“Azeri Light” markalı neftin bir barelinin qiyməti 3,46 dollar azalıb

Azərbaycan neftinin qiyməti ucuzlaşıb.“Azeri Light” markalı neftin bir barelinin qiyməti 3,46 dollar azalaraq 72,04 dollar olub. Xatırladaq ki, Azərbaycan neftinin bir barelinin bu il ərzində maksimum qiyməti oktyabrın 25-də (88,19) qeydə alınmışdı.xeber100.com

Azərbaycan-Türkiyə 1-ci Enerji Forumu keçiriləcək

Dekabrın 21-22-də Bakıda energetika naziri Pərviz Şahbazov və Türkiyənin energetika və təbii sərvətlər naziri Fatih Dönməzin həmsədrliyi ilə Azərbaycan-Türkiyə 1-ci Enerji Forumu keçiriləcək.Energetika Nazirliyindən Azərtac-a verilən məlumata görə, dekabrın 21-də Enerji Forumu çərçivəsində karbohidrogen və neft-kimya, elektrik enerjisi, bərpa olunan enerji və tənzimləmə sahələri üzrə hər iki ölkənin mütəxəssislərindən ibarət işçi qrupların iclaslarının keçirilməsi və türkiyəli nümayəndə heyətinin Səngəçal terminalına səfəri nəzərdə tutulur.Dekabrın 22-də isə Azərbaycan-Türkiyə 1-ci Enerji Forumu keçiriləcək. Forum çərçivəsində Azərbaycan və Türkiyə arasında sənədlərin imzalanması nəzərdə tutulur.Azərbaycan-Türkiyə 1-ci Enerji Forumu iki ölkə arasında iqtisadi əməkdaşlıq üzrə birgə Hökumətlərarası Komissiya çərçivəsində strateji enerji əməkdaşlığının daha çevik və nəticəyönümlü olmasını təmin etmək məqsədilə təsis edilib.xeber100.com

Azərbaycan Mərkəzi Bankı USD/AZN rəsmi məzənnəsini açıqlayıb

Azərbaycan Mərkəzi Bankı (AMB) dekabrın 20-nə olan USD/AZN rəsmi məzənnəsini açıqlayıb.AMB-dən Azərtac-a bildirilib ki, bankın dekabrın 20-dən etibarən USD/AZN rəsmi məzənnəsi 1,7000 manat səviyyəsində müəyyən olunub.xeber100.com

Dövlət Neft Fondunun da iştirakı ilə valyuta hərracı keçirilib

Dekabrın 16-da Azərbaycan Mərkəzi Bankında (AMB) Dövlət Neft Fondunun da iştirakı ilə valyuta hərracı keçirilib.AMB-dən Azərtac-a bildirilib ki, hərracda tələb 102,8 milyon ABŞ dolları olub və tam təmin edilib. Hərracda manatın ortaçəkili məzənnəsi 1,7000 səviyyəsində formalaşıb.xeber100.com

Azərbaycan-Macarıstan Biznes Forumu keçiriləcək

Əmək və əhalinin sosial müdafiəsi naziri, Azərbaycan Respublikası Hökuməti və Macarıstan Respublikası Hökuməti arasında iqtisadi əməkdaşlıq üzrə birgə Komissiyanın Azərbaycan tərəfindən həmsədri Sahil Babayev ölkəmizdə səfərdə olan Macarıstanın kənd təsərrüfatı naziri İştvan Nadzın başçılıq etdiyi nümayəndə heyəti ilə görüşüb. Görüşdə Macarıstanın Azərbaycandakı səfiri Viktor Szederkenyi də iştirak edib.Əmək və Əhalinin Sosial Müdafiəsi Nazirliyinin İctimaiyyətlə əlaqələr və kommunikasiya şöbəsindən Azərtac-a verilən məlumata görə, Azərbaycanla Macarıstan arasında əlaqələrin strateji tərəfdaşlıq səviyyəsində olduğunu vurğulayan S.Babayev Prezident, Silahlı Qüvvələrin Ali Baş Komandanı İlham Əliyevin rəhbərliyi ilə Azərbaycan Ordusunun ötən il Vətən müharibəsində qazandığı tarixi Zəfəri qeyd edib. O, Ermənistanın işğalından azad edilmiş ərazilərimizdə böyük quruculuq işləri aparıldığını, Macarıstan şirkətlərinin həmin işlərdə iştirak etməyə maraq göstərməsinin məmnunluq doğurduğunu bildirib.Ölkəmizdə aparılan sosial-iqtisadi siyasətin nailiyyətləri barədə məlumat verən S.Babayev iki ölkə arasında digər sahələrdə olduğu kimi, kənd təsərrüfatı sahəsində əməkdaşlığın daha da inkişaf etdirilməsi üçün geniş potensialın mövcud olduğunu qeyd edib. Bu gün Bakıda keçirilən Azərbaycan-Macarıstan Kənd Təsərrüfatı Biznes Forumunun iki ölkənin kənd təsərrüfatı üzrə şirkətləri arasında əməkdaşlığın inkişafında mühüm əhəmiyyətini vurğulayıb.2005-2021-ci illərdə Bakı və Budapeştdə 10-dan artıq biznes forum, işgüzar görüş və digər tədbirlərin keçirildiyi, 2019-cu ildə Budapeştdə Azərbaycan Evinin açıldığı, ölkəmizdə xidmət, nəqliyyat, ticarət, kənd təsərrüfatı üzrə 20-dək Macarıstan şirkətinin fəaliyyət göstərdiyi bildirilib.Azərbaycan və Macarıstan Hökumətləri arasında iqtisadi əməkdaşlıq üzrə birgə Komissiyanın fəaliyyətindən bəhs olunub. 2022-ci ilin fevralında Bakıda Komissiyanın 8-ci iclasının, iclas çərçivəsində Azərbaycan-Macarıstan Biznes Forumunun keçirilməsinin nəzərdə tutulduğu qeyd edilib.xeber100.com  

