“Azərbaycan Dəmir Yolları” QSC-nin məlumatı

Ölkə ərazisində müşahidə olunan hava şəraitinə baxmayaraq, “Azərbaycan Dəmir Yolları” QSC qatarların hərəkətində heç bir problem qeydə almayıb.Azərtac xəbər verir ki, bu sözləri “Azərbaycan Dəmir Yolları” QSC-nin ictimaiyyətlə əlaqələr şöbəsinin rəisi S.Qədirova deyib.O bildirib ki, hazırda Sərnişin Daşımaları Departamentinin kollektivi gücləndirilmiş iş rejimində çalışır. Bakı-Sumqayıt elektrik qatarının hərəkətində də heç bir gecikmə baş verməyib.S.Qədirova qeyd edib ki, bölgələrə gedən qatarlarda 20-30 dəqiqə gecikmələr yaranıb. Bu isə hava şəraiti ilə əlaqədar olaraq sürət həddinin azaldılmasından qaynaqlanır. Təhlükəsizlik səbəbindən bu addımın atılması gecikmələrə səbəb olur.xeber100.com

Mərkəzi Bank depozit hərracı keçirəcək

Azərbaycan Mərkəzi Bankı (AMB) fevralın 3-də depozit hərracı keçirəcək.Bankdan Azərtac-a verilən məlumata görə, Mərkəzi Bank depozit hərracında 14 gün müddətinə 150 milyon manat cəlb etməyi nəzərdə tutur.Cəlb olunan vəsaitlər üzrə faiz dərəcəsi 12,01-14,99 faiz təşkil edir.xeber100.com

Dövlət Statistika Komitəsinin məlumatına görə…

2016-cı il ərzində inşaat sektorunda işçilərin orta siyahı sayı 95,6 min nəfər olub.Dövlət Statistika Komitəsindən Azərtac-a bildirilib ki, bu sahədə orta aylıq əməkhaqqı əvvəlki ilə nisbətən 20,4 faiz artaraq 811,9 manat təşkil edib.İxtisaslaşdırılmış tikinti işlərində işləyənlərin əməkhaqqı 24,3 faiz, binaların tikintisində əməkhaqqı 16,3 faiz, mülki təyinatlı inşaat işlərində çalışanların əməkhaqqı isə 1,0 faiz artıb.xeber100.com

“Layt” markalı neftin qiyməti bahalaşıb

Dünya birjalarında neftin qiyməti yenidən bahalaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,18 dollar bahalaşaraq 52,81 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,47 dollar artaraq 55,70 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 0,98 dollar bahalaşaraq 56,79 dollar təşkil edib.xeber100.com

“Bakı Metropoliteni” QSC-də xüsusi qərargah yaradılıb

Havaların qarlı və şaxtalı olması nəticəsində bəzi metro stansiyalarının giriş-çıxışlarının qarla örtülməsinin qarşısını almaq məqsədilə “Bakı Metropoliteni” QSC-də xüsusi qərargah yaradılıb.Azərtac xəbər verir ki, bu barədə “Bakı Metropoliteni” QSC-nin mətbuatı xidmətinin rəhbəri Nəsimi Paşayev deyib.O bildirib ki, “Bakı Metropoliteni” QSC-nin briqadaları həmin ərazilərə cəlb edilib. Ərazilərdə təmizləmə işləri aparılır. Qar intensiv yağdığı üçün bəzən giriş-çıxışların qarlı olması mümkündür.xeber100.com

“Trans-Adriatik”qaz boru kəməri layihəsinin dəyəri 4,5 milyard avro olacaq

Azərbaycan təbii qazının Avropaya nəqlini nəzərdə tutan “Trans-Adriatik” (TAP) qaz boru kəməri layihəsinin ümumi dəyəri 4,5 milyard avro olacaq.Bu barədə Anadolua agentliyinə müsahibəsində TAP-ın icraçı direktoru Yan Bradşou deyib. Bildirib ki, buraya 2009-cu ildən bəri davam edən dizayn və mühəndislik işləri də daxil edilib.“Şahdəniz” konsorsiumu ilk qaz satışını 2018-ci ilin sonunda Türkiyəyə və Gürcüstana həyata keçirəcək. Avropaya ilk qazın verilməsi isə bundan təxminən 1 il sonra, 2020-ci ilin əvvəllərində planlaşdırılır. Bu ilin ilk rübündə layihə üzrə kompressor stansiyalarının tikintisinə də başlanılacaq. Boru kəmərinin dəniz hissəsi isə 2018-2019-cu illərdə inşa ediləcək”, - deyə Yan Bradşou əlavə edib .TAP-ın icraçı direktoru deyib ki, Avropa Yenidənqurma və İnkişaf Bankı, eləcə də Avropa İnvestisiya Bankından TAP-a avadanlıq və xidmətlərin tədarükü məsələsində maliyyə vəsaiti cəlb oluna bilər.xeber100.com

