaycanın biznes adamlarına və yerli biznesin inkişafına kömək edir”.xeber100.com

“AzəriLayt” markalı neftin qiyməti…

Azərbaycan neftinin qiyməti bahalaşıb.Azərtac xəbər verir ki, “AzəriLayt” markalı neftin bir barrelinin qiyməti 0,15 dollar bahalaşaraq 52,95 dollar təşkil edib.xeber100.com

“Prowein” sərgisində iştirak edən şirkətlər üçün müsabiqə keçirilib

Azərbaycan məhsulları ilk dəfə olaraq "Made in Azerbaijan" vahid ölkə stendi ilə Almaniyanın Düsseldorf şəhərində keçiriləcək "Prowein" sərgisində nümayiş olunacaq.İqtisadiyyat Nazirliyinin mətbuat xidmətindən Azərtac-a bildiriblər ki, martın 19-21-də keçiriləcək "Prowein" sərgisində İqtisadiyyat Nazirliyinin dəstəyi, Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə ölkəmizin şərabları və spirtli içkiləri təqdim ediləcək.Qeyd edək ki, İqtisadiyyat Nazirliyi tərəfindən Düsseldorfda keçiriləcək "Prowein" sərgisində iştirak edən şirkətlərin seçilməsi üçün müsabiqə keçirilib və 9 şirkət sərgidə iştirak hüququ qazanıb. "Prowein" sərgisində "Made in Azerbaijan" vahid ölkə stendinin təşkili xərcləri Azərbaycan Respublikası Prezidentinin 2016-cı il 5 oktyabr tarixli Fərmanına uyğun olaraq, dövlət tərəfindən qarşılanır.xeber100.com

İqtisadiyyat Nazirliyinin məlumatı

İqtisadiyyat Nazirliyinin Sahibkarlığa Kömək Milli Fondu Bakının Xəzər rayonunda sahibkarlardan prioritet hesab olunan sahələr üzrə investisiya layihələrinin qəbuluna başlayır.İqtisadiyyat Nazirliyinin mətbuat xidmətindən Azərtac-a bildiriblər ki, layihələrdə müasir istixana kompleksinin, zeytunçuluq təsərrüfatlarının, badam bağının salınması, ət kəsimi və üzlük daşların istehsalı müəssisələrinin yaradılması nəzərdə tutulub.Sahibkarlar investisiya layihələrinin maliyyələşdirilməsi məqsədilə müvəkkil kredit təşkilatları vasitəsilə Sahibkarlığa Kömək Milli Fonduna müraciət edə bilərlər.xeber100.com

“İctimai internet” şəbəkəsi istifadəyə verilib

Dənizkənarı Milli Park ərazisində Nəqliyyat, Rabitə və Yüksək Texnologiyalar Nazirliyi Bakı Telefon Rabitəsi İstehsalat Birliyi (BTRİB) tərəfindən həyata keçirilən, əhalinin pulsuz internetlə təminatını nəzərdə tutan “İctimai internet” şəbəkəsi istifadəyə verilib. Artıq bu gündən etibarən paytaxt sakinləri və şəhərimizin qonaqları Dənizkənarı Milli Park və Dövlət Bayrağı Meydanı ərazilərində pulsuz internetdən istifadə edə bilərlər.AZƏRTAC xəbər verir ki, bu münasibətlə keçirilən mərasimində “Huawei” şirkətinin Mərkəzi Asiya və Qafqaz regionu üzrə vitse-prezidenti Marko Fu bildirib ki, artıq “Huawei” ilə Nəqliyyat, Rabitə və Yüksək Texnologiyalar Nazirliyi arasında strateji tərəfdaşlıq münasibətləri formalaşıb. Novruz bayramı ərəfəsində təqdim olunan “İctimai Wi-Fi” da həmin tərəfdaşlıq münasibətlərinin ilk layihəsidir. Qeyd edilib ki, layihə çərçivəsində bir sıra təhlükəsizlik tədbirləri, eləcə də risklər nəzərə alınaraq proqram təminatı və şəbəkə yerli və beynəlxalq mütəxəssislər tərəfindən test edilib.Diqqətə çatdırılıb ki, ilin sonunadək bir sıra parkların da pulsuz internetlə təmin edilməsi nəzərdə tutulur. Bununla yanaşı, Heydər Əliyev Mərkəzinin parkında bu istiqamətdə işlər həyata keçiriləcək.xeber100.com

