Özbəkistan Mərkəzi Seçki Komissiyasının məlumatına görə…

Qanunvericiliyə uyğun olaraq noyabrın 24-dən Özbəkistanda prezident seçkilərində vaxtından əvvəl səsvermə başlayıb. Səsvermə dekabrın 2-dək davam edəcək.On gün ərzində seçki məntəqələri səhər saat 9.00-dan 18.00-dək fəaliyyət göstərəcək.Özbəkistan Mərkəzi Seçki Komissiyasının verdiyi məlumata görə, əsas səsvermə günü - dekabrın 4-də Özbəkistanda olmayan, xarici səfərdə olan, bu və ya digər səbəblərdən həmin gün səs verə bilməyən vətəndaşlar bu hüquqdan istifadə edə biləcək.xeber100.com

Danimarka hökuməti qaçqınlarla bağlı qərar qəbul edib

Danimarka hökuməti Krallığın BMT-nin kvotası üzrə qaçqınların qəbul edilməsi proqramında iştirakının müvəqqəti dayandırılmasını bəyan edib.Danimarka KİV-ləri bu barədə məlumat verərək xatırladırlar ki, BMT-nin Qaçqınların işləri üzrə ali komissarı idarəsinin kvotasına uyğun olaraq bu ölkəyə hər il 500 nəfər sığınacaq axtaran insan gəlirdi.İnteqrasiya məsələləri üzrə nazir İnqer Stoyber ölkə parlamentində keçirilən görüşdə xatırladıb ki, Danimarkanın sosial, iqtisadi və mədəni sahədə yaranmış vəziyyətin öhdəsindən gələ bilməsi üçün bu ölkənin sözügedən proqramda iştirakını müvəqqəti dayandırmaq barədə qərar qəbul edilməsi zəruri idi. Nazirin fikrincə, bu qərarın həyata keçirilməsi sayəsində bələdiyyələr Danimarkaya gəlmiş qaçqınların qeydinə qalmaq üçün nəfəsini dərmək imkanı əldə edəcəklər.xeber100.com

Ekspertlərin hesablamalarına görə…

2016-cı ilin sonuna dünya əhalisinin demək olar ki, yarısı internetə çıxış imkanına malik olacaq. Bu barədə Beynəlxalq Telekommunikasiya İttifaqının (BTİ) hesabatında bildirilir.Ekspertlərin hesablamalarına görə, inkişaf etmiş ölkələrdə sakinlərin təxminən 80 faizi, inkişaf etməkdə olan ölkələrdə 40 faizi, az inkişaf etmiş ölkələrdə isə 15 faizdən az hissəsi internetdən istifadə edirlər. “gazeta.ru” saytı xəbər verir ki, dünyada internetdən istifadə edənlərin sayı 47 faiz təşkil edir, 2020-ci ilə bu göstərici 60 faizə yaxınlaşacaq. BTİ-nin proqnozuna görə, 2016-cı ilin sonuna 3,5 milyard insan internetə çıxışa malik olacaq.Hesabatda deyilir ki, 2016-cı ildə insanlar internetə daxil olmur, çünki onlar daima internetdədir. “3G” və “4G” şəbəkələrinin geniş yayılması daha çox insanın internetdən istifadəsinə imkan yaradıb.xeber100.com

Euronews telekanalının məlumatına görə…

Barak Obama aralarında görkəmli ABŞ aktyorları, idmançıları, memarları, biznesmenləri olan 21 şəxsə prezidentin “Azadlıq” medalını təqdim edib. Euronews telekanalına istinadla xəbər verir ki, təntənəli mərasim Ağ evdə keçirilib. Bu illik nüfuzlu mükafat “ABŞ-ın təhlükəsizliyinin və milli maraqlarının təmin olunmasında xüsusi töhfəyə görə”, həmçinin mədəniyyət, idman, biznesin inkişafında xidmətlərə və xeyriyyəçiliyə görə verilir.Bu il prezidentin mükafatını aktyorlar Robert de Niro, Tom Xenks, Robert Redford, basketbolçu Maykl Cordan, Qeyts cütlüyü, müğənni Dayana Ross, memar Frenk Qeri və başqa tanınmış amerikalılar alıblar. İki laureat- ABŞ Hərbi Dəniz Qüvvələrinin kontr-admiralı Qreys Xopper və ABŞ-ın yerli əhalisinin hüquqları uğrunda mübarizə aparan hüquq müdafiəçisi Eluiz Kobbel medala ölümlərindən sonra layiq görülüblər.xeber100.com

“Facebook” yeni iş yeri açmağa hazırlaşır

Dünyada ən iri sosial şəbəkəsi olan “Facebook” Londonda öz mənzil-qərargahını açmağa və 500 yeni iş yeri yaratmaqla əməkdaşlarının ştatını 50 faiz artırmaq niyyətindədir. "Ria.ru” xəbər verir ki, bu barədə şirkətin regional vitse-prezidenti Nikola Mendelson bildirib.“Yeni qərargahın 2017-ci ildə açılışı nəzərdə tutulub. İşçilərinin ümumi sayı 1,5 min nəfər təşkil edəcəyi gözlənilir. Böyük Britaniya texnoloji şirkətlərin fəaliyyət göstərdiyi ən yaxşı yerlərdən biri olaraq qalır və bu, “Facebook” tarixinin mühüm hissəsidir”, - deyə N.Mendelson qeyd edib.Əvvəllər “Google” şirkəti də Londonda mənzil-qərargahını açmaq planları barədə məlumat vermişdi. Bu təşəbbüs Böyük Britaniyanın paytaxtında 3 min iş yerinin yaranmasına gətirib çıxara bilər.xeber100.com

