“Azərbaycanı tanıyaq” layihəsi çərçivəsində…

Özbəkistandakı səfirliyimizin nəzdindəki Azərbaycan Mədəniyyət Mərkəzinin (AMM) təşəbbüsü ilə “Azərbaycanı tanıyaq” layihəsi çərçivəsində növbəti xeyriyyə tədbiri keçirilib.Daşkənddəki internat məktəbi və uşaq evlərinin 250-dən çox şagirdinin qatıldığı tədbirdə AMM-in direktoru S.Abbasov Azərbaycan ilə Özbəkistan arasındakı dostluq əlaqələrindən, rəhbərlik etdiyi mərkəzin uşaq evləri ilə bağlı layihələrindən və ölkəmizdə uşaqlara yaradılan şəraitdən söhbət açıb.xeber100.com

“Məhəbbət əfsanəsi” baleti nümayiş etdiriləcək

Fevralın 10-da Rusiya Federasiyası Krasnodar diyarı L.Qatov adına “Premyera” Krasnodar Yaradıcılıq Birliyində bəstəkar Arif Məlikovun “Məhəbbət əfsanəsi” baleti nümayiş etdiriləcək.Azərtac xəbər verir ki, bu barədə məlumat “Premyera” Krasnodar Yaradıcılıq Birliyinin saytında yer alıb. Чфежкдфвфй лш, “Məhəbbət əfsanəsi” baletinin dünya premyerası 1961-ci il martın 23-də Leninqrad Opera və Balet Teatrında reallaşıb.xeber100.com

“Məhəbbət əhvalatı”adlı sərgi-yarmarka təşkil ediləcək

Fevralın 11-də “ISR Plaza”da “Məhəbbət əhvalatı” (Love story) adlı sərgi-yarmarka təşkil ediləcək.Azərtac xəbər verir ki, 22-ci dəfə baş tutacaq sərgi-yarmarkada bir sıra rəssamların əl işləri nümayiş olunmaqla yanaşı, həm də satışa çıxarılacaq. Romantik mövzulu əsərlərin üstünlük veriləcəyi sərgi-yarmarka iki gün davam edəcək.Qeyd edək ki, iştirak etmək istəyən hər kəs sərgiyə qatıla bilər.xeber100.com

Filarmoniyada xatirə gecəsi keçirilib

Filarmoniyada bəstəkar Nazim Əliverdibəyovun 90 illiyinə həsr olunmuş xatirə gecəsi keçirilib.Azərtac xəbər verir ki, gecədə unudulmaz sənətkarın həyat və yaradıcılığından, musiqi mədəniyyətimizə verdiyi töhfələrdən söz açılıb, sənət dostları onunla bağlı xatirələrini bölüşüblər.Gecədə Ü.Hacıbəyli adına Azərbaycan Dövlət Simfonik Orkestri və Dövlət Xor Kapellası konsert proqramı ilə çıxış edib.xeber100.com

“Sevgilim” adlı konsert proqramı təqdim olunacaq

Fevralın 14-də Heydər Əliyev Sarayında “Sevgilim” adlı konsert proqramı təqdim olunacaq.Sarayın mətbuat xidmətindən Azərtac-a bildirilib ki, konsertdə respublikanın tanınmış və gənc müğənnilərinin ifaları dinləniləcək.Musiqili gecədə Azərbaycan xalq, bəstəkar mahnıları ilə yanaşı, dünya bəstəkarlarının əsərlərinə də müraciət olunacaq.xeber100.com

“YARAT” Müasir İncəsənət Mərkəzi təqdim edir

Yanvarın 31-də “YARAT” Müasir İncəsənət Mərkəzində “Məryəm” qısametrajlı filmi nümayiş olunacaq.Azərtac xəbər verir ki, ekran əsəri M.Ələkbərlinin yaradıcılığı əsasında çəkilib. Film rəssamın əsərləri, onun dünyagörüşü, düşüncə tərzi və onlardan ibarət bitkin bir fikrin dünyaya çatdırılmasına xidmət edir.Azərbaycan dilində rus subtitrləri ilə təqdim olunacaq filmin nümayişinə hər kəs qatıla bilər.xeber100.com

“Reinkarnasiya” adlı rəsm sərgisi açılıb

Yanvarın 27-də Milli İncəsənət Muzeyində gənc rəssamların sənət əsərlərindən ibarət “Reinkarnasiya” adlı rəsm sərgisi açılıb.Azərtac xəbər verir ki, sənət ocağının 80 illik yubileyi çərçivəsində təşkil olunan sərgidə muzeyin direktor müavini Əminə Məlikova çıxış edərək sərginin əhəmiyyətindən danışıb.Vurğulanıb ki, muzeyin fəaliyyətində yenilik olan növbəti innovativ layihədə müasir Azərbaycan rəssamlarının muzeyin qızıl fonduna daxil olan və stasionar ekspozisiyada təqdim edilən məşhur rəssam və heykəltəraşların əsərləri əsasında yaratdıqları reinkarnasiya (ruhun yenidən qayıdışı) olunmuş avanqard üslublu əsərlər nümayiş olunur.xeber100.com

Musiqili Teatr premyeraya hazırlaşır

Musiqili Teatr növbəti premyeraya hazırlaşır.Teatrın mətbuat xidmətindən bildirilib ki, xalq yazıçısı İlyas Əfəndiyevin “Mənim günahım” pyesi əsasında hazırlanan tamaşanın məşqləri yekunlaşmaq üzrədir.Tamaşanın quruluşçu rejissoru İ.Gözəlovadır. Tamaşanın bədii rəhbəri teatrın direktoru Ə.Lalayevdir. Xatırladaq ki, səhnə əsərində bəstəkar Qara Qarayevin “Yeddi gözəl” baletindən və digər ölməz musiqilərindən istifadə olunub.xeber100.com  

“Gürcüstanın sehrli ritmləri” adlı konsert olub

Heydər Əliyev Sarayında “Gürcüstanın sehrli ritmləri” adlı konsert olub.Azərtac xəbər verir ki, konsertdə Gürcüstanın estrada ifaçıları Giya Nikoladze, Mariam Eliaşvili, Aysel Məmmədova, eyni zamanda beynəlxalq müsabiqələrin laureatları – “Martve”, “Samefo”, “Didgori” rəqs və vokal kollektivləri iştirak ediblər.xeber100.com    

Mədəniyyət və Turizm Nazirliyinin təşkilatçılığı ilə…

Bakıda Xocalı soyqırımının 25-ci ildönümünə həsr olunmuş “Şəhid şəhər” adlı uşaq rəsm müsabiqəsi elan olunub.Azərtac xəbər verir ki, rəsm müsabiqəsi Mədəniyyət və Turizm Nazirliyinin təşkilatçılığı ilə gerçəkləşib.xeber100.com