Mahnı Teatrı yeni teatr mövsümünün açılışına hazırlaşır

Mahnı Teatrı sentyabrın 18-də yeni teatr mövsümünü açıq elan edəcək. Həmin gün teatrın musiqiçi kollektivinin repertuarında möhtəşəm konsert proqramı təqdim olunacaq.Bu sözləri Azərtac-a teatrın direktor müavini İlqar Musayev deyib. Onun sözlərinə görə, teatrın tərkibində fəaliyyət göstərən xalq çalğı alətləri orkestri artıq konsertin məşqlərinə başlayıb.“Konsertdə respublikanın tanınmış ifaçıları tərəfindən bir-birindən parlaq xalq və bəstəkar mahnıları səsləndiriləcək. Bundan başqa, sentyabrın 20-də teatrda “Dan ulduzu” instrumental ansamblının konserti olacaq. Həmçinin, növbəti konsertdə də tanınmış ifaçılar çıxış edəcəklər”, - deyə İ.Musayev söyləyib.xeber100.com

XIII Beynəlxalq Müsəlman Kino Festivalı davam edir

Kazanda XIII Beynəlxalq Müsəlman Kino Festivalı davam edir. Müsabiqə proqramında Azərbaycan - Teymur Daiminin “Bu sevgidir” filmi “qısametrajlı sənədli film”, Dariuş Nəcəfin “Səs” filmi “qısametrajlı oyun filmi” nominasiyasında təqdim edilib. Natiq Axundovun “Ramazan payı” filmi müsabiqədənkənar təqdim olunub.Azərtac festivalın saytına istinadla xəbər verir ki, bu il seçim komissiyasına 61 ölkədən 782 müraciət daxil olub. Müsabiqə proqramına 27 ölkədən 60 film seçilib. Bu, Azərbaycan, Albaniya, Əfqanıstan, Banqladeş, Belçika, Macarıstan, Danimarka, Misir, Hindistan, İran, İtaliya, Qazaxıstan, Kanada, Qətər, Qırğızıstan, Malta, Mərakeş, Nepal, Niger, Rusiya, ABŞ, Tacikistan, Türkiyə, Özbəkistan, Fransa, İsveç və Estoniyadır.Sentyabrın 11-də M.Cəlil adına Opera və Balet Teatrında keçiriləcək bağlanış mərasimində laureatların adları açıqlanacaq. Nominasiyalar üzrə mükafatlarla yanaşı, xüsusi mükafatlar da olacaq.Festivalın münsiflər heyətinə Rusiyanın Xalq Artisti, rejissor Nikolay Dostal sədrlik edir. Münsiflər heyətində Azərbaycandan Ülvi Mehdi təmsil olunur. O, ən yaxşı sənədli filmi (qısa və tammetrajlı) seçəcək.xeber100.com

“YARAT” Müasir İncəsənət Mərkəzinin təqdimatında

Sentyabrın 12-də “YARAT” Müasir İncəsənət Mərkəzində İndoneziyanın məşhur musiqiçi və rəssamları ilə görüş keçiriləcək.Azərtac xəbər verir ki, sənətkarlar öz istedadlarını göstərməklə yanaşı, İndoneziyanın zəngin mədəniyyətini də Azərbaycan ictimaiyyətinə təqdim edəcəklər.Tədbirdə “KunoKini” qrupu tərəfindən hazırlanmış musiqi performansı və “G4 studio"nun yaratdıqları mural art (divar, tavan və digər irihəcmli sahələrdə müasir naxış və rəngkarlıq sənəti) nümunələri təqdim olunacaq, həmçinin qonaqlar tamaşaçılarla dialoq qurmağa çalışacaqlar.Tədbir İndoneziya Respublikasının Azərbaycandakı səfirliyi ilə birgə Bakıda keçirilən 2-ci İndoneziya Mədəniyyəti Festivalı çərçivəsində gerçəkləşəcək.xeber100.com

Nyu-York dəb həftəsi çərçivəsində

Nyu-York dəb həftəsi çərçivəsində ilk nümayişlərdə dizaynerlər 2018-ci il yaz-yay kolleksiyalarını təqdim ediblər.Azərtac dəb sahəsində məşhur Vogue jurnalına istinadən xəbər verir ki, bu il Nyu-York dəb həftəsi əvvəllər olmadığı qədər uzun çəkəcək – yeddi gün. Nümayişlərin siyahısında yeni gənc modelyerlərin markalarının iştirakı və tanınmış dizaynerlərin yerli podiuma qayıdışı nəticəsində iştirakçı sayı xeyli çoxalıb. Digər dizaynerlər ilə bərabər Nyu-York dəb həftəsi çərçivəsində Tom Ford, Valentino Qaravani, Raf Simons, Tori Berç, Ceyson Vu, Ceremi Skott, Ralf Loren və rusiyalı dizayner Alyona Axmadullina kimi tanınmış modelyerlər 2018-ci il yaz-yay kolleksiyalarını təqdim edəcəklər.Təşkilatçılar bu il keçirilən Nyu-York dəb həftəsini ən demokratik və əl çatan hesab edir. Belə ki, hazırda nümayişlərə qatılmaq çox sadələşib.WWD jurnalının məlumatına əsasən, bu il şounun qonaqlarına bir sıra əlavə xidmətlər təklif olunur: mehmanxanalarda xüsusi qulluqdan tutmuş nümayişlərdə xüsusi yerlərin tutulması və dizaynerlərlə xüsusi əlaqələrin qurulmasınadək.xeber100.com

