Nəqliyyat sistemi üzrə birinci Qlobal Konfrans keçiriləcək

Noyabrın 26-27-də Aşqabadda dayanıqlı nəqliyyat sistemi üzrə birinci Qlobal Konfrans keçiriləcək. Konfrans dayanıqlı çoxtərəfli nəqliyyat-tranzit dəhlizlərinin yaradılmasına, nəqliyyatın bütün növləri arasında hərtərəfli əməkdaşlığın təmin edilməsinə yardım göstərilməsi haqqında BMT Baş Məclisinin 70-ci sessiyasının qətnaməsinə müvafiq olaraq təşkil edilir. Konfransın gündəliyində nəqliyyat və ətraf mühitin dəyişməsi, energetika və nəqliyyat, şəhər nəqliyyat sistemi və şəhərlər ilə kəndlər arasında yol-nəqliyyat kommunikasiyaları, nəqliyyat sahəsinə investisiya və onun maliyyələşdirilməsi, nəqliyyat sahəsində beynəlxalq əməkdaşlığın hüquqi əsasları, çoxtərəfli nəqliyyat dəhlizlərinin inkişafı, yol hərəkətinin təhlükəsizliyi kimi aktual məsələlər yer alıb. Konfrans çərçivəsində bir sıra beynəlxalq konvensiya və sazişlərin imzalanması nəzərdə tutulur. Tədbirdə BMT-nin baş katibi Pan Gi Munun iştirakı gözlənilir.BMT baş katibinin iqtisadi və sosial məsələlər üzrə müavini U.Xunbo deyib: “Bu, BMT tarixində nəqliyyatın inkişafına həsr edilən ilk konfransdır ki, dayanıqlı inkişafın irəlilədilməsində və iqlim dəyişikliyinə qarşı mübarizədə nəqliyyatın vacib rolunun dərk olunmasına yönəlib”. BMT nümayəndəsi vurğulayıb ki, bu gün dünyada bütün istixana qazları tullantısının 25 faizi hələ də ekoloji dayanıqlı olmayan nəqliyyatın payına düşür.xeber100.com

Dünya birjalarında neftin qiyməti…

Dünya birjalarında neftin qiyməti müxtəlif istiqamətlərdə dəyişib. Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,07 dollar ucuzlaşaraq 43,34 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,02 dollar bahalaşaraq 44,77 dollar olub.xeber100.com

“Daşınmaz əmlak sektorunda investisiyalar”…

Bakı Expo Mərkəzində keçiriləcək "RecExpo II" sərgisi beynəlxalq inşaat, daşınmaz əmlak və investisiya şirkətlərinə layihələrini nümayiş etdirmək üçün çox əhəmiyyətli bir platformadır. Azərtac xəbər verir ki, bu barədə noyabrın 22-24-də keçiriləcək Azərbaycan Beynəlxalq Daşınmaz Əmlak və İnvestisiya sərgisi ilə bağlı mətbuat konfransında Əmlak Məsələləri Dövlət Komitəsinin Aparat rəhbəri Azər Bəşirov bildirib. O qeyd edib ki, sərgidə Azərbaycan, Türkiyə, Birləşmiş Ərəb Əmirlikləri, Ukrayna, İspaniya, Portuqaliya, Macarıstan, Lüksemburq və Şimali Kipr kimi 9 müxtəlif ölkədən onlarla əmlak, tikinti və investisiya şirkətlərinin iştirakı gözlənilir. Bu mühüm və böyük tədbir həm yerli, həm də beynəlxalq müstəvidə tikinti sektoruna aid nəhəng şirkətləri, daşınmaz əmlak sahəsindəki brend layihələri, əmlak sektoru üzrə investorları Azərbaycanda professional bir məkanda toplayacaq. Sərgi çərçivəsində noyabrın 23-də "Daşınmaz əmlak sektorunda investisiyalar" mövzusunda konfransın da keçirilməsi nəzərdə tutulub.

