Avropa bank sisteminin dəstəklənməsi üçün 150 milyard avro tələb olunur

"Deutsche Bank"ın baş iqtisadçısı Devid Folkerts Landau hesab edir ki, Avropa bank sisteminin dəstəklənməsi üçün 150 milyard avro vəsait ayırmaq lazımdır. Çünki Avropa maliyyə institutlarının kapitallaşdırılmaya ehtiyacı var.  “banks.eu” saytı xəbər verir ki, iqtisadçı bu barədə "Welt am Sonntag" qəzetinə müsahibəsində deyib. Mütəxəssisin sözlərinə görə, ABŞ 2008-ci ildə 100 milyard dollar dəyərində bank sektorunun sağlamlaşdırılması planını təqdim edib. "İtaliya daha çox narahatlıq doğurur, burada vaxtı keçmiş kreditlərin həcmi 350 milyard avroya çatıb. Eyni zamanda, Avropa Mərkəzi Bankının cərimə faizləri Avropa maliyyə bazarına mənfi təsir edir, səhmlərin aşağı kursu isə yeni sərmayələrin cəlb edilməsini çətinləşdirir", - deyə iqtisadçı qeyd edib.xeber100.com

Reuters agentliyinin məlumatına əsasən…

Тereza Mey Böyük Britaniya Mühafizəkarlar partiyasının lideri təyin edilib. Bu barədə Reuters agentliyi xəbər verib. Bundan əvvəl Böyük Britaniyanın baş naziri David Kemeron iyulun 13-də istefa verəcəyini bildirib. İyunun 23-də Böyük Britaniyanın Avropa İttifaqının tərkibində qalıb-qalmaması ilə bağlı referendum keçirilib. Referendumda  Avropa İttifaqından çıxmağa  səs verənlərin sayı çoxluq təşkil edib. Nəticələr elan olunandan sonra Devid Kemeron bu ilin oktyabr ayında istefa verəcəyini bəyan edib. Qeyd edək ki, Böyük Britaniyada Mühafizəkarlar Partiyasının lideri və baş nazir postuna namizəd Andrea Lidsom mübarizədən çəkildikdən sonra ölkənin daxili işlər naziri Tereza Mey bu posta yeganə namizəd kimi qalıb.

“RİA Novosti” agentliyinin verdiyi xəbərə görə…

"Rusiya-NATO Komissiyasının iclasında müzakirə olunacaq əsas məsələ alyansın Şərqi Avropada hərbi mövcudluğunun artırılması və onun Avropanın təhlükəsizliyi üçün nəticələri olacaq". "RİA Novosti” agentliyinin verdiyi xəbərə görə, bu barədə Rusiya XİN-dən bildirilib. “Rusiya tərəfi Baltik dənizi regionunda aviasiya təhlükəsizliyinin gücləndirilməsi üçün finlandiyalı tərəfdaşlarımızın irəli sürdüyü "Niinistö planı" barədə müzakirə açılması təşəbbüsü ilə çıxış edəcək, habelə ABŞ/NATO-nun Avropada raket hücumundan müdafiə sisteminin qurulmağa davam etməsi nəticəsində strateji stabilliyə olan risklərlə bağlı məsələ qaldıracaq". Diplomatlar Ukraynadakı vəziyyət, Əfqanıstanda təhlükəsizlik və regional təhlükəsizlik təhdidlərini də müzakirə edəcəklər. Rusiya-NATO Komissiyasının iclası iyulun 13-də Brüsseldə keçiriləcək.xeber100.com

Ermənistana qaz nəqli dayandırıldı

İyulun 10-dan avqustun 10-dək Rusiya Ermənistana qaz nəqlini dayandırır. Faktinfo.az bununla bağlı Gürcüstanın qazpaylayıcı şirkəti “Qazprom Ermənistan”a rəsmi bildiriş göndərib.Nəqlin dayandırılmasına səbəb magistral kəmərdə təmir işlərinin aparılmasıdır.Ermənistan əhalisinin təbii qazla təchizatı yeraltı anbarlardakı ehtiyyat qaz hesabına həyata keçiriləcək.Qeyd edək ki, Ermənistanı qazla Rusiyanın “Qazprom” şirkəti Gürcüstan üzərindən təchiz edir.xeber100.com

