“MasterCard Miles 1+1” adlı yeni kampaniya başlayır

"Bank Silk Way" "MasterCard" şirkəti ilə birgə oktyabrın 10-dan dekabrın 30-dək "MasterCard Miles 1+1" adlı yeni kampaniyaya başlayır. Bankdan Azərtac-a bildiriblər ki, kampaniyanın şərtlərinə görə, "MasterCard Standard Miles" və "MasterCard Gold Miles" kartlarını əldə etmiş müştərilərə hədiyyə olaraq eyniadlı ikinci kart təqdim ediləcək. Hədiyyə üçün nəzərdə tutulmuş kartı öz adına və ya seçim etdiyiniz insanın adına sənədləşdirmək olar. Kart 3 il müddətinə pulsuz veriləcək (istənilən valyutada açıla bilər - AZN, USD və ya EUR). Kampaniya zamanı hədiyyə balları ikiqat təqdim olunacaq: "MC Standard Miles" - 200 bal, "MC Gold Miles" - 400 bal. "MasterCard Miles" kartı bir sıra imtiyazlara malikdir. Qeyd edək ki, "Miles" bank kartının üstünlükləri ilə "Azal Miles" proqramının iştirakçılarının imtiyazlarını özündə birləşdirən birgə ödəniş kartıdır. Gündəlik alış-veriş və xidmətləri “Miles” kartı ilə ödəyən kart sahibi öz hesabına millər qazanır. Millər dünyanın istənilən valyutası ilə həyata keçirilən ödənişlər zamanı əlavə olunur. Millər, həmçinin "Azerbaijan Airlines" aviaşirkətinin reyslərindən istifadə edərkən toplanır.xeber100.com

Dünya birjalarında neftin qiyməti…

Dünya birjalarında neftin qiyməti yenidən ucuzlaşıb. Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,63 dollar ucuzlaşaraq 49,81 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,58 dollar azalaraq 51,93 dollar olub.xeber100.com

Neft bazarındakı hazırkı vəziyyət müzakirə ediləcək

Rusiya və Venesuela neft bazarındakı hazırkı vəziyyəti müzakirə edəcək. “ria.ru” xəbər verir ki, bu barədə Venesuela Prezidenti Nikolas Maduro deyib. N.Maduronun Rusiya Prezidenti Vladimir Putinlə görüşünün İstanbulda keçiriləcək XXIII Dünya Enerji Konqresi çərçivəsində baş tutması planlaşdırılır. Görüşdə neft bazarındakı hazırkı vəziyyət əsas müzakirə mövzusu olacaq. Qeyd edək ki, oktyabrın 9-da başlayacaq və Azərbaycan da daxil olmaqla 80 ölkədən 266 nümayəndənin iştirakı ilə baş tutacaq konqres çərçivəsində 60 iclas keçiriləcək.xeber100.com

Dünya birjalarında neftin qiyməti…

Dünya birjalarında neftin qiymətinin bahalaşması davam edir. Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,61 dollar bahalaşaraq 50,44 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,65 dollar artaraq 52,51 dollar olub. Azərtac xəbər verir ki, “AzəriLayt” markalı neftin bir barrelinin qiyməti isə 0,71 dollar bahalaşaraq 52,69 dollar təşkil edib.xeber100.com

Tehran-Bakı-Tehran marşrutu üzrə müntəzəm uçuşlar başlayır

İranın “Mahan Air” aviaşirkəti oktyabrın 31-dən etibarən Tehran-Bakı-Tehran marşrutu üzrə müntəzəm uçuşlara başlayır. “Azərbaycan Hava Yolları” QSC-nin mətbuat xidmətindən Azərtac-a bildirilib ki, Azərbaycan Dövlət Mülki Aviasiya Administrasiyası müvafiq icazəni sözügedən aviaşirkətin uçuşları həftədə 3 dəfə yerinə yetirmək sorğusundan sonra verib. Uçuşların həftədə 3 dəfə - çərşənbə axşamı, çərşənbə və bazar günləri “Airbus A310” layneri ilə yerinə yetirilməsi planlaşdırılır. Qeyd edək ki, “Azərbaycan Hava Yolları” və “ATA Airlines” aviaşirkətləri də Tehrana uçuşlar həyata keçirir.xeber100.com  

