Neft Fondunun iştirakı ilə hərrac keçirilib

Martın 7-də Mərkəzi Bankda Dövlət Neft Fondunun da iştirakı ilə hərrac keçirilib.Mərkəzi Bankdan Azərtac-a bildiriblər ki, hərracda manatın orta çəkili məzənnəsi 1,7565 səviyyəsində formalaşıb.xeber100.com

“Snam”ın 2017-2021-ci illəri əhatə edən sərmayə planında…

İtaliyanın “Snam S.p.A.” təbii qaz infrastruktur şirkəti səhmdarı olduğu və Azərbaycan təbii qazının Avropaya nəqlini nəzərdə tutan “Trans-Adriatik” (TAP) qaz boru kəməri layihəsinə 270 milyon avro sərmayə yatıracaq.Azərtac şirkətə istinadən xəbər verir ki, bu barədə “Snam”ın 2017-2021-ci illəri əhatə edən sərmayə planında deyilir.Bildirilir ki, 2017-2021-ci illəri əhatə edən dövr ərzində “Snam” İtaliyanın qaz şəbəkəsini və Avropa infrastruktur sistemini daha da inkişaf etdirmək məqsədilə 4,7 milyard avro, TAP layihəsinə isə 270 milyon avro sərmayə yatıracaq.Xatırladaq ki, TAP-ın təməli keçən il mayın 17-də Yunanıstanın Saloniki şəhərində qoyulub. “Trans-Adriatik” qaz boru kəmərinin tikintisi üzrə işlərin təxminən 35 faizdən çoxu icra olunub. Layihənin ümumi dəyəri 4,5 milyard avro olacaq. Buraya 2009-cu ildən bəri davam edən dizayn və mühəndislik işləri də daxil edilib. “Şahdəniz” konsorsiumu ilk qaz satışını 2018-ci ilin sonunda Türkiyəyə və Gürcüstana həyata keçirəcək. Avropaya ilk qazın verilməsi isə bundan təxminən 1 il sonra 2020-ci ilin əvvəllərində planlaşdırılır. Bu ilin ilk rübündə layihə üzrə kompressor stansiyalarının tikintisinə də başlanılacaq. Boru kəmərinin dəniz hissəsi isə 2018-2019-cu illərdə inşa ediləcək.xeber100.com

“AtaBank”ın “Visa” plastik kart sahiblərinin diqqətinə…

“AtaBank”ın “Visa” plastik kart sahibləri martın 6-dan etibarən “Eurovision-2017” mahnı müsabiqəsinin bu ilin yarımfinal mərhələsinə VIP biletlər qazanmaq şansı əldə etmiş olurlar.Bankdan Azərtac-a bildiriblər ki, martın 6-dan aprelin 20-dək “AtaBank”ın istənilən “Visa” plastik kartı ilə nağdsız ödəniş aparan hər kəs “Biz eyni dalğadayıq” şüarı altında stimullaşdırıcı lotereyada iştirak etmək hüququ qazanır. Lotereyada 18 yaşına çatmış Azərbaycan Respublikasının vətəndaşları və ölkəmizdə daim yaşayan şəxslər iştirak edə bilər.Aksiyaya qoşulmaq üçün ilk olaraq “AtaBank”ın “Visa” kartları ilə Azərbaycan Respublikası ərazisində və ya ondan kənarda yerləşən istənilən alış-veriş və xidmət məntəqəsi, eləcə də internet üzərindən alınan məhsul və ya xidmətlər üzrə nağdsız əməliyyat aparmaq lazımdır.xeber100.com

“Azərbaycan Dəmir Yolları” QSC-nin məlumatı

Bakının Mehdi Mehdizadə küçəsində yerləşən dəmir yolu körpüsünün təmirinə başlanılıb.Azərtac xəbər verir ki, bu barədə “Azərbaycan Dəmir Yolları” QSC-nin ictimaiyyətlə əlaqələr şöbəsindən bildirilib.Belə ki, fevralın 22-də beton qarışdıran maşının sözügedən körpüyə çırpılması nəticəsində körpü qəzalı vəziyyətə düşüb. Martın 7-dən körpüdə əsaslı təmir işlərinə başlanıb, bununla əlaqədar həmin ərazidə nəqliyyatın hərəkətinə məhdudiyyət qoyulub.xeber100.com

