“YARAT” Müasir İncəsənət Mərkəzinin təqdimatında

“YARAT” Müasir İncəsənət Mərkəzində İndoneziyanın məşhur musiqiçi və rəssamları ilə görüş keçirilib.Azərtac xəbər verir ki, tədbir çərçivəsində tədbir iştirakçıları İndoneziyanın zəngin mədəniyyəti və incəsənəti ilə qiyabi şəkildə yaxından tanış ola biliblər.Tədbirdə İndoneziyanın “KunoKini” qrupu tərəfindən hazırlanmış musiqi performansı və “G4 studio"nun yaratdıqları mural art (divar, tavan və digər irihəcmli sahələrdə müasir naxış və rəngkarlıq sənəti) nümunələri təqdim olunub. Eyni zamanda, qonaqlara sözügedən ölkənin mədəniyyəti ilə bağlı məlumatlar verilib.Qeyd edək ki, görüş Bakıda keçirilən ikinci İndoneziya Mədəniyyəti Festivalı çərçivəsində gerçəkləşib.xeber100.com

Rusiya İnformasiya və Mədəniyyət Mərkəzinin məlumatı

Sentyabrın 14-dən 17-dək Minskdə ənənəvi “TEFİ-Sodrujestvo” VII Beynəlxalq televiziya festivalı keçiriləcək.Bakıdakı Rusiya İnformasiya və Mədəniyyət Mərkəzindən Azərtac-a bildirilib ki, Azərbaycan bu il festivala iki filmlə qatılacaq. Bunlar “Azərbaycan Televiziya və Radio Verilişləri” Qapalı Səhmdar Cəmiyyətinin istehsalı olan SSRİ Xalq Artisti Müslüm Maqomayevə həsr olunmuş “Bəstəkar Müslüm Maqomayev” və İctimai Televiziya və Radio Yayımları Şirkətinin Azərbaycanın İvanovka kəndində yaşayan rusiyalı malakanların həyatına həsr etdiyi “Qərib olmayan, qürbətdəkilər” adlı sənədli filmlərdi.“TEFİ-Sodrujestvo” VII Beynəlxalq televiziya festivalı Minskdə Belarus İnformasiya Nazirliyinin dəstəyi və “Rusiya Televiziya Akademiyası” və MDB ölkələri iştirakçılarının humanitar əməkdaşlığı üzrə dövlətlərarası fondlarının təşkilatçılığı ilə keçiriləcək.“Sənədli film” mövzusu altında keçirilən festivalın əsas konkurs proqramına MDB-nin və digər 12 ölkədən 20 film daxil edilib. Azərbaycan, Belarus, Gürcüstan, Qazaxıstan, Litva, Moldova, Ermənistan, Rusiya, Tacikistan, Özbəkistan və Ukraynadan 19 teleradiokompaniya festivalda iştirak edəcək.Qeyd edək ki, “TEFİ Sodrujestva” VII Beynəlxalq televiziya festivalı çərçivəsində rəsmi açılış mərasimi, filmlərin nümayişi və müzakirəsi, mütəxəssislərin iştirakı ilə ustad dərsləri, müasir jurnalistikanın aktual məsələlərinə dair “dəyirmi masa”lar, həmçinin festivalın laureatlarının mükafatlandırma mərasimi təşkil olunacaq.xeber100.com

IX Beynəlxalq Musiqi Festivalı çərçivəsində

Sentyabrın 18-də görkəmli Azərbaycan bəstəkarı Üzeyir Hacıbəylinin anadan olmasının 132 illiyinə həsr edilmiş tədbir keçiriləcək.Azərtac xəbər verir ki, Üzeyir Hacıbəyli IX Beynəlxalq Musiqi Festivalı çərçivəsində baş tutacaq tədbir sənətkarın adını daşıyan ev muzeyində gerçəkləşəcək.Tədbirdə dahi bəstəkarın həyat və yaradıcılığına nəzər salınacaq, milli musiqimizin inkişafındakı xidmətləri vurğulanacaq.Konsert proqramı ilə davam edəcək tədbirdə görkəmli bəstəkarın yaradıcılığına müraciət ediləcək.xeber100.com

