İşçi qrupu yaradılacaq

Mərkəzi Bank, Maliyyə Bazarlarına Nəzarət Palatası, Rabitə və Yüksək Texnologiyalar Nazirliyi, Vergilər Nazirliyi, ölkədə fəaliyyət göstərən mobil operatorlar və ödəniş sistemlərinin fəaliyyətində iştirak edən digər subyektlərdən ibarət işçi qrup yaradılacaq. İşçi qrup öz fəaliyyəti çərçivəsində rəqəmsal ödəniş sistemlərinin tətbiqi üzrə beynəlxalq təcrübəni və onun Azərbaycanda tətbiqi perspektivlərini araşdıracaq və müvafiq təkliflər hazırlayacaq.Azərtac xəbər verir ki, bu barədə məlumat “Telekommunikasiya və informasiya texnologiyalarının inkişafına dair Strateji Yol Xəritəsi”ndə öz əksini tapıb.Bununla yanaşı, işçi qrup rəqəmsal iqtisadiyyata keçidlə bağlı zəruri infrastrukturun formalaşdırılmasına,  həm də ictimaiyyətin rəqəmsal əməliyyatlar barədə məlumatlılıq səviyyəsinin artırılması istiqamətində də tədbirlər həyata keçirəcək.xeber100.com

2020-ci ildən elektromobillərdən istifadə olunması nəzərdə tutulur

2020-ci ildən Azərbaycanda elektrik mühərriki ilə işləyən avtomobillərdən istifadə edilməsi gözlənilir.Azərtac xəbər verir ki, bu barədə “Azərbaycan Respublikasında kommunal xidmətlərin (elektrik və istilik enerjisi, su və qaz) inkişafına dair Strateji Yol Xəritəsi”ndə deyilir.Qeyd olunur ki, Azərbaycanda bunun üçün tam formalaşmış elektrik enerjisi infrastrukturunun yaradılması ilkin şərt kimi nəzərdən keçirilir.xeber100.com

SOCAR-ın məlumatına əsasən…

Qaradağ rayonu Səngəçal qəsəbəsi ərazisində Qaz Emalı Zavodundan Səngəçal Baş Qurğularına gedən, diametri 1000 mm-lik magistral qaz kəmərində baş vermiş qəzanın aradan qaldırılması istiqamətində təmir işləri davam etdirilir.SOCAR-ın mətbuat xidmətindən Azərtac-a bildirilib ki, qəza baş vermiş kəmərin istismara buraxılması üçün aparılan yoxlama işləri zamanı yeni nöqsan aşkar edilib. Yoxlama-sınaq işləri müvəqqəti olaraq dayandırılıb. Hazırda nöqsanın aradan qaldırılması istiqamətində iş aparılır.xeber100.com

Dövlət Statistika Komitəsinin məlumatı…

Bu ilin yanvar-noyabr aylarında əsas kapitala yönəldilmiş ümumi vəsaitin 66,6 faizi sənaye, 16,3 faizi tikinti, 9,2 faizi nəqliyyat və anbar təsərrüfatı sahələrinə sərf edilib.Dövlət Statistika Komitəsindən Azərtac-a bildirilib ki, sözügedən vəsaitin 1,8 faizi kənd təsərrüfatı, meşə təsərrüfatı və balıqçılıq, 1,6 faizi dövlət idarəetməsi və müdafiə, icbari sosial təminat, 1 faizi təhsil, 0,9 faizi informasiya və rabitə, 0,8 faizi səhiyyə, 0,7 faizi inzibati və yardımçı xidmətlərin göstərilməsinə, hər birində 0,4 faiz olmaqla ticarət, istirahət, əyləncə və incəsənət sahəsində fəaliyyətə, ictimai iaşə, peşə, elmi və texniki fəaliyyət və digər sahələrdə xidmətlərin göstərilməsinə yönəldilib.xeber100.com

İnflyasiya risklərinə çevik reaksiya veriləcək

Hökumətlə sıx koordinasiya şəraitində sərəncamındakı monetar alətlərdən istifadə edərək Mərkəzi Bank Maliyyə Sabitliyi Şurasında razılaşdırılmış pul proqramını icra etməklə inflyasiya risklərinə çevik reaksiya verəcək. Pul siyasəti qərarlarının inflyasiyaya təsirinin müəyyən zaman intervalı tələb etdiyini nəzərə alaraq, Mərkəzi Bank fəaliyyətini qabaqlayıcı rejimdə həyata keçirməyə çalışacaq.2017-ci ildə də inflyasiyanın məqbul səviyyədə saxlanılması üçün pul təklifi razılaşdırılmış pul proqramı çərçivəsində məqsədyönlü şəkildə tənzimlənəcək.Azərtac xəbər verir ki, bu, Azərbaycan Respublikası Mərkəzi Bankının 2017-ci il üçün pul siyasətinin əsas istiqamətləri haqqında bəyanatında əksini tapıb.Bəyanatda qeyd olunub ki, pul proqramı pul təklifi kanallarının effektiv nəzarətə götürülməsini təmin edəcək. Mərkəzi Bankda əlaqədar iqtisadi orqanların dəstəyi ilə yaradılacaq likvidliyin monitorinqi və qısamüddətli proqnozlaşdırılması sistemi pul bazasının məqsədyönlü idarə edilməsində mühüm rol oynayacaq.xeber100.com

