“Total” neft-qaz şirkətinin 20 illiyinə həsr olunan tədbir keçiriləcək

Noyabrın 21-də Milli İncəsənət Muzeyində Fransanın “Total” neft-qaz şirkətininAzərbaycandakı fəaliyyətinin 20 illiyinə həsr olunan təntənəli tədbir keçiriləcək.Muzeydən Azərtac-a bildirilib ki, tədbirdə Azərbaycan və Fransanın mədəniyyət, dövlət və ictimai xadimlərinin iştirakı nəzərdə tutulur.xeber100.com

Şuşa Teatrı təqdim edir…

Noyabrın 21–də Beynəlxalq Muğam Mərkəzində Şuşa Dövlət Musiqili Dram Teatrının təqdimatında görkəmli Azərbaycan dramaturqu Nəcəf bəy Vəzirovun “Dələduz” tamaşasının premyerası olacaq.Azərtac xəbər verir ki, tamaşanın quruluşçu rejissoru Lalə Şirinova, quruluşçu rəssamı Valeh Məmmədov, musiqi tərtibatçısı Ağasəlim Feyzullayevdir.Tamaşada teatrın aktyorları - Teymur Məmmədov, Mətanət Eres, Etibar Cəfərov, Rasəf Mehdiyev, Nazir Rüstəmov və b. iştirak edirlər.xeber100.com

“Şirvanşahlar Sarayı Kompleksi”nin nəzdində…

Noyabrın 19-da “Şirvanşahlar Sarayı Kompleksi”nin nəzdində “NUR Art House” adlı yeni qalereya, eləcə də Azərbaycan Dövlət Mədəniyyət və İncəsənət Universiteti (ADMİU) tələbələrinin əsərlərinin təqdim edildiyi “Gənclik nəfəsi” adlı ilk sərgi açılıb.Azərtac xəbər verir ki, sərginin açılışında ADMİU-nun rektoru Fərəh Əliyeva, sənətşünaslıq doktoru Röya Tağıyeva və Xalq Rəssamı Arif Əzizov çıxış ediblər.Bildirilib ki, sərgiyə “Gənclik nəfəsi” adının verilməsi təsadüfi deyil. Onun ekspozisiyası ADMİU-nun təsviri incəsənət fakültəsi tələbələrinin əsərlərindən – ənənəvi xalça, batik və qobelenlərdən ibarətdir.xeber100.com  

Musiqi Akademiyasında yubiley tədbiri keçirilib

Ü.Hacıbəyli adına Bakı Musiqi Akademiyasında bəstəkar Nazim Əliverdibəyovun anadan olmasının 90 illik yubileyi münasibətilə tədbir keçirilib.Azərtac xəbər verir ki, tədbirdə  tanınmış mədəniyyət və incəsənət xadimləri iştirak ediblər. Tədbir konsert proqramı ilə davam edib.xeber100.com

“Vaqif” operasının premyerası keçiriləcəkdir

Noyabrın 26-da  Azərbaycan Dövlət Akademik Opera və Balet Teatrında  bəstəkar Ramiz Mustafayevin "Vaqif" operasının premyerası keçiriləcəkdir. Operanın yeni quruluşu mərhum bəstəkarın 90 illik yubileyinə həsr olunub. Premyera tamaşasında xalq artisti Əli Əsgərov (Vəzir), Əməkdar artistlər Ramil Qasımov (Vaqif), İlahə Əfəndiyeva (Xuraman),  Əkrəm Poladov  (Vidadi) və b. çıxış  edəcəklər.Tamaşanın dirijoru Cavanşir Cəfərov, quruluşçu rejissoru Hafiz Quliyevdir.xeber100.com

Əməkdaşlıq layihələri müzakirə olunub

Mədəniyyət və turizm naziri Əbülfəs Qarayev Küveyt Dövlətinin Sivil Aviasiya üzrə Direktorluğunun baş katibi Yousef Al-Fouzanın başçılıq etdiyi nümayəndə heyəti ilə görüşüb.Nazirlikdən Azərtac-a bildirilib ki, görüşdə Ə.Qarayev iki ölkənin mədəniyyət və turizm sahələrində birgə əməkdaşlıq layihələrindən söhbət açıb. Bildirib ki, ötən ilin noyabr ayından etibarən ölkə başçısının müvafiq tapşırığına əsasən Birləşmiş Ərəb Əmirliklərinin (BƏƏ) vətəndaşları, bu ilin fevralından isə digər Körfəz ölkələri üçün hava limanlarında sadələşdirilmiş qaydada viza sistemi tətbiq olunmağa başlanılıb. Qeyd edək ki, noyabrın 22-də Küveytdə bu ölkənin Mədəniyyət və Turizm Nazirliyinin təşkilatçılığı ilə Azərbaycanın iri turizm şirkətləri və mehmanxanalarının nümayəndələrinin təmsil olunduğu təqdimatın keçiriləcəyini bildirən Ə.Qarayev vurğulayıb ki, belə tədbirlər ikitərəfli turist mübadiləsinin artmasına təkan verir. O, eyni zamanda İran Körfəzi ölkələrindən Azərbaycana gələn turistlərin sayının daha da artması üçün aviareyslərin sayının çoxaldılmasının vacibliyini vurğulayıb.xeber100.com

