Prezident seçkilərinin birinci turunun son nəticələri açıqlanıb

Gürcüstanın Mərkəzi Seçki Komissiyası (MSK) oktyabrın 28-də keçirilmiş prezident seçkilərinin birinci turunun son nəticələrini açıqlayıb.Azərtac xəbər verir ki, MSK 53 min 847 bülleteni etibarsız sayıb. Amma bu, ümumi nəticələrə təsir etməyib.MSK-nın məlumatına görə, ümumi seçicilərin 46,83 faizi və ya 1 milyon 677 min 878-i səsvermədə iştirak edib. Birinci turun nəticələrinə görə, müstəqil namizəd, hakim “Gürcü arzusu-demokratik Gürcüstan” partiyasının da dəstəklədiyi Salome Zurabişvili səslərin 38,64 faizini toplayıb. Onun lehinə 615 min 572 nəfər səs verib.“Vahid Milli Hərəkat” partiyasının və birləşmiş müxalifətin namizədi Qriqol Vaşadze isə 37,74 faiz səs toplayıb. Onu 601 min 224 seçici dəstəkləyib.Müxalifətin digər namizədi David Bakradze 10,97 faiz səs toplayıb (174 min 849). Digər namizədlər isə 3 və daha az faiz səs toplayıblar.Beləliklə, noyabrın 28-nə təyin olunmuş ikinci turda Salome Zurabişvili ilə Qriqol Vaşadze prezidentlik uğrunda mübarizə aparacaqlar.İkinci turda 3705 seçki məntəqəsi, o cümlədən xarici ölkələrdə 55 məntəqə fəaliyyət göstərəcək.Əfqanıstanda sülhməramlı qüvvələrdə iştirak edən gürcü hərbçilər noyabrın 26-da səs verəcəklər.Bununla da Gürcüstan vətəndaşları sonuncu dəfə birbaşa səsvermə ilə 6 il müddətinə ölkənin 5-ci prezidentini seçəcəklər.Gürcüstanın yeni prezidentinin andiçmə günündə yeni Konstitusiya da qüvvəyə minəcək. Yeni Konstitusiyaya görə, 2024-cü ildə prezidenti parlamentdə 300 nəfərdən ibarət seçilmiş şəxslər (deputatlar, bələdiyyə sədrləri və sakrebul rəhbərləri) seçəcəklər.xeber100.com

Brexit üzrə növbədənkənar sammit noyabrın 25-nə təyin olunub

Avropa İttifaqı Şurasının sədri Donald Tusk Aİ-nin Brexit üzrə saziş üzərində işlərin yekunlaşmasına həsr olunan növbədənkənar sammitinin noyabrın 25-də baş tutacağını bildirib. Bu barədə Interfax informasiya agentliyi xəbər verir: “Qeyri-adi bir hadisə baş verməsə, biz Brexit üzrə sazişin yekunlaşması və ona rəsmi status verilməsi üçün Avropa İttifaqı Şurasının görüşünü keçirəcəyik. Bu görüş noyabrın 25-də, bazar günü olacaq”, - deyə Donald Tusk mətbuat konfransında bildirib.Onun sözlərinə görə, həmin vaxtadək bir sıra görüşlər və müzakirələr nəzərdə tutulub. O cümlədən Aİ-nin bütün üzvləri sazişi diqqətlə nəzərdən keçirəcək və həftə sonuna qədər bütün üzv ölkələrin səfirləri müzakirələr üçün bir araya gələcək.Avropa Komissiyasının noyabrın 20-dək deklarasiya üzərində işləri başa çatdıracağı, Aİ-nin 27 ölkəsinin isə növbəti 48 saat ərzində onu qiymətləndirəcəyi gözlənilir.Qeyd edək ki, bu ərəfədə 5 saatlıq müzakirələrdən sonra Böyük Britaniyanın Nazirlər Kabineti Brexit üzrə sazişin mətnini təsdiqləyib. Hökumət üzvlərinin üçdəbirinin sənədə qarşı çıxdığı bildirilir.xeber100.com