“İnsan Resursları funksiyalarının transformasiyası”…

“Azneft” İstehsalat Birliyində (İB) İnsan Resurslarının transformasiyası layihəsinə start verilib.SOCAR-ın mətbuat xidmətindən Azərtac-a bildirilib ki, şirkətin baş ofisində “İnsan Resursları funksiyalarının transformasiyası” layihəsi ilə bağlı toplantı keçirilib. Qeyd olunub ki, 2016-cı ildən tətbiq olunan “Səriştəliklərin idarə edilməsi” alt layihəsinin pilot zonalar üzrə strukturlardan seçilmiş əməkdaşlar üçün biznes və sistem prosesləri ilə əlaqədar maarifləndirmə təliminə start verilir. Layihə qrupu üzvləri və “Azneft” İB-nin müvafiq rəhbər və mütəxəssislərinin iştirak etdiyi tədbirdə SOCAR-ın kadr, rejim və informasiya texnologiyaları üzrə vitse-prezidenti Xalik Məmmədov, yataqların işlənməsi üzrə vitse-prezident Yaşar Lətifov, kadr, rejim və informasiya texnologiyaları üzrə vitse-prezidentin müavini Asif Şəfəqqətov, “Azneft” İB-nin baş direktoru Daşqın İskəndərov, İnsan Resursları Departamentinin rəisi Asif Bəkirli, personal və əməkhaqqı şöbəsinin rəisi Qabil Musayev və SAP MDB-nin layihə meneceri İlya Kalaşnikov çıxış edib, layihənin SOCAR üçün əhəmiyyətindən danışılıb, görülmüş bir sıra işlər haqqında fikir mübadiləsi aparılıb.xeber100.com

“Bank of Baku” yeni kampaniyaya start verib

8 Mart – Beynəlxalq Qadınlar Günü ərəfəsində "Bank of Baku" xanımlara səkkiz gün davam edəcək 8 kampaniyaya start verib.Bankdan Azərtac-a bildiriblər ki, hər bir xanım müştərinin sevincinə səbəb olacaq bu kampaniyalardan "Bank of Baku"nun həm cari, həm də yeni müştəriləri faydalana bilər.Səkkiz kampaniyaya aşağıdakılar daxildir: 1. Gənc xanımlara "Bolkart Gənc" debet hədiyyə – yaşı 27-dək olan, "Bolkart Gənc" debet əldə etmək istəyən xanımlar kartı emissiya və 2 illik xidmət haqqı pulsuz olaraq əldə edə bilərlər; 2. "Bolkart Ailə" debet pulsuz – yaşı 27-dən yuxarı olan xanımlar "Bolkart Ailə" debet kartını emissiya və 2 illik xidmət haqqı pulsuz olaraq rəsmiləşdirəcəklər. "Bolkart Ailə" debet kartına sahib olan bəylər isə öz kartlarına bağlı ikinci kart əldə edərək xanımlarına hədiyyə edə bilərlər; 3. "İŞKART" debet pulsuz – xanım sahibkarlar və ya VÖEN hesabına malik vergi ödəyicisi olan hər bir xanıma kart 1 və ya 2 illik hədiyyə edilir; 4. Nağd pul kreditlərinə 0 faiz komissiya – 5 min manatadək nağd pul krediti üçün müraciət edən xanım müştərilərə komissiya faizi hədiyyə; 5. Xanım sahibkarlar üçün əməkhaqqı layihəsi üzrə ayrılan plastik kartlar pulsuz; 6. "Bolkart Gənc" və "Bolkart Ailə" kredit kartlarının 1-ci il xidmət haqqı pulsuz; 7. "Bolkart" kredit kartları ilə 3 və ya 6 aya ödəmə tərəfdaşlarında 8 aya ödəmək imkanı – 8 taksit kampaniyası yalnız geyim, parfümeriya, aksesuar, telefon və məişət avadanlıqları satılan mağazalarda keçərlidir; 8. "Lider" və "Monex" təcili pul köçürmələri üzrə 50 faiz endirim. Bayram ərəfəsində xanımları təbrik etmək istəyən bəylər də bu kampaniyalardan bəhrələnərək xanımlarına sərfəli şərtlərlə hədiyyə əldə edə biləcəklər.xeber100.com  

“East İnvest 2” Şərq Tərəfdaşlıq proqramı çərçivəsində…

Azərbaycanda "Avropa üçün biznes həftəsi" başlayır."East İnvest 2" Şərq Tərəfdaşlıq proqramı çərçivəsində martın 6-dan 10-dək Bakıda biznesə dəstək təşkilatları, sahibkarlar və biznes assosiasiyaları üçün bir sıra işgüzar tədbirlər təşkil olunacaq. Bu tədbirlər silsiləsi Azərbaycan biznes assosiasiyalarını və sahibkarlığı dəstəkləyən təşkilatları ictimai-özəl sektor dialoqu layihəsində iştirak etməyə, kiçik və orta müəssisələrin inkişafına dəstək verməyə yönəldilib.Azərtac xəbər verir ki, bu barədə layihənin idarəetmə komandasının nümayəndəsi Kristian Gessl martın 6-da Bakıda keçirilən "Avropa üçün biznes həftəsi"nə həsr olunmuş tədbirdə deyib.Qeyd edilib ki, həftə biznes assosiasiyaları və sahibkarlığı dəstəkləyən təşkilatlar üçün cari texniki və maliyyə yardım proqramlarının təqdimatına yönələn, eləcə də donor təşkilatların və kiçik və orta müəssisələr arasındakı şəbəkənin qurulmasını asanlaşdıran Donor Forumu ilə başlayacaq. Şərq Tərəfdaşlığı proqramı Polşa və İsveçin Avropa İttifaqının qonşuluq siyasəti çərçivəsində MDB ölkələri ilə münasibətlərinin yaxşılaşdırılmasına yönəldilmiş təşəbbüsdür.xeber100.com

