“Frost & Sullivan” şirkətinin proqnozlarına görə…

Biometrik texnologiyalar sahəsində nailiyyətlər sürücülük təcrübəsi, avtomobillərin təhlükəsizliyi və rahatlığı anlayışlarını radikal şəkildə dəyişir.“Frost & Sullivan” şirkətinin proqnozlarına görə, 2025-ci ilə kimi avtomobillərin təxminən 30 faizinə biometrik texnologiyalar tətbiq olunacaq. Belə ki, gələcəkdə sərnişin avtomobilləri barmaq izləri və gözün qüzehi qişasının skan edilməsi, eləcə də səs və jestlərin tanınması texnologiyası ilə təchiz olunacaq. psm7.com saytı xəbər verir ki, yeni nəsil avtomobillərə, həmçinin ürək döyüntüsü, beyin dalğaları, yorğunluq, stress və nəbz simptomlarının monitorinqi texnologiyası tətbiq ediləcək.xeber100.com  

ABŞ Senatının qərarına etiraz…

ABŞ Senatının birtərəfli qaydada İrana qarşı tətbiq edilmiş iqtisadi sanksiyaları daha 10 il müddətinə uzadılması haqqında qərarı “Nüvə anlaşması” ilə yanaşı, beynəlxalq qanunlara da ziddir.Bu sözləri İranın Xarici İşlər Nazirliyinin nümayəndəsi Bəhram Qasemi Tehranda keçirdiyi mətbuat konfransında deyib. Onun sözlərinə görə, İran ilə Qərb dövlətləri arasında 2015-ci ilin iyununda razılıq əldə olunaraq sənəd imzalanıb. İmzalanan sənədə əsasən, İrana qarşı tətbiq olunan beynəlxalq iqtisadi sanksiyalar aradan qaldırılmalı, bunun müqabilində isə İran nüvə proqramını məhdudlaşdırmalıdır. İran razılığa əsasən üzərinə düşən öhdəliyi yerinə yetirsə də, ABŞ bunu etmir.xeber100.com

5,2 bal gücündə zəlzələ baş verib

Kosta-Rikanın mərkəzi hissəsində 5,2 bal gücündə zəlzələ baş verib.TASS agentliyi xəbər verir ki, yeraltı təkanların episentri paytaxt San-Hose şəhərindən 30 kilometr aralıda, ocağı isə 5 kilometr dərinlikdə yerləşib.Dağıntı və zərərçəkənlər barədə məlumat verilmir.xeber100.com

Türkiyə Mərkəzi Bankının rəsmi məlumatı…

Türkiyənin milli valyutası olan lirənin məzənnəsi sürətlə aşağı düşməkdə davam edir.Türkiyə Mərkəzi Bankının rəsmi məlumatına görə, dekabrın 1-də ölkə ərazisində bir ABŞ dolları 3,43 lirəyə satılıb. Son bir ayda lirə təxminən 30 qəpik (kuruş) ucuzlaşıb. Bu geriləmə avronun məzənnəsində də baş verməkdədir.Qeyd edək ki, hələlik Mərkəzi Bankın lirənin ucuzlaşması prosesinin qarşısını almaq üçün gördüyü tədbirlər nəticə vermir.xeber100.com

Associated Press agentliyinin yaydığı məlumata görə…

ABŞ-da prezident seçkilərindən sonra Viskonsin ştatında səslər yenidən sayılacaq. Seçici səslərinin yenidən hesablanması prosesi bu gün başlanacaq.Associated Press agentliyinin yaydığı məlumata görə, belə bir hesablama son 16 ildə ilk dəfədir aparılır. Bundan əvvəl müvafiq prosedura 2000-ci ildə, oğul Corc Buş və Albert Qor prezidentliyə namizədlər olarkən əl atılmışdı.Ştatın seçki komissiyasının rəhbərliyi 3 milyonadək səsin yenidən hesablanması prosesinin təşkili üçün yeni işçilər cəlb edib və iş gününü uzadıb. “Yaşılların” namizədi Cill Staynın tələb etdiyi kimi, ştatın əksər şəhərlərində səslər əl ilə sayılacaq. Agentlik xatırladır ki, seçilmiş prezident Donald Tramp Viskonsin ştatında Demokratik Partiyadan olan rəqibi Hillari Klintonu 22 min səslə üstələyib.Bir qədər əvvəl məlumat verilmişdi ki, Cill Stayn üç ştatda – Miçiqan, Pensilvaniya Viskonsin ştatlarında səslərin yenidən sayılması barədə petisiya vermək niyyətindədir. Bu üç ştatın ikisində - Pensilvaniya və Viskonsində seçilmiş prezident Donald Tramp əsas rəqibi Hillari Klintona minimal üstünlüklə qalib gələrək ümumilikdə 30 seçkiçinin səsini alıb.xeber100.com

“Vergi limanları” hesab olunan ölkələrin “qara siyahı”sı açıqlanacaq

Avropa Komissiyasının “vergi şəffaflığı sahəsində hazırladığı inqilab” vergilərin ödənilməsindən yayınmaya qarşı təsirli mübarizə aparmağa şərait yaradacaq.“vergilər.az” saytı bildirir ki, bunu Vergi məsələləri üzrə Avropa komissarı Pyer Moskovisi Avropanın gələcəyi mövzusuna həsr edilmiş sammitdəki nitqində bəyan edib.Komissarın sözlərinə görə, “Lüksemburq sızıntısı”, “Panama sənədləri” və “Baham sızıntısı” kimi hadisələr Avropa Komissiyasını həlledici addımlar atmağa vadar edib.P.Moskovisi əlavə edib ki, Avropa İttifaqı ölkələri tezliklə bank sirrindən imtina edəcəklər, şirkətlər isə vergi dərəcəsini azaltmaq və ümumiyyətlə vergi ödəməkdən yayınmaq üçün sərhədləri manipulyasiya etmək imkanından məhrum olunacaqlar.Eyni zamanda Avropa Komissiyası “vergi limanları” hesab olunan ölkələrə təsir göstərmək üçün onların “qara siyahısını” açıqlayacaq.