“İnsan Resursları Forumu – Bakı 2016” öz işinə başlayıb

Noyabrın 11-də “PAŞA Həyat” şirkətinin təşkilatçılığı ilə “İnsan Resursları Forumu - Bakı 2016” öz işinə başlayıb. Azərtac xəbər verir ki, forumun açılışında çıxış edən “PAŞA Həyat Sığorta” ASC idarə heyətinin sədri Mürsəl Rüstəmov artıq ikinci ildir keçirilən tədbirin əhəmiyyətindən danışıb. Bildirib ki, builki forumun əsas mövzusu insan resurslarının idarə edilməsi proseslərinin avtomatlaşdırılmasına həsr edilib. Məqsəd insan resursları idarəçiliyi sahəsində beynəlxalq təcrübənin yerli şirkətlərdə tətbiqinin keyfiyyətinin yaxşılaşdırılmasına töhfə verməkdir. Forumda iştirak etmək üçün 1500-ə yaxın şəxs qeydiyyatdan keçib. Tendensiya göstərir ki, foruma maraq ildən-ilə artır. Forumda yerli və beynəlxalq qurumların rəhbərləri, insan resursları strukturları üzrə yüksək vəzifəli şəxslər və mütəxəssislər iştirak edirlər.xeber100.com

“Maliyyə Savadlılığı” layihəsi çərçivəsində…

Mərkəzi Bank beynəlxalq maliyyə təşkilatları və digər dövlət orqanları ilə birgə həyata keçirilən "Maliyyə Savadlılığı" layihəsi çərçivəsində bir sıra bank və maliyyə qurumlarının iştirakı ilə 2015-2016-cı illərdə tələbələr üçün "Maliyyə Savadlılığı: Peşəkar karyeraya aparan yol" adlı müsabiqə xarakterli təlimlər keçirib. Sözügedən təlimə tələbələrin böyük marağını və daxil olmuş çoxsaylı müraciətləri nəzərə alaraq, bank bu ilin noyabr-dekabr aylarında növbəti təlimlərin keçiriləcəyini elan edir. Mərkəzi Bankdan Azərtac-a bildiriblər ki, təlim 2 mərhələdən ibarət olacaq. Birinci mərhələdə tələbələrə Mərkəzi Bank tərəfindən maliyyə sisteminin fəaliyyətinə dair maarifləndirici seminar keçiriləcək. Bu mərhələdə seçilmiş tələbələr ikinci mərhələdə iştirak hüququ qazanacaqlar. İkinci mərhələdə tələbələr "Əmanətlərin Sığortalanması Fondu", "Amrahbank", "Bakı Sığorta", "DəmirBank", "FINCA Azərbaycan", "AccessBank" və "Unibank"da tədris səfərlərində olacaq və müxtəlif seminarlarda iştirak edəcəklər.xeber100.com

Dünya birjalarında neftin qiyməti…

Dünya birjalarında neftin qiyməti müxtəlif istiqamətlərdə dəyişib. Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,29 dollar bahalaşaraq 45,27 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,32 dollar artaraq 46,36 dollar olub. Azərtac xəbər verir ki, “AzəriLayt” markalı neftin bir barrelinin qiyməti isə 0,02 dollar ucuzlaşaraq 46,08 dollar təşkil edib.

“Azərbaycanda və İranda investisiya imkanları”…

Noyabrın 10-da Bakıda “Azərbaycanda və İranda investisiya imkanları” mövzusunda konfrans keçirilir. Azərtac xəbər verir ki, Azərbaycan və İran arasında mövcud iqtisadi əlaqələr barədə məlumat verən Azərbaycanda İxracın və İnvestisiyaların Təşviqi Fondunun rəhbəri (AZPROMO) Rüfət Məmmədov iqtisadiyyatın müxtəlif sahələrində əməkdaşlığın genişləndirilməsi üçün böyük imkanların olduğunu diqqətə çatdırıb. İranın İnvestisiya, İqtisadi və Texniki Yardım Təşkilatının (OIETAI) Xarici İnvestisiyalar Departamentinin direktor müavini Əkbər Qəhrəmani bugünkü tədbirin ölkələrimiz arasında əməkdaşlığın inkişafına, ticarət əlaqələrinin genişləndirilməsinə töhfə verəcəyini bildirib.

