Musiqili Teatr dekabr ayı üçün repertuar planını açıqlayıb. Teatrdan bildirib ki, Musiqili Teatr bu ay da zəngin və maraqlı repertuarla çıxış edəcək. Ay ərzində tamaşaçıların böyük maraq və sevə-sevə izlədiyi tamaşalar - “O olmasın, bu olsun”, “Ər və arvad” (Ü. Hacıbəyli), “999-cu gecə” (F. Əmirovun musiqiləri və “Min bir gecə” nağıllarının motivləri əsasında), “Baladadaşın toy hamamı” (Elçin, F. Allahverdi), “Amerikalı kürəkən” (R. Mirişli, M. Haqverdiyev), “Kimdir müqəssir?” (Ə. Haqverdiyev), “Mən dəyərəm min cavana” (F. Sücəddinov, T. Vəliyeva), “Qısqanc ürəklər” (R. Mirişli, M. Haqverdiyev) və başqa tamaşalar nümayiş olunacaq. Habelə rusdilli və balaca tamaşaçılar “Fransızsayağı qarnir” (M. Kamoletti), “Düyməcik” (H.K. Anderson), “Qızıl cücə” (V. Ulanovski, V. Orlov), “Yağış göbələyinin macərası” (R. Şəfəq, V. Zimin), “Qırmızıpapaq” (E. Sabitoğlu, Y. Şvarts), A. Sadıqovun səhnələşdirdiyi “Yatmış gözəl və cırtdanlar” (Ş. Pero), “Meşə çaqqalsız olmaz” (Ə. Səmədli) və başqa səhnə əsərlərini izləyə biləcəklər.xeber100.com