Pantomima Teatrı yeni mövsümü sentyabrın 23-də açıq elan edəcək

Pantomima Teatrı yeni mövsümü sentyabrın 23-də “Qoca və Mələk” tamaşası ilə açıq elan edəcək.Azərtac xəbər verir ki, rejissor Elnur Rzayevin quruluşunda təqdim ediləcək tamaşa bir qocanın həyat hekayəsindən bəhs edir. Hadisələr onun yaşadıqları, başına gələn əhvalatlar fonunda cərəyan edir. Plastik həll üzrə rejissoru Xalq Artisti Bəxtiyar Xanızadə olan səhnə əsərinin musiqi tərtibatı Leyla Atayevaya məxsusdur.Qeyd edək ki, səhnə əsərinin premyerası cari il mayın 6-da baş tutub.xeber100.com

Muğam Mərkəzində musiqi axşamı təşkil ediləcək

Sentyabrın 19-da Beynəlxalq Muğam Mərkəzində “İki qəlbin dastanı” adlı kamera musiqi axşamı təşkil ediləcək.Azərtac xəbər verir ki, Üzeyir Hacıbəyli IX Beynəlxalq Musiqi Festivalı çərçivəsində reallaşacaq konsert proqramı Mədəniyyət və Turizm Nazirliyinin təşkilatçılığı ilə baş tutacaq. Konsertdə Azərbaycan və dünya bəstəkarlarının klassik və müasir musiqi əsərlərindən ibarət kompozisiyalar səsləndiriləcək.xeber100.com

Musiqili Teatr sentyabr repertuarını təqdim edir

Azərbaycan Dövlət Musiqili Teatrı özünün 108-ci teatr mövsümünün ilk ayı üçün repertuar planını açıqlayıb.Teatrın sentyabr repertuarını təqdim edirik: 16 sentyabr - Ü.Hacıbəyli. “Ər və arvad”; 17 sentyabr - İ.Əfəndiyev. “Mənim günahım”; 22 sentyabr - İ.Sadıqov. “Molla Nəsrəddinin beş arvadı”; 23 sentyabr - Ü.Hacıbəyli. “Arşın mal alan”; 24 sentyabr - Ü.Hacıbəyli. “O olmasın bu olsun”; 29 sentyabr - İ.Kalman. “Silva” (rus dilində); 30 sentyabr – Elçin. “Baladadaşın toy hamamı”. Qeyd edək ki, tamaşalar saat 19:00-da başlanır.xeber100.com

Bakı Şəhər Mədəniyyət və Turizm Baş İdarəsinin layihəsi əsasında

Sentyabrın 8-9-da Fəvvarələr meydanında Bakı Şəhər Mədəniyyət və Turizm Baş İdarəsinin layihəsi əsasında Mədəni tədbirlərin təşkili və yaradıcı gənclərlə iş üzrə Mərkəzin təşkilatçılığı ilə keçirilən “Retro Bakı” layihəsinin növbəti konsertləri baş tutacaq.İdarədən Azərtac-a bildirilib ki, bu həftə “Retro Bakı”nın qonaqları tanınmış müğənnilər İlqar Sail, Samir Rəcəbov və Elxan Çələbi, reper Anar Nağılbaz maraqlı repertuarla paytaxt sakinləri və qonaqlarının görüşünə gələcək.Qeyd edək ki, layihə əhalinin və turistlərin asudə vaxtının xoş keçməsi, Azərbaycan musiqi incilərinin, korifey bəstəkarların əsərlərinin səsləndirilməsi məqsədini daşıyır.Konsertlər hər həftə cümə və şənbə günləri sentyabrın 15-dək davam edəcək.xeber100.com

“The Hollywood Reporter” yazır…

Amerika Kino Akademiyası kinematoqrafiya sahəsində xidmətlərinə görə “Oskar” mükafatına laureatların adlarını açıqlayıb.lenta.ru saytı xəbər verir ki, bu barədə “The Hollywood Reporter” məlumat yayıb.Məlumata görə, laureatlardan biri 82 yaşlı aktyor Donald Sazerlenddır. O, karyerası ərzində 140-dan artıq filmdə çəkilib.Onların arasında “Conni silahı götürdü”, “M.E.Ş. hərbi-səhra hospitalı”, “Kazanova Fellini”, “Qürur və qərəz” kimi filmlər var.Mükafat, həmçinin rejissor və ssenarist Çarlz Bernettuya (“Qoyun qatilləri”) və Anes Vardeyə (“Xoşbəxtlik”, “Kleo 5-dən 7-yə qədər”) və operator Ouen Royzmana (“Şeytan qovan”, “Tutsi”, Teleset”) veriləcək.Mükafat qaliblərə noyabrın 11-də təqdim olunacaq.xeber100.com

Kukla Teatrı teatr mövsümünü sentyabrın 16-da açacaq

Kukla Teatrı özünün 86-cı teatr mövsümünü sentyabrın 16-da açacaq.Azərtac xəbər verir ki, həmin gün S.Marşakın “Pişiyin evi” tamaşası nümayiş olunacaq.Birhissəli tamaşa kuklalarla yanaşı, canlı planda aktyor oyunu üzərində qurulur. Rəngarəng səhnə tərtibatı və müxtəlif konstruksiyalardan kuklalarla hazırlanan tamaşanın ideyası yalançı dostluğa ikrah, dürüst münasibətə çağırış olan tamaşada uşaqlara lovğalıq, yalançılıq və xudpəsəndlik kimi mənfi keyfiyyətlərdən qaçmaq aşılanır.xeber100.com