Sankt-Peterburqdan Antalyaya reyslər başlayıb

“Türk Hava Yolları” aviaşirkəti Sankt-Peterburqdan Antalyaya müntəzəm reyslərə başlayıb. RİA Novosti agentliyi xəbər verir ki, ilk reys avqustun 9-da yerinə yetirilib. Uçuşlar həftədə dörd dəfə - çərşənbə axşamı, çərşənbə, cümə axşamı və cümə günü həyata keçiriləcək. Qeyd edək ki, “Türk Hava Yolları” aviaşirkəti 2014-cü ilin oktyabrından Sankt-Peterburq və Antalya arasında müntəzəm reysi dayandırmışdı.xeber100.com

TASS agentliyinin məlumatına görə…

Avqustun 9-da Sankt-Peterburqda Rusiya Federasiyasının Prezidenti Vladimir Putin ilə Türkiyə Respublikasının Prezidenti Rəcəb Tayyib Ərdoğan arasında təkbətək görüş keçirilir. TASS agentliyinin məlumatına görə, görüşdə iki ölkə arasında əlaqələrlə bağlı müzakirələr aparılır.xeber100.com

400 milyon dollarlıq müqavilə imzalanıb

Rusiya Birbaşa İnvestisiyalar Fondu (RDIF) ilə Türkiyənin “Rönesans Holding”i arasında 400 milyon dollarlıq investisiya iş birliyi müqaviləsi imzalanıb. Azərtac xəbər verir ki, bu barədə RDIF-dən edilən yazılı şərhdə deyilir. Sənəd Türkiyə Prezidenti Rəcəb Tayyib Ərdoğanın bu gün Rusiyaya səfəri çərçivəsində imzalanıb. Müqaviləyə görə, RDIF və “Rönesans Holding” birgə Rusiyadakı səhiyyə, tikinti, infrastruktur və əmlak sektorlarındakı uyğun investisiyalara diqqət yönəldəcək.xeber100.com

ABŞ-ın hipermarketlər şəbəkəsi olan “Walmart” 428 milyard dollar gəlir əldə edib

ABŞ-ın hipermarketlər şəbəkəsi olan “Walmart” e-ticarət şirkəti “Jet.com”u 3,3 milyard dollara satın almaq barədə razılığa gəlib. Azərtac xəbər verir ki, “Walmart”dan edilən şərhdə hər iki şirkətin rəhbər qurumlarının təsdiqlədiyi razılaşma çərçivəsində “Walmart” “Jet.com”a 3 milyard dollar nağd pul və 300 milyon dollar dəyərində səhm verəcək. Analitiklər bu alğı-satqı müqaviləsini “Walmart”ın e-ticarət nəhəngi “Amazon”un internet və mobil tətbiqlərlə reallaşdırdığı satış həcminə çatmaq və bazarda daha rəqabətli ola bilmək üçün mühüm addım kimi qiymətləndirirlər. “Walmart” keçən il 428 milyard dollar gəlir əldə edib. Bunun 14 milyard dollarlıq hissəsi internet və mobil tətbiqlərdən edilən satışlardan gəlib. E-ticarət nəhəngi “Amazon”un keçənilki gəliri isə 107 milyard dollar olub.xeber100.com

Qarabağ məsələsində güzəştlər oluna bilər

Ermənistanda yeni kütləvi etiraz aksiyasının vaxtı açıqlanıb. Faktinfo.az bildirir ki, polis alayını ələ keçirən silahlıları dəstəkləyən mitinqçilər şənbə günü aksiya keçirib. Növbəti aksiya avqustun 8-nə təyin edilib. Nümayiş təşkilatçılarından biri bunu Putinlə Sərkisyanın görüşünə təzyiq kimi keçirəcəklərini deyib: “Avqustun 10-da Sərkisyan Putinlə görüşəcək. Bu zaman Qarabağ məsələsində hansısa güzəştlər oluna bilər. Bizim Azadlıq meydanına yığışmağımız böyük təsir göstərə bilər. Ona görə biz 8-9 avqustda yığışacağıq”.xeber100.com

“Facebook” sosial şəbəkəsi avadanlıq istehsalçısı olmağa başlayır

Sosial media nəhəngi bu məqsədlə 2 min kvadratmetr sahəyə malik böyük bir laboratoriya açıb. Tamamilə yeni avadanlıqların hazırlanmasına və inkişaf etdirilməsinə yönəldiləcək “Area 404” adlı laboratoriyada virtual reallıq gözlükləri üçün aksessuarlar, kameralı əşyalar və digər maraqlı ixtiralar olacaq. Beləliklə, maraqlı layihələrlə daim diqqəti cəlb edən “Facebook”un qısa zamanda mühüm təchizat istehsalçısı da olması gözlənilir.xeber100.com

