“TuranBank”ın aktivləri ötən ilin müvafiq dövrü ilə müqayisədə artıb

Oktyabrın 31-nə “TuranBank”ın aktivləri ötən ilin müvafiq dövrü ilə müqayisədə 16,2 faiz artaraq 530,1 milyon manat təşkil edib.Bankdan Azərtac-a bildiriblər ki, “TuranBank”ın kredit portfeli ötən ilin müvafiq dövrünə nisbətən 7,9 faiz artaraq 275 milyon manat, müştəri hesabları və depozit portfeli 14,6 faiz artaraq 210,6 milyon manat olub. Depozit portfelinin strukturunda fiziki şəxslərin müddətli əmanətlərinin həcmi 17,2 faiz artaraq 103 milyon manat, nizamnamə kapitalı 10 faiz artaraq 55 milyon manat təşkil edib.Cari ilin on ayı ərzində bankın gəlirləri 31,7 milyon manat, xərcləri isə 32,6 milyon manat olub. Oktyabr ayı üzrə bank 202,2 min manat mənfəət əldə edib ki, bu da bu ilin yanvar-sentyabr ayları üzrə yaranmış 1,1 milyon manat məbləğində zərərin 18,3 faiz azalaraq 903,5 min manata enməsi ilə nəticələnib.xeber100.com

Ləğvetmə planına dair iclas keçirilib

Azərbaycan Respublikasının Maliyyə Bazarlarına Nəzarət Palatasının (MBNP) Direktorlar Şurasının üzvləri, Əmanətlərin Sığortalanması Fondunun, “BM Morrison” hüquq şirkəti və KPMG beynəlxalq audit şirkətinin rəhbərliklərinin iştirakı ilə “Bank Standard” Kommersiya Bankı QSC-nin ləğvetmə planına dair iclas keçirilib.Palatadan Azərtac-a bildiriblər ki, MBNP-nin Direktorlar Şurasının sədri Rüfət Aslanlı bildirib ki, bu il oktyabrın 1-dən etibarən lisenziyası ləğv edilmiş “Bank Standard”ın qorunan əmanətləri üzrə kompensasiyaların 90 faizdən çoxu ödənilib və bu proses şəffaf şəkildə davam edir. Bankdakı qorunmayan əmanətlər və digər kreditorların vəsaitləri üzrə kompensasiyalar isə “Bank Standard”ın likvid aktivlərinin realizasiyasından sonra qanunvericiliyə uyğun növbəlilik prinsipi ilə ödəniləcək. Onun sözlərinə görə, kreditorların maraqlarını və şəffaflığı təmin etmək məqsədilə ləğvetmə prosesində kreditorların iştirakı təmin olunacaq.xeber100.com

Beynəlxalq Bankın kredit reytinqi təsdiqlənib

“Fitch” Beynəlxalq Reytinq Agentliyi “Azərbaycan Beynəlxalq Bankı”nın (ABB) emitentin uzunmüddətli defolt reytinqini “BB” səviyyəsində, reytinq üzrə proqnozu isə “neqativ” olaraq təsdiqləyib.Azərtac agentliyin hesabatına istinadla xəbər verir ki, “Fitch” “Azərbaycan Beynəlxalq Bankı”nın dayanıqlılıq reytinqini “b-”dən “f”ə endirib.xeber100.com

“Bank sisteminin inkişafı: yeni çağırışlar və perspektivlər”…

Maliyyə-bank sisteminin post-neft dövrünə adaptasiyası, maliyyə dayanıqlılığına dair məsələlərin müzakirəsi, bankçılıq sahəsində yeniliklər və innovasiyalara dair qabaqcıl təcrübələrin öyrənilməsi məqsədilə noyabrın 24-25-də Bakıda ilk bankçılıq forumu keçiriləcək.Azərtac Azərbaycan Banklar Assosiasiyasına istinadla xəbər verir ki, “Post-neft dövründə bank sisteminin inkişafı: yeni çağırışlar və perspektivlər” mövzusunda keçiriləcək forumda maliyyə sahəsində tənzimləyici və nəzarət orqanlarının yuxarı menecmenti, o cümlədən kommersiya banklarının yuxarı menecmenti, biznes və ictimai təşkilatların rəhbərləri, beynəlxalq maliyyə institutlarının və xarici ölkələrin Azərbaycandakı səfirliklərinin nümayəndələri, həmçinin digər qonaqlar iştirak edəcəklər.

