Parlament seçkiləri üçün bütün hazırlıqlar başa çatıb

Əfqanıstanın Müstəqil Seçki Komissiyasının mətbuat katibi Sayed Hafizullah Haşimi oktyabrın 18-dən başlayaraq seçki kampaniyasının qadağan olunduğunu bildirib.Anadolu informasiya agentliyi xəbər verir ki, lazımi texniki qurğuların seçki mərkəzlərinə göndərildiyini deyən Haşimi seçki ilə bağlı bütün hazırlıqların başa çatdığını vurğulayıb. Bundan sonra namizədlər seçki mərkəzləri qarşısındakı təbliğat plakatlarını götürməsələr cərimə olunacaqlar.Əfqanıstanın daxili işlər naziri Veyis Bermek seçkilərdə təhlükəsizliyin təmin olunması üçün lazımi tədbirlərin görüləcəyini deyib. Onun sözlərinə görə, seçki günü ölkə ərazisində 56 min təhlükəsizlik xidməti əməkdaşı xidmət göstərəcək.Seçki komissiyası parlament seçkilərində 417-si qadınlar olmaqla, ümumilikdə 2565 nəfərin namizədliyini qeydə alıb. Ölkədə 5100 seçki mərkəzində 21 min seçki qutusu qoyulacaq. Terror təşkilatlarının nəzarətindəki bölgələrdə seçki keçirilməyəcək.Qeyd edək ki, ölkədə qeyri-sabitlik səbəbindən iki illiyə təxirə salınmış parlament seçkiləri bu il oktyabrın 20-nə təyin olunub. Əfqanıstan parlamentinə seçkilər sonuncu dəfə 2010-cu ildə keçirilmişdi.xeber100.com

Dünya İqtisadi Forumu rəqabətlilik reytinqini açıqlayıb

Dünya İqtisadi Forumu ölkələrin qlobal rəqabətlilik reytinqini açıqlayıb. Estoniya bu siyahıda 32-ci yeri tutub.Azərtac xəbər verir ki, Estoniya ötən illə müqayisədə iki pillə geriləyib. Reytinq cədvəlinə ABŞ başçılıq edir. İkinci yerdə Sinqapur qərarlaşıb, üçüncü yerdə Almaniya gəlir.Finlandiya 11-ci, Litva 40-cı, Latviya 42-ci, Rusiya 43-cü yerləri tutublar.Dünya İqtisadi Forumu müxtəlif sahələrdə 12 nəzarət göstəricisinin rəqabət qabiliyyətini qiymətləndirərkən təsisatların keyfiyyətini, infrastrukturu, makroiqtisadi sabitliyi, sağlamlığı, təhsil səviyyəsini, peşəkarlığı, əmtəə və xidmətlər bazarının səmərəliliyini, maliyyə bazarının inkişafını, texnoloji inkişaf səviyyəsini, daxili bazarın miqyasını, şirkətlərin rəqabət qabiliyyətini nəzərə alır.xeber100.com

Fransada hökumətin yeni tərkibi elan olunub

Fransada iki həftədir gözlənilən hökumətin yeni tərkibi elan olunub.Azərtac xəbər verir ki, Kristofer Kastaner Fransanın daxili işlər nazir təyin olunub. Sabiq mədəniyyət naziri Fransuaz Nisseni Frank Riester əvəz edib. Didye Giyom Stefan Traveri əvəz edərək Fransanın yeni kənd təsərrüfatı və ərzaq naziri təyin olunub.Kristofer Kastaner daxili işlər naziri təyin olunduğu üçün onun parlamentlə əlaqələr üzrə dövlət katibi vəzifəsini Mark Fesno tutub.xeber100.com

Avropa ittifaqı ilə Böyük Britaniya arasında fikir ayrılığı davam edir

Brexit barədə sazişin oktyabrın 17-dək əldə olunmasının vacibliyinə baxmayaraq, Krallığın Aİ-nin tərkibindən çıxması barədə danışıqlarda Avropa ittifaqı ilə Böyük Britaniya arasında fikir ayrılığı hələ də qalır.TASS informasiya agentliyi xəbər verir ki, bu barədə Birləşmiş Krallığın xarici işlər naziri Ceremi Hant Avropa İttifaqının 28 ölkəsinin xarici işlər nazirlərinin Lüksemburqda keçirilən iclasında deyib. Xarici İşlər Nazirliyi rəhbərinin sözlərinə görə, Londonla Brüssel arasında saziş mümkün olsa da, onun nə vaxt baş tutacağı məlum deyil.Hant Böyük Britaniyanın Baş naziri Tereza Meyin heç vaxt ölkəsi üçün sərfəli olmayan sazişi imzalamayacağını da qeyd edib.xeber100.com

“Gitex” Yüksək Texnologiyalar Həftəsi çərçivəsində

Dubayda keçirilən “Gitex” Yüksək Texnologiyalar Həftəsi çərçivəsində ölkənin Yollar və Nəqliyyat İdarəsi Amerikanın “Diversey” şirkəti tərəfindən yaradılmış robot-süpürgəçini nümayiş etdirib.Azərtac xəbər verir ki, robot insanın müdaxiləsi olmadan bütün işi yerinə yetirməyi bacarır. Bundan ötrü onun su və təmizləyici vasitələr üçün nəzərdə tutulan xüsusi rezervuarlarını doldurmaq kifayət edər. Robot əlçatmaz künclərin təmizlənməsi üçün hərlənən fırçaya, məkanda səmti müəyyənləşdirmək üçün 8 optik ötürücü cihaza və müxtəlif iş rejimi seçmək və hərəkət etməkdən ötrü sensorlu ekrana malikdir.Gələn ilin əvvəllərindən başlayaraq, metro stansiyalarında test çərçivəsində istifadə ediləcək robotlar ətraf mühit üçün təhlükəsizdir. Robot, həmçinin istifadə edilən suya 76 faizədək, kimyəvi vasitələrə isə 70 faizədək qənaət edir. Bundan əlavə, saatda 2 kilometr hərəkət edən robot-süpürgəçi cəld və effektli işləyir.xeber100.com

