Dünya birjalarında neftin qiyməti…

Dünya birjalarında neftin qiyməti bahalaşıb. Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,57 dollar bahalaşaraq 48,81 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,04 dollar artaraq 49,10 dollar olub. Azərtac xəbər verir ki, “AzəriLayt” markalı neftin bir barrelinin qiyməti isə 0,43 dollar bahalaşaraq 50,34 dollar təşkil edib.xeber100.com

“Kapital Bank”dan güzəştli kredit kampaniyası

"Kapital Bank" 5 oktyabr – Müəllimlər Günü münasibətilə oktyabrın 7-dək müəllimlər üçün yeni güzəştli kredit kampaniyası keçirir. Bankdan Azərtac-a bildiriblər ki, aksiya çərçivəsində "Kapital Bank"a müraciət edən müəllimlərə illik faiz dərəcəsində 5 faiz endirim təqdim edilir. Qeyd edək ki, "Gündəlik tələbat krediti"nin məbləği 300 – 15 min manat təşkil edir, müddəti isə 40 ayadək rəsmiləşdirilə bilər. Bu məhsul maaş və ya pensiyasını "Kapital Bank"dan alan müştərilərə şamil edilir. Kredit rəsmiləşdirilməsi üçün maaş və ya pensiya kartı, həmçinin şəxsiyyət vəsiqəsi tələb olunur.xeber100.com

Dünya birjalarında neftin qiyməti…

Dünya birjalarında neftin qiyməti müxtəlif istiqamətlərdə dəyişib. Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,41 dollar bahalaşaraq 48,24 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,18 dollar ucuzlaşaraq 49,06 dollar olub. Azərtac xəbər verir ki, “AzəriLayt” markalı neftin bir barrelinin qiyməti isə 0,13 dollar ucuzlaşaraq 49,91 dollar təşkil edib.xeber100.com

Mərkəzi Bank depozit hərracının nəticələrini açıqlayıb

Mərkəzi Bank tərəfindən vəsaitlərin cəlb edilməsi üzrə depozit hərracının nəticələri açıqlanıb. Bankdan Azərtac-a bildiriblər ki, oktyabrın 3-də Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 71 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 14,5 faiz təşkil edib.xeber100.com

“DəmirBank”ın əmanətçilərə təklifi…

“DəmirBank” müştərilərə əmanət yerləşdirərək qısa müddətə yüksək gəlir əldə etməyi təklif edir. Bankdan Azərtac-a bildiriblər ki, belə ki, AZN əmanətləri üzrə faiz dərəcəsi 3 ay üçün illik 13 faiz, 6 ay üçün isə illik 14 faiz təşkil edir. “DəmirBank” Əmanətlərin Sığortalanması Fondunun üzvüdür. Bu isə bankda 15 faizədək AZN valyutasında yerləşdirilmiş əmanətlərin fond tərəfindən sığortalanmasını təmin edir. İstənilən şəxs minimum 100 AZN ilkin mədaxil edib əmanət hesabı açdırmaqla bu imkandan yararlana bilər. Müştəri öz istəyinə əsasən faiz gəlirlərini aylıq, rüblük və ya müddətin sonunda əldə edə bilər.xeber100.com

“Türkiyə innovasiya həftəsi 2016”…

Dekabrın 8-10-da İstanbulda “Türkiyə innovasiya həftəsi 2016” keçiriləcək. Tədbir Türkiyənin İqtisadiyyat Nazirliyinin dəstəyi və İxracatçılar Məclisinin təşkilatçılığı ilə baş tutacaq. Azərbaycanda İxracın və İnvestisiyaların Təşviqi Fondundan (AZPROMO) Azərtac-a bildiriblər ki, ölkəmizdə fəaliyyət göstərən sahibkarlar və iş adamları konfransda iştirak üçün dəvət olunurlar. Tədbirin tərəfdaşları arasında “Türk Hava Yolları”, Türkiyə İqtisadiyyat Bankı, “Türkcell”, “Sabançı Holdinq” və “Arçelik” kimi tanınmış şirkətlər yer alır. “Türkiyə innovasiya həftəsi 2016” incəsənətdən texnologiyaya, səhiyyədən elmə qədər innovasiya əsaslı sahələri təmsil edən yerli və xarici iş adamlarını, müxtəlif institut və təşkilatları bir araya gətirən platformadır.xeber100.com

Beynəlxalq konqres keçiriləcək

Oktyabrın 5-də Moskvada “Gömrük tənzimlənməsi-2016 Payız: gömrük sferasında inzibati və məhkəmə müraciətləri” üzrə VI beynəlxalq konqres keçiriləcək. Azərbaycanda İxracın və İnvestisiyaların Təşviqi Fondundan (AZPROMO) Azərtac-a bildiriblər ki, ölkəmizdə bu sahədə fəaliyyət göstərən şəxslər konfransda iştiraka dəvət olunurlar. Konfransın əsas məqsədi gömrük qanunvericiliyində son yeniliklərin, aktual məsələlərin, mübadilə praktikasının, yeni ideyaların müzakirə olunmasını və qanunvericiliyin təkmilləşdirilməsidir. Tədbir Rusiya Federasiyası Federal Məclisinin Federasiya Şurası, Dövlət Duması, İqtisadi İnkişaf Nazirliyi, Maliyyə Nazirliyi, Federal Gömrük Xidməti, Ticarət-Sənaye Palatasının Daşınmaz Əmlak üzrə Komitəsi və digər sahəvi agentliklərin dəstəyi əsasında təşkil olunacaq.xeber100.com