“Layt” markalı neftin qiyməti bahalaşıb

Dünya birjalarında neftin qiyməti bahalaşmaqda davam edir.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 1,80 dollar bahalaşaraq 47,49 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 2,04 dollar artaraq 48,90 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 2,60 dollar bahalaşaraq 49,64 dollar təşkil edib.xeber100.com

Beynəlxalq Daşınmaz Əmlak və İnvestisiya sərgisi açılıb

Noyabrın 22-də Bakı Ekspo Mərkəzində Beynəlxalq Daşınmaz Əmlak və İnvestisiya sərgisi (RecExpo II) açılıb.Azərtac xəbər verir ki, sərgidə Azərbaycanla yanaşı, Türkiyə, Birləşmiş Ərəb Əmirlikləri, Gürcüstan, Kipr, Ukrayna, İspaniya, Rusiya, Portuqaliya, Macarıstan, Lüksemburqdan 100-ə yaxın brend tikinti və inşaat layihələri təqdim olunub.xeber100.com

Dünya birjalarında neftin qiyməti…

Dünya birjalarında neftin qiymətinin bahalaşması davam edir.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,52 dollar bahalaşaraq 46,21 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,56 dollar artaraq 47,42 dollar olub.xeber100.com

“Bank VTB””nın depozit portfeli ötən illə müqayisədə 24 faiz artıb

Oktyabrın 1-nə “Bank VTB (Azərbaycan)"ın depozit portfeli ötən ilin eyni dövrü ilə müqayisədə 24 faiz artıb.Bankdan Azərtac-a bildiriblər ki, bu müddət ərzində əhalinin manat əmanətlərinin artımı 34,1 faiz, fiziki şəxslərin milli valyutada olan müddətli əmanətlərinin artımı isə 33,7 faiz təşkil edib.Hesabat dövründə bankın kredit portfeli 7 faiz artaraq oktyabrın 1-nə 363,5 milyon manat təşkil edib ki, bu vəsaitlərin 60 faizi kiçik və orta sahibkarlığa ayrılan kreditlərin payına düşüb. Ötən dövr ərzində milli valyutanın dollara nisbətdə ucuzlaşması iqtisadiyyatın real sektorunda fəaliyyət göstərənlərin və fərdi şəxslərin kredit borclarını ödəmə qabiliyyətinə təsir edib. Müştərilərinə dəstək olmaq və onların kredit yükünü azaltmaq məqsədilə bank güzəştli restrukturizasiya proqramının tətbiqinə başlayıb və proqram çərçivəsində hazırda kredit müddətinin uzadılması, ödəniş şərtlərinə yenidən baxılması, ödəniş qrafikinin dəyişdirilməsi və faiz dərəcəsində əhəmiyyətli endirimlərin edilməsi kimi güzəştlər təklif olunur.xeber100.com

“Bank BTB” maliyyə göstəricilərini açıqlayıb

“Bank BTB” cari ilin üçüncü rübü üzrə maliyyə göstəricilərini açıqlayıb.Bankdan Azərtac-a bildiriblər ki, sentyabrın 30-na bankın aktivləri 237 milyon manat təşkil edib. Bu da ötən ilin müvafiq dövrü ilə müqayisədə 52,08 faiz çoxdur. Bankın kredit portfeli də eyni dövrdə 54,96 faiz artaraq, 147 milyon manata çatıb. Depozit portfeli isə 82 milyon manat təşkil edir.Eyni zamanda, “Bank BTB” kreditlərə ehtiyatın yaradılması hesabına zərər etsə də, xalis əməliyyat mənfəəti 708 min manat olub. Bankın məcmu kapitalı cüzi artım göstərməklə, kapital normalarına tam uyğun olaraq, 52840 min manat təşkil edib.xeber100.com

Dövlət Statistika Komitəsinin məlumatına görə…

Əvvəlki ilin yanvar-oktyabr ayları ilə müqayisədə qida məhsullarının istehsalında 3,6 faiz artım, tütün məmulatlarının istehsalında 16,4 faiz, içki istehsalında isə 13,6 faiz azalma müşahidə olunub.Bu barədə Azərtac-a Dövlət Statistika Komitəsindən bildirilib.Sözügedən sahələrin əsas məhsullarından olan pendir və kəsmik istehsalı 2,1 faiz artaraq 41,2 min ton, marqarin istehsalı 75,4 faiz artaraq 37,1 min ton, kərə yağı istehsalı 7,4 faiz artaraq 21,2 min ton, qənd istehsalı 17,7 faiz artaraq 356,6 min ton, mineral suların istehsalı 2,1 dəfə artaraq 12,3 milyon dekalitr, alkoqolsuz içkilərin istehsalı isə 26,9 faiz azalaraq 16,5 milyon dekalitr təşkil edib.xeber100.com