Dövlət Neft Fondunun təşkilatçılığı ilə…

Sentyabrın 20-21-də Azərbaycan Respublikası Dövlət Neft Fondunun (ARDNF) təşkilatçılığı ilə Bakıda Suveren və Pensiya Fondlarının Birgə İnvestisiyası üzrə Dəyirmi Masanın (CROSAPF) 3-cü illik iclası keçirilir. Dövlət Neft Fondunun ictimaiyyətlə əlaqələr şöbəsindən Azərtac-a bildirilib ki, aparıcı suveren və pensiya fondlarının, eləcə də investisiya idarəetmə şirkətlərinin təmsilçiləri Bakıda toplanaraq maliyyə bazarlarında mövcud qlobal imkanları və çağırışları, eləcə də investorlar arasında əməkdaşlığı inkişaf etdirmək yollarını müzakirə edirlər.Tədbirdə müxtəlif ölkələrdən 60 təşkilatı təmsil edən 100-dək nümayəndə iştirak edir. İştirakçılar arasında dövlət maliyyə qurumları – “CDC International Capital” (Fransa), Dubay İnvestisiya Korporasiyası (Birləşmiş Ərəb Əmirlikləri), Dövlət İnvestisiya Fondu (Səudiyyə Ərəbistanı), Hindistan Milli İnvestisiya və İnfrastruktur Fondu, Hollandiya Pensiya Fondu (APG), İpək Yolu Fondu (Çin), İthmar Kapital (əvvəlki Mərakeş Turizm İnkişaf Fondu), Koreya İdxal-İxrac Bankı, Koreya İnvestisiya Korporasiyası, Qətər İnvestisiya Qurumu, Qazaxıstan Milli Bankının Milli İnvestisiya Korporasiyası, Nigeriya Suveren İnvestisiya Fondu, Rusiya Birbaşa İnvestisiya Fondu, Rusiya-Çin İnvestisiya Fondu, “Samruk-Kazyna” (Qazaxıstan), beynəlxalq maliyyə qurumları – Asiya İnkişaf Bankı, Avropa Yenidənqurma və İnkişaf Bankı, Beynəlxalq Maliyyə Korporasiyası, Dünya Bankı, dünyanın qabaqcıl özəl maliyyə qurumları – “Carlyle Group” (ABŞ), “Citigroup” (ABŞ), Keppel Korporasiyası (Sinqapur), Neuberger Berman (ABŞ) və “Partners Group”un (ABŞ) nümayəndələri var.xeber100.com

Dünya birjalarında neftin qiyməti…

Dünya birjalarında neftin qiyməti müxtəlif istiqamətlərdə dəyişib. Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,76 dollar ucuzlaşaraq 43,04 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,77 dollar azalaraq 45,77 dollar olub.Azərtac xəbər verir ki, “AzəriLayt” markalı neftin bir barrelinin qiyməti isə 0,75 dollar bahalaşaraq 47,73 dollar təşkil edib.xeber100.com

Hesablama Palatasının növbəti iclası…

Hesablama Palatası kollegiyasının növbəti iclası keçirilib. Palatadan Azərtac-a bildiriblər ki, kollegiya iclasında həyata keçirilmiş dövlət büdcəsindən Azərbaycan Respublikasının Tacikistan Respublikasındakı səfirliyinin saxlanılmasına ayrılan vəsaitlərin istifadəsinə dair; dövlət büdcəsinin yerli xərclərindən Qaradağ Rayon İcra Hakimiyyətinə və onun tabeliyində olan idarə, müəssisə və təşkilatlara ayrılmış vəsaitlərin proqnozlaşdırılması və icrasına dair; Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun Şəki şəhər şöbəsi üzrə gəlir və xərclərin və şöbənin saxlanılması xərclərinin icrasına dair nəzarət tədbirləri üzrə hesabatlar müzakirə olunub. Hesablama Palatasının kollegiyası Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun Şəki şəhər şöbəsi tərəfindən əmək pensiyalarının, məcburi dövlət sosial sığorta haqları hesabına müavinətlərin təyin olunması və ödənilməsi zamanı ciddi maliyyə pozuntularına yol verilməsi, eyni zamanda, Şəki Şəhər İcra Hakimiyyəti başçısının Şəki kəndindəki nümayəndəliyi tərəfindən bir hal üzrə vəzifə səlahiyyətlərindən sui-istifadə edilərək hüquqi əsası olmayan və düzgün olmayan məlumatları əks etdirən, eləcə də əsaslılığı şübhə doğuran sənədlərin hazırlanması səbəbindən dövlətə zərər vurulması ehtimalını nəzərə alaraq müvafiq materialların Azərbaycan Respublikasının Baş Prokurorluğuna göndərilməsi barədə qərar qəbul edib. İclasda digər audit tədbirləri üzrə kollegiya qərarlarının layihəsi müzakirə edilərək təsdiq olunub. Həmin qərarların icrasını təmin etmək məqsədilə aidiyyəti dövlət qurumlarına təqdimatların göndərilməsi və audit tədbirlərinin nəticələri barədə məlumatların Azərbaycan Respublikasının Milli Məclisinə təqdim olunması qərara alınıb. Kollegiya iclasında, həmçinin aparılmış audit tədbirlərinin nəticələri üzrə təqdimatların icrası vəziyyəti barədə auditorların məlumatı dinlənilib, müvafiq qərarlar qəbul edilib. Kollegiya bir neçə nəzarət tədbirləri ilə proqramlara da dəyişiklik edib.xeber100.com

