Sumqayıt Dövlət Dram Teatrında yenidənqurma işləri aparılır

Ölkəmizin zəngin ənənələrə malik qabaqcıl sənət ocaqlarından birinə çevrilərək bu gün də tamaşaçıların dərin rəğbətini qazanmış Sumqayıt Dövlət Dram Teatrında son dövrlər təmirə ehtiyac yarandığından binada teatrsevərlərə keyfiyyətli tamaşalar təqdim etmək mümkün olmurdu. Azərtac xəbər verir ki, hazırda teatrda təmir və yenidənqurma işləri yüksək zövqlə və keyfiyyətlə aparılır. Teatrın 500 yerlik tamaşa və 100 yerlik konfrans zalı ən müasir avadanlıqla təchiz olunur, 360 dərəcə fırlanan səhnə tamamilə yenidən qurulur. Burada ən müasir səs-akustika sistemi quraşdırılır. Layihəyə əsasən binanın bütün mühəndis-texniki qurğuları əsaslı surətdə yenilənəcək. Teatrın ekspozisiyasının daha cəlbedici görünməsi üçün milli arxitektura nümunələrindən istifadə edilir. Binanın bütün xidməti, dekorasiya və qrim otaqları müasir üslubda tərtib olunur, mebellər tətbiqi sənətin qədim növü olan oyma üsulu ilə işlənir. Sənət ocağının köhnə parket döşəməsi sökülərək monolit dəmir-beton plitələrlə əvəzlənib, binadakı sütunlar isə mərmərdən düzəldilib. Binanın fasadı əvvəlki görünüşünü saxlamaqla üzlük daşlarla üzlənir. Sumqayıt teatrının binası özünəməxsus memarlıq üslubu ilə fərqlənir.xeber100.com

Uşaq rəsm sərgisi açılacaq

Xətai Sənət Mərkəzi Mədəniyyət və Turizm Nazirliyi, Azərbaycan Dövlət Rəsm Qalereyası ilə birlikdə “Mənim yay tətilim” adlı respublika uşaq rəsm sərgisi keçirir. Nazirlikdən Azərtac-a bildirilib ki, iştirak etmək istəyən uşaqlar əsərlərini iyulun 30-a qədər Xətai Sənət Mərkəzinə təqdim etməlidirlər. Rəsmdə mövzu və düzgün kompozisiyaya üstünlük veriləcək. Ən çox uşaqların öz duyğuları ilə işlənmiş əsərlər seçiləcək. Xətai Sənət Mərkəzində keçiriləcək sərgidə Azərbaycanın bütün bölgələrindən istedadlı uşaqlar iştirak edə bilər. 12 yaşa qədər uşaqların iştirak edəcəyi sərgidə mövzu sərbəstdir.xeber100.com

Mədəniyyət və Turizm Nazirliyinin təşkilatçılığı ilə sərgi açılacaq

Xalq Rəssamı Vidadi Nərimanbəyovun anadan olmasının 90 illik yubileyi münasibətilə iyulun 15-də Mədəniyyət və Turizm Nazirliyinin təşkilatçılığı ilə sərgi açılacaq. Nazirlikdən Azərtac-a bildiriblər ki, Azərbaycan Milli İncəsənət Muzeyində baş tutacaq sərgi iyulun 20-dək davam edəcək. Sərgidə rəssamın Azərbaycan Milli İncəsənət Muzeyi, Azərbaycan Dövlət Rəsm Qalereyası və ailə kolleksiyasında saxlanılan əsərləri nümayiş olunacaq. Həmçinin rəssamın illər öncə yaratdığı və indiyədək geniş tamaşaçı kütləsi qarşısında heç vaxt nümayiş olunmayan bir neçə əsəri də sərgilənəcək.xeber100.com