Mərkəzi Bankda valyuta hərracı keçirilib

Oktyabrın 7-də Mərkəzi Bankda Dövlət Neft Fondunun da iştirak etdiyi növbəti ikitərəfli valyuta hərracı keçirilib. Mərkəzi Bankdan Azərtac-a bildiriblər ki, hərrac 1 ABŞ dolları üçün 1,6036 məzənnəsi ilə başlayıb və 1,6006 məzənnəsi ilə yekunlaşıb.xeber100.com

“AzeriLight” markalı neftin qiyməti bahalaşır

Azərbaycan neftinin qiyməti 52 dollara yaxınlaşır. "Apa-Economics" xəbər verir ki, "AzeriLight" markalı neftin 1 barelinin qiyməti 0,71 dollar və ya 1,38% bahalaşaraq 51,98 dollar təşkil edib.xeber100.com

Azər Türk Bank xidmətlərini təklif edir

Azər Türk Bank müştəriləri ilə qarşılıqlı münasibətləri əsk etdirən videoçarxı ictimaiyyətə təqdim edib. Tanıtım məqsədi daşıyan videoçarx izləyicilərə Bankın iş prosesi ilə yaxından tanış olmaq imkanı yaradır. Müştəri məmnuniyyəti amilinə hər zaman önəm verən Azər Türk Bank hüquqi və fiziki şəxslərə geniş çeşiddə bank məhsul və xidmətlərini təklif edir. Bank inkişaf dinamikasını qorumaqla yanaşı, müştərilərə bütün növ bank əməliyyatlarının sürətli və rahat şəkildə həyata keçirilməsinə imkan verir. Azər Türk Bank bu məqsədlə dünyanın qabaqcıl banklarının təcrübəsindən yararlanır, ən son innovativ texnologiyaları tətbiq etməklə müştəri məmnuniyyətinin təmin olunmasına çalışır. Təsadüfi deyil ki, hazırda Bankda müştərilərə daha operativ və keyfiyyətli xidmət göstərmək imkanı verən “FLEX CUBE” bank əməliyyat sisteminin son versiyası istifadə edilir. Azər Türk Bankın internet bankçılıq, mobil bankçılıq kimi xidmətləri müştəriləri əlavə vaxt itkisindən azad edir, Bankı dünyanın istənilən yerində müştəriləri üçün əlçatan edir. Bankın bütün növ ödəniş kartlarında ən yüksək təhlükəsizlik standartı olan 3D Secure sistemi tətbiq edilir. İctimaiyyətə təqdim olunan videoçarxda öz əksini tapan mənzərə Bankın müştəriləri üçün hər dəfə Azər Türk Banka müraciət edərkən gördükləri tanış mənzərədir. Bankın tanıtım videosuni ictimaiyyətə təqdim etməkdə məqsədi bank seçimi etməkdə çətinlik çəkən müştərilərə seçim etməkdə yardımçı olmaqdır.xeber100.com

Elektrik qatarlarının hərəkət cədvəlində dəyişiklik ediləcək

Biləcəri-Keşlə mənzilinin tək yolunda təmas şəbəkəsinin əsaslı təmiri ilə əlaqədar Bakıdan 2016-cı il oktyabrın 8-dən müvəqqəti olaraq Bakı-Sumqayıt-Bakı marşrutu ilə hərəkət edən elektrik qatarlarının hərəkət cədvəlində hissəvi dəyişiklik ediləcək. “Azərbaycan Dəmir Yolları” Qapalı Səhmdar Cəmiyyətinin Mətbuat Katibliyinin rəisi Nadir Əzməmmədovun Apa-ya verdiyi məlumata görə,  Bakı-Sumqayıt elektrik qatarları Baki sərnişin stansiyasından saat 07:40, 08:35, 09:35, 16:05, 17:40, 18:20, 18:40, 19:15, 19:40 və 20:45-də, Sumqayıt-sərnişin stansiyasından 06:40, 07:30, 07.50, 08:25, 09:25, 10:25, 16:55, 18:35 və 19:30-da yola düşəcək. Bundan başqa, hər şənbə, bazar və bayram günləri 6002/6001, 6004/6003 və 6006/6005 nömrəli elektrik qatarları hərəkətdə olmayacaq.xeber100.com           

Dünya birjalarında neftin qiyməti…

Dünya birjalarında neftin qiyməti müxtəlif istiqamətlərdə dəyişib. Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,12 dollar ucuzlaşaraq 48,69 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,02 dollar azalaraq 50,87 dollar olub. Azərtac xəbər verir ki, “AzəriLayt” markalı neftin bir barrelinin qiyməti isə 0,93 dollar bahalaşaraq 51,27 dollar təşkil edib.xeber100.com