“Gazprom” şirkəti bu il təbii qaz istehsalını artıracaq

Rusiyanın enerji nəhəngi "Gazprom" şirkəti bu il təbii qaz istehsalını artıracaq.Azərtac şirkətə istinadla xəbər verir ki, "Gazprom" builki qaz hasilatını 2016-cı illə müqayisədə 2,7 faiz artıraraq 430,4 milyard kubmetrə çatdırmağı hədəfləyir."Gazprom" təbii qaz istehsalını 2016-cı ildə əvvəlki ilə görə 0,6 faiz yüksəldərək 419,1 milyard kubmetrə çatdırmışdı.Şirkət bu il təbii qazla yanaşı 15,3 milyon ton kondensat və 41,1 milyon ton neft istehsal etməyi planlaşdırır. "Gazprom" keçən il 39,3 milyon ton neft hasil edib ki, bu da şirkətin tarixində ən yüksək göstərici olub.xeber100.com

“Azəravtoyol” ASC sürücülərə xəbərdarlıq edib

“Azəravtoyol” ASC Nəsimi rayonu ərazisindəki bəzi küçələrdən istifadə edən sürücülərə xəbərdarlıq edib.“Azəravtoyol” ASC-nin mətbuat xidmətindən Azərtac-a bildirilib ki, ASC tərəfindən Bakı şəhərində avtonəqliyyat vasitələrinin hərəkətinin tənzimlənməsi məqsədilə bu gün Nəsimi rayonu Səməd Vurğun, Məhəmməd Füzuli və Şamil Əzizbəyli küçələrinin kəsişməsində (Heydər Əliyev Sarayının arxası) üfüqi nişanlanma xətlərinin rənglənməsi işləri aparılacaq. Görülən işlər axşam saatlarınadək yekunlaşdırılacaq.Analoji işlər 22:00-dan etibarən, həmçinin Nəsimi rayonu Şamil Əzizbəyli, Məhəmməd Füzuli, Bülbül və Səməd Vurğun küçələrində aparılacaq. Rənglənmə işləri səhər saatlarınadək yekunlaşdırılacaq.“Azəravtoyol” ASC sürücülərdən sözügedən ərazilərdə diqqətli olmalarını xahiş edir.xeber100.com

Dövlət Neft Fondunun iştirakı ilə hərrac keçirilib

Aprelin 25-də Mərkəzi Bankda Dövlət Neft Fondunun da iştirakı ilə hərrac keçirilib.Mərkəzi Bankdan Azərtac-a bildiriblər ki, hərracda manatın orta çəkili məzənnəsi 1,7025 səviyyəsində formalaşıb.xeber100.com

“PAŞA Bank” ASC-nin yeni strategiyası hazırlanır

"PAŞA Bank" ASC-nin 2018-2020-ci illəri əhatə edən yeni strategiyası hazırlanır. Əsas hədəf korporativ bankçılıq sahəsində bankın mövqeyinin gücləndirilməsidir.Azərtac xəbər verir ki, bu barədə bankın İdarə Heyətinin sədri Taleh Kazımov aprelin 25-də "PAŞA Bank"ın ötən ilin yekunları ilə bağlı keçirdiyi mətbuat konfransında deyib."Yeni strategiyanın hazırlanması iyun ayının ortalarında başa çatacaq. Strategiyada kiçik və orta sahibkarlara dəstək verilməsi əsas istiqamətlərdəndir. Kənd təsərrüfatı, informasiya və kommunikasiya texnologiyaları, nəqliyyat, fərdi bankçılıq sahəsində bankın bazar payını artırmaq niyyətindəyik", - deyə T.Kazımov diqqətə çatdırıb.xeber100.com

Dünya birjalarında neftin qiyməti…

Dünya birjalarında neftin qiyməti bahalaşıb.Nyu-Yorkun NYMEX (“New York Mercantile Exchange”) birjasında “Layt” markalı neftin bir barrelinin qiyməti 0,23 dollar bahalaşaraq 49,85 dollar, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti isə 0,28 dollar artaraq 52,24 dollar olub.xeber100.com

“Kapital Bank” nağd pul krediti təklif edir

“Kapital Bank” hər zaman müştərilərə sərfəli şərtlərlə kredit məhsulları ilə yanaşı, hazırda müştərilərinə manatla nağd pul krediti təklif edir.Bankdan Azərtac-a bildiriblər ki, “Gündəlik tələbat krediti”nin məbləği 300–20 min manat təşkil edir, müddəti isə 3 aydan 36 ayadək rəsmiləşdirilə bilər. Bu məhsul üzrə kreditlər əməkhaqqı və ya təqaüdünü “Kapital Bank”dan alan müştərilərə şamil edilir. Kredit rəsmiləşdirilməsi üçün əməkhaqqı və ya təqaüd kartı, həmçinin şəxsiyyəti təsdiq edən sənəd tələb olunur.Qeyd edək ki, Azərbaycanda ən böyük filial şəbəkəsinə malik olan “Kapital Bank”, 91 filialı və 5 şöbəsi ilə müştərilərin xidmətindədir.xeber100.com

Mərkəzi Bankın məlumatına görə…

Mərkəzi Bank tərəfindən vəsaitlərin cəlb edilməsi üzrə depozit hərracının nəticələri açıqlanıb.Bankdan Azərtac-a bildiriblər ki, aprelin 24-də Mərkəzi Bank tərəfindən vəsaitlərin cəlb edilməsi üzrə keçirilmiş növbəti depozit hərracında tələb 365,30 milyon manat, hərracın nəticəsində bağlanılmış depozit əqdləri üzrə orta ölçülmüş faiz dərəcəsi isə 13,71 faiz təşkil edib.xeber100.com

