Nyu-Yorkun NYMEX birjasında…

Azərbaycan neftinin qiyməti bahalaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,09 dollar bahalaşaraq 52,34 dollar, Londonun İCE (“İnterContinental Exchange Futures”) birjasında “Brent” markalı neftin bir barrelinin qiyməti 0,07 dollar artaraq 55,17 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 1,01 dollar bahalaşaraq 56,39 dollar təşkil edib.xeber100.com

Beynəlxalq reklam aksiyası davam edir

"AtaBank" ASC ilə "MasterCard" beynəlxalq ödəniş sisteminin birgə reklam aksiyası davam edir.Bankdan Azərtac-a bildiriblər ki, kampaniyanın şərtlərinə görə, "AtaBank"ın "MasterCard Gold" və "MasterCard Platinum" kart sahibləri üçün "UBER Select"də qeydiyyatdan keçərək 10 manata qədər olan ilk 3 gedişi pulsuz əldə edirlər."UBER Select" aksiyası fevralın 1-dək qüvvədədir. Aksiya iştirakçısı olmaq üçün mobil telefona "Uber" əlavəsini yükləmək ("AppStore", "Google Play" və "Windows Market"də yükləmək mümkündür), qeydiyyatdan keçmək, "AtaBank"ın "MasterCard" kartları vasitəsilə ödəniş etmək, "Promokodlar" bölməsində "MasterCardBaku" promo kodunu daxil edib göstərilən ünvana sifariş vermək lazımdır. Aksiyada yalnız "AtaBank"ın "MasterCard" kartları vasitəsilə "Uber"də qeydiyyatdan keçmiş yeni istifadəçilər iştirak edə bilərlər.xeber100.com

SOCAR-ın məlumatına əsasən…

SOCAR-ın “Neftqaztikinti” Tresti “Azneft” İstehsalat Birliyinin sifarişi ilə “Bulla-dəniz” yatağında 2A saylı Qazyığma Məntəqəsinin inşasını uğurla davam etdirir.SOCAR-ın mətbuat xidmətindən Azərtac-a verilən məlumata görə, yataqda hasil olunan karbohidrogenlərin yığılaraq sahilə nəql olunması məqsədilə inşa edilən məntəqə ayrıca özül üzərində quraşdırılacaq.Hazırda tikintisi davam edən özülün ümumi sahəsi 1900 kvadratmetrdir. İstehsalat, qaz-atqı avadanlığı yerləşən və məişət sahələrindən ibarət özül dənizin 21 metr dərinliyində yerləşir. Artıq 6 dayaq bloku, 4 aralıq seksiyası, 2 piyada körpüsü, 7 minik və yanalma meydançası hazırlanaraq quraşdırılıb, 36 ədəd svay vurulub, blokların bir-biri ilə bərkidilməsi üçün suüstü əlaqələr qurulub. Metalkonstruksiyaların qaynaq-bərkidilməsi, eləcə də konsol, məhəccər və döşəmənin quraşdırılması işləri tamamlanmaq üzrədir.xeber100.com

Bakı-Gəncə aviareysi bağlanıb

“Azərbaycan Hava Yolları” QSC (AZAL) Bakı-Gəncə aviareysini bağlayıb.Azərtac xəbər verir ki, bu barədə AZAL-ın mətbuat xidmətindən məlumat verilib.Bildirilib ki, Bakı-Gəncə reysi kommersiya baxımından səmərəli olmadığından yanvarın 9-dan etibarən bağlanıb.Qeyd edək ki, Bakı-Gəncə reysi üzrə uçuşlar hər gün həyata keçirilirdi.xeber100.com

Tarif Şurasının məlumatına görə…

Tarif (qiymət) Şurası bildirir ki, təbii qaz üzrə yeni tariflərin qüvvəyə minmə tarixindən əvvəlki dövr üzrə yaranan borclarla bağlı hesablaşmalar həmin dövrdə qüvvədə olan tariflərlə həyata keçirilməlidir.Azərbaycan Respublikası Tarif (qiymət) Şurasının Katibliyindən Azərtac-a verilən məlumata görə, yeni tariflərlə hesablaşmalar qeyri-əhali istehlakçı qrupu üzrə 2016-cı il dekabrın 1-dən, əhali istehlakçı qrupu üzrə isə 2017-ci il yanvarın 1-dən etibarən istehlak olunan təbii qaza şamil edilir.xeber100.com

Azərbaycan-Çexiya biznes-forumu keçiriləcək

Çexiya Respublikasının sənaye və ticarət naziri Yan Mladekin rəhbərlik etdiyi nümayəndə heyətinin ölkəmizə səfəri çərçivəsində yanvarın 17-də Bakıda Azərbaycan-Çexiya biznes-forumu keçiriləcək. Tədbir İqtisadiyyat Nazirliyinin dəstəyi və Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə baş tutacaq.AZPROMO-dan Azərtac-a bildiriblər ki, biznes-forumda kənd təsərrüfatı və qida sənayesi, maliyyə, sığorta, energetika, logistika, tikinti, hüquq, neft-kimya, maşınqayırma, şüşə istehsalı və digər sahələrdə fəaliyyət göstərən Çexiya şirkətlərinin iştirakı gözlənilir.xeber100.com