BMT Baş Məclisinin 70-ci sessiyasının qərarına əsasən…

BMT Baş Məclisinin 70-ci sessiyası 2017-ci ili dünyada “Beynəlxalq davamlı turizm ili” elan edib.Azərtac Dünya Turizm Təşkilatının rəsmi saytına istinadla xəbər verir ki, “Beynəlxalq davamlı turizm ili”nin rəsmi açılışı yanvarın 18-də İspaniyanın Madrid şəhərində olacaq. 2017-ci ildə beş mühüm sahədə, o cümlədən hərtərəfli və dayanıqlı iqtisadi inkişaf; sosial cəlbedicilik, məşğulluq və yoxsulluğun azaldılması; təbii ehtiyatlardan səmərəli istifadə, ətraf mühitin mühafizəsi və iqlim dəyişikliyi; mədəni dəyərlər, müxtəliflik və irs; qarşılıqlı anlaşma, sülh və təhlükəsizlik məsələlərində turizmin rolunu təşviq edəcək.xeber100.com

Fond Birjasında hərrac keçiriləcək

Yanvarın 5-də Bakı Fond Birjasında (BFB) Azərbaycan Respublikası Mərkəzi Bankının qısamüddətli notlarının yerləşdirilməsi üzrə hərrac keçiriləcək.BFB-dən Azərtac-a bildiriblər ki, hərrac zamanı sifarişlərin toplanması Bakı Fond Birjasının ticarət reqlamentinə uyğun olaraq saat 11:00-dan 12:30-dək həyata keçiriləcək. Hərraca çıxarılan notların həcmi 5 milyon manat, bir notun nominal dəyəri 100 manat, tədavül müddəti 27 gündür. Notlar fevralın 1-də ödəniləcək.Mərkəzi Bankın qısamüddətli notların buraxılışı, yerləşdirilməsi və tədavülü haqqında qaydalarına əsasən, hərraclarda bank lisenziyasına malik hüquqi şəxslər iştirak edə bilərlər.xeber100.com  

“Sığorta və sığorta mədəniyyəti” mövzusunda…

"PAŞA Həyat" sığorta şirkəti maarifləndirmə layihəsi çərçivəsində "Sığorta və sığorta mədəniyyəti" mövzusunda tələbələr üçün ilin sonuncu - 90-cı təlimini başa çatdırıb.Şirkətdən Azərtac-a bildiriblər ki, təlimdə ölkənin müxtəlif ali təhsil ocaqlarından dəvət almış tələbələr iştirak edib. Tələbələrə həyat və qeyri-həyat sığortası, həyat sığortası bazarındakı mövcud məhsullar, sığorta qanunvericiliyi, eləcə də Azərbaycan və xarici sığorta bazarlarının müqayisəsi haqqında geniş məlumat verilib.Sonra tələbələrə "PAŞA Həyat"ın müvafiq sertifikatları təqdim olunub.Təlimin sonunda "PAŞA Həyat" şirkətinin maarifləndirmə şöbəsinin müdiri Pərviz Quliyev indiyədək keçirilən təlimlərlə bağlı statistik məlumatları açıqlayıb. Bildirib ki, "PAŞA Həyat"ın tələbələr üçün təşkil etdiyi "Sığorta və sığorta mədəniyyəti" adlı maarifləndirmə layihəsinə 2013-cü ilin iyul ayından başlanılıb və indiyədək bu təlimdən müxtəlif universitetlərin 2 min 115 tələbəsi yararlanıb.xeber100.com

“Layt” markalı neftin qiyməti ucuzlaşıb

Dünya birjalarında neftin qiyməti yenidən ucuzlaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,29 dollar ucuzlaşaraq 53,77 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,08 dollar azalaraq 56,14 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 0,28 dollar ucuzlaşaraq 56,83 dollar təşkil edib.xeber100.com

Maliyyə Bazarlarına Nəzarət Palatasının qərarına əsasən…

Maliyyə Bazarlarına Nəzarət Palatası Direktorlar Şurasının 29 dekabr 2016-cı il tarixli qərarına əsasən, “Buta Sığorta”, “Beynəlxalq Sığorta Şirkəti” və “Azərqarant Sığorta” ASC-lərə sığorta fəaliyyətinə verilmiş lisenziyalar sığortaçıların müraciətinə əsasən ləğv edilib.Palatanın mətbuat xidmətindən Azərtac-a bildiriblər ki, sözügedən sığorta şirkətlərinin səhmdarlarının ümumi yığıncağı tərəfindən həmin sığortaçıların könüllü qaydada ləğv edilməsinə dair qəbul edilmiş qərarla bağlı Maliyyə Bazarlarına Nəzarət Palatasına müraciət daxil olub. Palata “Sığorta fəaliyyəti haqqında” Azərbaycan Respublikasının Qanununun 107.1.1-ci maddəsinə və Palatanın Nizamnaməsinin 5.3.20-ci bəndinə əsasən “Buta Sığorta” ASC, “Beynəlxalq Sığorta Şirkəti” ASC və “Azərqarant Sığorta” ASC-yə sığorta fəaliyyətinə verilmiş lisenziyaları ləğv edib.