“AzəriLayt” markalı neftin qiyməti bahalaşıb

Azərbaycan neftinin qiyməti bahalaşmaqda davam edir.Azərtac xəbər verir ki, “AzəriLayt” markalı neftin bir barrelinin qiyməti 0,04 dollar bahalaşaraq 58,08 dollar təşkil edib.xeber100.com

Maliyyə Bazarlarına Nəzarət Palatasının məlumatı

Maliyyə Bazarlarına Nəzarət Palatasından Azərtac-a bildirilib ki, Azərbaycanda fəaliyyət göstərən 32 bankın 2016-cı il 31 dekabr tarixinə cəmi aktivləri 31,439.5 milyon manat, cəmi öhdəlikləri 29,530.7 milyon manat təşkil edib. Sektorun balans kapitalı 1,908.8 milyon manatdır. Əhalinin əmanətləri 7432.1 milyon manat həcmindədir.Bu banklardan ikisi dövlət bankıdır. Xarici kapitallı bankların sayı 15, o cümlədən xarici bankların yerli filiallarının sayı 2-dir. Bankların filiallarının sayı 569, şöbələrinin sayı 131, ATM-lərin sayı 2461-dir. Bütövlükdə, bank sektorunun işçi heyəti 16 947 nəfər təşkil edir.Maliyyə bazarlarının digər iştirakçıları olan bank olmayan kredit təşkilatlarının (BOKT) sayı 144, o cümlədən kredit ittifaqlarının sayı 97-dir. BOKT-nin işçi heyəti 2 657 nəfər təşkil edir.xeber100.com

Təbii qaz təchizatında məhdudiyyətlər olacaq

İstehlakçıların qaz təchizatının yaxşılaşdırılması məqsədilə yeni çəkilmiş qaz xətlərinin qaz təchizatı mənbəyinə birləşdirilməsi, qaz xətlərində və üzərində quraşdırılmış avadanlıqlarda aparılacaq təmir işləri, qaz təchizatı şəbəkəsində aşkar edilmiş qaz sızmalarının ləğv edilməsi ilə bağlı nəzərdə tutulan işlərin icrası ilə əlaqədar fevralın 6-da saat 09:00 dan 18:00-dək Sabunçu rayonunun Bakıxanov, Maştağa və Sabunçu qəsəbələrində, Xəzər rayonunun Binə və Qala qəsəbələrində, eləcə də Gəncə və Sumqayıt şəhərlərinin bir hissəsinin təbii qaz təchizatında məhdudiyyətlər yaranacaq.“Azəriqaz” İstehsalat Birliyinin ictimaiyyətlə əlaqələr şöbəsindən Azərtac-a bildirilib ki, aparılan işlər gün ərzində yekunlaşdırılaraq təbii qazın verilişində yaranan fasilələr aradan qaldırılacaq.“Azəriqaz” yaranmış məhdudiyyətlə bağlı bütün istehlakçılardan təbii qazdan istifadə zamanı xüsusilə diqqətli olmalarını və texniki təhlükəsizlik qaydalarına riayət edilməsini xahiş edir.xeber100.com

Mənzil Mülkiyyətçiləri Müştərək Cəmiyyəti yaradılıb

İndiyədək 40-dək Mənzil Mülkiyyətçiləri Müştərək Cəmiyyəti (MMMC) yaradılıb.İqtisadiyyat Nazirliyinin mətbuat xidmətindən Azərtac-a bildirilib ki, nazirlik tərəfindən ölkənin şəhər və rayonlarında çoxmənzilli binalarda yeni idarəetmə üsullarının tətbiqi, eləcə də yeni MMMC-lərin yaradılması ilə bağlı tədbirlər həyata keçirilir.Mənzil-kommunal sahəsində yeni münasibətlərin təbliği, çoxmənzilli binaların idarə olunmasının yeni metodlarının tətbiqi və digər məsələlərin müzakirəsi məqsədilə yerli icra hakimiyyəti orqanları və bələdiyyələrin nümayəndələrinin iştirakı ilə görüşlər təşkil edilir, maarifləndirici broşürlər və materiallar paylanılır. Bununla yanaşı, yeni idarəetmə üsullarının tətbiqinə maraq göstərən sahə mülkiyyətçiləri İqtisadiyyat Nazirliyində olur və onlara MMMC-lərin yaradılması ilə bağlı hüquqi-təşkilati köməklik göstərilir.Ümumiyyətlə, həyata keçirilən maarifləndirmə və təbliğat işlərinin nəticəsi olaraq, indiyədək 40-dək MMMC yaradılıb və Ədliyyə Nazirliyi tərəfindən dövlət qeydiyyatına alınıb.Paytaxt üzrə ən çox MMMC Binəqədi, Yasamal və Nəsimi rayonlarında yaradılıb. Abşeron rayonu üzrə isə artıq 2 MMMC qeydiyyatdan keçib.xeber100.com

“Azərbaycan Hava Yolları”-nın məlumatına görə…

“Azərbaycan Hava Yolları” QSC-nin (AZAL) Bakı-Naxçıvan-Bakı marşrutu ilə hər gün həyata keçirdiyi aviareyslərin sayı fevral ayından 6-dan 4-ə qədər azaldılıb.AZAL-ın mətbuat katibi Paşa Kəsəmənskinin Azərtac-a verdiyi məlumata görə, buna səbəb tələbatın az olmasıdır. “Sərnişinlərin sayı artarsa, tələbat yaranarsa, uçuşların sayı yenidən artırılacaq”, - deyə AZAL rəsmisi bildirib.xeber100.com