“Washington Post” qəzeti yazır…

ABŞ prezidenti Barak Obama administrasiyası Rusiyaya strateji hücum silahlarının ixtisarına dair (CNV-3) müqavilənin müddətini daha 5 il uzatmağı təklif etmək imkanına baxır. Bu barədə “Washington Post” qəzeti bildirib. “Washington Post” nəşrinə informasiyanı şərh edən Rusiya Federasiya Şurasının müdafiə və təhlükəsizlik komitəsinin sədri Viktor Ozerovun sözlərinə görə, Moskva çətin ki, SNV-3 müqaviləsinin müddətinin uzatmağa razılaşacaq. O, qeyd edib ki, təklifin qəbul edilməsi üçün sənədin mətnində Amerikanın Avropada qurduğu raketdən müdafiə sistemi ilə bağlı Rusiyasının narahatlığı nəzərə alınmalıdır.Qeyd edək ki, Rusiya və ABŞ arasında müqavilə 2010-cu ilin aprelində Praqada imzalanıb. Bu, 1991-ci il SNV-1 razılaşması və 2002-ci il strateji hücum potensialının ixtisarı (DSNP) haqqında müqaviləni əvəz edib.5 fevral 2011-ci ildə qüvvəyə minən SNV-3 strateji hücum silahlarının ixtisarı və sayının məhdudlaşdırılmasını nəzərdə tutur. Moskvada razılaşmaya ciddi şəkildə riayət etdiyini iddia edir. Son zamanlar Rusiya hakimiyyəti Amerikanın Avropada qurduğu raketdən müdafiə sistemi ilə əlaqədar müqavilədən çıxmasını istisna etmir.xeber100.com

Belçikada yeni vergi sistemi tətbiq olunub

Belçikanın 3,5 milyon sakini olan Valloniya şəhərinin merliyi qlobal istiləşməyə qarşı mübarizə aparmaq məqsədilə bir neçə ildir ki, manqalda hazırlanan yeməklər üçün vergi tətbiq edir. Azərtac “vergiler.az” saytına istinadla xəbər verir ki, şəhər merliyinin qənaətinə görə, manqalda yemək hazırlanarkən atmosferə 50-100 qram istixana qazı atılır. Ona görə də Belçikanın bu regionunun hər bir sakini öz həyətində manqal qalamazdan əvvəl 20 avro ödəniş etməlidir. Valloniya merliyi tərəfindən bu qanuna riayət olunması üçün ciddi yoxlamalar aparılır. Yoxlamalar zamanı hətta xüsusi kameralarla təchiz edilmiş vertolyotlardan da istifadə olunur.xeber100.com

Avstraliyada parlament seçkilərində mühafizəkarlar qalib gəlib

Avstraliyanın hazırkı Baş naziri Malkolm Ternbull parlament seçkilərindən 8 gün sonra mühafizəkarların qalib gəldiyini bəyan edib.Azərtac “lemonde.fr” saytına istinadla xəbər verir ki, Baş nazir bu bəyanatı müxalifətin məğlubiyyəti qəbul etməsindən sonra verib. “Leyborist müxalifətin lideri Bil Şorten zəng vuraraq məni yenidən Baş nazir seçilməyim münasibətilə təbrik etdi”, - deyə M.Ternbul bildirib. Hazırda nə mühafizəkar koalisiya, nə də leyborist müxalifət hökuməti formalaşdırmaq üçün nümayəndələr palatasında lazım olan 76 yerin mütləq əksəriyyətini əldə etməyib. Seçki bülletenlərinin sayılması hələ də davam edir.xeber100.com