Teatr Muzeyində rəsm sərgisi açılacaq

Noyabrın 18-də Cəfər Cabbarlı adına Azərbaycan Dövlət Teatr Muzeyində Dövlət Müstəqilliyi Gününə həsr edilmiş “Mən Azərbaycanımı sevirəm” adlı rəsm sərgisi açılacaq.Muzeydən Azərtac-a bildirilib ki, sərgidə “Kaspi” liseyinin Bakıxanov filialının şagirdlərinin əl işləri nümayiş olunacaq.Tədbirdə, həmçinin vətənpərvərlik mövzusunda videoçarxlar, G.Şaroyev adına 35 nömrəli 11 illik musiqi məktəbinin və Nizami rayon Uşaq və Gənclər Yaradıcılıq Mərkəzinin şagirdləri ədəbi-bədii kompozisiya ilə çıxış edəcəklər.xeber100.com

Nəsibə Zeynalova – 100

Bu il böyük gülüş ustası Nəsibə Zeynalovanın anadan olmasının 100 ili tamam olur. Xatırladaq ki, yubiley tədbiri Musiqili Teatrında keçiriləcək. Teatrdan verilən məlumata görə, yubiley gecəsində N. Zeynalovanın yaxınları, sənət dostları, vaxti ilə onunla birlikdə çalışmış həmkraları iştirak edəcəklər. Musiqili Teatrın direktoru Əliqismət Lalayev bildirib ki, N. Zeynalovanın 100 illik yubiley tədbirilərinin yüksək səviyyədə keçirilməsi ilə əlaqədar ölkə başçısı  Sərəncam imzalayıb: “Sərəncama uyğun olaraq milli mədəniyyətimizin inkişafına dəyərli töhfələr vermiş korifey sənətkar, fitri istedadı ilə xalqımızın çoxəsrlik zəngin mədəniyyət salnaməsində silinməz iz qoymuş, parlaq yaradıcılıq yoluna malik olan Nəsibə Cahangir qızı Zeynalovanın 100 illik yubiley tədbiri 24 noyabr 2016-cı il tarixində keçiriləcək. Yubiley tədbirləri çərçivəsində Dövlət Teatr Muzeyi tərəfindən hazırlanmış N. Zeynalovanın yaradıcılıq yolunu əhatə edən səyyar sərginin teatrımızda, aktrisanın iştirakı ilə çəkilmiş bədii filmlərin “Nizami” Kino Mərkəzində nümayişi və qüdrətli sənətkarın həyat və yaradıcılığına həsr olunmuş kitabın (müəllifi İ. Rəhimli) və foto-albomun nəşr edilməsi nəzərdə tutulur”, - deyə Ə. Lalayev bildirib.xeber100.com                

Gənc Tamaşaçılar Teatrının məlumatı…

Gənc Tamaşaçılar Teatrı məktəblilərin payız tətili günlərinin maraqlı və yaddaqalan keçməsi üçün yeni və rəngarəng repertuarla çıxış edəcək. Teatrın mətbuat xidmətindən Azərtac-a bildirilib ki, noyabrın 15-dən 21-dək məktəblilər sənət ocağında müxtəlif janrlı səhnə əsərləri izləyəcəklər. Belə ki, teatr noyabrın 15-də “Əlincə qalası”, noyabrın 16-da “Qaraca qız”, noyabrın 17-də “Dəcəl keçi”, noyabrın 18-də “Buratinonun macəraları”, noyabrın 19-da “Balaca və damda yaşayan Karlson” tamaşaları ilə məktəblilərin görüşünə gələcək. Noyabrın 20-də isə teatrın repertuarında yeni səhnə əsəri sayılan “Uzuncorab Peppi” tamaşası təqdim olunacaq.xeber100.com

Rus Dram Teatrında mətbuat konfransı keçiriləcək

Noyabrın 18-də Azərbaycan Dövlət Rus Dram Teatrında Moskva Akademik Teatrı kollektivinin Bakıya qastroluna həsr olunan mətbuat konfransı keçiriləcək.Azərtac Rus Dram Teatrının saytına istinadla xəbər verir ki, görüşdə Rusiya Qastrol Fəaliyyətinə Dəstək Federal Mərkəzinin direktoru Anton Proxorov, V.Mayakovski Teatrının bədii rəhbəri Mindauqas Karbauskis, direktoru Leonid Oşarin, Rusiyanın Xalq artistləri Svetlana Nemolyayeva, Qalina Anisimova, Mixail Filippov, Rus Dram Teatrının direktoru, Əməkdar Mədəniyyət İşçisi Ədalət Hacıyev, teatrın baş rejissoru Aleksandr Şarovski iştirak edəcəklər.Xatırladaq ki, qastrol çərçivəsində V.Mayakovski Teatrının bədii rəhbəri Mindauqas Karbauskisin quruluşunda “Rus romanı” və Sergey Artsibaşevin quruluşunda “Evlənmə” tamaşalarının nümayişi nəzərdə tutulur.xeber100.com