“Mühasib peşəsində özünüidarəçilik səviyyəsinin yüksəldilməsi”…

Noyabrın 10-da Bakıda Azərbaycan Mühasiblər və Risk Peşəkarları Assosiasiyasının (ARPA) təşkilatçılığı ilə "Mühasiblər Forumu-2016" işə başlayıb. Azərtac xəbər verir ki, “Mühasib peşəsində şəffaflığın və özünüidarəçilik səviyyəsinin yüksəldilməsi” mövzusunda keçirilən forumda yerli və xarici auditor şirkətlərinin təmsilçiləri, eləcə də dövlət qurumları və maliyyə təşkilatlarının nümayəndələri iştirak edir. Tədbirdə müxtəlif sektorlarda çalışan mühasiblərin peşəsində şəffaflıq və özünüidarəçilik səviyyəsinin yüksəldilməsi yolları müzakirə edilib, suallar cavablandırılıb. Qeyd edək ki, 2009-cu ildə təsis edilmiş ARPA mindən çox fərdi, 20-dən çox korporativ üzvü özündə birləşdirir.xeber100.com

Qanunsuz sahibkarlıq fəaliyyətinə qarşı mübarizə şöbəsi yaradılıb

Vergilər Nazirliyində ölkə başçısının  “2016-cı ildə vergi sahəsində aparılacaq islahatların istiqamətləri”nin təsdiqi və vergi inzibatçılığının təkmilləşdirilməsi haqqında” 4 avqust 2016-cı il tarixli Sərəncamında verilən tapşırıqların icrası istiqamətində görülən işlərə və qarşıda duran vəzifələrə həsr edilmiş kollegiya iclası keçirilib. İclasda çıxış edən vergilər naziri, 1-ci dərəcəli dövlət vergi xidməti müşaviri Fazil Məmmədov bildirib ki, Azərbaycanda sahibkarlığın inkişafının dəstəklənməsi, vergi qanunvericiliyinin və vergi inzibatçılığının təkmilləşdirilməsi istiqamətində son illər ərzində mühüm addımlar atılıb, görülmüş tədbirlər nəticəsində büdcəyə vergi daxilolmaları üzrə müəyyən edilmiş proqnoz tapşırıqlarına artıqlaması ilə əməl olunub. Kollegiyanın qərarı ilə vergi orqanları tərəfindən nəzarət funksiyalarının həyata keçirilməsi mexanizminin müasir tələblərə uyğun olaraq daha da təkmilləşdirilməsi, büdcə gəlirləri üzrə proqnoz tapşırıqlarının tam həcmdə yerinə yetirilməsi məqsədilə Vergilər Nazirliyində bəzi struktur və kadr dəyişiklikləri aparılıb, Vergi Cinayətlərinin İbtidai Araşdırılması Departamentində bu məsələlərlə birbaşa məşğul olacaq müvafiq struktur bölmə - İqtisadi sahədə mütəşəkkil cinayətkarlığa qarşı mübarizə idarəsinin tərkibində Qanunsuz sahibkarlıq fəaliyyətinə qarşı mübarizə şöbəsi yaradılıb.xeber100.com  

“Expressbank” biznes kreditləri təklif edir

“Expressbank” kiçik və orta sahibkarlığın inkişafı üçün sərfəli şərtlərlə, milli valyutada biznes kreditləri təklif edir. Bankdan Azərtac-a bildiriblər ki, kiçik və orta biznes kreditləri 500 AZN-dən 30 000 AZN-dək məbləğdə olmaqla 30 ayadək müddətə verilir. İllik 25 faizdən başlayan şərtlərlə verilən kreditlərdə nəinki daşınmaz əmlak, həm də zamin və qızıl da təminat qismində çıxış edə bilər.xeber100.com