Prezident seçkiləri ilə bağlı səsvermə keçirilib

Vyetnam Sosialist Respublikasının parlamenti oktyabrın 23-də səhər saatlarında prezident seçkiləri ilə bağlı səsvermə keçirib.TASS informasiya agentliyi xəbər verir ki, səsvermənin nəticələrinin günün ikinci yarısında elan ediləcəyi gözlənilir. Bundan sonra yeni prezident xalqa, dövlətə və Vyetnamın hakim Kommunist Partiyasına sədaqət andı içəcək.Vyetnam Kommunist Partiyası Mərkəzi Komitəsinin 74 yaşlı baş katibi Nquen Fu Çonq prezident postuna yeganə namizəddir.Xatırladaq ki, Vyetnamın dövlət başçısı postu sentyabrın 21-də prezident Çan Day Kuanqın vəfatından sonra boş qalmışdı. Vyetnam konstitusiyasına əsasən, prezidentin ölümündən sonra bu vəzifə müvəqqəti olaraq vitse-prezident Danq Thi Nqok Thinə həvalə edilmişdi.xeber100.com

Əməkdaşlıq məsələləri müzakirə olunub

Türküstan vilayətinin Sarıağac şəhərində Özbəkistan, Qazaxıstan və Rusiya prezidentləri Şavkat Mirziyoyev, Nursultan Nazarbayev və Vladimir Putinin üçtərəfli qeyri-formal görüşü olub.Azərtac Özbəkistan Prezidenti mətbuat xidmətinə istinadən xəbər verir ki, görüşdə bu ölkələr arasında əməkdaşlıq, o cümlədən iqtisadi-ticarət, humanitar və digər sahələrdə əlaqələrin daha da dərinləşdirilməsi məsələləri müzakirə olunub.Görüşdə Müstəqil Dövlətlər Birliyi və digər beynəlxalq təşkilatlar çərçivəsində qarşılıqlı fəaliyyətin istiqamətləri, həmçinin regional və beynəlxalq məsələlər ətrafında fikir mübadiləsi olub.Xatırladırıq ki, Rusiya Prezidenti Vladimir Putinin Özbəkistana səfəri zamanı ölkələr arasında əlaqələrin genişləndirilməsi ilə bağlı 20 sənəd imzalanıb. Regional Əməkdaşlıq üzrə birinci Özbəkistan-Rusiya Forumunda isə iqtisadi-ticarət və sərmayə qoyuluşu sahələrində 27,1 milyard dollar dəyərində 785 ikitərəfli saziş və memorandum imzalanıb.xeber100.com

Gürcüstanda seçkiqabağı təxribatın qarşısı alınıb

Gürcüstan Dövlət Təhlükəsizliyi Xidməti (DTX) ölkədə seçkiqabağı təxribatın qarşısını alıb.Milli.az bildirir ki, bu barədə DTX məlumat yayıb.Təxribatın konkret olaraq nədən ibarət olduğu açıqlanmır. Bildirilir ki, son vaxtlar seçki kampaniyası ilə əlaqədar olaraq əhalinin daha çox toplaşdıqları yerlərdə təxribatlara hazırlıq barədə DTX-ya operativ məlumatlar daxil olurdu. Xidmətin əməkdaşlarının həyata keçirdikləri operativ axtarış-əməliyyat tədbirləri nəticəsində təxribatların qarşısı alınıb.DTX bəyan edib ki, təxribatlara və ölkədə sabitliyin pozulmasına qarşı mübarizə Daxili İşlər Nazirliyi ilə birlikdə davam etdiriləcək. Ölkənin demokratik imicinə, eləcə də əhalinin təhlükəsizliyinə xələl gətirəcək hərəkətlərin qarşısı alınacaq.xeber100.com

