Reuters agentliyinin məlumatına əsasən…

Londonda Tarix Muzeyinin yaxınlığında bir avtomobil səkidəki izdihama çırpılıb.Reuters agentliyi xəbər verir ki, hadisə nəticəsində çox sayda insan yaralanıb. İnsidentdən sonra bir nəfər saxlanılıb. Hadisə yerində geniş təhlükəsizlik tədbirləri görülüb.London polisinin yaydığı rəsmi açıqlamada hadisənin terror hücumu olub-olmadığı araşdırılır.xeber100.com

İrlandiyanın vergi idarəsinin açıqlamasında

İrlandiyanın vergi idarəsinin açıqlamasına görə, son illərdə ölkə iqtisadiyyatının sürətlə bərpa olunması milyonerlərin də sayının artımına səbəb olub. Bundan əlavə, varlıların gəlirləri son iki il ərzində təxminən iki dəfə yarım çoxalıb.Azərtac vergilər.az saytına istinadla bildirir ki, əslində, ölkədə milyonerlərin sayı göstərilən rəqəmdən artıq da ola bilərdi. Vergi idarəsi birlikdə vergi bəyannaməsi təqdim edən ər-arvadı vahid vergiödəyicisi hesab etdiyinə görə, milyonerlərin sayı az göstərilir.Nəzərə çatdırılıb ki, 850 milyonerin illik gəliri ümumilikdə 2,8 milyard avro, yəni adambaşına 3,4 milyon avro təşkil edir. Müqayisə üçün 2013-cü ildə İrlandiyada 616 rəsmi milyoner qeydə alınıb və onların illik gəlirinin ümumi məbləği 1,2 milyard avro təşkil edirdi.Son illər İrlandiya iqtisadiyyatın artımı və vətəndaşların rifah halının yaxşılaşdırılması üzrə böyük irəliləyişlər nümayiş etdirir. Mütəxəssislər bunun səbəbini rasional vergi siyasətinin həyata keçirilməsində görürlər. Bu siyasət kiçik və orta biznesi İrlandiyaya cəlb edir.“Intelligent Solution Group” beynəlxalq konsaltinq şirkətinin məlumatına əsasən, İrlandiya MDB-yə daxil olan ölkələrin vətəndaşları arasında qeyri-rezident şirkətlərin açılmasına görə ikinci yeri tutur.xeber100.com

BBC telekanalının məlumatına əsasən…

Kataloniya polisinin başçısı Jozep Luis Trapero oktyabrın 6-da Madrid məhkəməsinin qarşısına çıxıb. O, dövlətə qarşı qiyamda şübhəli bilinir.BBC telekanalı xəbər verir ki, Trapero müstəqillik barədə referendum ərəfəsində İspaniya Milli Qvardiyası əməkdaşlarının etirazçılardan mühafizəsi üzrə öhdəliklərini yerinə yetirməməkdə ittiham olunur.Məhkəməyə, həmçinin “Kataloniyanın müstəqilliyi uğrunda” hərəkatın iki əsas fəalı və yerli polisin bir əməkdaşı da çağırılıb.İspaniya hökuməti Kataloniyanın müstəqilliyi haqqında oktyabrın 1-də keçirilən referendumu qanunsuz hesab edib. Bununla bağlı Madrid məhkəməsində dinləmələr keçirilir. Cinayət işi sentyabrın 20-də regionun İqtisadiyyat Nazirliyinin binası önündə müstəqillik tərəfdarları ilə İspaniya polisi arasında qarşıdurmalarla bağlı açılıb.İspaniyanın cinayət məcəlləsinə əsasən, qiyam 15 ilədək azadlıqdan məhrumetmə ilə cəzalandırılır.xeber100.com