TASS agentliyinin məlumatına görə…

ABŞ-ın Dallas şəhərində keçirilən hərracda Supermen haqqında ilk komiks 956 min dollara satılıb. TASS xəbər verir ki, Action Comics-in çapdan çıxmış ilk sayının üzərində göstərilən tövsiyə olunan qiymət isə 10 sent olub. Hərracın təşkilatçıları nadir nüsxəni 750 min dollara satmağı düşünsə də, yekun gəlir gözləniləndən xeyli çox olub. Qeyd edək ki, indiyə qədər komiksin ilk nüsxəsinin 100-dən artıq surəti qorunub saxlanıb. Hərracda satışa qoyulan nüsxə isə Supermen fanatı tərəfindən 1990-cı ildə 26 min dollara alınmışdı. Qeyd olunur ki, nüsxənin vəziyyəti də idealdan xeyli uzaqdır. Bir çox kino və cizgi filmlərinin qəhrəmanına çevrilmiş Supermen Amerikanın və dünyanın ən populyar komikslərindən biridir. Daha bir maraqlı fakt isə Supermen və digər müsbət komiks qəhrəmanlarını ekranda canlandıran aktyorların bədbəxt hadisələrlə üzləşməsidir.xeber100.com

Anadolu agentliyinin məlumatına görə…

ABŞ Xarici İşlər Nazirliyinin sözçüsü Mark Toner Türkiyənin təqdim etdiyi sənədlər üzərində çalışdıqlarını söyləyib. Anadolu agentliyinin məlumatına görə,  Toner gündəlik mətbuat konfransında Fətullah Gülənin ekstradisiyası ilə bağlı onlara müxtəlif sayda dosyenin çatdığını və ABŞ Ədliyyə Nazirliyinin bu sənədlərin rəsmi ekstradisiya şərtləri ilə üst-üstə düşüb düşmədiyini araşdırdığını bildirib. Mark Toner sənədlərin araşdırılmasının müəyyən qədər vaxt alacağını söyləyib.xeber100.com

Yaponiya gündəlik problemlərdən birinin həlli yolunu tapıb

Yaponiyanın qida ekspertləri aşpazların gündəlik problemlərindən birinin həll yolunu tapıblar. Belə ki, mütəxəssislər yeni, gözün selikli qişasını qıcıqlandırmayan soğan növü yetişdiriblər. "Vista News” saytının verdiyi xəbərə görə, alimlərin sözlərinə görə soğan doğrayarkən göz yaşına səbəb onun bu proses zamanı üst qabığının dağılmasıdır ki, bunun nəticəsində havaya kükürdlü qaz nüfuz edir. Bu halda gözün selikli qişası qıcıqlanır və bu, gözyaşı əmələ gətirir. Tərkibində kükürdün minimal miqdara endirildiyi soğanın bu növünə “Gülən şar” adı verilib. Bu tərəvəzin yetişdirilməsi istiqamətində alimlərin 20 il iş apardıqları bildirilir. Tamına görə armudla almanın qarışığını xatırladan soğanın bu növü dairəvi formada və qoxusuzdur. Mütəxəssislər soğanın bu növünün salatların əvəzsiz tərəvəzi olacağına inanırlar. “Gülən şar”ın artıq bu ilin payızından etibarən yapon bazarlarında satışa çıxarılacağı bildirilir.xeber100.com

Avropa İttifaqı Böyük Britaniyaya yaşıl işıq yandırmayacaq

Brüssel qərara gəlib ki, London çoxmilyardlı borclarına görə Avropa İttifaqı (Aİ) ilə üzülüşməyənə qədər Böyük Britaniyanın Aİ-dən çıxmasına yaşıl işıq yandırmayacaq. Vəziyyətlə tanış olan, lakin adının çəkilməsini istəməyən yüksək vəzifəli Aİ nümayəndəsi bu barədə Almaniyanın həftəlik “Wirtschaftswoche” nəşrinə söyləyib. Nəşrin müsahibi məsələyə aydınlıq gətirərək deyib ki, ödəmənin məbləğinə gəlincə, söhbət təxminən 25 milyard avrodan gedir. Brüsseldə bu fikirdədirlər ki, britaniyalılar öz öhdəliklərini nizama salmayana qədər Böyük Britaniya ilə razılaşma qeyri-mümkündür”. İyunun 23-də keçirilən plebisitin yekunlarına görə, səsvermədə iştirak edən britaniyalıların 52 faizi “Brexit”ə səs verib. Böyük Britaniya Avropa İttifaqından 2019-cu ilin əvvəlində çıxmağı planlaşdırır. Böyük Britaniyanın yeni hökumətində Aİ ilə ticari sazişlər haqqında danışıqlara məsuliyyət daşıyan nazir Liam Foks “Sunday Times” qəzetinə müsahibəsində “Brexit”in təqribi tarixi kimi 2019-cu il yanvarın 1-ni göstərib.xeber100.com