Prezidenti seçkilərinin ikinci turu noyabrın 13-də keçiriləcək

Moldova Mərkəzi Seçki Komissiyasına oktyabrın 30-da prezident seçkilərinin birinci turu zamanı ölkədə və onun hüdudlarından kənarda açılmış bütün seçki məntəqələrindən səslərin 100 faizinin hesablanması ilə bağlı məlumat daxil olub. Moldova mətbuatı xəbər verir ki, Moldovada və xarici ölkələrdə açılmış 2081 seçki məntəqəsindən informasiya daxil olub. Sosialistlər Partiyasının lideri İqor Dodon seçicilərin səslərinin 47,98 faizini (680550 səs) toplayaraq birinci yeri tutub. İkinci turda onun rəqibi 38,71 faiz səslə (549152 səs) “Fəaliyyət və həmrəylik” Partiyasının sədri Mayya Sandu olacaq.xeber100.com

Hökumət Başçıları Şurasının iclası öz işinə başlayıb

Bişkekdəki “Ala-Arça” Dövlət İqamətgahında Şanxay Əməkdaşlıq Təşkilatı (ŞƏT) Hökumət Başçıları Şurasının iclası öz işinə başlayıb. İclasda Qırğızıstan Baş nazirinin səlahiyyətlərini icra edən Sooronbay Jeenbekov, Rusiyanın, Qazaxıstanın, Tacikistanın Baş nazirləri Dmitri Medvedev, Bakıtjan Saqinataev, Koxir Rasulzoda, Çin Dövlət Şurasının Baş naziri Li Kesyan, Özbəkistan Baş nazirinin birinci müavini Rüstəm Əzimov iştirak edirlər. Tədbirə, həmçinin təşkilatda müşahidəçi statusu olan Belarus, Əfqanıstan, İran, Pakistan, Monqolustan və bir sıra beynəlxalq təşkilatların yüksək səviyyəli nümayəndələri qatılıblar.xeber100.com

Yekaterinburq Səhiyyə İdarəsinin məlumatına görə…

Rusiyanın Yekaterinburq şəhərində insanda immun çatışmazlığı virusu (İÇV) epidemiyası elan olunub. Yekaterinburq Səhiyyə İdarəsinin məlumatına görə, şəhərdə 26 min 693 İÇV-yə yoluxma halı qeydə alınıb. Bu isə əhalinin ümumi sayının 1,8 faizini təşkil edir. Yekaterinburqun hər 50 sakinindən biri İÇV virusunun daşıyıcısıdır. Hazırda 342 uşaqda bu virusun aşkar edilməsi faktı təsdiq olunub.xeber100.com

İqtisadi əməkdaşlıq üçün yeni işçi qrupu yaradılıb

Yaponiya hökuməti Rusiya ilə iqtisadi əməkdaşlığı gücləndirmək üçün daha yüksək səviyyəli işçi qrupun yaradılması barədə qərar qəbul edib. Qərar Yaponiyanın Baş naziri Şinzo Abe ilə Rusiya Prezidenti Vladimir Putinin dekabrda keçiriləcək ikitərəfli görüşü ərəfəsində qəbul olunub. NHK televiziya kanalının yaydığı məlumatda bildirilir ki, yeni işçi qrupa daxil olan hökumət və xüsusi bölmənin nümayəndələri Yaponiyanın təklif etdiyi səkkiz bənddən ibarət planın detalları üzərində işləyəcəklər. Həmin plana iki ölkə arasında energetikanın və sənaye sahəsində əməkdaşlığın inkişafı məsələləri daxil edilib. Planın məqsədi Rusiya vətəndaşlarının həyat şəraitinin yaxşılaşdırılmasıdır.xeber100.com

Qırğızıstanda referendum keçiriləcək

Qırğızıstan parlamenti - Joqorku Keneşin bu gün keçirilən iclasında ölkə Konstitusiyasına əlavə və dəyişikliklərlə bağlı dekabrın 11-də referendum keçirilməsinə dair qanun layihəsi qəbul edilib. Dəyişikliklər ölkədə parlamentarizmin möhkəmləndirilməsi, Baş nazirin səlahiyyətlərinin artırılması, Baş nazirin və onun müavinlərinin eyni zamanda deputat seçilməsi, məhkəmə sisteminin təkmilləşdirilməsi və digər məsələləri əhatə edir.xeber100.com