Muzey Mərkəzində fərdi rəsm sərgisi açılıb

İyulun 5-də Muzey Mərkəzində Mədəniyyət və Turizm Nazirliyinin təşkilatçılığı ilə tanınmış rəssam Bayram Salamovun fərdi rəsm sərgisi açılıb. Azərtac xəbər verir ki, tədbirdə Mədəniyyət və Turizm Nazirliyinin sektor müdiri Qalib Qasımov çıxış edərək sərginin əhəmiyyətindən söz açıb. Bildirilib ki, sərgidə nümayiş olunan 60-dək sənət əsəri müxtəlif mövzuları əhatə etməklə yanaşı, həm də rəssamın sənətə olan sevgisinin bariz nümunəsidir. Sərgidəki əsərlərin incəsənət, gözəllik, humanizm, insansevərlik mövzularını əhatə etdiyini deyən Q.Qasımov bildirib ki, bu sənət əsərləri rəssamın uzun illər səy göstərdiyi yorulmaz əməyinin bəhrəsidir. Diqqətə çatdırılıb ki, fırça ustasının emosional hisslərin rənglərlə ifadəsini yüksək sənətkarlıqla canlandırdığı sərgidə yer alan bütün əsərləri impressionist üslubda işlənib. Qeyd edilib ki, 1965-ci ildə Şəkinin Qoxmuq kəndində anadan olan Bayram Salamov 1986-cı ildə Ə.Əzimzadə adına rəssamlıq məktəbini bitirib. 1990-cı ildən Tolyatti şəhərində yaşayır. Bayram Salamovun Tolyatti, Çelyabinsk, Samara (Rusiya), Praqa (Çexiya), Limassol (Kipr) və digər şəhərlərdə 20-dək fərdi sərgisi olub. Bakıda ilk fərdi sərgisi 2014-cü ildə “1969” qalereyasında təşkil edilib. Dünyanın nüfuzlu sərgilərində iştirak edən Bayram Salamov bir çox mükafatlara layiq görülüb. O, Rusiya Rəssamlarının Yaradıcılıq İttifaqının və Beynəlxalq Rəssamlar Federasiyasının üzvüdür. Əsərləri Almaniya, Çexiya, İsveç, İtaliya, Kanada, İrlandiya və Böyük Britaniyada fərdi kolleksiyalarda saxlanılır. Rəssam sərginin təşkilində əməyi keçən hər kəsə minnətdarlığını bildirib. Sonra qonaqlar sərgi ilə tanış olublar. Sərgi iyulun 9-dək davam edəcək.xeber100.com

“Açıq kitabxana” layihəsinin təqdimatı keçiriləcək

Mədəniyyət və Turizm Nazirliyinin və M.F.Axundzadə adına Azərbaycan Milli Kitabxanasının birgə layihəsi əsasında yaradılan “Açıq kitabxana” layihəsinin yaxın günlərdə təqdimatı keçiriləcək. Milli Kitabxanadan Azərtac-a bildirilib ki, layihəyə əsasən kitabxananın Rəşid Behbudov küçəsinə baxan hissəsində olan bağçasında günün 24 saatı ərzində oxucuların və bütün vətəndaşların sərbəst şəkildə kitab mütaliə etməsinə şərait yaradan açıq kitabxana – sərbəst mütaliə guşəsi yaradılacaq. Yaradılacaq guşədə kitabsevərlər yazıçılar, şairlər, ziyalılar və alimlər tərəfindən kitabxanaya təqdim olunan kitablarla yaxından tanış ola biləcəklər. Eyni zamanda, açıq kitabxanada “Mən oxudum, sən də oxu” devizi altında “Kitabı kitaba dəyişmə” guşəsi də fəaliyyət göstərəcəkdir. Burada hər bir vətəndaşa artıq özünün mütaliə etdiyi kitabı gətirərək həmin guşəyə təhvil vermək və əvəzində mütaliə etmədiyi kitabı apararaq özünün iş və yaşayış yerində mütaliə etmək imkanı qazanacaq. Həmçinin, sözü gedən kitab guşələrinə müraciət edən hər bir kəs artıq onun mütaliə etdiyi və ona lazım olmayan kitabların başqa şəxslər tərəfindən də mütaliə olunmasına şərait yaradacaq. Burada həmçinin açıq səma altında poeziya gecələri, mütaliə axşamları, ayrı-ayrı yazıçı və şairlərlə görüşlər keçirilməklə yanaşı, yeni kitablarının təqdimat mərasimləri də təşkil olunacaq. Layihə çərçivəsində kitab satış yerləri də yaradılacaq. İstənilən müəllif özünün yeni çap olunan kitabını satış üçün bu açıq kitabxanaya təqdim edərək müəyyən müddətdən sonra satılan kitablarının dəyərini geri ala biləcək. Bu guşədə, həmçinin Azərbaycanda, Rusiyada və digər xarici ölkələrdə çap olunan istənilən kitabın onlayn sifarişi və oxuculara çatdırılması sistemi də təşkil olunacaq.xeber100.com