5,3 bal gücündə zəlzələ olub

Oktyabrın 12-də yerli vaxtla saat 13:16 dəqiqədə Tokio yaxınlığındakı Çiba prefekturasında 5,3 bal gücündə zəlzələ baş verib.Azərtac Yaponiya Milli Meteorologiya Agentliyinə istinadla xəbər verir ki, zəlzələnin episentri prefekturanın şimal-şərqində, ocağı 50 kilometr dərinlikdə yerləşib.Dağıntılar və zərərçəkənlər barədə məlumat verilmir. Sunami təhlükəsi elan edilməyib.Yeraltı təkanlar Çiba və İbaraki prefekturalarında, o cümlədən paytaxt Tokioda hiss olunub.xeber100.com

İspaniya Konqresi ədliyyə nazirinin istefasını tələb edir

İspaniya Konqresi ədliyyə naziri Dolores Delqadonun istefa verməsini tələb edir.Azərtac xəbər verir ki, bu barədə qərar səs çoxluğu ilə qəbul edilib.Sənədin mətnində “ədliyyə nazirinin dərhal istefa verməli” olmasından danışılır. Bu təşəbbüsü irəli sürənlərin fikrincə, keçmiş polis komissarı Xose Vilyarexo ilə D.Delqadonun söhbətinin naziri hörmətdən salan yazısı yayılandan sonra Delqado bu vəzifədə qala bilməz.Hökumətin sədri Petro Sançes D.Delqadonu vəzifəsindən kənarlaşdırmaq hüququna malikdir, lakin Konqresin qərarı onun üçün məcburi deyil.xeber100.com

“BMW Group” Çinə sərmayə yatıracaq

Almaniyanın məşhur avtomobil istehsalçısı “BMW Group” Çinə 3,5 milyard ABŞ dolları məbləğində sərmayə yatıracaq.Azərtac xəbər verir ki, BMW-nin Çindəki partnyoru “Brilliance China Automotive Holdings” ilə əməkdaşlığı növbəti 22 il müddətinə uzadılmasına dair müqavilədə belə qeyd olunur. Razılaşmaya əsasən, birgə müəssisə olan “BMW Brilliance Automotive”in Çinin Şenyan şəhərindəki iki zavodunun sahəsi genişləndirilməklə, istehsal çoxaldılacaq. Qarşıdakı 3-5 ildə ümumi istehsal gücü ildə 650 min avtomobilə çatdırılacaq, 5 min yeni iş yeri yaradılacaq.BMW-nin yaydığı məlumata əsasən, şirkət “BMW Brilliance Automotive”dakı payını 50 faizdən 75 faizə qaldırmaq niyyətindədir.Qeyd edək ki, 2003-cü ildə yaradılan “BMW Brilliance Automotive” birgə müəssisəsi BMW avtomobillərinin istehsalı, idxalı və satışı ilə məşğuldur. Ötən il Çində 560 min BMW avtomobili satılıb ki, onun üçdə ikisi Şenyan şəhərindəki zavodlarda yığılıb.xeber100.com

Əməkdaşlıq məsələləri müzakirə edilib

Özbəkistan Prezidenti Şavkat Mirziyoyev Fransaya səfəri çərçivəsində bu ölkənin Prezidenti Emmanuel Makron ilə görüşüb.Azərtac Özbəkistan Prezidentinin mətbuat xidmətinə istinadən xəbər verir ki, prezidentlərin görüşündə iki ölkə arasında iqtisadi-ticarət, sərmayə qoyuluşu, energetika, elm və texnologiya, təhsil, turizm, səhiyyə, arxeologiya, mədəniyyət, incəsənət və digər sahələrdə əməkdaşlığın dərinləşdirilməsi, həmçinin regionda sabitliyin və təhlükəsizliyin qorunması məsələləri müzakirə edilib.Görüşdə Əfqanıstanda təhlükəsizliyin qorunması, sabitliyin bərpa olunması ilə bağlı da geniş fikir mübadiləsi aparılıb.Danışıqlarda Fransanın “Eyrbas”, “Vinçi”, “Orano”, “Total Eren”, “Veoloya”, “Fivs Şteyn”, “Buiq”, “Ranjis” və digər şirkətlərinin Özbəkistanda layihələr həyata keçirməsi məsələləri də diqqət mərkəzində olub.Söhbət zamanı Özbəkistanda Fransanın aparıcı universitetlərinin filiallarının açılması ilə bağlı razılıq əldə edilib.xeber100.com

BMT-nin iki mühüm tədbiri keçiriləcək

Qazaxıstan BMT Təhlükəsizlik Şurasının qeyri-daimi üzvü olaraq, bu il Astanada BMT çərçivəsində iki mühüm tədbir keçirəcək.Bunlar transsərhəd su axınlarının və beynəlxalq göllərin mühafizəsi və istifadəsi üzrə Konvensiyasının sessiyası, Dünya Səhiyyə Təşkilatı və UNICEF arasında ilkin səhiyyə xidmətinə dair qlobal konfransdır.Bu barədə dövlət başçısı Nursultan Nazarbayev diplomatik nümayəndələrin etimadnaməsinin qəbulu zaman bildirib.xeber100.com