Qaçqınlara 2,6 milyard avro ayrılacaq

Almaniya hökuməti bu il qaçqınların ehtiyacını ödəmək uçun federal torpaqlara əlavə olaraq 2,6 milyard avro ayıracaq. İnterfax informasiya agentliyi xəbər verir ki, hökumət bu qərarı federal torpaqların ilin əvvəlindən avqust ayınadək qaçqınlara xərclədiyi real vəsaitin məbləği barədə hesabatından sonra qəbul edib. Berlin ayrılacaq vəsaiti adambaşına ayda 670 avrodan götürəcək. Almaniya 2016-cı ildə bu məqsədlə ümumilikdə 7 milyard avro xərcləməyi nəzərdə tutsa da, bu vəsait yetərli olmayıb. Sonuncu əlavə də nəzərə alınsa, mühacirlərə çəkilən xərclər 9,5 milyard avroya qədər artıb. Hökumətin fikrincə, bu qərar Almaniyanın dövlət borcunun artmasına səbəb olmayacaq. Belə ki, ölkə büdcəsində qaçqınlarla bağlı xərclərə görə 6,1 milyard avro ehtiyat vəsait nəzərdə tutulub.xeber100.com

TASS informasiya agentliyinin məlumatı…

Braziliyanın Rio-de-Janeyro ştatının sakinləri çox vaxt zirehli avtomobillərə üstünlük verir. Bu tendensiyaya yüksək cinayətkarlıq səviyyəsi və küçələrdə atışmaların sayının artması səbəb olub. TASS informasiya agentliyi xəbər verir ki, Braziliyanın zirehli avtomobillər üzrə mütəxəssislər assosiasiyasının məlumatına əsasən, son aylar bu cür nəqliyyat vasitələrinə tələbat 43 faiz artıb. Yanvar ayından avqustadək Rio-de Janeyro ştatında 1922 nəfər öz avtomobillərini zirehlə təmin etməyə qərar verib. Keçən ilin analoji dövründə isə bu xidmət növündən 1342 nəfər faydalanmışdı. Avtomobilin zirehlənməsi azı 42 min reala (13 min dollar) və daha baha qiymətə başa gəlir. Zirehli avtomobillər üzrə ixtisaslaşmış “MF4 Blindagem” kompaniyasının direktoru Rodriqu Pereyra hər dəfə növbəti səs-küylü cinayətdən sonra müştəri axınına şahid olduğunu qeyd edir. Yüksək cinayətkarlıq səviyyəsi Braziliyanın üzləşdiyi əsas problemlərdən biridir. “Braziliyanın ictimai təhlükəsizlik forumu” qeyri-hökumət təşkilatının məlumatına əsasən, Cənubi Amerikanın ən böyük dövlətində keçən il ümumilikdə 58 min nəfərdən çox insan zorakılığın qurbanı olub. Başqa sözlə desək, ölkədə cinayətkarlıq səbəbindən hər 9 dəqiqədə bir nəfər, sutka ərzində isə 160 nəfər həyatını itirir.xeber100.com

Kanada Milli Müdafiə Nazirliyinin bəyanatında deyilir…

2017-ci ilin əvvəlində NATO batalyonunun yerləşdiriləcəyi Latviyaya Kanada 455 hərbi qulluqçu, aviaqrup və Hərbi Donanma Qüvvələrinin gəmisini göndərəcək. Bu barədə Kanada Milli Müdafiə Nazirliyinin bəyanatında deyilir. Nazirliyin bəyanatında açıqlanır ki, quru qoşunları qrupuna komandanlıq zabitləri, motopiyada bölüyü, dəstək və nəqliyyat xidmətləri daxildir. Bundan başqa, Latviyada altı “CF-18” qırıcı-bombardımançıdan ibarət aviasiya qrupu yerləşdiriləcək, ölkənin dəniz akvatoriyasında isə Kanada Hərbi Dəniz Qüvvələrinin freqatı daimi döyüş növbəsində olacaq.xeber100.com

“Reuters” agentliyinin məlumatı…

İraq qoşunları Mosuldan 800 metr məsafədədir və bir neçə saatdan sonra şəhərə girə bilər. Bu barədə “Reuters” agentliyi ordu komandirlərindən birinə istinadla məlumat yayıb. Xatırladaq ki, iki ilə yaxındır İŞİD terror qruplaşmasının nəzarətində olan Mosula genişmiqyaslı hücum oktyabrın 17-dən başlayıb. Hərbi əməliyyatlar İraq hərbçiləri və polis qüvvələri, həmçinin kürd dəstələri tərəfindən ABŞ başda olmaqla beynəlxalq koalisiya aviasiyasının dəstəyi ilə aparılır.İraqın hökumət qüvvələri qazanılmış nailiyyətləri möhkəmlətmək məqsədi daşıyan üçgünlük fasilədən sonra bazar ertəsi günü Mosul üzərinə hücumları bərpa edib.xeber100.com

Moldovada ilk dəfə birbaşa prezident seçkiləri keçirilib

Qeyd etdiyimiz kimi, oktyabrın 30-da Moldovada ilk dəfə birbaşa prezident seçkiləri keçirilib. Azərtac Moldova KİV-lərinə istinadla bildirir ki, Moldova Mərkəzi Seçki Komissiyası səsvermə bülletenlərinin 98 faizini işləyib. Məlum olub ki, İqor Dodon 48,72 faiz, Mayya Sandu isə 37,94 faiz səs toplayıb.xeber100.com