Parlament yeni tərkibdə işə başlayır

Seçkilər nəticəsində formalaşan Avstraliya parlamenti avqustun 30-da yeni tərkibdə işə başlayıb. Qeyd edək ki, son seçkilərdə Baş nazir Malkolm Ternbullun rəhbərlik etdiyi Liberal-Milli Koalisiya qalib gəlib. Bununla yanaşı, koalisiya 2013-cü il seçkilərinin nəticələrinə görə ali qanunverici orqanda qazandığı üstünlüyü əldən verib və hazırda nümayəndələr palatasında minimal üstünlüyə malikdir: 150 deputat yerindən 76 yer. Liberal-Milli Koalisiyanın senatdakı mövqeləri də kifayət qədər möhkəm deyil, belə ki, yuxarı palatada cəmi 30 deputat (ümumilikdə 76 yer) hakim koalisiyanı təmsil edəcək. Müxalifətdə olan Leyboristlər Partiyası yeni senatda 26 yer, “Yaşıllar Partiyası” 9 yer qazanıb. Digər 11 yer isə üçüncü partiyalara və müstəqil siyasətçilərə aiddir.xeber100.com

Miqrant böhranı müzakirə ediləcək

ABŞ Prezidenti Barak Obama ilə Türkiyə Prezidenti Rəcəb Tayyip Ərdoğan sentyabrın 4-də Çinin paytaxtı Pekində keçiriləcək "Böyük İyirmiliy"in (G20) sammiti çərçivəsində görüşəcəklər. Anadolu Agentliyi bildirir ki, bu barədə ABŞ Prezidentinin milli təhlükəsizlik məsələləri üzrə köməkçisinin müavini Ben Rods məlumat verib. Tərəflər hərbi çevrilişə cəhddən sonra Türkiyədəki vəziyyəti, Suriya və İraqda İŞİD-lə mübarizəni, miqrant böhranını və digər məsələləri müzakirə edəcəklər.xeber100.com

TASS informasiya agentliyinin məlumatına əsasən…

Braziliya Federal Senatının (parlamentin yuxarı palatası) müvəqqəti olaraq prezident vəzifəsindən kənarlaşdırılan Dilma Russeffin iştirakı ilə keçirilən iclası 14 saatdan çox davam edib. TASS informasiya agentliyi xəbər verir ki, bu müddət ərzində Russeff impiçment prosesi çərçivəsində yarım saatlıq özünümüdafiə nitq ilə çıxış edib və ümumilikdə 50-dən çox sualı cavablandırıb. İmpiçmentə dair yekun səsvermənin avqustun 30-dan 31-ə keçən gecə baş tutacağı və 17 saata yaxın davam edəcəyi gözlənilir. İmpiçment təşəbbüsü senatorların üçdə ikisi tərəfindən (54 səs) dəstəklənsə, Dilma Russeff istefaya gedəcək və prezident postunu Mişel Temer tutacaq. Müxalifət Russeffi ikinci mandatının ilk aylarında yol verdiyi maliyyə pozuntularında ittiham edir. İttihama görə o, parlamentlə müzakirə aparmadan dövlət vəsaitinin ayrılması üçün bir neçə qərar imzalayıb.xeber100.com

Zəlzələnin fəsadlarının aradan qaldırılması üçün 610 min avro yığılıb

İtaliya muzeyləri bir həftə əvvəl ölkədə baş vermiş dağıdıcı zəlzələnin fəsadlarının aradan qaldırılması üçün 610 min avro pul yığa bilib. Bu barədə məlumatı ölkənin Mədəni İrsi və Fəaliyyəti nazirliyi yayıb. Azərtac xarici KİV-lərə istinadla xəbər verir ki, bu məbləğ yalnız dövlət muzeyləri tərəfindən satılmış biletlərdən əldə olunan gəlirdir. Bu maddi yardım kampaniyasına bələdiyyə, özəl və dini muzeylərdən gələn vəsait də əlavə ediləcək. Qeyd edək ki, İtaliyanın mədəni fəaliyyət və turizm naziri Dario Françeskinin yardım çağırışından sonra avqustun 28-də ölkə muzeylərini 70 mindən çox adam ziyarət edib. Bilet satışından əlavə qısa nömrəyə göndərilən SMS-lər vasitəsilə də yığılan maddi yardım 10 milyon avrodan çoxdur. Xatırladaq ki, avqustun 24-də baş vermiş 6,3 ballıq zəlzələ Akkumoli və Amatriçe şəhərlərində iri dağıntılara səbəb olub, 300-ə yaxın adam həlak olub.xeber100.com