Sinqapurun Çanqi hava limanı dünyanın ən yaxşı hava limanı seçilib

"Business Traveller Awards 2018" mükafatının versiyası üzrə Sinqapurun Çanqi hava limanı 31-ci il ardıcıl olaraq dünyanın ən yaxşı hava limanı seçilib.Milli.az xəbər verir ki, Niderlandın paytaxtı Amsterdamın Sxiphol hava limanı Avropanın ən yaxşısı, Londonun Hitrou hava limanı isə "tax-free" sistemi ilə ƏDV məbləğini geri qaytarmaq istəyən şopinq həvəskarları üçün dünyanın ən yaxşısı seçilib.Aviaşirkətlər arasında "British Airways" 3 nominasiya üzrə qalib gəlib: "Qısa məsafələrə ən yaxşı daşıyıcı", "Daimi müştərilər üçün ən yaxşı proqram" və "Ən yaxşı salon" (5-ci terminalın gözləmə zalına görə)."Ən yaxşı loukoster" kateqoriyasında Britaniyanın "Easyjet" şirkəti qələbə qazanıb. "Şərqi Avropanın ən yaxşı aviaşirkəti" nominasiyasında "Aeroflot" birinci pillədə qərarlaşıb."Business Traveller Awards" mükafatı 1988-ci ildən oxucuların səsverməsinin nəticələri əsasında verilir.xeber100.com

Türkiyədə dördtərəfli sammit keçiriləcək

Oktyabrın 27-də İstanbulda Türkiyə, Almaniya, Fransa və Rusiya prezidentlərinin Suriya böhranı üzrə sammiti keçiriləcək.Anadolu informasiya agentliyi xəbər verir ki, bu barədə Türkiyə prezidentinin rəsmi nümayəndəsi İbrahim Kalın deyib.“Türkiyə Prezidenti Rəcəb Tayyib Ərdoğan oktyabrın 27-də İstanbul şəhərində Rusiya lideri Vladimir Putin, Fransa Prezidenti Emmanuel Makron və Almaniya kansleri Angela Merkellə Suriya böhranını müzakirə etmək üçün sammit keçirəcək”, - deyə o bildirib.İbrahim Kalının sözlərinə görə, sammitdə böhranın nizamlanması, İdlib sazişinin reallaşdırılması və bölgədəki siyasi proseslərin müzakirəsi ilə yanaşı, Suriya münaqişəsinin digər aspektləri üzrə tərəflərin birgə fəaliyyətinin razılaşdırılması planlaşdırılır. Ortaq səylər münaqişənin uzunmüddətli həlli variantlarının axtarışına yönəlməlidir.Qeyd edək ki, sentyabrın ortalarında dördtərəfli sammitə hazırlıq məqsədilə İstanbulda Türkiyə, Almaniya, Fransa və Rusiya liderlərinin beynəlxalq məsələlər üzrə köməkçilərinin görüşü keçirilmişdi.xeber100.com

Parlament seçkiləri üçün bütün hazırlıqlar başa çatıb

Əfqanıstanın Müstəqil Seçki Komissiyasının mətbuat katibi Sayed Hafizullah Haşimi oktyabrın 18-dən başlayaraq seçki kampaniyasının qadağan olunduğunu bildirib.Anadolu informasiya agentliyi xəbər verir ki, lazımi texniki qurğuların seçki mərkəzlərinə göndərildiyini deyən Haşimi seçki ilə bağlı bütün hazırlıqların başa çatdığını vurğulayıb. Bundan sonra namizədlər seçki mərkəzləri qarşısındakı təbliğat plakatlarını götürməsələr cərimə olunacaqlar.Əfqanıstanın daxili işlər naziri Veyis Bermek seçkilərdə təhlükəsizliyin təmin olunması üçün lazımi tədbirlərin görüləcəyini deyib. Onun sözlərinə görə, seçki günü ölkə ərazisində 56 min təhlükəsizlik xidməti əməkdaşı xidmət göstərəcək.Seçki komissiyası parlament seçkilərində 417-si qadınlar olmaqla, ümumilikdə 2565 nəfərin namizədliyini qeydə alıb. Ölkədə 5100 seçki mərkəzində 21 min seçki qutusu qoyulacaq. Terror təşkilatlarının nəzarətindəki bölgələrdə seçki keçirilməyəcək.Qeyd edək ki, ölkədə qeyri-sabitlik səbəbindən iki illiyə təxirə salınmış parlament seçkiləri bu il oktyabrın 20-nə təyin olunub. Əfqanıstan parlamentinə seçkilər sonuncu dəfə 2010-cu ildə keçirilmişdi.xeber100.com