“Azərenerji” ASC-nin məlumatına görə…

2017-ci ilin fevral ayında ölkə enerjisi sistemində 1, 937 milyard kilovat-saat elektrik enerjisi istehsal edilib.“Azərenerji” ASC-nin ictimaiyyətlə əlaqələr və mətbuat xidmətindən Azərtac-a bildirilib ki, ASC tərəfindən istehsal edilən elektrik enerjisinin həcmi 1, 908 milyard kilovat-saat olub.Bununla yanaşı, ay ərzində ölkə enerji sisteminin əlaqəsi olan qonşu dövlətlərlə elektrik enerjisi mübadiləsi qarşılıqlı şəkildə davam etdirilib.Qeyd edək ki, ötən ilin fevral ayı üzrə ölkə enerji sistemində elektrik enerjisi istehsalı 1, 905, “Azərenerji” ASC-də isə 1,876 milyard kilovat-saat olub.xeber100.com

Rusiya ilə Azərbaycan arasında əmtəə dövriyyəsi…

Rusiya ilə Azərbaycan arasında ticari-iqtisadi əməkdaşlıq uğurla inkişaf edir. 2016-cı ilin yekunların görə, Rusiya ilə Azərbaycan arasında əmtəə dövriyyəsi 1954,4 milyon dollar olub. Azərbaycana Rusiyadan ixrac 1508,1 milyon dollar, idxal 446,3 milyon dollar təşkil edib.Azərtac xəbər verir ki, bu barədə məlumat Rusiya Xarici İşlər Nazirliyinin informasiya və mətbuat departamentinin Azərbaycanın xarici işlər naziri Elmar Məmmədyarovun Rusiya Federasiyasına səfəri ilə əlaqədar şərhində yer alıb.İqtisadi əməkdaşlıq üzrə Hökumətlərarası Komissiyanın 2016-cı il dekabrın 16-da Bakıda keçirilmiş 16-cı iclasının qərarlarının reallaşdırılması istiqamətində fəal iş aparılır.Regionlararası əməkdaşlıq Rusiya ilə Azərbaycan arasında qarşılıqlı əlaqələrin mühüm tərkib hissəsidir. Hazırda Azərbaycan Respublikası ilə xarici ticarət fəaliyyətinə Rusiya Federasiyasının əksər regionlarında fəaliyyət göstərən 600-dək müəssisə və təşkilat cəlb edilib. Onlardan 17-si Azərbaycanla əməkdaşlıq haqqında saziş bağlayıb. Rusiya ilə Azərbaycan arasında hər il keçirilən regionlararası forum özünü doğruldur və bu praktikanın gələcəkdə də davam etdirilməsi nəzərdə tutulur.xeber100.com

Əməkdaşlıq haqqında müqavilə imzalanıb

Nəqliyyat, Rabitə və Yüksək Texnologiyalar Nazirliyinin nəzdində fəaliyyət göstərən “AzInTelecom” MMC yerli onlayn ödənişlər bazarında ən böyük şirkət olan “GoldenPay” ASC ilə əməkdaşlıq haqqında müqavilə imzalayıb.Nazirlikdən Azərtac-a bildirilib ki, yeni nəsil telekommunikasiya şirkəti olmaq və müştərilərinə yüksəkkeyfiyyətli xidmət göstərməyi özünə hədəf seçən “AzInTelecom” istifadəyə verilmiş TIER III və İSO 20000 beynəlxalq sertifikatlarına malik Data Mərkəzində bulud texnologiyalarına əsaslanan “İnfrastruktur xidmət kimi” (IaaS) həllər (virtual şəbəkə, virtual saxlama, virtual infrastruktur, “backup” və digər) təklif edir.Artıq bu həllər yerli və xarici şirkətlərin marağına səbəb olub.Bundan əlavə, hazırkı müqavilə ilə “Goldenpay” texniki avadanlıq və proqram təminatlarının alınması, quraşdırılması, texniki istismarı üçün vəsait xərcləmədən etibarlı infrastruktur əldə edəcək. Bu da öz növbəsində, digər maliyyə xərclərinə və vaxt itkilərinə qənaət olunmasına imkan yaradacaq.xeber100.com