Vergilər Nazirliyinin məlumatı

Yanvar ayında vergi daxilolmaları üzrə büdcə tapşırıqları tam həcmdə icra olunub.Bu barədə Azərtac-a Vergilər Nazirliyinin mətbuat xidmətindən bildirilib.2017-ci ilin yanvar ayı ərzində vergiödəyiciləri tərəfindən dövlət büdcəsinə 544 milyon 849,2 min manat məbləğində vəsait ödənilib və proqnoz tapşırıqlarına 112 faiz əməl olunub.xeber100.com

“Azərsu” ASC-nin məlumatına görə…

Bakının bəzi rayonlarında içməli suyun verilməsində məhdudiyyətlər olacaq.“Azərsu” ASC-nin mətbuat xidmətindən Azərtac-a bildirilib ki, Bakı şəhəri Yasamal rayonu Həsən bəy Zərdabi küçəsi ilə Akim Abbasov küçələrinin kəsişməsində 700 millimetr diametrli magistral su kəmərində baş vermiş qəzanın aradan qaldırılması ilə əlaqədar fevralın 11-də gün ərzində Yasamal və Səbail rayonlarının bəzi ərazilərinə içməli suyun verilməsində məhdudiyyətlər olacaq.xeber100.com

Əməkdaşlıq haqqında memorandum imzalanıb

Qaqauziya İcraiyyə Komitəsi Türkiyə-Azərbaycan İş Adamları Birliyi ilə əməkdaşlıq haqqında memorandum imzalayıb.“Moldovaİnform” agentliyi xəbər verir ki, Azərbaycan-Türkiyə İş Adamları Birliyi idarə heyətinin sədri Cemal Yanqın başda olmaqla bu təşkilatın nümayəndə heyəti Qaqauz Muxtar Yerində səfərdədir.İşgüzar nümayəndə heyəti Komratda başqan İrina Vlax ilə görüşüb. Tərəflər iqtisadiyyat sahəsində əməkdaşlığa dair çoxsaylı məsələləri müzakirə ediblər. Cemal Yanqın qeyd edib ki, Türkiyə-Azərbaycan İş Adamları Birliyinin fəaliyyətə başlamasından 15 ildən çox keçib. Bu səfərin məqsədi iqtisadiyyatın hansı sahələrinin ticarət və sərmayəqoyma üçün daha məqbul olduğunu öyrənməkdir.xeber100.com

Əmlak Məsələləri Dövlət Komitəsinin məlumatı

Əmlak Məsələləri Dövlət Komitəsinin əmlakın qeydiyyatı xidmətlərini maksimum əlçatan edən “Kütləvi çıxarış” kampaniyası respublikanın bütün regionlarında olduğu kimi, paytaxt rayonlarında da davam etdirilir.Komitənin mətbuat xidmətindən Azərtac-a bildirilib ki, bu tədbirlər komitənin sosial layihələri qeyd olunan sahədə göstərilən ictimai xidmətlərdən məmnunluq səviyyəsinin artmasına səbəb olur. Kampaniya regionlarda vətəndaşlara xidmət göstərməklə yanaşı, paytaxtda və respublikanın digər şəhərlərində inşa edilmiş çoxmərtəbəli binalarda mənzil sahibi olan sakinlər üçün də təşkil olunur.Əmlak Məsələləri Dövlət Komitəsi tərəfindən fevralın 11-də keçirilən növbəti “Kütləvi çıxarış” kampaniyasından Sabunçu rayonunun, Bakıxanov qəsəbəsi, Sakit Qocayev küçəsi ünvanında yerləşən 5 girişli “Bakıxanov Residence I” yaşayış kompleksinin 360 mənzilli binada yaşayan sakinlər faydalanıb.xeber100.com

Mərkəzi Bank rəsmi məzənnəni açıqlayıb

Azərbaycan Mərkəzi Bankı (AMB) fevralın 13-nə olan USD/AZN rəsmi məzənnəsini açıqlayıb.AMB-dən "Apa-Economics"ə verilən məlumata görə, USD/AZN rəsmi məzənnəsi 1,7301 səviyyəsində müəyyən olunub.xeber100.com

Dövlət Gömrük Komitəsinin məlumatına görə…

Azərbaycan və İran gömrük xidmətləri arasında qarşılıqlı məlumat mübadiləsi məsələləri müzakirə edilib.Dövlət Gömrük Komitəsinin mətbuat xidmətindən Azərtac-a bildirilib ki, fikir mübadiləsi İran İslam Respublikasının Biləsuvar şəhərində İran İslam Respublikası və Azərbaycan Respublikası gömrük xidmətlərinin nümayəndələri arasında görüş zamanı aparılıb.Tədbir Azərbaycan Respublikası Dövlət Gömrük Komitəsi və İran İslam Respublikası Mərkəzi Gömrük İdarəsi arasında imzalanmış Anlaşma Memorandumuna əsasən baş tutub.Görüşdə Azərbaycan və İran arasında mövcud əlaqələrə toxunulub, eyni zamanda iki ölkənin gömrük xidmətləri arasında mütəmadi görüşlərin keçirilməsinin əhəmiyyəti vurğulanıb. İkitərəfli danışıqlar nəticəsində qarşılıqlı maraq doğuran məsələlərin müzakirəsinə və həll edilməsinə əlverişli şərait yarandığı bildirilib.Sonra Azərbaycan və İran gömrük xidmətləri arasında qarşılıqlı məlumat mübadiləsi məsələləri müzakirə edilib, həmçinin Azərbaycan və İran gömrük-keçid məntəqələri arasında cari məsələlərlə bağlı fikir mübadiləsi aparılıb.xeber100.com    