Asiya İnkişaf Bankı 500 milyon dollar kredit ayıracaq

Asiya İnkişaf Bankının (AİB) Direktorlar Şurası Türkmənistanın nəqliyyat şəbəkəsini dəstəkləmək, ölkənin enerji təchizatının etibarlılığını təmin etmək və qonşu ölkələrə elektrik enerjisi ixracını artırmaq üçün 500 milyon dollar həcmində kredit ayıracağını təsdiqləyib.Azərtac AİB-in yaydığı məlumata istinadla xəbər verir ki, layihə ölkənin beş regionundan dördünü əhatə edir. Ayrılan vəsait Türkmənistanın müxtəlif bölgələrində yeni 110 kV, 220 kV və 500 kV-lıq elektrik xətlərinin tikintisi və üç mövcud yardımçı stansiyanın genişləndirilməsinə yönəldiləcək. 2023-cü ilin sonunadək tamamlanacaq layihənin ümumi dəyəri 675 milyon ABŞ dollarıdır ki, bunun 175 milyonu “Türkmənenergo” tərəfindən ayrılacaq.xeber100.com

Kibercinayətkarlığa qarşı birgə mübarizə aparılacaq

Əllidən çox dövlətin və 150-dən çox texnoloji şirkətin nümayəndələri kibernetik məkanda cinayətkarlığa, o cümlədən seçkilərin gedişinə müdaxilə edilməsinə və nifrət hissi mövzusunda ritorikaya qarşı birgə mübarizə aparmaq barədə razılığa gəliblər. Azərtac xəbər verir ki, UNESCO-nun qərargahında keçirilən konfransın iştirakçıları “Kibernetik məkanda etimada və təhlükəsizliyə Paris çağırışı” adlı sənəd imzalayıblar.Bu təşəbbüsü dəstəkləyənlər arasında Avropa İttifaqı ölkələri, Yaponiya, Kanada, habelə “Facebook”, “Google” və “Microsoft” şirkətləri də var. Lakin Çin, Rusiya və ABŞ həmin sənədi imzalamayıblar.Fransa Prezidenti Emmanuel Makron bu təşəbbüsün tərəfdarları arasındadır. Fransa dövlətinin başçısı özünün “Twitter” mikrobloqunda yazıb: “Bu gün ekstremistlər, avtoritar rejimlər terrorizmin təbliği məqsədilə internetdən çox fəal istifadə edirlər. Biz bu reallığa qarşı mübarizə aparmalıyıq”.xeber100.com

5,5 bal gücündə zəlzələ baş verib

İndoneziya sahillərində 5,5 bal gücündə zəlzələ olub.Trend-in ABŞ-ın Geoloji Xidmətinə istinadən verdiyi məlumata əsasən, yeraltı təkanlar UTC vaxtı ilə 07:13-də qeydə alınıb.Zəlzələ ocağının dərinliyi 123,6 kilometr təşkil edib. Dağıntlılar və xəsarət alanlar barədə məlumat daxil olmayıb.xeber100.com

“Silah haqqında” Qanuna düzəliş ediləcək

Misirin Nümayəndələr Palatası “Silah haqqında” Qanuna düzəliş edəcək.Azərtac xəbər verir ki, düzəliş layihəsinə əsasən, müvafiq lisenziya olmadan “soyuq silah” əldə edilməsinə və insanların kütləvi şəkildə toplaşdığı yerlərdə, məscidlərdə və məbədlərdə, nəqliyyat vasitələrində bu silahların gəzdirilməsinə görə cəzanın sərtləşdirilməsi nəzərdə tutulur. Bu qayda müvafiq icazəsi olmadan “soyuq silah”, tapança və tüfənglərın idxalı, istehsalı və ya alveri ilə məşğul olan bütün şəxslərə də tətbiq ediləcək.Düzəlişlərə əsasən, müvafiq icazə olmadığı halda soyuq silah alınmasına və gəzdirilməsinə görə azı üç ay müddətinə azadlıqdan məhrumetmə və 500 Misir funtundan (təxminən 28 dollar) və 5 min Misir funtuna qədər (təxminən 280 dollar) cərimə nəzərdə tutulur. Bu cür silahların alınmasına və insanların kütləvi şəkildə toplaşdığı yerlərdə, məscidlərdə və məbədlərdə, nəqliyyat vasitələrində bu silahların gəzdirilməsinə görə azı 6 ay azadlıqdan məhrumetmə və 1 min Misir funtundan (təxminən 56 dollar) 10 min Misir funtuna qədər (təxminən 560 dollar) cərimə nəzərdə tutulur. Bundan əlavə, “soyuq silah”, səsli və pnevmatik tüfənglər və tapançalar, habelə onlar üçün döyüş sursatı alverinə, idxalına və ya istehsalına görə azı 1 il azadlıqdan məhrumetmə və 10 min Misir funtundan (təxminən 560 dollar) 50 min Misir funtuna qədər (təxminən 2800 dollar) cərimə nəzərdə tutulur.xeber100.com