Dünya İqtisadi Forumu rəqabətlilik reytinqini açıqlayıb

Dünya İqtisadi Forumu ölkələrin qlobal rəqabətlilik reytinqini açıqlayıb. Estoniya bu siyahıda 32-ci yeri tutub.Azərtac xəbər verir ki, Estoniya ötən illə müqayisədə iki pillə geriləyib. Reytinq cədvəlinə ABŞ başçılıq edir. İkinci yerdə Sinqapur qərarlaşıb, üçüncü yerdə Almaniya gəlir.Finlandiya 11-ci, Litva 40-cı, Latviya 42-ci, Rusiya 43-cü yerləri tutublar.Dünya İqtisadi Forumu müxtəlif sahələrdə 12 nəzarət göstəricisinin rəqabət qabiliyyətini qiymətləndirərkən təsisatların keyfiyyətini, infrastrukturu, makroiqtisadi sabitliyi, sağlamlığı, təhsil səviyyəsini, peşəkarlığı, əmtəə və xidmətlər bazarının səmərəliliyini, maliyyə bazarının inkişafını, texnoloji inkişaf səviyyəsini, daxili bazarın miqyasını, şirkətlərin rəqabət qabiliyyətini nəzərə alır.xeber100.com

Fransada hökumətin yeni tərkibi elan olunub

Fransada iki həftədir gözlənilən hökumətin yeni tərkibi elan olunub.Azərtac xəbər verir ki, Kristofer Kastaner Fransanın daxili işlər nazir təyin olunub. Sabiq mədəniyyət naziri Fransuaz Nisseni Frank Riester əvəz edib. Didye Giyom Stefan Traveri əvəz edərək Fransanın yeni kənd təsərrüfatı və ərzaq naziri təyin olunub.Kristofer Kastaner daxili işlər naziri təyin olunduğu üçün onun parlamentlə əlaqələr üzrə dövlət katibi vəzifəsini Mark Fesno tutub.xeber100.com

Avropa ittifaqı ilə Böyük Britaniya arasında fikir ayrılığı davam edir

Brexit barədə sazişin oktyabrın 17-dək əldə olunmasının vacibliyinə baxmayaraq, Krallığın Aİ-nin tərkibindən çıxması barədə danışıqlarda Avropa ittifaqı ilə Böyük Britaniya arasında fikir ayrılığı hələ də qalır.TASS informasiya agentliyi xəbər verir ki, bu barədə Birləşmiş Krallığın xarici işlər naziri Ceremi Hant Avropa İttifaqının 28 ölkəsinin xarici işlər nazirlərinin Lüksemburqda keçirilən iclasında deyib. Xarici İşlər Nazirliyi rəhbərinin sözlərinə görə, Londonla Brüssel arasında saziş mümkün olsa da, onun nə vaxt baş tutacağı məlum deyil.Hant Böyük Britaniyanın Baş naziri Tereza Meyin heç vaxt ölkəsi üçün sərfəli olmayan sazişi imzalamayacağını da qeyd edib.xeber100.com

“Gitex” Yüksək Texnologiyalar Həftəsi çərçivəsində

Dubayda keçirilən “Gitex” Yüksək Texnologiyalar Həftəsi çərçivəsində ölkənin Yollar və Nəqliyyat İdarəsi Amerikanın “Diversey” şirkəti tərəfindən yaradılmış robot-süpürgəçini nümayiş etdirib.Azərtac xəbər verir ki, robot insanın müdaxiləsi olmadan bütün işi yerinə yetirməyi bacarır. Bundan ötrü onun su və təmizləyici vasitələr üçün nəzərdə tutulan xüsusi rezervuarlarını doldurmaq kifayət edər. Robot əlçatmaz künclərin təmizlənməsi üçün hərlənən fırçaya, məkanda səmti müəyyənləşdirmək üçün 8 optik ötürücü cihaza və müxtəlif iş rejimi seçmək və hərəkət etməkdən ötrü sensorlu ekrana malikdir.Gələn ilin əvvəllərindən başlayaraq, metro stansiyalarında test çərçivəsində istifadə ediləcək robotlar ətraf mühit üçün təhlükəsizdir. Robot, həmçinin istifadə edilən suya 76 faizədək, kimyəvi vasitələrə isə 70 faizədək qənaət edir. Bundan əlavə, saatda 2 kilometr hərəkət edən robot-süpürgəçi cəld və effektli işləyir.xeber100.com