Gənc Tamaşaçılar Teatrında yeni səhnə əsərinin təqdimatı olacaq

İyulun 9-da Azərbaycan Dövlət Gənc Tamaşaçılar Teatrında yeni səhnə əsəri-“Qohumlar”ın təqdimatı olunacaq. Teatrın mətbuat xidmətindən Azərtac-a bildirilib ki, tamaşa Kalmık Milli Dram Teatrının bədii rəhbəri, Əməkdar İncəsənət Xadimi Boris Mandjiyevin quruluşunda səhnələşdirilib. Ötən ay premyerası baş tutan “Qohumlar” tamaşası Azərbaycan Dövlət Gənc Tamaşaçılar Teatrı və B.Basanqov adına Kalmıkiya Milli Dram Teatrı rəhbərlərinin imzaladığı qarşılıqlı yaradıcılıq müqaviləsinə əsasən hazırlanıb. İki hissəli müzikl janrlı tamaşada rolları Əməkdar artistlər Şövqi Hüseynov, Naibə Allahverdiyeva, Qurban İsmayılov, Şəfəq Əliyeva, Nəsibə Eldarova, Atabala Səfərov, aktyorlar Mehriban Hüseynova, Könül Əbilova, Sevinc Mehrəliyeva, Şəbnəm Hüseynova və Zümrüd Quliyeva ifa edəcəklər.xeber100.com

Gənc Tamaşaçılar Teatrı 88-ci mövsümə yekun vurmağa hazırlaşır

Xəbər verdiyimiz kimi Azərbaycan Dövlət Gənc Tamaşaçılar Teatrının yaradıcı heyəti artıq bir neçə gündür ki, respublikamızın bölgələrində qastrol səfərindədir. Teatrın mətbuat xidmətindən Azərtac-a bildirilib ki, V.Siqarevin “Şeytan ailəsi” əsəri əsasında hazırlanmış “Ağ ölüm” tamaşası ötən gün Yardımlı və Lənkəranda uğurla nümayiş etdirilib. Rayon ictimaiyyəti tərəfindən maraqla qarşılanan tamaşa hazırda Lerik rayonunda nümayiş olunur. Həmçinin, sözü gedən tamaşanın bu gün Astarada da nümayişi nəzərdə tutulur. Bununla da teatr özünün 88-ci mövsümünə yekun vuracaq. Bölgələrdə yaşayan əhalinin asudə vaxtının səmərəli keçirilməsi, gənclərin və məktəblilərin mənəvi estetik tərbiyəsinin formalaşdırılması məqsədilə nümayiş etdiriləcək tamaşada əsas rolları Əməkdar Artist Nübar Novruzova, aktyorlar Rəzzaq Məmmədov, Vüsal Mehrəliyev, Zülfiyyə Alhüseynova, Səbinə Məmmədova, Manaf Dadaşov və Anar Seyfullayev ifa edəcəklər.xeber100.com

