“Aurora-17” hərbi təlimləri başlayır

Bu gün İsveçdə son 20 ilin ən böyük hərbi təlimləri başlayır.Azərtac xəbər verir ki, "Aurora-17" adlanan təlimlər həm havada, həm quruda, həm də dənizdə keçiriləcək.Sentyabrın 29-dək davam edəcək təlimlərdə 19 min 500 isveçli hərbçidən başqa, müxtəlif ölkələrdən, xüsusən də Danimarka, Norveç, Finlandiya, Estoniya, Litva, ABŞ və Fransadan 1500 əsgərin iştirakı gözlənilir.xeber100.com

Sinxua agentliyinin məlumatına görə…

Çinin Şərqindəki Tszyansu əyalətinin Usi şəhərində “Dünya İnternet Əşya Sərgisi-2017” (“World Internet of Things Exposition”) açılıb.Sinxua agentliyi xəbər verir ki, Çin Xalq Respublikası Sənaye və İnformasiyalaşdırma, Elm və Texnika Nazirliyi və Tszyansu əyalətinin Xalq Hökuməti tərəfindən təşkil edilən bu tədbirdə dünyanın 20 ölkə və ərazisindən 500 müəssisənin nümayəndələri iştirak edir.Ərazisi 50 min kvadrat metr olan sərgi sahəsi bir neçə tematik zonaya bölünüb. Sərgi çərçivəsində milyarder Cek Ma “Alibaba Group Holding Ltd” qrupunu təqdim edib. Qrupun idarə heyətinin sədri Cek Ma öz çıxışında bildirib ki, ənənəvi iqtisadiyyat internetin yaranmasının, avtomatlaşdırmanın və robotlaşdırmanın nəticələrini hələ onilliklər boyu hiss edəcək. Buna görə də avtomatlaşdırmanın və onlayn iqtisadiyyatın şokunu zəiflətmək üçün bütün təhsil sistemini dəyişmək, robotlarla işləməyi və onlarla yanaşı mövcud olmağı öyrənmək lazımdır.xeber100.com

ABŞ geoloji xidmətinin məlumatı

Meksika sahillərində 5,7 bal gücündə zəlzələ baş verib.Azərtac xəbər verir ki, bu barədə ABŞ-ın geoloji xidməti məlumat yayıb.Zəlzələnin episentri Paredon yaşayış məntəqəsindən 80 kilometr cənub-qərbdə, ocağı 53 kilometr dərinlikdə olub.Dağıntı və tələfat barədə məlumat verilmir.Xatırladaq ki, sentyabrın 8-də Meksikada baş verən 8 bal gücündə zəlzələ nəticəsində 60-dan çox insan həlak olub. Ölkədə üç günlük matəm elan edilib.xeber100.com

Türkiyə Xarici İşlər Nazirliyinin müraciəti

Türkiyənin Xarici İşlər Nazirliyi Almaniyada yaşayan, həmçinin bu ölkəyə səfər edən ölkə vətəndaşlarına müraciət edərək ehtiyatlı olmağı tövsiyə edib.Azərtac xəbər verir ki, bu barədə məlumat nazirliyin rəsmi saytında yerləşdirilib. Məlumatda bildirilir ki, irqçi qüvvələr tərəfindən 2000-2007-ci illərdə Almaniyada 7-si türk olmaqla 10 nəfər qeyri-alman öldürülüb. Bundan başqa, gömrük-keçid məntəqələrində türkiyəli turistlərlə kobud rəftar edilir. Müraciətdə qeyd edilir ki, hazırda Almaniyada sığınacaq tapan çoxlu sayda PKK və FETÖ mənsubu türkiyəli turistlər üçün də təhlükə mənbəyidir.xeber100.com

“Baker Hughes” şirkətinin məlumatı əsasında

ABŞ-da aktiv neft quyularının sayı azalıb.Azərtac “Baker Hughes” şirkətinə istinadla xəbər verir ki, ötən hesabat həftəsində ABŞ-da aktiv neft quyularının sayı 3 ədəd azalaraq 756, qaz quyularının sayı isə 4 ədəd artaraq 187 olub. Qarışıq fəaliyyət göstərən quyuların sayı isə 1 ədəd olub.Bu da o deməkdir ki, ABŞ-dakı aktiv neft-qaz quyularının sayı ötən həftə 1 ədəd artaraq ümumilikdə 944 olub. Beləliklə ABŞ-da aktiv neft quyularının sayı son 4 həftənin üçündə azalıb.Bir il əvvəl isə ölkədə yalnız 489 qurğu aktiv idi.Qeyd edək ki, ABŞ-da aktiv neft quyularının sayı 1981-ci ildə ölkə tarixində maksimuma, yəni 4 min 530-a çatmışdı. Neftin qiymətinin ucuzlaşması fonunda ölkədəki aktiv neft quyularının sayı ötən ilin may ayında isə minimuma – 404-ə geriləmişdi.xeber100.com

