Yaponiya hökumətinin qənaətinə əsasən…

Yaponiya Baş Yanğınsöndürmə İdarəsinin yaydığı məlumata görə, ötən həftə beş min beş yüzdən çox insan günvurma səbəbindən xəstəxanalara yerləşdirilib. Hesabat dövrü kimi götürülən avqustun 8-dən 14-dək Yaponiyada istilər qismən azalıb. Buna görə də xəstəxanalara yerləşdirilənlərin sayı hiss olunacaq dərəcədə azalıb. Bundan əlavə ötən həftə istilərlə bağlı ölüm hadisəsi də qeydə alınmayıb. Bir həftə bundan əvvəl isə ölkədə istilər nəticəsində 12 nəfərin öldüyü bildirilir. Həlak olanların əksəriyyətinin yaşlı insanlar olduğu qeyd edilir. Hökumətin qənaətinə əsasən, əcnəbilərin vərdiş etmədiyi isti və rütubətli yay 2020-ci ildə Tokioda keçiriləcək Yay Olimpiya Oyunları zamanı ciddi problemlər yarada bilər. NHK televiziya kanalının yaydığı məlumata görə, hökumət bunun qarşısını almaq üçün dördballı xəbərdarlıq sisteminin yaradılması üzərində işləyir. Həmin məqsədlə bütün şəhər üzrə ötürücülər və termometrlər şəbəkəsinin quraşdırılması nəzərdə tutulur. Cari ildə Yaponiyada istilər iyunun ortalarından başlanıb. Yağışlar fəslinin başa çatmasına baxmayaraq, Tokioda davam edən yağışlar rütubətin kəskin artması ilə müşahidə olunur. Ötən yay Yaponiyada istilər nəticəsində 100-dən çox insan həlak olub, daha 53 min nəfər xəstəxanalara yerləşdirilib. Yapon həkimlər əhaliyə günə çox çıxmamağı, baş geyimi daşımağı və çoxlu maye qəbul etməyi tövsiyə edirlər.xeber100.com

“MasterCard”ın plastik kartlarından istifadə olunacaq

Avqustun 23-dən "MasterCard" beynəlxalq ödəniş sisteminin plastik kartları ilk dəfə İran bazarına çıxacaq. banks.eu saytı xəbər verir ki, bu barədə İran İslam Respublikasının rabitə və informasiya texnologiyaları naziri Mahmud Vaezi məlumat verib. "Bu məqsədlə "İran Post" və "MasterCard" arasında saziş imzalanıb. Avqustun 23-dən "Iran Post"un 155 poçt şöbəsində "Mastercard"ın kredit və debet kartları dövriyyəyə buraxılacaq ki, bu da ölkə sakinlərinə xaricdə səyahət zamanı ödənişlər etməyə imkan verəcək. Bir kartın balansına 10 min ABŞ dollarından çox pul yükləmək mümkün olmayacaq və bütün bank əməliyyatları İran Mərkəzi Bankının müəyyən etdiyi qaydalara uyğun aparılacaq", - deyə nazir qeyd edib.xeber100.com

4 min insan təxliyə olunub

ABŞ-da tüğyan edən güclü meşə yanğınları Kaliforniya ştatının şimalında yerləşən bir neçə yaşayış məntəqəsinin 4 min sakininin təxliyəsinə səbəb olub. Interfax informasiya agentliyinin məlumatına görə, yanğınlar San-Fransisko şəhərinin şimalında yerləşən Louer Leyk şəhərciyinə çatıb. Burada 10-dan çox ev, həmçinin poçt bölməsi tamamilə yanıb. Qonşu Klir-Leyk şəhəri də təhlükə ilə üzləşib. Bununla əlaqədar yerli xəstəxana administrasiyası təcili şəkildə pasientlərin təxliyə olunmasına qərar verib. Xatırladaq ki, şənbə günündən başlayaraq sürətlə yayılan alov min hektardan çox ərazini əhatə edir. Bölgədə əsən güclü külək yanğınla mübarizəni çətinləşdirir. Hazırda ştat ərazisində hökm sürən şiddətli istilər və quraqlıq nəticəsində yaranmış 11 yanğın ocağı qeydə alınıb. Bu rayonlar keçən il də 1,3 min evin məhv olması ilə nəticələnən güclü meşə yanğınlarından zərər çəkmişdi.

Genişmiqyaslı hərbi təlimlər başlayıb

Rusiya Xəzər dənizində genişmiqyaslı təlimlər keçirir. “RİA Novosti”nin verdiyi məlumata görə, Rusiya Xəzər donanmasının gəmiləri təlim döyüşlərinə başlayıblar. Təlimlərə hərbi aviasiya da cəlb olunacaq. Gəmi heyətlərinin üzvləri dənizdə müxtəlif raket və artilleriya atışları həyata keçirəcəklər. Təlimlərə “Dağıstan” və “Tatarıstan” raket gəmiləri, “Velikiy Ustyuq”, “Volqodonsk” və “Mahaçqala” kiçik raket və artilleriya gəmiləri, tral gəmiləri olmaqla, ümumilikdə 20 gəmi və kater cəlb olunub.xeber100.com

