Mədəniyyət və Turizm Nazirliyinin məlumatı

Rəşid Behbudov adına 2 nömrəli onbirillik musiqi məktəbi bu il yaranmasının 85 illiyini qeyd edir.Mədəniyyət və Turizm Nazirliyindən Azərtac-a bildirilib ki, fevralın 10-da Azərbaycan Dövlət Filarmoniyasında məktəbin şagirdləri geniş konsert proqramı ilə çıxış edəcəklər. Kollektiv dirijor Rauf Abdullayevin rəhbərliyi altında Azərbaycan Dövlət Simfonik Orkestri ilə eyni səhnəni bölüşəcək. Konsertdə R.Abdullayev, A.Rzayev, F.Mendelson, E.Qriq, C.Rossini, T.Quliyev, Motsart və digər bəstəkarların yaradıcılığına müraciət olunacaq.xeber100.com

“YARAT” Film Klubunun təşkilatçılığı ilə…

“YARAT” Müasir İncəsənət Mərkəzində amerikalı rejissor Liza Limanın “Şanslı bir fil” ekran əsəri nümayiş olunub.Azərtac xəbər verir ki, film Amerikanın ölkəmizdəki səfirliyinin dəstəyi, “YARAT” Film Klubunun təşkilatçılığı ilə reallaşıb.Tədbirdə ABŞ-ın ölkəmizdəki səfirliyinin mədəniyyət və təhsil işləri üzrə müşaviri xanım Emi Pitersen “YARAT” Film Klubu tərəfindən gerçəkləşən belə layihələrin əhəmiyyətindən danışıb. Bu yöndə reallaşdırılan layihələrin ikitərəfli mədəni əlaqələrə təkan verdiyini deyən xanım diplomat gələcəkdə bu istiqamətdə daha böyük işlər görüləcəyinə əminliyini ifadə edib.xeber100.com

Rəssamlar İttifaqında yaradıcılıq sərgisi təşkil olunacaq

Fevralın 10-da Rəssamlar İttifaqının V.Səmədova adına sərgi salonunda tanınmış rəssam Nağdəli Xəlilovun sənət əsərlərindən ibarət yaradıcılıq sərgisi təşkil olunacaq.İttifaqdan Azərtac-a bildirilib ki, sərgidə fırça ustasının müxtəlif mövzulu 70-dək sənət əsəri nümayiş olunacaq. Rəssamın 70 illik yubileyi çərçivəsində açılacaq sərgi bir həftə davam edəcək.xeber100.com

Rus Dram Teatrında premyera olacaq

Martın 12-də Rus Dram Teatrında Karlo Qoldoninin “Senyor Todero-xuliqan” pyesi əsasında hazırlanmış tamaşanın premyerası olacaq.Azərtac teatrın saytına istinadla xəbər verir ki, tamaşa Azərbaycanın Xalq Artisti Məbud Məhərrəmovun 60 illik yubileyinə həsr edilib. Səhnə əsərinin quruluşçu rejissoru Azərbaycanın Xalq Artisti Aleksandr Şarovskidir. Rolları Xalq Artisti Məbud Məhərrəmov, Əməkdar artistlər Natalya Şarovskaya, Fuad Osmanov, Mələk Abaszadə, aktyorlar Mariya Dubovitskaya, Maqsud Məmmədov, Olqa Arsentyeva, Oleq Əmirbəyov və başqaları ifa edəcəklər.Biletləri teatrın kassasından və şəhərin mərkəzləşdirilmiş kassalarından əldə etmək olar.xeber100.com

Milli Kulinariya Assosiasiyasının təşkilatçılığı ilə…

Kulinarlarımız Türkiyənin İstanbul şəhərlərində keçirilən Beynəlxalq Kulinariya Çempionatından Vətənə medallarla dönüblər. Bu münasibətlə fevralın 9-da Azərbaycan Milli Kulinariya Assosiasiyasının (AMKA) təşkilatçılığı ilə konfrans keçiriləcək.AMKA-dan Azərtac-a bildirilib ki, konfransda kulinarlarımızın qazandıqları uğurlar müzakirə olunacaq. Həmçinin onlar beynəlxalq çempionat çərçivəsində iştirak etdikləri ustad dərslərində qazandıqları təcrübəni bölüşəcəklər.xeber100.com