Vergilər Nazirliyinin məlumatına görə…

Maliyyə Bazarlarına Nəzarət Palatasında qeydiyyatdan keçmiş lotereyalardan və dövlət daxili uduşlu istiqrazlardan əldə olunan uduşlar vergiyə cəlb ediləcək.Vergilər Nazirliyinin mətbuat xidmətindən Azərtac-a bildirilib ki, bu maddə Vergi Məcəlləsinə 2017-ci ildən qüvvəyə minmiş fiziki şəxslərin gəlir və hüquqi şəxslərin mənfəət vergisinə edilən əlavə və dəyişikliklərdə öz əksini tapıb.Eyni zamanda, keçirilən lotereya, digər yarışlar və müsabiqədən pul şəklində əldə olunan uduşun (mükafatın) ödəmə mənbəyində 10 faiz dərəcə ilə vergiyə cəlb olunması təsbit olunur.Vergi ödəməni edən şəxs rezident hüquqi şəxs və fərdi sahibkar olduqda həmin şəxs tərəfindən, ödəməni edən daimi nümayəndəliyi olmayan qeyri-rezident olduqda isə uduş (mükafat) əldə edən şəxsin bank hesabının olduğu yerli bank, xarici bankın Azərbaycan Respublikasındakı filial və ya poçt rabitəsinin milli operatoru olan “Azərpoçt” MMC tərəfindən tutulmalıdır.Ödəmə mənbəyində uduşları (mükafatları) ödəyən şəxs hesablanmış vergi məbləğini hesabat ayından sonrakı ayın 20-dən gec olmayaraq bəyan etməli və büdcəyə köçürməlidir.

Əmlak Məsələləri Dövlət Komitəsi ilk hərracını keçirib

Yanvarın 10-da Əmlak Məsələləri Dövlət Komitəsi (ƏMDK) dövlət əmlakının özəlləşdirilməsi üzrə 2017-ci ilin ilk hərracını keçirib. Hərracda fiziki və hüquqi şəxslər 30 dövlət əmlakına sahib olub. Altı kiçik dövlət müəssisə və obyekti, 14 qeyri-yaşayış sahəsi, 9 nəqliyyat vasitəsi və 1 avadanlıq özəlləşdirilib. Budəfəki hərrac nəticəsində dövlət büdcəsinə 1,1 milyon manat vəsaitin köçürülməsi təmin ediləcək.Komitədən Azərtac-a bildirilib ki, belə hərraclar açıq və şəffaf şəkildə hər həftə keçirilir. İstənilən vətəndaş hərraca rahat şəkildə məhdudiyyətsiz qatıla bilir.Qeyd edək ki, qeyri-yaşayış sahələrinin 3-ü və bir çox nəqliyyat vasitəsinə bir neçə sifariş olub. Bu səbəbdən bu əmlakların satışı üzrə hərraclar rəqabətli şəraitdə keçib. Ən yüksək qiyməti təklif etmiş iddiaçı qalib elan olunub.xeber100.com

“The Streight Times” qəzeti” yazır…

Sinqapurun məşhur “The Streight Times” qəzeti “2017-ci ildə hara getməli” səhifəsində “Köhnə və yeni Bakı, Azərbaycan” başlıqlı məqalə dərc edib.Məqalədə Bakı Asiya və Avropa arasında yerləşən “cəvahir” adlandırılır. Qeyd edilir ki, həm Şərq, həm də Avropa mədəniyyətlərini özündə üzvi şəkildə cəmləşdirən bu şəhərə sinqapurluların səyahət səbətində az rast gəlinsə də, məşhur “TripAdvisor” turizm səhifəsi Bakının ötən ay asiyalı turistlərin seçimləri arasında ilk yeri tutduğunu elan edib.xeber100.com

İstanbul-Bakı-İstanbul aviareyslərini təxirə salınıb

Türkiyədə hökm sürən əlverişsiz hava şəraiti ilə əlaqədar olaraq yanvarın 10-da “Türk Hava Yolları” İstanbul-Bakı-İstanbul aviareyslərini təxirə salıb.Azərtac xəbər verir ki, bu barədə Heydər Əliyev Beynəlxalq Aeroportunun onlayn tablosunda bildirilib.Təxirə salınan aviareyslər İstanbulun Atatürk hava limanından saat 01:50-də və 05:40-da yerinə yetirilməli olan və Bakıdan İstanbula saat 04:45-də və 07:50-də həyata keçirilməsi gözlənilən aviareyslər olub.Qeyd edək ki, “Türk Hava Yolları” ümumilikdə bu günə olan 121 aviareysi təxirə salıb.xeber100.com