“Galaxy J7+” smartfonu təqdim edilib

“Samsung Electronics” korporasiyası “Galaxy J7+” smartfonunu təqdim edib.Azərtac xəbər verir ki, yeni qurğu 1920x1080 piksel təsvir ölçülü 5,5 düymlük Super AMOLED displeyi, 2,4 QHs-dək səkkiznüvəli “MediaTek Helio P20” prosessoru, “Mali-T880” qrafik sürətləndiricisi və “LTE Cat-6” (məlumatların ötürülmə sürəti 300 Mbit/san təşkil edir) modemi, 4 giqabaytlıq əməli yaddaş və 32 giqabaytlıq daxili yaddaşla təchiz edilib. 256 giqabaytadək tutumlu çıxarılıb taxılan “microSD” aşıyıcılarının qurğuya qoşulması mümkündür.Əsas kameranın təsvir ölçüsü 13 meqapikseldir və işıq diodu işıqlandırıcısına malikdir. Ön kameranın təsvir ölçüsü, həmçinin 13 meqapikseldir.Bundan başqa, qurğu “GPS”, “Wi-Fi 802.11 b/g/n” və “Bluetooth 4.2” simsiz rabitə modulları, 3000 milliamper/saat tutumunda akkumulyator batareyası ilə təchiz edilib və “Android 7.1 Nougat” mobil əməliyyat sisteminin idarəetməsi altında işləyir. Barmaq izləri skaneri və 2 “SIM” kart üçün slot var.Sentyabrın 22-də satışa çıxarılacaq “Samsung Galaxy J7+” smartfonunun qiyməti təxminən 388 dollardır.xeber100.com

CNN telekanalının məlumatına əsasən…

Fransanın Azray şəhərində “Vieux Canal” musiqi festivalına ildırım düşüb. Nəticədə 15 nəfər yaralanıb, onlardan ikisinin vəziyyəti ağırdır.CNN telekanalı xəbər verir ki, bələdiyyənin məlumatına görə, ildırımın bir neçə yerə düşməsi nəticəsində çadırlara sığınan uşaqlar da yaralanıb.Hadisədən sonra festivalın proqramı ləğv edilib.xeber100.com

BMT Təhlükəsizlik Şurası təcili iclas keçirəcək

Bu gün BMT Təhlükəsizlik Şurası Şimali Koreyanın nüvə sınağı ilə əlaqədar təcili iclas keçirəcək.RİA Novosti agentliyi xəbər verir ki, iclasın keçirilməsini ABŞ-ın BMT yanında daimi nümayəndəsi Nikki Haley, habelə onun Yaponiya, Fransa, Böyük Britaniya və Cənubi Koreyadan olan həmkarları tələb ediblər. İclas Moskva vaxtı ilə saat 17:00-da keçiriləcək.Bundan əvvəl Şimali Koreya qitələrarası ballistik raketlər üçün nəzərdə tutulmuş hidrogen döyüş başlığını sınaqdan keçirdiyini bəyan edib.xeber100.com

5,2 bal gücündə zəlzələ baş verib

İndoneziyanın cənub-şərqindəki Sumatra adasında 5,2 bal gücündə zəlzələ baş verib.Anadolu agentliyinin məlumatına görə, zəlzələ ölkənin cənub-şərqindəki Sumatra adasında yerləşən Lampung bölgəsində hiss olunsa da dağıntı və insan tələfatına səbəb olmayıb. Zəlzələnin bölgəyə yaxın yerlərdə də hiss olunduğu və son 2 gündə 4-cü dəfə baş verdiyi bildirilib.xeber100.com

“Arabian Business” nəşri yazır…

Birləşmiş Ərəb Əmirliklərinin Dubay şəhərində “at nalı” formasında göydələnin tikintisinə start verilib.BƏƏ-nin “Arabian Business” nəşrinin məlumatında deyilir ki, inşa edilən binanın A və B qalalarından ibarət olması nəzərdə tutulub. A qalası 19 mərtəbəli olmaqla özündə 257 studiya tipli 2 və 3 otaqdan mənzilləri, hovuz, spa və idman zallarını, uşaqlar üçün oyun meydançasını birləşdirəcək. B qalası isə 18 mərtəbəli olmaqla 90 ədəd 3, 4 və 5 otaqlı mənzildən ibarət olacaq. Qeyd olunur ki, yaşayış kompleksindəki mənzillərin qiyməti 225 min ABŞ dollarından başlayacaq.xeber100.com