Beynəlxalq rəsm sərgisi açılacaq

Fevralın 21-də Muzey Mərkəzinin sərgi qalereyasında amerikalı rəssam Şeyn Quffoqqun “The observer is the observed” adlı beynəlxalq rəsm sərgisi açılacaq.Azərtac Muzey Mərkəzinin saytına istinadla xəbər verir ki, sərginin ekspozisiyası iki hissədə təqdim ediləcək. Birinci hissədə rəssamın 2008–ci ilədək, yəni yaradıcılığının erkən dövrünə aid əsərləri nümayiş olunacaq. Hər bir iş əsərə daxili parıltı effekti verən 80 yarımşəffaf rəng qatından ibarətdir. İkinci hissədə rəssamın Leonardo da Vinçiyə həsr etdiyi əsərlər yer alacaq. Aprelin 6-dək davam edəcək sərgi çərçivəsində bir çox mədəni-maarif tədbirləri təşkil ediləcək.xeber100.com

Musiqili Teatrda 107-ci mövsümün növbəti premyerası keçiriləcək

Musiqili Teatrda “Mənim günahım”ın premyerası olacaq Azərbaycan Dövlət Musiqili Teatrında 107-ci mövsümün növbəti premyerası keçiriləcək. Musiqili Teatrdan bildirib ki, xalq yazıçısı İlyas Əfəndiyevin “Mənim günahım” pyesi və  bəstəkar Qara Qarayevin ölməz musiqiləri əsasında hazırlanan tamaşa 9 fevral saat 19.00-da tamaşaçılara təqdim olunacaq.xeber100.com

İncəsənət Muzeyində fərdi sərgi açılacaq

Fevralın 7-də Müasir İncəsənət Muzeyində tanınmış azərbaycanlı rəssam İrina Eldarovanın “Brend kimi kişi” sərgisinin açılışı olacaq.Muzeydən Azərtac-a bildirilib ki, İrina Eldarovanın “Brend kimi kişi” adlı yeni layihəsi kişi təxəyyülündən doğulmuş və formalaşmış dünyaya daxil olmaq cəhdidir. Rəssam fevralın 22-dək davam edəcək fərdi sərgisi üçün 40-a yaxın müxtəlif formatlı əsərlər yaradıb.Sankt-Peterburqdakı Repin adına Dövlət Rəssamlıq, Heykəltəraşlıq, Memarlıq İnstitutunun (1975-79-cu illər) və Moskvada yerləşən V.İ.Surikov adına Dövlət Rəssamlıq İnstitutunun (1980-82-ci illər) məzunu İrina Eldarova Moskvada doğulub. Tanınmış rəssam 1995-ci ildən “Caspian Publishing House” beynəlxalq nəşriyyat evinin art-direktorudur, xaricdə, eləcə də MDB ölkələrində keçirilən bir çox sərgilərin iştirakçısıdır. Onun yaradıcılıq fəaliyyətinə rəngkarlıq və qrafika ilə yanaşı, Azərbaycan, Rusiya, Qazaxıstan və Özbəkistanın irimiqyaslı nəşriyyat layihələrinin idarəçiliyi də daxildir.xeber100.com

I ümumrespublika açıq fotosərgisi keçiriləcək

Fevralın 8-də 2 saylı Bakı “ASAN xidmət” mərkəzində “ASAN Könüllüləri” Təşkilatı və Azərbaycan Fotoqrafları Birliyinin (AFB) təşkilatçılığı, Azərbaycan Dövlət İnformasiya Agentliyinin dəstəyi ilə “Könüllülər hərəkatı fotoqrafların gözü ilə” I ümumrespublika açıq fotosərgisi keçiriləcək.AFB-dən AZƏRTAC-a bildirilib ki, sərginin əsas məqsədi könüllü hərəkatının təbliğinə dəstək vermək, Azərbaycanda mövcud olan könüllülük ənənələrini fotoqrafların obyektivindən ictimaiyyətə təqdim etdirməkdir.Fotosərgidə 15 fotoqrafın 34 fotoşəkil nümayiş olunacaq. xeber100.com

Rus Dram Teatrı təqdim edir…

Martın 12-də Rus Dram Teatrında Karlo Qoldoninin “Senyor Todero-xuliqan” pyesi əsasında hazırlanmış tamaşanın premyerası olacaq.Azərtac teatrın saytına istinadla xəbər verir ki, tamaşa xalq artisti Məbud Məhərrəmovun 60 illik yubileyinə həsr edilib. Səhnə əsərinin quruluşçu rejissoru Azərbaycanın Xalq Artisti Aleksandr Şarovskidir. Rolları Xalq Artisti Məbud Məhərrəmov, Əməkdar artistlər Natalya Şarovskaya, Fuad Osmanov, Mələk Abaszadə, aktyorlar Mariya Dubovitskaya, Maqsud Məmmədov, Olqa Arsentyeva, Oleq Əmirbəyov və başqaları ifa edəcəklər.Biletləri teatrın kassasından və şəhərin mərkəzləşdirilmiş kassalarından əldə etmək olar.xeber100.com