Dövlət Statistika Komitəsinin məlumatına görə…

2016-cı ilin dekabr ayında nəqliyyat xidmətlərinin qiymətləri əvvəlki ayla müqayisədə 2,5 faiz, o cümlədən yükdaşıma xidmətlərinin qiymətləri 2,6 faiz, sərnişindaşıma xidmətlərinin qiymətləri isə 2,2 faiz bahalaşıb.Dövlət Statistika Komitəsindən Azərtac-a bildirilib ki, ay ərzində poçt və kuryer xidmətlərinin qiymətləri 0,2 faiz bahalaşıb, rabitə xidmətlərinin qiymətlərində isə əvvəlki ayla müqayisədə dəyişiklik müşahidə olunmayıb.xeber100.com

Dünya birjalarında neftin qiyməti ucuzlaşıb

Dünya birjalarında neftin qiyməti yenidən ucuzlaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,61 dollar ucuzlaşaraq 53,17 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,72 dollar azalaraq 55,52 dollar olub.xeber100.com

“AzəriLayt” markalı neftin qiyməti…

Azərbaycan neftinin qiyməti ucuzlaşıb.Azərtac xəbər verir ki, “AzəriLayt” markalı neftin bir barrelinin qiyməti 1,10 dollar ucuzlaşaraq 55,81 dollar təşkil edib.xeber100.com

Vergi orqanlarında işə qəbul üzrə müsabiqə elan edilib

Yanvarın 28-də Vergilər Nazirliyi Dövlət İmtahan Mərkəzi ilə birlikdə vergi orqanlarında işə qəbulla bağlı test imtahanı keçirib və ərazi vergi orqanlarında vakant vəzifələrə işə qəbul üzrə növbəti müsabiqə elan edib.Nazirliyin Media və Kommunikasiya Mərkəzindən Azərtac-a bildirilib ki, müsabiqəyə sənəd qəbulu 2017-ci ilin yanvarın 5-dən 18-dək elektron ərizə formasında aparılıb. Müsabiqə elanı KİV-də, o cümlədən Vergilər Nazirliyinin rəsmi internet saytında, habelə “Facebook” və digər sosial səhifələrdə yerləşdirilərək ictimaiyyətə açıq elan edilib.Elanda sənəd qəbulu, müsabiqənin keçirilməsi şərtləri və qaydaları barədə ətraflı məlumat öz əksini tapıb. Test imtahanına namizədlərin daha yaxşı hazırlaşmasına imkan yaratmaq məqsədilə istifadə olunan sualların tərtib edildiyi ədəbiyyat siyahısı nazirliyin internet saytı vasitəsilə namizədlərə çatdırılıb.xeber100.com

Mərkəzi Bankın məlumatına görə…

Yanvarın 26-da Bakı Fond Birjasında Azərbaycan Respublikasının Mərkəzi Bankının 50100453S saylı dövlət qeydiyyatından keçmiş ümumi həcmi – 25 milyon manat, bir notun nominal dəyəri – 100 manat, tədavül müddəti – 28 gün olan qısamüddətli notlarının yerləşdirilməsi üzrə hərrac keçirilib.Mərkəzi Bankdan Azərtac-a bildiriblər ki, hərrac zamanı 4 investor tərəfindən 5 sifariş təqdim olunub. Sifarişlərin nominal üzrə ümumi məbləği 53,033,900.00 manat təşkil edib.Notların nominal üzrə reallaşdırılmış həcmi 25 milyon manat məbləğində müəyyən edilib.Notların ödəmə tarixi fevralın 23-dür.xeber100.com

Şimali Qafqazın İnkişafı Korporasiyasının məlumatı

Həştərxan vilayəti Xəzər Nəqliyyat-Logistika kompleksi layihəsinin hazırlanmasında iştirak etmək üçün RF-nin Şimali Qafqaz Məsələləri üzrə Nazirliyi nəzdində işçi qrupun tərkibinə daxil olacaq.Azərtac Şimali Qafqazın İnkişafı Korporasiyasının (ŞQİK) rəsmi saytına istinadla xəbər verir ki, bu barədə RF-nin Şimali Qafqaz Məsələləri üzrə nazirinin birinci müavini, “ŞQİK” Səhmdar Cəmiyyətinin Direktorlar Şurasının sədri Odes Baysultanovla Həştərxan vilayətinin qubernatoru Aleksandr Jilkinin görüşündə razılaşma əldə edilib.O.Baysultanov deyib: “Hazırda Xəzər hövzəsindəki dəniz limanlarının inkişafı strategiyası üzərində iş gedir. Biz həmin strategiyanı Rusiya hökumətinə təqdim etməliyik. Həştərxan vilayətinin bu layihədə iştirak etməsi ölkə üçün çox vacibdir. Həştərxan limanlarının öz üstünlükləri var. Həştərxan həm də Rusiyanın cənub darvazası deməkdir”.A.Jilkin də öz növbəsində, Yaxın Şərqdən, Afrikadan və Cənub-Şərqi Asiyadan olan ticarət tərəfdaşları ilə əməkdaşlığın inkişaf etdirilməsi üçün birgə fəaliyyətin zəruri olduğunu vurğulayıb.Qubernator deyib: “Biz “Şimal-Cənub” beynəlxalq nəqliyyat dəhlizinin inkişafına ümid bəsləyirik. Xəzər dənizi boyunca qonşularımızın və Hindistanın fəallaşacağını gözləyirik. Perspektivdə 25-30 milyon ton yük aşırılacağını proqnozlaşdırırıq. Həştərxan limanları təkbaşına bu işin öhdəsindən gələ bilməzlər. Buna görə də Xəzərdəki bütün Rusiya limanlarının fəaliyyətinin ölkə səviyyəsində əlaqələndirilməsi zəruridir”.xeber100.com