“Light” markalı neftin bir barelinin qiyməti 0,90 dollar ucuzlaşıb

Dünya birjalarında neft qiymətləri ucuzlaşıb.Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,80 dollar azalaraq 72,90 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 0,90 dollar ucuzlaşaraq 69,83 dollar olub.xeber100.com

Almaniyanın “Lufthansa” aviaşirkəti müntəzəm reyslərini bərpa edib

Uzun fasilədən sonra Almaniyanın aviadaşıyıcısı “Lufthansa” aviaşirkəti Bakıya Heydər Əliyev Beynəlxalq Aeroportuna birbaşa müntəzəm reyslərini bərpa edib.Heydər Əliyev Beynəlxalq Aeroportunun mətbuat xidmətindən Azərtac-a bildirilib ki, bu ilin yayınadək reyslər Tbilisi hava limanında qısamüddətli dayanmaqla yerinə yetirilirdi. Noyabr ayından başlayaraq aviaşirkət yenidən Bakıdan Frankfurta və geriyə birbaşa müntəzəm reyslər yerinə yetirəcək. Aviaşirkət öz sərnişinlərinə həftədə 4 reys təklif edir. Bazar ertəsi, çərşənbə, cümə və şənbə günləri Bakıdan uçuş saat 04:45-də və çərşənbə axşamı, cümə axşamı, cümə və bazar günləri Bakıya gəliş saat 21:30-da həyata keçiriləcək.“Airbus A320” təyyarələri ilə reallaşdırılan aviareyslərdə iki xidmət sinfi mövcuddur: biznes və ekonom siniflər.“Biz, “Lufthansa Group” aviaşirkətləri uçuşlarımızın coğrafiyasını tədricən genişləndiririk və Azərbaycandan olan müştərilərimizə yenidən Bakıdan Frankfurta və daha sonra bütün dünyaya birbaşa müntəzəm reysləri təklif etməyə şadıq. Biz, həmçinin Bakı-Frankfurt marşrutunun gələcək inkişafına nikbin baxır və müştərilərimizi hava gəmilərimizdə yenidən salamlamaq imkanını səbirsizliklə gözləyirik”, - deyə “Lufthansa Group”un Ukrayna, Belarus, Türkmənistan və Cənubi Qafqaz üzrə baş direktoru Karsten Tsanq söyləyib.“COVID-19 pandemiyasının başlanmasınadək Avropanın ən böyük qovşaqlarından biri olan Frankfurta birbaşa müntəzəm reyslər yerinə yetirən ”Lufthansa” aviaşirkəti bizim çoxillik tərəfdaşımızdır. Biz şadıq ki, istər Azərbaycanda, istərsə də Almaniyada uğurlu peyvəndləmə proqramları sayəsində və karantin məhdudiyyətlərinin tədricən yumşalması nəticəsində sərnişinlərə bu tələb olunan istiqaməti yenidən təqdim edə biləcəyik”, - deyə Heydər Əliyev Beynəlxalq Aeroportunun direktoru Teymur Həsənov bildirib.xeber100.com

Dövlət Neft Fondunun iştirakı ilə valyuta hərracı keçirilib

Dekabrın 9-da Azərbaycan Mərkəzi Bankında (AMB) Dövlət Neft Fondunun da iştirakı ilə valyuta hərracı keçirilib.AMB-dən Azərtac-a bildirilib ki, hərracda tələb 111,3 milyon ABŞ dolları olub və tam təmin edilib. Hərracda manatın ortaçəkili məzənnəsi 1,7000 səviyyəsində formalaşıb.xeber100.com

Dövlət Gömrük Komitəsinin məlumatı əsasında…

Cari ilin on ayında 104,7 min ton pambıq lifi və 15,3 min ton pambıq ipliyi ixrac edilib.Azərtac Dövlət Gömrük Komitəsinin (DGK) məlumatına istinadla xəbər verir ki, ixrac edilən pambıq lifinin dəyəri 164 milyon dollar, pambıq ipliyinin dəyəri isə 45,5 milyon dollar olub.Xatırladaq ki, ötən ilin yanvar-oktyabr aylarında 95,8 milyon dollarlıq 72,9 min ton pambıq lifi, 13,6 milyon dollarlıq 6637 ton pambıq ipliyi ixrac edilib.xeber100.com

“Brent” markalı neftin bir barelinin qiyməti 1,22 dollar artıb

Dünya birjalarında neft qiymətləri bahalaşıb.Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 1,22 dollar artaraq 70,89 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 1,26 dollar bahalaşaraq 67,76 dollar olub.xeber100.com