Latviya Seyminin deputatları parlamentin spikerini seçiblər

13-cü çağırış Latviya Seyminin deputatları “Birlik” fraksiyasının nümayəndəsi İnara Murnietseni parlamentin spikeri seçiblər.Azərtac xəbər verir ki, parlamentin 100 nəfər deputatından 44-ü İnara Murnietsenin namizədliyini dəstəkləyib. Səsvermədə 77 parlament üzvü iştirak edib. Bu ərəfədə “Həmrəylik” fraksiyasının lideri Yanis Urbanoviç bildirmişdi ki, onun partiya yoldaşları spiker seçkisində iştirak etməyəcəklər.İnara Murnietsenin 48 yaşı var. Öz karyerasına “Lauki avize” (“Kənd qəzeti”) nəşrində jurnalist kimi başlayan deputat 12-ci çağırış Latviya Seyminə başçılıq etmişdi.Qeyd edək ki, 13-cü çağırış Latviya Seyminin vitse-spikeri vəzifəsinə Yeni Mühafizəkar Partiyasının nümayəndəsi Daqmara Beytnere-Le Qall seçilib. Onun namizədliyinə deputatların 65-i səs verib. Digər namizəd Qundar Daudzeni isə parlamentin 34 üzvü dəstəkləyib.xeber100.com

Fransa Ümumavropa ordusu yaratmağı təklif edir

Fransa Prezidenti Emmanuel Makron ABŞ-dan asılı olmayan Ümumavropa ordusu yaratmağı təklif edib.Azərtac xarici KİV-lərə istinadla xəbər verir ki, Emmanuel Makron bunu “Europe 1” radiostansiyasının efirində deyib. “Əsl ordu qurmasaq avropalıları qoruya bilməyəcəyik. Bizim Birləşmiş Ştatlar olmadan da özünü müdafiə edə bilən Avropamız olmalıdır”, - deyə o bildirib.Fransa prezidenti hazırda virtual məkanda Avropanın daxili demokratik proseslərinə çox sayda müdaxilə cəhdlərinin olduğunu vurğulayıb. Onun sözlərinə görə, Avropa Çindən, Rusiyadan və hətta Birləşmiş Ştatlardan da müdafiə olunmalıdır.Avropalı siyasətçilər mütəmadi olaraq Aİ-nin vahid ordusunun qurulması təklifi ilə çıxış edirlər. Bir qədər öncə büdcə məsələləri üzrə Avropa komissarı Hünter Ettinger “Avropada və xarici missiyalarda demokratiya, insan hüquqları və azadlıqdan məsul olan ordu” barədə arzularını dilə gətirmişdi.xeber100.com

Dünya Bankı ölkələrin reytinqini təhlil edib

Fransanın “Le Figaro” qəzeti Dünya Bankının “Doing Business 2019” hesabatı üzrə ölkələrin reytinqini təhlil edib.Azərtac xəbər verir ki, qəzet hesabatda Azərbaycanın 32 pillə irəliləyərək 190 ölkə arasında 25-ci, Rusiyanın 4 pillə irəliləyərək 31-ci, Türkiyənin 17 pillə irəliləyərək 43-cü yerə yüksəldiklərini, Fransanın isə bir pillə geriləyərək hətta Ruandadan sonra qərarlaşdığını (32-ci yer) yazır. Bildirilir ki, Ruandada iş qurmaq artıq Fransadakından daha asandır. Fransada son illərdə aparılan islahatların hələ də müsbət nəticə vermədiyi qeyd olunur. Vurğulanır ki, ölkə iqtisadiyyatının fəaliyyətini stimullaşdırmaq məqsədilə aparılan islahatlar hələ də öz bəhrəsini verməyib.xeber100.com

Corriere della Sera” qəzeti yazır…

İspaniyanın miqrasiya məsələlərindən tutmuş inteqrasiyaya qədər problemlərin birgə həlli üçün İtaliyaya ehtiyacı var.Bu sözləri “Corriere della Sera” qəzetinə müsahibəsində İspaniyanın Baş naziri Pedro Sançez söyləyib.İtaliyanın Avropa İttifaqının inkişafında mühüm rol oynadığını söyləyən Baş nazir İspaniyanın sosial və iqtisadi problemlərin həllində Romaya ehtiyac duyduğunu vurğulayıb. Pedro Sançez bildirib ki, İtaliya Avropa İttifaqının xaricində qalmamalıdır. O, İtaliyanın büdcə layihəsini dəstəklədiyini və Brüsselin bu ölkəyə ehtiyacı olduğunu əlavə edib.xeber100.com