TÜRKSOY-un iyirminci opera günlərinə start verilib

İstanbulda Beynəlxalq Türk Mədəniyyəti Təşkilatının (TÜRKSOY) 20-ci opera günlərinə start verilib.Azərtac xəbər verir ki, opera günlərinin açılış konserti Taksimdəki məşhur “Grant Pera” sarayında keçirilib.Konsertdə Azərbaycan, Qazaxıstan, Qırğızıstan, Türkiyə və Şimali Kiprdən olan sənətçilər maraqlı ifaları ilə operasevərlərin görüşünə gəliblər.TÜRKSOY-un opera ulduzlarının növbəti qastrol səfəri Şimali Kiprə nəzərdə tutulub.xeber100.com

“Future Shorts” qısametrajlı film festivalı keçiriləcək

Sentyabrın 20-dən Yay qalereyasında açıq səma altında “Future Shorts” qısametrajlı film festivalı başlanır.Azərtac xəbər verir ki, iki gün davam edəcək festivalda 8 filmin nümayişi nəzərdə tutulur. Filmlər rus dilində subtitrlər vasitəsilə təqdim olunacaq.“Future Shorts” festivalı 40 ölkə, 100 şəhər, 6 qitəni əhatə edərək bir il ərzində bütün dünya üzrə 1400 baxış təklif edir. On iki ildir keçirilən festival Yaponiyadan tutmuş Braziliyaya qədər böyük ərazidə kino pərəstişkarlarının rəğbətini qazanıb. Festival peşəkarlara və debütantlara beynəlxalq kinematoqrafiya birliyinin bir hissəsinə çevrilməyə şərait yaradır. Qeyd edək ki, giriş dəvətnamə ilədir.xeber100.com

Mahnı Teatrı yeni teatr mövsümünün açılışına hazırlaşır

Mahnı Teatrı sentyabrın 18-də yeni teatr mövsümünü açıq elan edəcək. Həmin gün teatrın musiqiçi kollektivinin repertuarında möhtəşəm konsert proqramı təqdim olunacaq.Bu sözləri Azərtac-a teatrın direktor müavini İlqar Musayev deyib. Onun sözlərinə görə, teatrın tərkibində fəaliyyət göstərən xalq çalğı alətləri orkestri artıq konsertin məşqlərinə başlayıb.“Konsertdə respublikanın tanınmış ifaçıları tərəfindən bir-birindən parlaq xalq və bəstəkar mahnıları səsləndiriləcək. Bundan başqa, sentyabrın 20-də teatrda “Dan ulduzu” instrumental ansamblının konserti olacaq. Həmçinin, növbəti konsertdə də tanınmış ifaçılar çıxış edəcəklər”, - deyə İ.Musayev söyləyib.xeber100.com

XIII Beynəlxalq Müsəlman Kino Festivalı davam edir

Kazanda XIII Beynəlxalq Müsəlman Kino Festivalı davam edir. Müsabiqə proqramında Azərbaycan - Teymur Daiminin “Bu sevgidir” filmi “qısametrajlı sənədli film”, Dariuş Nəcəfin “Səs” filmi “qısametrajlı oyun filmi” nominasiyasında təqdim edilib. Natiq Axundovun “Ramazan payı” filmi müsabiqədənkənar təqdim olunub.Azərtac festivalın saytına istinadla xəbər verir ki, bu il seçim komissiyasına 61 ölkədən 782 müraciət daxil olub. Müsabiqə proqramına 27 ölkədən 60 film seçilib. Bu, Azərbaycan, Albaniya, Əfqanıstan, Banqladeş, Belçika, Macarıstan, Danimarka, Misir, Hindistan, İran, İtaliya, Qazaxıstan, Kanada, Qətər, Qırğızıstan, Malta, Mərakeş, Nepal, Niger, Rusiya, ABŞ, Tacikistan, Türkiyə, Özbəkistan, Fransa, İsveç və Estoniyadır.Sentyabrın 11-də M.Cəlil adına Opera və Balet Teatrında keçiriləcək bağlanış mərasimində laureatların adları açıqlanacaq. Nominasiyalar üzrə mükafatlarla yanaşı, xüsusi mükafatlar da olacaq.Festivalın münsiflər heyətinə Rusiyanın Xalq Artisti, rejissor Nikolay Dostal sədrlik edir. Münsiflər heyətində Azərbaycandan Ülvi Mehdi təmsil olunur. O, ən yaxşı sənədli filmi (qısa və tammetrajlı) seçəcək.xeber100.com