Dünya birjalarında neftin qiyməti…

Dünya birjalarında neftin qiyməti bahalaşıb. Azərtac xəbər verir ki, Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,41 dollar artaraq 46,16 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,38 dollar artaraq 47,62 dollar təşkil edib.xeber100.com

“Alternativ gələcəklə əlaqə” layihəsinə başlanılıb

Sentyabrın 30-da Bakı Ali Neft Məktəbində “Alternativ gələcəklə əlaqə” layihəsinə başlanılıb. SOCAR-dan Azərtac-a bildirilib ki, sözügedən layihə Azərbaycan Respublikası Prezidenti yanında Gənclər Fondunun maliyyə dəstəyi, Ekologiya və Təbii Sərvətlər Nazirliyi, Azərbaycan Respublikası Alternativ və Bərpa olunan Enerji Mənbələri üzrə Dövlət Agentliyi (AREA) və “Multimedia” İnformasiya Sistemləri və Texnologiyaları Mərkəzinin tərəfdaşlığı və Bakı Ali Neft Məktəbinin (BANM) təşkilati dəstəyi ilə reallaşdırılır. Bu münasibətlə keçirilən tədbirdə çıxış edən BANM-in prorektoru Ramiz Hümbətov son illər ölkəmizdə alternativ və bərpaolunan enerji mənbələrindən istifadə edilməsi istiqamətində əhəmiyyətli layihələrin həyata keçirildiyini diqqətə çatdırıb. O, BANM-in Bərpaolunan Enerji Mühəndisliyi üzrə Tədris və Tədqiqat Mərkəzinin fəaliyyətindən söz açaraq gələcəkdə bu ali məktəbdə “Bərpaolunan enerji mühəndisliyi” ixtisası üzrə mühəndis kadrların hazırlanmasının nəzərdə tutulduğunu deyib. Ramiz Hümbətov həmçinin BANM-də bərpaolunan enerji üzrə hər ay seminarların təşkil olunduğunu vurğulayıb. Ekologiya və Təbii Sərvətlər Nazirliyinin İqlim Dəyişmələri və Ozon Mərkəzinin direktoru Gülmalı Süleymanov “Alternativ gələcəklə əlaqə” layihəsinin Bakı Ali Neft Məktəbində həyata keçirilməsindən məmnunluğunu ifadə edərək, layihə iştirakçılarına uğurlar arzulayıb. Layihənin birinci günündə NASA-da işləyən azərbaycanlı alim Teymur Sadıqov “Robotlaşma”, norveçli təlimçi, “Provitaz” və “İnnovaz” məhdud məsuliyyətli müəssisələrin rəhbəri Knut Erlend “Xalq üçün sərfəli bərpa olunan enerji mənbələri” mövzusunda məruzələrlə çıxış edərək, iştirakçıları alternativ enerji mənbələri ilə bağlı məlumatlandırıblar. ''Alternativ gələcəklə əlaqə'' layihəsinin əsas məqsədi biliyə əsaslanan iqtisadiyyata keçid həllərinin müəyyən olunması, mətbuat vasitəsilə alternativ enerji, nanotexnologiya haqqında ətraflı məlumatı Azərbaycanın vətəndaş cəmiyyətinə çatdırmaq, Azərbaycan gəncliyinin davamlı inkişaf etməsi üçün təcrübə və potensial gələcəyin öyrənilməsi, kütləvi informasiya vasitələrində davamlı olaraq göstərilən istiqamətlərdə məqalələrin, tədqiqat yazılarının dərc olunmasına kömək göstərməkdir.xeber100.com

İqtisadiyyat Nazirliyinin məlumatına əsasən…

Sentyabrın 30-da Bakıda Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə Azərbaycan-Rusiya İşgüzar Şurasının ilk iclası keçirilib. İqtisadiyyat Nazirliyinin mətbuat xidmətindən Azərtac-a bildiriblər ki, iclasda kənd təsərrüfatı və qida sənayesi, tikinti, maliyyə və iqtisadiyyatın digər sahələrində fəaliyyət göstərən 50-yə yaxın aparıcı şirkətlərin nümayəndələri iştirak edib. İqtisadiyyat nazirinin müavini Sahil Babayev Azərbaycan və Rusiya arasında əlaqələrin müxtəlif sahələrdə, o cümlədən iqtisadi sahədə uğurla davam etdiyini diqqətə çatdırıb. Azərbaycan-Rusiya İşgüzar Şurasının əhəmiyyətindən danışan nazir müavini İşgüzar Şuranın iş adamları arasında əlaqələrin genişləndirilməsində rolunu vurğulayıb, şuranın qarşıda duran vəzifələrin öhdəsindən uğurla gələcəyinə əminliyini bildirib, Azərbaycan şirkətlərini şuranın imkanlarından yararlanmaqla rusiyalı həmkarları ilə əməkdaşlığı genişləndirməyə çağırıb. Azərbaycan-Rusiya İşgüzar Şurasının sədri İsgəndər Xəlilov şuranın əsas fəaliyyət istiqamətlərini diqqətə çatdırıb, iki ölkə arasında investisiya fəallığının artırılması, əməkdaşlıq imkanlarının daha da genişləndirilməsi baxımından şura qarşısında duran vəzifələrdən danışıb, sahibkarları Azərbaycan-Rusiya İşgüzar Şurası ilə fəal əməkdaşlığa dəvət edib.xeber100.com