TASS informasiya agentliyinin məlumatı…

İraqın Mosul şəhərinin şərqində İŞİD terror qruplaşmasının hücumu nəticəsində azı 40 İraq hərbçisi həlak olub. Bu barədə “Al Jazeera” telekanalı məlumat yayıb.TASS informasiya agentliyinə istinadla xəbər verir ki, yaraqlılar İraq hərbi birləşmələrinin hücumunu dayandırmaq məqsədilə, hökumət qüvvələrinin mövqeləri yaxınlığında minalanmış avtomobilləri partladıblar.Telekanalın yaydığı məlumata görə, ordu hissələri Mosulun cənubundaki Əs-Səlamiyə yaşayış məntəqəsini terrorçulardan təmizləyiblər. Şiə könüllü dəstələri isə Naynava vilayətinin inzibati mərkəzindən qərbdə yerləşən Tall-Afar şəhərinə daxil olublar.xeber100.com

Yaponiya Meteorologiya Agentliyinin məlumatına görə…

Noyabrın 22-də səhər saatlarında Fukusima prefekturasında baş vermiş güclü zəlzələdən sonra Yaponiyanın şimal-şərq rayonlarının əhalisi daha yüksək əraziyə təxliyyə olunur.Yaponiya Meteorologiya Agentliyinin məlumatına görə, 7,4 bal gücündə zəlzələ səhər saat 5:58-də baş verib. Yeraltı təkanların ocağı təqribən 25 kilometr dərinlikdə yerləşib.Agentlik Fukusima və Miyaqi prefekturalarında sunami təhlükəsi barədə xəbərdarlıq yayıb. Sakit okean sahillərində yerləşən digər prefekturalara da sunami xəbərdarlığı göndərilib.NHK televiziya kanalının yaydığı məlumata görə, Miyaqi prefekturasının Senday limanında 1,4 metr hündürlükdə sunami dalğaları qeydə alınıb.Regionda yerləşən prefekturaların yerli hakimiyyət orqanları əhaliyə sunami təhlükəsi barədə xəbərdarlıq göndərərək təxliyyə olunmağı tövsiyə ediblər.xeber100.com

6,3 bal gücündə zəlzələ baş verib

Noyabrın 22-də Yeni Zelandiyanın Şimal adaları sahillərində 6,3 bal gücündə zəlzələ baş verib. Bu barədə ABŞ Geoloji Xidməti məlumat yayıb.Yeraltı təkanlar Palmerston-Nort şəhərindən 138 kilometr aralıda qeydə alınıb. Zəlzələnin ocağı 37 kilometr dərinlikdə yerləşib.Xəbər verdiyimiz kimi, noyabrın 13-də Yeni Zelandiya sahillərində baş vermiş 7,9 bal gücündə zəlzələ sunami dalğalarının yaranmasına səbəb olmuşdu. Həmin vaxt daha iki güclü zəlzələ qeydə alınmışdı.xeber100.com

NATO təlimləri başlayıb…

Noyabrın 20-də Litvada Şimali Atlantika Alyansının (NATO) irimiqyaslı “Dəmir qılınc” (Iron Sword) manevrləri başlayıb. Manevrlərdə NATO-nun üzvü olan 11 ölkədən təqribən 4 min hərbi qulluqçu iştirak edir. Litva Müdafiə Nazirliyi xəbər verir ki, təlimlər Yonav rayonunun Qayjyunay poliqonunda və Şvençyonis rayonunun Pabrade poliqonunda keçirilir.Litva Silahlı Qüvvələrinin Quru Qoşunları komandanı, briqada generalı Valdemaras Rupşis deyib: “Zaman silahlı qüvvələr qarşısına əvvəllər müşahidə olunmayan formalarda yeni-yeni çağırışlar çıxarır. Bölmələri və qərargahları bu çağırışlara səmərəli reaksiya verməyə hazırlamaq lazımdır”.General V.Rupşisin sözlərinə görə, təlimlərin əsas məqsədlərindən biri belə təhlükələri dəf etməkdir.xeber100.com

İqtisadi əməkdaşlıq proqramı hazırlanıb

Yaponiya və Rusiyanın rəsmi nümayəndələri iqtisadi əməkdaşlıq barədə proqramın detallarını hazırlayıblar. Həmin planda cari ildə Yaponiya tərəfindən Rusiyaya təqdim edilən səkkiz bənddən ibarət təkliflərlə bağlı konkret layihələr və onların icra cədvəli əksini tapıb.Yaponiyanın iqtisadiyyat, ticarət və sənaye nazirinin beynəlxlaq məsələlər üzrə müavini Hirofumi Katase və Rusiya iqtisadi inkişaf nazirinin müavini Stanislav Voskresenski proqramı noyabrın 19-da Peruda keçirilən görüşləri zamanı razılaşdırıblar.Tərəflər Rusiya Prezidenti Vladimir Putinin gələn ay Yaponiyaya planlaşdırılan səfəri ilə bağlı tədbirlər barədə də razılığa gəliblər. Əməkdaşlıqla bağlı təqribən 30 layihə iki ölkənin şirkətləri tərəfindən prioritet istiqamət kimi müəyyən edilib.xeber100.com