“YARAT” Müasir İncəsənət Mərkəzinin təqdimatında

Sentyabrın 12-də “YARAT” Müasir İncəsənət Mərkəzində İndoneziyanın məşhur musiqiçi və rəssamları ilə görüş keçiriləcək.Azərtac xəbər verir ki, sənətkarlar öz istedadlarını göstərməklə yanaşı, İndoneziyanın zəngin mədəniyyətini də Azərbaycan ictimaiyyətinə təqdim edəcəklər.Tədbirdə “KunoKini” qrupu tərəfindən hazırlanmış musiqi performansı və “G4 studio"nun yaratdıqları mural art (divar, tavan və digər irihəcmli sahələrdə müasir naxış və rəngkarlıq sənəti) nümunələri təqdim olunacaq, həmçinin qonaqlar tamaşaçılarla dialoq qurmağa çalışacaqlar.Tədbir İndoneziya Respublikasının Azərbaycandakı səfirliyi ilə birgə Bakıda keçirilən 2-ci İndoneziya Mədəniyyəti Festivalı çərçivəsində gerçəkləşəcək.xeber100.com

Nyu-York dəb həftəsi çərçivəsində

Nyu-York dəb həftəsi çərçivəsində ilk nümayişlərdə dizaynerlər 2018-ci il yaz-yay kolleksiyalarını təqdim ediblər.Azərtac dəb sahəsində məşhur Vogue jurnalına istinadən xəbər verir ki, bu il Nyu-York dəb həftəsi əvvəllər olmadığı qədər uzun çəkəcək – yeddi gün. Nümayişlərin siyahısında yeni gənc modelyerlərin markalarının iştirakı və tanınmış dizaynerlərin yerli podiuma qayıdışı nəticəsində iştirakçı sayı xeyli çoxalıb. Digər dizaynerlər ilə bərabər Nyu-York dəb həftəsi çərçivəsində Tom Ford, Valentino Qaravani, Raf Simons, Tori Berç, Ceyson Vu, Ceremi Skott, Ralf Loren və rusiyalı dizayner Alyona Axmadullina kimi tanınmış modelyerlər 2018-ci il yaz-yay kolleksiyalarını təqdim edəcəklər.Təşkilatçılar bu il keçirilən Nyu-York dəb həftəsini ən demokratik və əl çatan hesab edir. Belə ki, hazırda nümayişlərə qatılmaq çox sadələşib.WWD jurnalının məlumatına əsasən, bu il şounun qonaqlarına bir sıra əlavə xidmətlər təklif olunur: mehmanxanalarda xüsusi qulluqdan tutmuş nümayişlərdə xüsusi yerlərin tutulması və dizaynerlərlə xüsusi əlaqələrin qurulmasınadək.xeber100.com

Pantomima Teatrı yeni mövsümü sentyabrın 23-də açıq elan edəcək

Pantomima Teatrı yeni mövsümü sentyabrın 23-də “Qoca və Mələk” tamaşası ilə açıq elan edəcək.Azərtac xəbər verir ki, rejissor Elnur Rzayevin quruluşunda təqdim ediləcək tamaşa bir qocanın həyat hekayəsindən bəhs edir. Hadisələr onun yaşadıqları, başına gələn əhvalatlar fonunda cərəyan edir. Plastik həll üzrə rejissoru Xalq Artisti Bəxtiyar Xanızadə olan səhnə əsərinin musiqi tərtibatı Leyla Atayevaya məxsusdur.Qeyd edək ki, səhnə əsərinin premyerası cari il mayın 6-da baş tutub.xeber100.com