Kataloniyada müstəqillik barədə referendum keçirilib

İspaniyanın iqtisadiyyat naziri Luis de Gindos referendumun nəticələrinə əsasən Kataloniyanın müstəqillik qazanması imkanını istisna edib.Interfax informasiya agentliyi xəbər verir ki, nazir bunu bloomberg agentliyinin televiziya efirində çıxışı zamanı bildirib. “Muxtar regionun müstəqilliyi Kataloniya əhalisinə yalnız zərər vura bilər”, - deyə o qeyd edib.Gindos, eyni zamanda, hesab edir ki, Madridlə Barselona arasında danışıqların mümkünlüyü nəinki İspaniya, həm də, bütün Avropa üçün təhlükəli presedent yarada bilər. İspaniyanın iqtisadi qurumunun başçısı, həmçinin Kataloniyanın regional hökumətinin yüksək səviyyəli özünüidarəyə sahib olduğunu xatırladıb.Qeyd edək ki, oktyabrın 1-də Kataloniyada müstəqillik barədə referendum keçirilib. Səsvermə çox sayda insanın xəsarət alması ilə nəticələnən kütləvi ixtisaslarla müşayiət olunub. İspaniyanın Konstitusiya Məhkəməsi səsvermənin ölkənin əsas qanununa zidd olduğuna dair qərar çıxarıb.Bir qədər əvvəl Kataloniya hökumətinin başçısı səsvermənin nəticələrini parlamentin müzakirəsinə çıxaracağını vəd edib.xeber100.com

CNN telekanalının məlumatına görə…

Türkiyənin İzmir şəhərində PKK terror təşkilatına qarşı növbəti əməliyyat keçirilib.Türkiyənin CNN telekanalına istinadla xəbər verir ki, əməliyyat nəticəsində 16 nəfər həbs olunub.PKK üzvləri siyasi toplantılarda “Molotov kokteyli” atdıqları və dövlətə maddi ziyan vurduqları üçün saxlanılıblar. Həbs olunanların evlərində aparılan araşdırma zamanı təşkilata məxsus xeyli sənəd ələ keçirilib.Hadisə ilə bağlı araşdırma davam etdirilir.xeber100.com

2050-ci ildə kosmik lift istifadəyə veriləcək

Yaponiya 2050-ci ilədək ilk kosmik liftin tikintisini planlaşdırır. Layihəyə 2025-ci ildə start verilməsi nəzərdə tutulur.Azərtac "vistanews.ru"ya istinadla xəbər verir ki, yapon mühəndislərinin sözlərinə görə, 2050-ci ildə arzu edən hər kəs Yerdən Marsa kosmik lift vasitəsilə gedə biləcək. Bir həftə ərzində sərnişinlər planetlərarası liftlə təxminən 36 min kilometr uçacaqlar.Lifti yaradacaq şirkətin rəsmi nümayəndələrinin bəyanatlarına görə, hazırda mühəndislər planetlərarası liftin kompüter modeli üzərində işləri demək olar ki, başa çatdırıblar.Kosmik lift Yerdən Marsa bir gedişdə 30 sərnişin apara bilər.xeber100.com

Hərbi sahədə əməkdaşlıq əlaqələri genişləndiriləcək

İran ilə Türkiyə hərbi sahədə əməkdaşlıq əlaqələrini daha da genişləndirəcək.Azərtac xəbər verir ki, bu sözləri İran ordusunun baş qərargah rəisi general Hüseyn Bakeri deyib.General Türkiyə ordusunun baş qərargah rəisi general Hulusu Akar ilə keçirdiyi görüşün nəticəsi haqqında məlumat verib. Qeyd olunub ki, görüşdə İraq Kürdüstanındakı referendum və regional təhlükəsizlik məsələləri müzakirə olunub. Regiondakı hərbi-siyasi vəziyyəti təhlil edən tərəflər qərara gəliblər ki, hərbi əməkdaşlığı daha da genişləndirsinlər.xeber100.com  