“RİA Novosti” agentliyinin məlumatı…

Saxalin adasında 5,9 maqnitudalı zəlzələ baş verib.  “RİA Novosti” agentliyinin verdiyi məlumata görə, zəlzələ yerli vaxtla saat 22.15 (Bakı vaxtı ilə 14.15) radələrində Aleksandrovsk-Saxalin şəhərindən 62 km cənubda baş verib. Zəlzələnin ocağı 10 km dərinlikdə yerləşib. Dağıntı və tələfat barədə hələ məlumat daxil olmayıb.xeber100.com

İnformasiya texnologiyaları üzrə 100 zəngin insanın adı açıqlanıb

ABŞ-ın “Forbes” jurnalı informasiya texnologiyaları sahəsində planetin 100 ən zəngin insanının reytinqini dərc edib. Reytinqə əsasən, 10 ən zəngin insan varidatını ötən illə müqayisədə 64,9 milyard ABŞ dolları artırıb. “Forbes.ru” saytı xəbər verir ki, 78 milyard ABŞ dollarına sahib olmaqla “Microsoft” şirkətinin həmtəsisçisi Bill Qeyts reytinqdə birinci, “Amazon.com” internet şirkətinin direktoru və “Blue Origin”in təsisçisi Ceff Bezos (66 milyard dollar) ikinci, “Facebook” sosial şəbəkəsinin qurucusu Mark Zukerberq (54 milyard dollar) isə üçüncü yerlərdə qərarlaşıblar. İlk beşlikdə, həmçinin “Oracle” şirkətinin qurucusu Larri Ellison (51,7 milyard dollar) və “Google” şirkətinin təsisçiləri Larri Peyc (39 milyard dollar) və Sergey Brin (38,2 milyard dollar) yer alıblar. İnformasiya texnologiyaları üzrə yüz ən zəngin insanın varidatı 892 milyard dollar təşkil edir.xeber100.com

8,4 milyard dollarlıq neft emalı zavodu inşa ediləcək

İran ilə İndoneziya bu ölkədə 8,4 milyard dollarlıq neft emalı zavodu inşa edəcək. “Mehr” agentliyinin verdiyi xəbərə görə, bununla bağlı iki ölkə şirkətləri arasında müqavilə imzalayıb. Layihəyə Çin və Avropadan investorların da daxil olduğu bildirilir. Neft emalı zavodunun tikintisinin 4,5-5 ildə tamamlanması nəzərdə tutulur. Yeni zavodun tutumu ildə 300 min barrel olacaq. İranın səlahiyyətliləri zavodda istehsal ediləcək neft məhsullarının 30 faizinin İrana, 20 faizinin İndoneziyaya, 50 faizinin isə Çinə məxsus olacağını deyiblər.xeber100.com

TASS informasiya agentliyinin məlumatına əsasən…

Rusiya Federasiyasının Prezidenti Vladimir Putin Sergey İvanovu Prezident Administrasiyasının rəhbəri vəzifəsindən azad edib. TASS-ın Kremlin mətbuat xidmətinə istinadla yaydığı məlumata görə, bu vəzifəyə Anton Vayno təyin olunub. Sergey İvanov isə Rusiya Prezidentinin təbiəti mühafizə, ekologiya və nəqliyyat üzrə xüsusi nümayəndəsi təyin edilib.xeber100.com

Riqa-815

Bu gün Riqa şəhərinin əsasının qoyulmasının 815 ili tamam olur. Riqanın əsasının qoyulduğu tarix 1201-ci ildən hesablanır. Lakin arxeoloji məlumatlara görə, hələ XII əsrin birinci yarısında burada insan məskənləri mövcud olub. Şəhərin adı, linqvistlərin əksəriyyətinin fikrincə, “Rīng” sözündən götürülüb ki, bu da “çayın döngəsi” mənasını verir. Şəhərin əsasını qoymuş şəxsin kimliyi barədə elmi mübahisələr aparılır. Üç yepiskopun – Bertold, Meynxard və Albert fon Appeldernin adları çəkilir. Bunlardan sonuncusunun Riqa şəhərinin əsasını qoyduğu rəsmən qəbul edilib. Bu, Dauqava sahillərinə hərbi dəstə və Livoniyanın fəth edilməsi barədə papa bullası ilə gələn yepiskop olub.xeber100.com

Kibercinayətkarlıqla mübarizə üzrə xüsusi idarə açılıb

Avstraliya hökuməti kibercinayətkarlıqla mübarizə üzrə xüsusi idarə açıb. “banks.eu” saytı xəbər verir ki, idarə terrorizmin maliyyələşdirilməsinə, pulların yuyulmasına və onlayn-ödənişlərdə dələduzluğa qarşı mübarizə aparacaq. İdarə, həmçinin işə qəbul zamanı qanunsuz sxemi aradan qaldırmaq üçün Avstraliya və Yeni Zelandiyanın şəxsiyyətin identifikasiyası üzrə “iDcare” xidməti ilə əməkdaşlıq edəcək. İdarədən bildirirlər ki, ən azı 197 nəfər belə sxemin qurbanı olub, 41 nəfər pulların yuyulması üzrə qanunsuz sxemə sövq edilib. Apreldən iyunadək 112 milyon kiberhücum hadisəsi qeydə alınıb.xeber100.com