Dünya birjalarında neftin qiyməti…

Dünya birjalarında neftin qiyməti müxtəlif istiqamətlərdə dəyişib.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,54 dollar ucuzlaşaraq 52,63 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,29 dollar azalaraq 55,23 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 0,01 dollar bahalaşaraq 55,82 dollar təşkil edib.xeber100.com

“Bakı Metropoliteni” QSC-nin məlumatına görə…

“Bakı Metropoliteni” QSC-nin yaradılmasından sonra qatarların təmiri ən yüksək standartlar səviyyəsinə çatdırılıb. Əsaslı təmir üçün ölkə daxilində müvafiq zavod şəraiti olmadığından, 2013-2015-ci illərdə 5 qatar Moskva Elektrik Qatarlarının Təmiri Zavodunun Tbilisi filialında əsaslı təmir edilib.“Bakı Metropoliteni QSC-nin mətbuat xidmətindən Azərtac-a bildirilib ki, işin əhəmiyyətini nəzərə alaraq, “Bakı Metropoliteni” QSC-nin rəhbərliyi metropoliten tarixində ilk dəfə qatarların əsaslı təmirinin və modernləşdirilməsinin yerli şəraitdə təşkili ilə bağlı ciddi addımlar atıb.2014-cü ildə başlanan işlərin birinci mərhələsində 10 vaqon yerli şəraitdə qum şırnağı ilə korroziyadan təmizlənərək rənglənib. Əldə olunan səmərə və keyfiyyət sahənin inkişafına zəmin yaradıb. 2015-ci ildə vaqon salonunun yenilənməsinə, o cümlədən döşəmə örtüyünün, daxili plastik təbəqənin, qapı rezinlərinin dəyişdirilməsinə və havalandırma xəttinin təmizlənməsinə başlanılıb. Nəhayət, işlərin üçüncü mərhələsindən vaqonların elektrik xətləri və işıqlanma şəbəkəsi də yeniləşmə tədbirlərinə daxil edilib.xeber100.com

Dünya Turizm Təşkilatının məlumatı

BMT-nin baş katibi Antonio Quterreş “Beynəlxalq davamlı turizm ili”ndə ictimaiyyətə müraciət edib.Azərtac Dünya Turizm Təşkilatının saytına istinadla xəbər verir ki, müraciətdə turizmin iqtisadiyyatın sütunlarından birinə çevrilməsi, milyonlarla insanın həyatını yaxşılığa doğru dəyişmək iqtidarında olması bildirilir. Diqqətə çatdırılır ki, hər gün üç milyondan çox turist beynəlxalq sərhədləri keçir, hər il isə təxminən 1,2 milyard insan xarici ölkələrə gedir. 2030-cu ilədək Dayanıqlı İnkişaf Məqsədlərinin Gündəliyində yer alan 17 maddədən üçü turizmlə bağlıdır. Lakin turizm həyatın müxtəlif sahələri ilə əlaqədə olduğu üçün iqtisadiyyatın müxtəlif sektorlarını, sosial-mədəni istiqamətləri əhatə edir və bu baxımdan bütövlükdə Dayanıqlı İnkişaf Məqsədlərinin Gündəliyinə bağlıdır. Turizm, həmçinin cəmiyyətin müxtəlif təbəqələrindən olan insanlar arasında qarşılıqlı anlaşma körpüsüdür.Müraciətdə, həmçinin bildirilir ki, BMT Baş Məclisinin 2017-ci ili dünyada “Beynəlxalq davamlı turizm ili” elan etməsi bu mühüm sektoru xeyirxahlıq gücünə çevirmək üçün əlverişli imkandır. Hamı üçün daha təhlükəsiz, açıq, çiçəklənən və dayanıqlı dünyanın qurulmasında biz turizmi səmərəli və dinamik alətə çevirə bilərik.xeber100.com

“MasterCard” plastik kart sahibləri üçün yeni kampaniya

"AtaBank" ASC-in "MasterCard" plastik kart sahibləri martın 30-dək Azərbaycanın aparıcı otellərində böyük güzəştlər əldə edə bilərlər.Bankdan Azərtac-a bildiriblər ki, kampaniyada iştirak edən "Fairmont Baku", "JW Marriott Absheron Baku", "Boulevard Hotel Baku" və "İntourist" otellərində 25 faizədək endirimlər təqdim edilir. Həmçinin Qəbələdə yerləşən "Chenot Palace" sağlamlıq mərkəzində müalicə proseduralarına 20 faiz, tibbi şöbənin xidmətlərinə isə 10 faiz dəyərində endirimlər də mövcuddur. Otellərin rəsmi internet saytında və ya qeydiyyat masasında "AtaBank" "MasterCard" plastik kartları ilə ödəniş edərək kart sahibləri təqdim edilən imtiyazlardan istifadə edə bilərlər.xeber100.com