12 milyard kubmetr qaz ixracı məsələsi müzakirə edilib

Rusiya Cənubi Koreyaya ildə təxminən 12 milyard kubmetr qaz ixracı məsələsini müzakirə edir. Bu barədə jurnalistlərə Rusiyanın energetika naziri Aleksandr Novak Şərq İqtisadi Forumu zamanı məlumat verib.Azərtac xəbər verir ki, nazirin sözlərinə görə, məsələ hələlik müzakirə mərhələsindədir. Tərəflər sövdələşmənin dəyərini, investisiyanın həcmini nəzərdən keçirirlər.Eyni zamanda, Forum çərçivəsində prezident Vladimir Putin Koreya Xalq Demokratik Respublikasını da iqtisadi əməkdaşlığa cəlb etməyə çağırıb. Onun sözlərinə görə, Rusiya konkret təkliflər, o cümlədən Şimali Koreyadan keçməklə dəmir yolu və boru kəməri xətlərinin Cənubi Koreyaya çəkilməsinə dair fikir irəli sürür. Cənubi Koreya prezidenti Mun Çje İn gələcəkdə kommunikasiya xətlərinin Şimali Koreya ərazisindən çəkilməsi layihəsinin həyata keçiriləcəyinə ümid bəslədiyini ifadə edib.xeber100.com

8 bal gücündə zəlzələ baş verib

Meksikanın Sakit Okean sahilində 8 bal gücündə zəlzələ baş verib.Azərtac xəbər verir ki, bu barədə ABŞ-ın Geoloji Xidmət Mərkəzi məlumat yayıb. Yeraltı təkanların episentri Pijijiapan şəhərinin cənub-qərbindən 96 kilometr məsafədə, ocağı isə 35 kilometr dərinlikdə olub.Zəlzələdən sonra Meksika, Honduras, Ekvador, Qvatemala, Nikaraqua və Panamanı əhatə edən bölgələrdə sunami ola biləcəyi bildirilib.Dağıntı və zərərçəkənlər barədə hələlik məlumat verilmir.xeber100.com

ABŞ neft embarqosu tətbiq olunmasını tələb edir

BMT Təhlükəsizlik Şurasına qərar layihəsi təqdim edən ABŞ nüvə raket sınaqlarını davam etdirən Şimali Koreyaya neft embarqosu tətbiq olunmasını tələb edib.Azərtac xəbər verir ki, qərar layihəsi sentyabrın 11-də səsverməyə çıxarılacaq. Yeni layihə Şimali Koreyaya neft embarqosu tətbiq edilməsini, bu ölkənin lideri Kim Çen Inın xaricdəki mal varlıqlarının dondurulmasını və səyahət qadağasını, tekstil ixracının və ölkədəki işçilərin xaricdə çalışmasının qadağan edilməsini əhatə edir.Yeni sanksiyaların qəbul edilməsi üçün BMT Təhlükəsizlik Şurasının daimi üzvləri ABŞ, Rusiya, Çin, Böyük Britaniya və Fransanın veto hüququndan istifadə etməməsi və 15 üzvdən ən azı 9-nun layihə lehinə səs verməsi lazımdır.xeber100.com

Fransa hökumətinin yeni qanun layihəsində

Fransa neft və təbii qaz hasilatını 2040-cı ildə dayandırmağı planlaşdırır.Azərtac xəbər verir ki, Fransa hökumətinin yeni qanun layihəsinə görə, ölkənin quru və bütün dəniz sərhədləri daxilində neft-qaz axtarışı və istehsalı fəaliyyətinə 2040-cı ildə dayandırılması nəzərdə tutulur.Fransa Prezidenti Emmanuel Makron ölkəni 2050-ci ilə qədər karbondan təmizləmək istəyir. Nazirlər Kabinetinə təqdim olunan layihədə Fransanın şirkətlərə neft və qaz axtarışına dair icazələr verməməsi də öz əksini tapıb. Mövcud icazələr isə 2040-cı ildə başa çatmaq şəri ilə mərhələli şəkildə məhdudlaşacaq.Ölkədə benzin və dizellə işləyən nəqliyyat vasitələrinin satışının da 2040-cı ildə qadağan edilməsi nəzərdə tutulur.xeber100.com

“Counterpoint” analitik şirkətinin araşdırmasına görə…

“Counterpoint” analitik şirkətinin araşdırmasına görə, Çinin “Huawei” şirkəti ən böyük smartfon istehsalçılarının reytinqində ikinci yerə yüksəlib.Azərtac xəbər verir ki, analitiklər cari ilin iyun və iyulunda smartfon satışlarının həcmi haqda məlumatlar əsasında bu qənaətə gəliblər. Bu halda “Samsung” şirkəti reytinqdə əvvəlki kimi birinci yeri tutur.“Counterpoint” şirkətinin analitik təhlil bölməsinin direktoru Piter Riçardsonun sözlərinə görə, “Huawei” şirkəti elmi-tədqiqat və istehsal bölmələrinə investisiyalar, aqressiv marketinq və satış kanallarının genişləndirilməsi hesabına son illərdə qlobal smartfon bazarında uğur qazanmağa müvəffəq olub. P.Riçardson qeyd edib ki, “Apple” şirkətinin mövqeyinin zəifləməsi müvəqqətidir və ABŞ şirkəti yeni “iPhone” smartfonunun təqdimatından sonra “Huawei” şirkətini geridə qoyacaq.“Counterpoint” şirkətinin araşdırmasına görə, ən çox satılan smartfonların reytinqində “iPhone 7” və “7 Plus” smartfonları liderdir. Çinin “OPPO R11” və “OPPO A57” aparatları bu reytinqdə müvafiq olaraq üçüncü və dördüncü yerlərdə qərarlaşıb. İlk onluqda, həmçinin “Samsung Galaxy S8”, “Xiaomi Redmi Note 4x”, “Samsung Galaxy S8+”, “iPhone 6”, “Samsung Galaxy J7” və “Samsung Galaxy A5” smartfonları yer alıb.xeber100.com