Mərkəzi Meteoroloji Agentliyinin məlumatına görə…

Yaponiya əhalisi Hönsyü adasına yaxınlaşan, güclü külək və leysan yağışların müşayiət etdiyi növbəti tufan təhlükəsi ilə üz-üzədir. Mərkəzi Meteoroloji Agentliyin verdiyi məlumata əsasən, “Layonrok” tufanı saatda 25 kilometr sürətlə Yaponiyanın şimal-şərq sahillərinə yaxınlaşır. Avqustun 29-da axşam saat altı radələrində onun Tokionun cənubunda yerləşən İcu adaları silsiləsinə çatdığı qeyd edilir. Agentlik xəbərdarlıq edərək bildirib ki, Yaponiyanın şimalına doğru hərəkət edən tufan avqustun 30-da ölkənin şimal-şərq regionunu ağuşuna alacaq.xeber100.com

Rusiyanın ən yaxşı banklarının reytinq cədvəli açıqlanıb

ABŞ-ın nüfuzlu “Forbes” nəşri VİP müştərilər üçün Rusiyanın ən yaxşı banklarının reytinq cədvəlini açıqlayıb. “rambler.ru” xəbər verir ki, cədvələ “Sberbank” başçılıq edir. Bu bankın 2012-ci ildə istifadəyə verdiyi “Private Banking" xidməti ən yaxşı hesab edilib. Cədvəldə ikinci və üçüncü yerlərdə isə “Qazprombank” və “Bank VTB” qərarlaşıb. Reytinq cədvəli hazırlanarkən Rusiyanın 40 bankı qiymətləndirilib. Bu banklar hesablarında 1-5 milyon ABŞ dolları olan, ümumilikdə 2,5 trilyon rubla (təxminən 62 milyard manat) malik 40 min müştəriyə xidmət edir. Cədvəldə sonrakı yerləri “А-Klub Private Banking”, “Friedrich Wilhelm Raiffeisen”, “Citigold Private Client”, “UniCredit Private Banking Rossiya”, “Otkrıtiye Private Banking”, “ВТБ24 Private Banking”, “Promsvyazbank Private Banking” tutub.xeber100.com

Prezident seçkilərinin birinci turu keçiriləcək

Bu gün Estoniya parlamentinin növbədənkənar iclasında ölkənin yeni prezidenti vəzifəsinə seçkilərin birinci turu keçiriləcək. Ekspertlərin fikrincə, dövlət başçısı seçkisi uzanacaq və azı 3 turdan ibarət səsvermə, bəlkə də seçkiçilər kollegiyasının çağırılması tələb olunacaq.

Türkiyəyə çarter uçuşlarına qoyulan qadağa ləğv edildi

Rusiyadan Türkiyəyə ilk çarter uçuşlar sentyabrın 2-də başlayacaq.  Bu barədə Rusiya Tur Operatorları Birliyi məlumat yayıb. Bildirir ki, təxminən 15 Rusiya aviaşirkəti Türkiyəyə çarter uçuşlar həyata keçirməyə hazırlaşır. Xatırladaq ki, Rusiya Federasiyası Hökumətinin Sədri Dmitri Medvedev avqustun 28-də ölkəsindən Türkiyəyə çarter uçuşlarına qoyulan qadağanın ləğv edilməsi barədə qərar imzalayıb.xeber100.com

ABŞ-ın Geoloji Mərkəzinin məlumatına görə…

Atlantik okeanında Ucalma adasından şimalda 7,4 bal gücündə zəlzələ baş verib. ABŞ-ın Geoloji Mərkəzinin məlumatına görə, zəlzələnin ocağı 10 kilometr dərinlikdə yerləşir. Xəsarət alanlar, dağıntılar və sunaminin yaranma təhlükəsi ilə bağlı məlumat verilməyib.xeber100.com

Ümumdünya su həftəsinə start verilib

Stokholmda ənənəvi Ümumdünya su həftəsinə start verilib. BMT-nin saytında qeyd olunub ki, bu il həftə “davamlı inkişaf üçün su” mövzusuna həsr olunub. Mütəxəssislərin hesablamalarına görə, bu gün dünya əhalisinin təxminən üçdəbir hissəsi içməli su problemi ilə üzləşib. Eyni zamanda, suya tələbatın artması inkişaf edən və inkişaf etməkdə olan ölkələrdə müşahidə olunur. Su həftəsinin iştirakçıları - dünyanın müxtəlif ölkələrindən ekspertlər, siyasətçilər, biznes liderləri, yeni texnologiyaların müəllifləri və gənc peşəkarlar Stokholmda su ilə bağlı problemlərin həlli üçün yeni yanaşmaların tapılması, ideya və fikir mübadiləsi üçün toplaşırlar. Xatırladaq ki, Stokholm Su Mükafatı Fondu 1990-cı ildə yaradılıb. Mükafat 1991-ci ildən dünya su ehtiyatlarının qorunmasına, insanların həyatına və ekosistemə verdiyi töhfəyə görə hər il elm ocaqlarına, təşkilatlara, müəssisələrə verilir. Ötən il keçirilən Ümumdünya su həftəsində 130 ölkədən 3 min 300-dən çox nümayəndə iştirak edib.xeber100.com