Şimali Koreya problemi müzakirə olunub

ABŞ Prezidenti Donald Tramp və Yaponiyanın Baş naziri Şinzo Abe telefon danışığı zamanı böyüməkdə olan Şimali Koreya problemini müzakirə ediblər.Anadolu agentliyi məlumat verir ki, bu barədə Ağ Ev yazılı bəyanat yayıb.Açıqlamada, ABŞ və Yaponiya liderlərinin Şimali Koreyaya qarşı təzyiqi "ən yüksək səviyyəyə qaldırmaq" məsələsində razılığa gəldiyi bildirilir.Şimali Koreyanın xüsusilə ABŞ, Yaponiya və Cənubi Koreyaya qarşı təhdidinin müzakirə olunduğu telefon danışığımda Trampın BMT meyarları əsasında üç ölkənin yaxın əlaqəsinin əhəmiyyətinə diqqət yetirdiyi qeyd edilib.xeber100.com

Frans-Press Agentliyinin məlumatına görə…

Frans-Press Agentliyinin yaydığı məlumata görə, Fransanın cənub-şərqində Var departamentində baş verən meşə yanğını 400 hektardan çox ərazini məhv edib.RİA Novosti agentliyi xəbər verir ki, yerli hökumət orqanları Paskalinett kempinqdə təxliyə elan ediblər. Yanğın Yer icmasında başlanıb və La-Lond-le-Moradək yayılıb. Paskalinett kempinqdən 115 nəfər, habelə Yerdən 50-dək adam nəfər təxliyə edilib. Yanğının söndürülməsinə 450-500 yanğınsöndürən maşın cəlb edilib.xeber100.com

ABŞ-da alkoqolizmə qarşı mübarizə başlayıb

ABŞ Prezidenti Donald Tramp sentyabrı ölkədə alkoqolizmə və narkomaniyaya qarşı ümummilli mübarizə ayı elan edib. Bu məlumat Ağ Evin açıqladığı Prezident proklamasiyasında yer alıb.TASS xəbər verir ki, sənəddə Tramp alkoqol və narkotik asılılıqdan əziyyət çəkən milyonlarla amerikalıya dəstəyini ifadə edib və bu ağır xəstəliyə qarşı mübarizədə ABŞ hökumət orqanlarının hazır olduğunu bildirib.Trampın sözlərinə görə, bu gün ABŞ-da 20 milyondan çox insan alkoqoldan və narkotikanın müxtəlif növlərindən, o cümlədən ölkədə ən böyük problem olan opioid dərmanlardan sui-istifadə edir. Proklamasiyada deyilir ki, indiki administrasiya bunlara qarşı mübarizə üçün yarım milyarddan çox dollar ayırıb. Bu pullar alkoqolizm və narkomaniyanın profilaktikasının gücləndirilməsinə, habelə ölkənin hər yerində reabilitasiya mərkəzləri şəbəkəsinin yaradılmasına yönəldilib.xeber100.com

“AP” agentliyinin məlumatı

“AP” agentliyi xəbər verir ki, yanğın Ümumdünya Ticarət Mərkəzinin yaxınlığındakı binada qeydə alınıb. Haə yerinə 170 yanğınsöndürən cəlb edilib. Zərərçəkənlər barədə məlumat verilmir.xeber100.com

Ria Novosti agentliyinin məlumatı

İranda məktəbli qızları daşıyan avtobusun aşması nəticəsində azı 12 nəfər ölüb, 33 nəfər yaralanıb.Ria Novosti agentliyi bildirir ki, hadisə ölkənin cənubundakı Fars əyalətində baş verib.xeber100.com