TASS informasiya agentliyinin məlumatı…

Braziliya Prezidenti Mişel Temer göyərtəsində “Şapekoense” klubu futbolçularının olduğu təyyarənin qəzaya uğraması ilə əlaqədar ölkədə üç günlük matəm elan edib.TASS informasiya agentliyi xəbər verir ki, bu barədə məlumat ölkə prezidentinin twitter səhifəsində yer alıb. Mişel Temer təyyarə qəzası qurbanlarının doğmalarına və yaxınlarına başsağlığı verib, həmçinin bildirib ki, dövlət həlak olanların qohumlarına hər cür dəstək göstərəcək.Xatırladaq ki, göyərtəsində 72 sərnişinin, o cümlədən Braziliyanın “Şapekoense” klubu futbolçularının və 9 ekipaj üzvünün olduğu təyyarə Kolumbiyanın Medelin hava limanından 50 kilometr aralıda qəzaya uğrayıb. Qəza nəticəsində təyyarədəki 81 nəfərin 75-i həyatını itirib.LAMIA aviaşirkətinə məxsus təyyarə futbolçuları Medelin şəhərinə aparırdı. Noyabrın 30-da burada Cənubi Amerika kuboku turniri çərçivəsində yerli “Atletiko Nasional” və Brazilyanın “Şapekoense” klubları arasında oyun keçirilməli idi.xeber100.com

Yay Olimpiya və Paralimpiya Oyunlarının keçiriləcəyi yerlər müəyyənləşdirilib

Yaponiyanın paytaxtında dördtərəfli danışıqlar zamanı 2020-ci ildə Tokioda keçiriləcək Yay Olimpiya və Paralimpiya Oyunları ilə bağlı xərclərin azaldılması məqsədilə aparılan müzakirələrdə avarçəkmə və üzgüçülük üzrə iki yeni obyektin inşası barədə razılıq əldə olunub. Voleybol yarışları üçün yeni obyektin inşası təklifindən isə imtina edilib.Noyabrın 30-da təşkil olunan görüşdə Tokio şəhər qubenatoru, Olimpiadanın təşkilat komitəsinin sədri, Olimpiadaya hazırlıq üzrə əlaqədar dövlət naziri və Beynəlxalq Olimpiya Komitəsinin vitse-prezidenti iştirak ediblər.İştirakçılar əvvəlcədən nəzərdə tutulduğu kimi, Tokionun dəniz sahilində avarçəkmə üzrə yeni obyektin inşası barədə razılıq əldə etsələr də, onun inşası üçün xərclərin azaldılması qərara alınıb. Tokio qubernatoru Yurike Koike həmin yarışların 2011-ci il zəlzələsi zamanı zərərçəkən Miyaqi prefekturasındakı hazır obyektdə keçirməyi təklif edirdi.xeber100.com

Rio-2016 Olimpiya Oyunlarının hazırlıq prosesi müzakirə olunub

Tokioda 2020-ci ildə keçiriləcək Olimpiya və Paralimpiya Oyunlarının təşkilat komitəsinin üzvlərinin Rio-de-Janeyro Oyunlarının təşkilat komitəsindəki həmkarları ilə görüşü keçirilir.Noyabrın 28-də Tokioda təşkil edilən görüşün birinci günündə 2020-ci il Olimpiadasının təşkilat komitəsinin sədri Yoşiro Mori, Tokionun qubernatoru Yuriko Koike və Rio-de-Janeyronun meri Eduardo Paes də iştirak ediblər. Üç yüzədək iştirakçı Beynəlxalq Olimpiya Komitəsinin Rio-de-Janeyro Oyunlarının hazırlanmasına məsul olan üzvləri ilə panel müzakirələr aparılıb.xeber100.com

Almaniya Xarici İşlər Nazirliyinin hesablamalarına görə…

Almaniya Xarici İşlər Nazirliyinin hesablamalarına görə, Rusiya-Qərb münasibətlərini kəskinləşdirən Ukrayna münaqişəsi sürətlə silahlanmanı tamamilə real edib. “Die Welt” qəzeti F.V. Ştaynmayerin bu sözlərini sitat gətirib: “Yaranmış vəziyyət müharibə və sülh məsələsini qitəmiz üçün yenindən aktual edib”. F.V.Ştaynmayerin sözlərinə görə, Avropa yeni sürətlə silahlanma təhlükəsi qarşısındadır. Buna görə də “sabitliyi və sülhü möhkəmləndirmək üçün mümkün olan hər şeyi etmək lazımdır”.Almaniya xarici işlər nazirinin nöqteyi-nəzərini silahlara nəzarət prosesinin “yenidən başlanmasına” dəstək qrupunda birləşən ATƏT ölkələrindən 15 həmkarı da bölüşüb. Noyabrın 25-də Berlində keçirdikləri görüşdə onların qəbul etdikləri bəyanatda F.V.Ştaynmayerin dəlilləri, demək olar, sözbəsöz əksini tapıb.xeber100.com