“Layt” markalı neft bahalaşıb

Dünya birjalarında neftin qiyməti yenidən bahalaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 1,03 dollar bahalaşaraq 53,78 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 1,16 dollar artaraq 56,24 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 0,86 dollar bahalaşaraq 56,91 dollar təşkil edib.xeber100.com

Dünya birjalarında neftin qiyməti…

Dünya birjalarında neftin qiyməti yenidən ucuzlaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,43 dollar ucuzlaşaraq 52,75 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,36 dollar azalaraq 55,08 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 0,16 dollar ucuzlaşaraq 56,05 dollar təşkil edib.xeber100.com

Bakı Fond Birjasının məlumatı

Yanvarın 27-də Bakı Fond Birjasında (BFB) “Azərbaycan İpoteka Fondu” ASC–nin (AİF) AZ2010008681 dövlət qeydiyyat nömrəli, faizli adlı sənədsiz təmin edilmiş istiqrazlarının kütləvi təklif qaydasında yerləşdirilməsi üzrə ilk hərrac keçiriləcək.Bakı Fond Birjasından Azərtac-a verilən məlumata görə, istiqrazların buraxılış şərtlərinə əsasən, bir istiqrazın satış qiyməti 1000 AZN təşkil edəcək. Təqdim edilmiş sifarişlər təklifdən çox olduğu halda sifarişlər mütənasib qaydada təmin ediləcək.AİF-in təmin edilmiş istiqrazlarının emissiya prospekti Bakı Fond Birjasının internet saytının (www.bfb.az) “Emitentlər” bölməsində yerləşdirilib.BFB-də ticarətdə iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər. Birja üzvlərinin əlaqə vasitələri BFB-nin internet saytının (www.bfb.az) “Üzvlər” bölməsində yerləşdirilib.xeber100.com

Beynəlxalq Gömrükçülər Günü”nə həsr olunmuş konfrans keçirilib

Yanvarın 26-da Tbilisidə “Beynəlxalq Gömrükçülər Günü”nə həsr olunmuş beynəlxalq konfrans keçirilib.“Gömrük nəzarətində səmərəli fəaliyyəti təmin etmək üçün məlumatların analizi” devizi altında keçirilən tədbirdə Dünya Gömrük Təşkilatından, Azərbaycan, Gürcüstan, Türkiyə, Moldova, Ukrayna və İtaliyadan 180-dək nümayəndə iştirak edib.Konfransda Gürcüstan Baş nazirinin müavini, maliyyə naziri Dmitri Kumsişvili, Dövlət Gəlirləri Xidmətinin rəisi Qeorqi Tabuaşvili, həmçinin Azərbaycan, Ukrayna, Türkiyə və digər ölkələrin gömrük administrasiyalarının məsul işçiləri çıxış edib, təbriklərini çatdırıb, gömrük xidməti orqanlarının işinin təkmilləşdirilməsi istiqamətində görülən işlərdən danışıblar.Bildirilib ki, beynəlxalq terrorizm, silah qaçaqmalçılığı, narkotiklərin qanunsuz dövriyyəsinə qarşı mübarizə sahəsində gömrük orqanları arasında birgə əməkdaşlıq çox böyük fayda gətirir. Bu əməkdaşlığın daha da genişləndirilməsinin vacibliyi vurğulanıb.Konfransda gömrük nəzarəti sistemlərinin təkmilləşdirilməsi, gömrük orqanları işçilərinin fəaliyyətinin səmərəliliyinin artırılması, bu sahədə birgə əməkdaşlıq, informasiya, təcrübə mübadiləsi və s. məsələlər geniş müzakirə olunub.Tədbir çərçivəsində bir sıra ikitərəfli görüşlər də keçirilib.xeber100.com