Aralıq dənizi qazına 265 milyon dollarlıq sərmayə sərf olunacaq

ABŞ və İsrail şirkətlərdən ibarət konsorsium Aralıq dənizindəki “Tamar” təbii qaz yatağının genişləndirilməsinə 265 milyon dollar investisiya yatıracaqlarını açıqlayıblar.Azərtac “bloomberght.com”a istinadla xəbər verir ki, konsorsium tərəfindən təsdiqlənən yeni investisiya “Tamar-8” təbii qaz yatağında qazma işləri üçün istifadə ediləcək. Konsorsium İsrailin “Delek Drilling” və “Avner Oil Exploration” şikətləri ilə ABŞ-ın “Noble Energy” şirkətindən ibarətdir. “Tamar-8” təbii qaz yatağı Aralıq dənizinin İsrail sahillərinə 10 kilometr uzaqlıqda, yerin 3,5 kilometr dərinlikdə yerləşir və mövcud layihənin 8-ci quyusudur. Bu ilin sonuncu rübündə icra edilməsi planlaşdırılan layihənin 4 ay davam edəcəyi bildirilir. Qeyd edək ki, “Tamar” təbii qaz yatağı İsrailin Hayfa limanından 130 kilometr uzaqlıqda yerləşir. 2009-cu ildə kəşf edilmiş və 2013-cü ildən istifadəyə verilən yatağın 238 milyard kubmetr təbii qaz ehtiyatına malik olduğu təxmin edilir.xeber100.com

Braziliya Senatının qərarı…

Braziliya prezidenti Dilma Rusef könüllü istefaya getməyəcəyini açıqlayıb. “RİA Novosti”  xəbər verir ki, o, San-Pauluda feminist hərəkatının nümayəndələri ilə görüşdə deyib: “Mən təslim olmayacağam, mənim şərəf və ləyaqətim var”. Xatırladaq ki, D.Rusef may ayında Braziliya Senatının qərarı ilə 180 gün müddətinə vəzifəsindən kənarlaşdırılıb və onun vəzifəsini müvəqqəti olaraq vitse-prezident Mişel Temer icra edərək yeni kabinet formalaşdırıb. Avqust ayında Senatda Braziliya prezidentinin yekun impiçmenti ilə əlaqədar məsələyə baxılması nəzərdə tutulur.xeber100.com

Gürcüstanın Hərbi Dəniz Qüvvələri yaratmaq üçün maliyyə imkanları yoxdur

"Bizim Hərbi Dəniz Qüvvələrimiz yoxdur. Bu cür qüvvələrin yaradılması üçün təkcə bacarıqlı hərbçi kadrların olması azdır. Bunun üçün maliyyə imkanları olmalıdır. Gürcüstanın Hərbi Dəniz Qüvvələrini yaratmaq üçün maliyyə imkanları yoxdur". Bu sözləri Gürcüstanın müdafiə naziri Tinatin Xidaşeli deyib. Nazir bildirib ki, Qara dənizdə təhlükəsizlik məsələlərini NATO həyata keçirir və Gürcüstan bu prosesdə iştirak edir. “Bizim NATO-ya üzvlüyümüzdən asılı olmayaraq Varşava Sammitində qəbul olunacaq istənilən konsepsiya Gürcüstanın iştirakı ilə qəbul ediləcək. NATO-nun Qara dənizdə keçirəcəyi istənilən bütün təlimlərdə Gürcüstan fəal iştirak edəcək”, - deyə o bildirib. Bəzi siyasətçilər T.Xidaşelinin bəyanatını Gürcüstan-NATO əlaqələrinin inkişafının göstəricisi kimi qiymətləndiriblər. Nazirin bu bəyanatını Gürcüstanın NATO və digər beynəlxalq təşkilatlardan, eləcə də hegemon dövlətlərdən asılılığına işarə kimi dəyərləndirənlər də var.