İspaniyada qeyri-qanuni referendum keçirilib

Bu gün İspaniyanın Kataloniya vilayətində qeyri-qanuni referendum keçirilib. Bununla bağlı İspaniya hökumətinin başçısı Mariano Raxoy açıqlama verib.O Kataloniyadakı seçkilərin baş tutmayacağı barədə dəfələrlə edilən xəbərdarlığa məhəl qoymayan yerli hökuməti baş verən qalmaqallarda günahlandırıb.“Heç nəyə baxmadan biz qapılarımızı bağlamayacağıq, ümid edirik ki, problem danışıqlar yolu ilə həll olunacaq. Mən insanları təxribatlara uymamağa dəvət edirəm. Çox sevinirik ki, insanların əksəriyyəti separatizm ideyasını dəstəkləmir. Mənim hökumət rəhbəri kimi əsas vəzifəm xalqımın rifahını, əmin-amanlığını, demokratik prinsiplər və qanun çərçivəsində İspaniyanın ərazi bütövlüyünü qorumaqdır”,- deyə Baş nazir bildirib.xeber100.com

Yaponiya hökuməti ümumi seçkiləri oktyabrın 22-ə təyin etdi

Gözlənildiyi kimi, sentyabrın 28-də parlamentin aşağı palatası buraxıldıqdan sonra Yaponiya hökuməti ümumi seçkiləri oktyabrın 22-ə təyin etdi.Yaponiya qanunvericiliyinə əsasən parlamentin aşağı palatasına seçkilərdə səslərin çoxunu toplayan partiyanın lideri hökumətə rəhbərlik edir. Seçkilərin tarixi barədə qərar hökumətin aşağı palata buraxıldıqdan yarım saat sonra keçirilən iclasında qəbul edilib. İclasda seçki kampaniyasına oktyabrın 10-da start veriləcəyi elan edilsə də, bu kampaniya demək olar ki, sentyabrın 25-də başlayıb. Belə ki, həmin gün axşam keçirilən mətbuat konfransında Baş nazir Şinzo Abe parlamentin aşağı palatasını buraxmaq niyyətində olduğunu açıqlayıb. Baş nazirin hesablamalarına görə, gələn ilin dekabrında gözlənilən seçkilərin daha münasib məqamda keçirilməsi hakim koalisiya üçün uğurlu nəticələr vəd edir.xeber100.com  

TASS informasiya agentliyinin məlumatı

Kolumbiyanın Sakit Okean sahilləri rayonunda hərbçilərin və dənizçilərin həyata keçirdiyi xüsusi əməliyyatın gedişində təxminən 1,5 ton kokain müsadirə olunub.TASS informasiya agentliyi xəbər verir ki, Cənubi Amerika respublikasının Hərbi Dəniz Qüvvələrinin dənizçiləri Narinyo departamentinin Tumako bələdiyyəsi sahillərində sürət katerini saxlayaraq yoxlama aparıblar. Axtarış zamanı katerdə kokain dolu 71 kisə aşkarlanıb. Əməliyyat nəticəsində, həmçinin qaçaqmalı müşayiət edən 4 nəfər də saxlanılaraq hüquq mühafizə orqanlarına təhvil verilib.Hərbi Dəniz Qüvvələri ilin əvvəlindən bəri bu bölgədə apardıqları əməliyyatlar çərçivəsində qaçaqmalçıların narkotik maddələr və onlar üçün xammal daşıyan 71 qayığını tutub və 168 nəfəri saxlayıb.Kolumbiya narkobiznesin ən geniş yayıldığı ölkədir. Dünya üzrə kokain istehsalının təxminən 90 faizi onun payına düşür. Burada narkotiklərin qanunsuz ticarəti ilə mübarizəyə ABŞ da qoşulmalı olub. Belə ki, Kolumbiya mafiyası Birləşmiş Ştatlara ildə 50 tondan çox kokain göndərir. Bu narkotik maddənin topdansatışı kartellərə 40 milyard dollaradək qazanc gətirir. Amerikalı narkomanlar isə kokainə bir ildə 150 milyard dollara yaxın pul xərcləyirlər ki, bu da Pentaqonun büdcəsinin təxminən 25 faizinə bərabərdir.xeber100.com