“Brent” markalı neftin bir barrelinin qiyməti…

“Brent” markalı xam neftin bir barrelinin qiyməti ABŞ Federal Ehtiyatlar Sisteminin (FES) uçot dərəcəsini artırması və ABŞ-da neft ehtiyatlarının azalması fonunda bahalaşmağa başlayıb.Azərtac xəbər verir ki, hazırda “Brent” markalı neftin bir barreli Londonun ICE birjasında 51,71 dollara, “Layt” neftinin bir barreli isə Nyu-Yorkun NYMEX birjasında 48,78 dollara alıcı axtarır.Xatırladaq ki, həftənin əvvəlində “Brent” markalı neftin bir barrelinin qiyməti 2016-cı il noyabrın 30-dan qeyd edilən vaxtadək ilk dəfə 51 dollardan aşağı düşmüşdü.xeber100.com

Rəqəmsal Ticarət Qovşağı ilə bağlı müzakirə aparılıb

İqtisadi İslahatların Təhlili və Kommunikasiya Mərkəzində (İİTKM) dövlət qurumlarının nümayəndələrinin iştirakı ilə Rəqəmsal Ticarət Qovşağı ilə bağlı geniş müzakirə aparılıb.İİTKM-nin mətbuat xidmətindən Azərtac-a bildiriblər ki, toplantında əsas müzakirə mövzusu Azərbaycan Rəqəmsal Ticarət Qovşağının, elektron pul kisəsinin yaradılması, qeyri-rezidentlərə elektron imza, o cümlədən “ASAN imza” sertifikatının verilməsi, ixrac əməliyyatlarını həyata keçirmək üçün tələb olunan icazələri vahid elektron ərizə əsasında elektron qaydada verilməsi, elektron müraciət əsasında ixrac təşviqinin ödənilməsi və Prezidentin müvafiq Fərmanında nəzərdə tutulan digər məsələlər olub.Tədbirdə dövlət qurumlarının nümayəndələrinə görüləcək işlərlə bağlı təqdimat edilib, onlara bu sahədə beynəlxalq təcrübə və Azərbaycanda görüləcək işlərlə bağlı ətraflı məlumat verilib.Azərbaycan Rəqəmsal Ticarət Qovşağına inteqrasiya olunacaq dövlət orqanlarının informasiya resursları ilə real vaxt rejimində məlumat mübadiləsinin təşkil ediləcəyi bildirilib.xeber100.com

Mərkəzi Bankın 2016-cı ilin nəticələrinə əsasən…

"Azərbaycan Beynəlxalq Bankı" (ABB) Mərkəzi Bankın 2016-cı ilin nəticələrinə əsasən, ölkədəki banklar arasında keçirdiyi müsabiqədə "Elektron ticarətin inkişafında lider bank" və "Təmassız POS-terminal infrastrukturu üzrə lider bank" nominasiyalarının qaliblərindən olub.Bu barədə ABB-dən Azərtac-a verilən məlumatda bildirilir.2016-cı il ərzində "Azərbaycan Beynəlxalq Bankı"nın ödəniş kartları ilə 28 mindən çox əməliyyat yerinə yetirilib. Əməliyyatların ümumi dövriyyəsi 4 milyard manatdan artıq olub. Aktiv ödəniş kartlarının sayı hazırda 1 milyon 300 mindən çox olan bankın 763 ATM-i fəaliyyətdədir. Bu, Azərbaycanda ən böyük ATM şəbəkəsidir. Bundan başqa, müxtəlif ticarət və xidmət mərkəzlərində "Azərbaycan Beynəlxalq Bankı"nın 11300 POS-terminalı müştərilərin istifadəsindədir.Elektron xidmət infrastrukturunu inkişaf etdirməklə "Azərbaycan Beynəlxalq Bankı" ölkəmizdə nağdsız ödənişlərin genişlənməsinə töhfə verməyə çalışır. "VİSA PayWave" və "Mastercard PayPass" ödəniş texnologiyalarını dəstəkləyən təmassız ödəniş kartlarını ölkəmizdə ilk dəfə olaraq məhz "Azərbaycan Beynəlxalq Bankı" tətbiq etməyə başlayıb.Eyni zamanda, "VİSA İnternational" şirkəti ilə müştərək şəkildə "Sıfır məsuliyyət" (Zero liability) siyasətinin ölkəmizdə ilk dəfə tətbiqi də məhz "Azərbaycan Beynəlxalq Bankı"na məxsusdur.xeber100.com  

Dövlət Statistika Komitəsinin məlumatına görə…

Respublikada kənd təsərrüfatı sahəsində bitkiçilik məhsullarının əkininə başlanılıb.Dövlət Statistika Komitəsindən AzərtaC-a verilən məlumata görə, mart ayının 1-nə kimi 32,5 min hektar sahədə yazlıq bitkilər, o cümlədən 1,7 min hektar sahədə dənli və dənli paxlalılar, 8,9 min hektar sahədə kartof, 6,4 min hektar sahədə tərəvəz, 0,1 min hektar sahədə şəkər çuğunduru, 15,4 min hektar sahədə isə çoxillik otlar əkilib.xeber100.com