Əmlak Məsələləri Dövlət Komitəsi yeni hərrac keçirəcək

Əmlak Məsələləri Dövlət Komitəsi (ƏMDK) tərəfindən mayın 23-də yeni hərrac keçiriləcək.Komitənin mətbuat xidmətindən Azərtac-a bildirilib ki, bu hərraca ümumilikdə 133 dövlət əmlakı olmaqla 25 səhmdar cəmiyyəti, 23 kiçik dövlət müəssisə və obyekti, 74 istifadəsiz qeyri-yaşayış sahəsi və 11 nəqliyyat vasitəsi çıxarılıb.Qeyd edək ki, hərrac barədə informasiyalar komitənin rəsmi internet səhifəsi, Özəlləşdirmə portalı (privatization.az) və facebook səhifəsində yerləşdirilib. Mütəmadi yenilənən bu internet resursları vasitəsilə həm hərraca çıxarılan və həm də baş tutmuş hərraclarda satılmış əmlaklar haqqında məlumat almaq mümkündür.xeber100

Azərenerji” ASC-nin məlumatına görə…

İslam Həmrəyliyi Oyunları ilə bağlı “Azərenerji” ASC xüsusi iş rejiminə keçib.“Azərenerji” ASC-nin İctimaiyyətlə əlaqələr və mətbuat xidmətindən Azərtac-a bildirilib ki, IV İslam Həmrəyliyi Oyunları zamanı öz üzərinə düşən vəzifələri vaxtında və keyfiyyətlə yerinə yetirmək üçün ASC tərəfindən müvafiq işlər gerçəkləşdirilib. Səhmdar Cəmiyyətdə artıq bir neçə müddətdir ki, bununla bağlı lazımi təşkilati və texniki tədbirlər görülməyə başlanılıb. IV İslam Həmrəyliyi Oyunları ilə bağlı xüsusi iş rejiminə keçirilib və iş qrafiki vaxta görə uyğunlaşdırılıb. Cavabdeh şəxslər bu xüsusda təlimatlandırılıb və onlardan ibarət yeni növbətçilik cədvəli tərtib edilib. Sistem əhəmiyyətli elektrik verilişi xətləri üzrə təftiş intensivləşdirilib və bu istiqamətdə mövcud olan nəzarət gücləndirilib.“Azərenerji” ASC-nin rəhbərliyi tərəfindən bu gün qarşıdan gələn İslam Həmrəyliyi Oyunları ilə bağlı öz öhdəsinə düşən bütün vəzifələr bir daha nəzərdən keçirilib. Təchizatçıların fasiləsiz, dayanıqlı və keyfiyyətli elektrik enerjisi təminatı ilə bağlı məsələlərə bir daha diqqət yetirilib. Bununla əlaqədar qarşıya qoyulan tapşırıqlara daha məsuliyyətlə yanaşılaraq, baş verə biləcək hər hansı bir hadisəyə hazırlıqlı olmağın vacibliyi ön plana çəkilib.xeber100.com

Baku Şopinq Festivalının təqdimatında…

Qafqaz və Orta Asiyada ilk dəfə keçirilən Baku Şopinq Festivalında sərfəli alış-verişlə yanaşı, bir sıra yeniliklər də təqdim edilir.Azərtac xəbər verir ki, festival çərçivəsində yerli və xarici dizaynerlərin əl işlərindən ibarət “Fashion Pavilion” fəaliyyətə başlayıb. Buradan həm yerli, həm də xarici dizaynerlərin əl işlərini əldə etmək mümkündür. “Fashion Pavilion” istənilən tərzdə eksklüziv brendlərin tikiliş və satışını həyata keçirir.Pavilyonda yerli dizaynerlərlə gündəlik görüşlər təşkil olunur və müştərilər fərdi paltarların tikilişini sifariş edə bilirlər. Nümayiş olunan mallar yüksək keyfiyyət və müasir dəblə hazırlanıb. Pavilyonda sərgilənən məhsullar arasında milli üslubda hazırlanan geyim, aksesuar və mebel əşyalarına maraq böyükdür. Həm paytaxt sakinləri, həm də xarici qonaqların xüsusilə diqqətini çəkən isə milli sərvətimiz, UNESCO-nun Qeyri-Maddi Mədəni İrsin Reprezentativ Siyahısına daxil edilən kəlağayıdır.Beləliklə, yerli dizaynerlər festival çərçivəsində həm öz məhsullarını satışa çıxarır, həm də turistlərə milli adət-ənənəmizi, mədəniyyətimizi tanıdır. Satışa çıxarılan milli geyim və aksesuarlar sırasında bir zamanlar əsas baş geyimi hesab olunan araqçın da var.Pavilyonda müştərilərə milli ornamentli mebel əşyaları və qablar da təqdim olunur.Müxtəlif dövlətlərin təcrübəsi göstərir ki, ənənəvi şopinq festivalları turizmin inkişafına və xaricdən turist axınının artmasına müsbət təsir göstərir. Dünya Turizm Təşkilatının hesabatında da ticarət festivalları nəticəsində ev sahibliyi edən ölkəyə turist axınının 30 faizədək artdığı bildirilir.xeber100.com