“Bakı Metropoliteni” QSC-nin məlumatı

Bakı Metropoliteninin “Xalqlar Dostluğu” stansiyasının hər iki keçidində təmir işlərinə başlanılıb.Bu barədə “Bakı Metropoliteni” QSC-nin mətbuat xidmətinin rəhbəri Nəsimi Paşayev Azərtac-a bildirib.“Xalqlar Dostluğu” metro stansiyasının hər iki keçidində təmir işləri gedir. Təmir prosesində keçidin divar və yerdəki mərmər üzlükləri dəyişdiriləcək. Bundan başqa, keçidlərdə mövcud olan bütün kommunikasiya xətləri yenilənəcək.N.Paşayevin sözlərinə görə, keçidlərdə yalnız təmir işlərinin aparıldığı hissələr bağlanıb, sərnişinlərin giriş və çıxışına heç bir məhdudiyyət qoyulmayıb. Təmir işləri təxminən 2-3 ay davam edəcək.xeber100.com

Elektron qaimə-fakturaların tətbiqi…

Vergi Məcəlləsinə edilmiş əlavə və dəyişikliklərdən biri də elektron qaimə-fakturaların tətbiqidir. Bu isə vergi nəzarətinin daha da təkmilləşdirilməsinə səbəb olacaq.Azərtac “vergiler.az” saytına istinadla bildirir ki, bu barədə iqtisadçı Rəşad Əliyev açıqlama verib.Ekspert qeyd edib ki, “E-qaimə-faktura vergiödəyiciləri üçün kağız formasında olan sənədləşdirmənin məhdudlaşdırılmasına, alış-veriş əməliyyatlarının elektron qaydada həyata keçirilməsinə şərait yaradacaq.R.Əliyevin sözlərinə görə, yeni dəyişiklik vergiödəyicilərini əlavə vergi hesablanmasından və sanksiyalardan qoruyur: “Bu sistemin tətbiqi biznes sektoru üçün risklərin qarşısını alacaq, onların vergi öhdəliklərini müəyyən etmələrinə imkan verəcək. Məsələn, sahibkar 10 milyon manatlıq sövdələşmə həyata keçirmək istədiyi zaman, gələcəkdə yarana biləcək öhdəliklərini vergi orqanının iştirakı ilə qabaqcadan müəyyən edəcək. Bu isə əməliyyatların daha rahat və asan aparılmasına şərait yaradacaq”.Qaimə-fakturaların tətbiqi bu ilin aprelində nəzərdə tutulur.xeber100.com

Rabitə və Yüksək Texnologiyalar Nazirliyi tərəfindən…

Rabitə və Yüksək Texnologiyalar Nazirliyi tərəfindən Bakıdakı 1 saylı poçt filialında fəaliyyətə başlayan ilk "Şəbəkə" xidmət mərkəzində vətəndaşlara fasiləsiz olaraq həftənin bütün günlərində səhər saat 9-dan axşam saat 8-dək xidmət göstəriləcək.Azərtac xəbər verir ki, bu barədə jurnalistlərə müsahibəsində “Şəbəkə” xidmət mərkəzinin əlaqələndiricisi Ceyhun Əliyev məlumat verib.Bildirilib ki, nazirliyin qurumları tərəfindən vətəndaşlara göstərilən xidmətlər poçt və telekommunikasiya binalarında yaradılan yeni xidmət mərkəzlərində təqdim ediləcək. İlk “Şəbəkə” xidmət mərkəzi Üzeyir Hacıbəyli 36 ünvanında yerləşən 1 saylı poçt filialında istifadəyə verilib. Sahəsi 500 kvadratmetrdən çox olan mərkəz müasir standartlara uyğun əsaslı təmir olunub.xeber100.com

“Zenith Energy Ltd.” şirkətinin məlumatı

Kanadanın “Zenith Energy Ltd.” şirkətinin törəməsi “Zenith Aran Oil Company Limited” tərəfindən Azərbaycanın quruda yerləşən “Muradxanlı”, “Cəfərli” və “Zərdab” neft yataqlarının daxil olduğu blokdakı “M-195” quyusunun əsaslı təmirinə başlanılıb.Azərtac xəbər verir ki, bu barədə şirkətin məlumatında deyilir. Bildirilir ki, Muradxanlıdakı “M-195” və “M-45” şirkətin “Muradxanlı”, “Cəfərli” və “Zərdab” yataqlar blokunda geoloji-texniki tədbirləri nəzərdə tutan proqramı üzrə təmiri planlaşdırılan ilk iki quyudur.Xatırladaq ki, keçən ilin avqustunda “Muradxanlı”, “Cəfərli” və “Zərdab” neft yataqlarının daxil olduğu blokdan hasilatın pay bölgüsü sazişi çərçivəsində ilk neft hasil olunub.Qeyd edək ki, 2016-cı il martın 16-da SOCAR və “Zenith Aran Oil Company Limited” şirkətləri arasında “Muradxanlı”, “Cəfərli” və “Zərdab” neft yataqlarının daxil olduğu blokun bərpası, kəşfiyyatı, işlənməsi və hasilatın pay bölgüsü haqqında saziş imzalanıb. Sazişi SOCAR-ın prezidenti Rövnəq Abdullayev və “Zenith Aran Oil Company Limited” şirkətinin baş icraçı direktoru Andrea Kattaneo imzalayıblar.xeber100.com