Nəqliyyat Agentliyinin məlumatı

Nəqliyyat sahəsində bir sıra problemləri həll etmək üçün sürücü bazası yaratmaq lazımdır.Azərtac xəbər verir ki, bu sözləri Bakı Nəqliyyat Agentliyinin baş direktorunun müşaviri Mübariz Abbasov deyib.O bildirib ki, araşdırmalar onu göstərir ki, nəqliyyat sahəsində hələ də həllini tapmamış problemlər var.M.Abbasovun sözlərinə görə, son zamanlar baş verən yol nəqliyyat hadisələri bir çox daşıyıcıların istehsalat bazasının olmamasını göstərir. Bu, avtobusların texniki baxışının, sürücülərin tibbi müayinəsinin həyata keçirilmədiyini göstərir.M.Abbasov qeyd edib ki, bəzi daşıyıcılar hətta 8 saat əvəzinə 14-15 saat sürücüləri çalışdırır. Bu kimi halların aradan qaldırılması üçün sürücü bazası yaradılmalıdır.xeber100.com

Neft Fondunun da iştirakı ilə hərrac keçirilib

Fevralın 2-də Mərkəzi Bankda Dövlət Neft Fondunun da iştirakı ilə hərrac keçirilib.Bankdan Azərtac-a bildirilib ki, hərracda manatın orta çəkili məzənnəsi 1,9111 səviyyəsində formalaşıb.xeber100.com

Federal Ehtiyatlar Sisteminin iclası keçirilib

Fevralın 1-də ABŞ-ın Federal Ehtiyatlar Sisteminin (FED) iclası keçirilib. “lemonde.fr” saytı bildirir ki, iclasda FED uçot dərəcəsini 0,50-0,75 səviyyəsində saxlamaq barədə qərar qəbul edib.Qeyd edək ki, ötən il dekabrın 14-də FED uçot dərəcəsini 0,5-0,75% artırmışdı.xeber100.com

Azərsu” ASC-nin məlumatına görə…

Martın 14-18-də Bakıda “Su nəinki həyat mənbəyidir, hətta həyatın özüdür” devizi altında Birinci Bakı Beynəlxalq Su Həftəsi keçiriləcək.“Azərsu” ASC-nin mətbuat xidmətindən Azərtac-a bildirilib ki, bu tədbir qlobal miqyasda əsas çağırışlardan sayılan insanların keyfiyyətli və davamlı olaraq sudan istifadəsinin təmin edilməsi, su çatışmazlığı ilə bağlı təhdidlərin aradan qaldırılması, ətraf mühit və ekoloji vəziyyətin, iqlim dəyişiklikləri, quraqlıq kimi məsələlərin ətraflı və çoxşaxəli müzakirəsi, çıxış yollarının müəyyənləşdirilməsi baxımından böyük əhəmiyyət kəsb edir.Azərbaycan hökumətinin dəstəyi və Dünya Su Şurasının yaxından iştirakı ilə keçiriləcək su həftəsinə dünyanın 40-dan çox ölkəsindən, beynəlxalq və regional təşkilatlardan, nüfuzlu elm mərkəzlərindən alimlər və mütəxəssislər qatılacaq.xeber100.com

“Azərişıq” Açıq Səhmdar Cəmiyyətinin məlumatı

“Azərişıq” Açıq Səhmdar Cəmiyyəti (ASC) tərəfindən 2017-ci ildə paylayıcı elektrik şəbəkələrində 15 ədəd 110 kilovoltluq və 46 ədəd 35 kilovoltluq yarımstansiyaların, minlərlə kilometr hava və kabel xətlərinin əsaslı təmiri və tikintisi nəzərdə tutulur.Bu barədə Azərtac-a “Azərişıq” ASC-nin mətbuat xidmətinin rəhbəri T.Mustafayev deyib.T.Mustafayev vurğulayıb ki, “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrasının üçüncü ilinin yekunlarına həsr olunan konfransda Prezident İlham Əliyev “Azərişıq” ASC-nin qarşısında bir sıra vəzifələr qoyub. Dövlət başçısının tapşırığına əsasən, “Azərişıq” tərəfindən bütün bölgələrdə elektrik təsərrüfatının təkmilləşdirilməsi, yeni xətlərin çəkilməsi, bütün regionların dayanıqlı enerji ilə təmin edilməsi üçün əlavə tədbirlər görülməli, yeni yarımstansiyalar, transformatorlar quraşdırılmalıdır.Bakı şəhəri və ətraf qəsəbələrin, o cümlədən regionların elektrik şəbəkələrində görüləcək işlər barədə məlumat verən T.Mustafayev bildirib ki, cari ildə “Azərişıq” ASC tərəfindən 15 ədəd 110 kilovoltluq (kV) yarımstansiyanın tikintisi planlaşdırılır ki, onlardan 12-si əsaslı təmir ediləcək, 3-ü isə yenidən inşa olunacaq. On beş yarımstansiyadan 4-ü Bakı, 1-i Gəncə şəhərlərində, qalanları isə müvafiq olaraq Salyan, Cəlilabad, Biləsuvar, Ağcabədi, Sabirabad, Göygöl, Goranboy, Qax və Neftçala rayonları ərazisindədir.xeber100.com