“Kapital Bank”dan hədiyyəli müsabiqə

"Kapital Bank" "BirKart"ın facebook səhifəsində "Birincilərin oyunu" adlı müsabiqə keçirir. Müsabiqənin şərtlərinə görə, iştirakçılar səhifədəki oyunu oynayaraq (www.facebook.com/birkart.az/app/282528445452625/) xallar toplayır, həftənin qalibi olur və qiymətli hədiyyələr qazanırlar. Bankdan Azərtac-a bildiriblər ki, dörd həftə davam edəcək müsabiqə ərzində artıq "Play Station 4" və "Smart Wheel" öz sahiblərini tapıb. Bu həftə "Nikon D5200" fotoaparatı, gələn həftə isə "iPhone 6S" oynanılacaq. Qeyd edək ki, "BirKart" özündə kredit, taksit, maaş, pensiya, depozit, bonus və debet kart funksiyalarını birləşdirir. "BirKart" rəsmiləşdirilməsi üçün maaş və ya pensiya kartı, həmçinin şəxsiyyət vəsiqəsi tələb olunur. Visa Classic, Visa Gold və Visa Platinum əsasında olan "BirKart" 36 ay müddətə verilir, balansındakı məbləğ isə müştərinin aylıq gəlirindən asılı olaraq 10 min manatadək ola bilər. Kartdan nağdsız xərclənən məbləği 40 günədək faizsiz güzəşt müddəti ilə bankın tərəfdaş şəbəkəsində xərclənən məbləği isə 2-12 və 18 ay müddətə taksitlə ödəmək olar.xeber100.com

Dünya birjalarında neftin qiyməti…

Dünya birjalarında neftin qiyməti yenidən ucuzlaşıb. Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,11 dollar ucuzlaşaraq 43,80 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,05 dollar azalaraq 46,54 dollar olub.xeber100.com

Dövlət Gömrük Komitəsinin məlumatına əsasən…

Bu ilin yanvar-avqust aylarında Azərbaycandan 14 milyon 180 min 33 ton xam neft ixrac edilib. Hesabat dövründə ixrac olunan xam neftin dəyəri isə 4 milyard 165 milyon 218 min ABŞ dolları olub. Bu barədə Azərtac-a Dövlət Gömrük Komitəsindən (DGK) məlumat verilib.xeber100.com

Dövlət Statistika Komitəsinin məlumatına əsasən…

Yanvar-avqust ayları ərzində əhaliyə göstərilən ödənişli xidmətlərin dəyəri ötən ilin müvafiq dövrü ilə müqayisədə 0,9 faiz artaraq 4 milyard 682,6 milyon manata çatıb. Dövlət Statistika Komitəsindən Azərtac-a bildiriblər ki, hüquqi şəxslər tərəfindən əhaliyə 3 milyard 459 milyon manatlıq xidmət göstərilib. Bu da ümumi xidmətlərin 73,9 faizini təşkil edir. Cari ilin yanvar-avqust ayları ərzində ölkənin hər bir sakini orta hesabla 486,8 manatlıq və ya ötən ilin müvafiq dövrü ilə müqayisədə 21,5 manat çox müxtəlif ödənişli xidmətlərdən istifadə edib.xeber100.com

“DəmirBank”da hədiyyəli kampaniya başlayıb

“DəmirBank” “Zolotaya Korona” pul köçürmə sistemi ilə birgə hədiyyəli aksiyaya start verib. Bankdan Azərtac-a bildirilib ki, aksiyanın şərtlərinə əsasən, “Zolotaya Korona” sistemi ilə bankın istənilən filialından pul göndərən müştərilərə göndərilmiş vəsaitin məbləğindən asılı olaraq müxtəlif hədiyyələrin verilməsi nəzərdə tutulub. Hədiyyələr sırasında korporativ qələm, fləş-kart, termo-stəkan və telefon üçün poverbank var. Paralel olaraq “DəmirBank”da pul köçürməsi edənə danışıq kartının hədiyyə edilməsi aksiyası da davam edir. Belə ki, müştəri aksiyaların şərtlərinə uyğun pul köçürməsi etdikdə hər 2 aksiyada iştirak edə və eyni zamanda həm danışıq kartı, həm də müvafiq hədiyyələrdən birini qazana bilər. “Zolotaya Korona” sistemi vasitəsilə “DəmirBank” müştəriləri üçün MDB və digər xarici ölkələrə çox sərfəli şərtlərlə pul köçürmək imkanı yaradılıb. Köçürmələr ani, ünvansız və hesab açılmadan həyata keçirilir.xeber100.com

Dünya birjalarında neftin qiyməti…

Dünya birjalarında neftin qiyməti bahalaşıb. Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,33 dollar bahalaşaraq 43,91 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,74 dollar artaraq 46,59 dollar olub.xeber100.com

Dövlət Statistika Komitəsinin məlumatına əsasən…

2016-ci ilin yanvar-avqust ayında metro nəqliyyatından istifadə edən sərnişinlərin sayında azalma müşahidə olunub. Dövlət Statistika Komitəsindən Azərtac-a bildirilib ki, metro nəqliyyatının xidmətindən istifadə edən sərnişinlərin sayı 2,7 faiz azalaraq 140,3 milyon nəfərə çatıb.xeber100.com