“Azərbaycanı tanıyaq” adlı tədbir keçirilib

Azərbaycanın Özbəkistandakı səfirliyinin nəzdindəki Heydər Əliyev adına Azərbaycan Mədəniyyət Mərkəzinin (AMM) himayəçilik etdiyi, Daşkənddə fəaliyyət göstərən 30 nömrəli internat məktəbinin vilayətdəki Çervak istirahət zonasındakı yay düşərgəsində “Azərbaycanı tanıyaq” adlı tədbir keçirilib. Xeyriyyə tədbirində Mədəniyyət Mərkəzinin əməkdaşları, məktəbin müəllimləri və şagirdləri iştirak ediblər. Mədəniyyət Mərkəzinin direktoru Samir Abbasov Azərbaycan-Özbəkistan dostluğu, AMM-in uşaq evləri ilə bağlı layihələri, Azərbaycanda uşaqlara yaradılan şərait və digər məsələlərdən danışıb. Mədəniyyət Mərkəzinin əməkdaşı Kifayət Pirməmmədova tədbirdə Azərbaycanın mədəniyyəti, incəsənəti haqqında məlumat verib. Tədbirin bədii hissəsində uşaqlar arasında viktorina keçirilib, Azərbaycanın və Özbəkistanın dövlət simvolları, mədəniyyəti, ədəbiyyatına dair sualları cavablandıran uşaq və yeniyetmələrə hədiyyələr verilib. Mədəniyyət Mərkəzinin nəzdindəki “Azərbaycan qızları” uşaq rəqs ansamblının üzvləri bir-birindən gözəl rəqslərimizi, internat məktəbinin şagirdləri isə dünya xalqlarının rəqslərini ifa edib, şeirlər söyləyiblər. Tədbirin sonunda təxminən 150 uşağa AMM-in sovqatları, kiçik ölçüdə bayraqlar, ölkəmizin mədəniyyətinə dair suvenirlər hədiyyə edilib. Sonra uşaqlar plova, meyvə və şirniyyatlara qonaq ediliblər.xeber100.com

“Multikulturalizmin Azərbaycan modeli”…

Azərbaycan Xalça Muzeyində milli azlıqların həyat və yaşayış tərzini əks etdirən “Bir ailədə” adlı fotosərgi açılıb. Apa-nın xəbərinə görə, sərgi “Azərbaycan-doğma diyar” devizi altında Milli Azlıqların V Respublika Festivalı çərçivəsində təşkil olunub. Fotosərginin açılışında çıxış edən mədəniyyət və turizm nazirinin müavini Sevda Məmmədəliyeva bildirib ki, sərgidə Azərbaycanda yaşayan müxtəlif xalqların ənənələri, həyat tərzini əks etdirən əsərlər nümayiş olunur. O qeyd edib ki, Azərbaycanda həmişə müxtəlif ölkələrə, dillərə böyük diqqət yetirilib. Nazir müavini onu da qeyd edib ki, Bakı artıq mədəniyyətlərarası dialoqun məkanı kimi qəbul edilir. Fotosərgiyə baxış keçirildikdən sonra “Multikulturalizmin Azərbaycan modeli” mövzusunda dəyirmi masa keçirilib.xeber100.com

Fransanın milli bayramında milli rəqslərimiz təqdim olunub

Azərbaycanın Dostları Assosiasiyası və Azərbaycanın Fransadakı səfirliyi bu ölkənin Sen-Jan milli bayramı münasibətilə konsert proqramı təşkil edib. Diasporla İş üzrə Dövlət Komitəsindən Azərtac-a bildiriblər ki, konsertdə Xalq Artisti Yusif Qasımovun rəhbərlik etdiyi “Bakı ulduzları” rəqs ansamblının ifasında Azərbaycanın milli rəqsləri təqdim olunub. Konsert proqramını Sen Simeon kommunasının meri Patrik Rabaglia, Fransa senatının üzvü Natali Qule də izləyiblər. Senator N.Qule Azərbaycanın Dostları Assosiasiyasına və Azərbaycanın Fransadakı səfirliyinə tədbirə görə təşəkkürünü bildirib və rəqs ansamblının rəhbəri Yusif Qasımova Fransa Senatının xatirə medalını təqdim edib. Azərbaycanın Dostları Assosiasiyasının baş katibi Mirvari Fətəliyeva təmsil etdiyi təşkilatın fəaliyyəti haqqında məlumat verib, Azərbaycanın zəngin mədəniyyətinin təbliği və Fransa-Azərbaycan münasibətlərinin möhkəmlənməsində qurumun verdiyi töhfələrdən danışıb.xeber100.com