Türkiyədə dəmir yolu, sürətli qatar və təyyarə reysləri bərpa edilir

Türkiyədə COVID-19 pandemiyası ilə əlaqədar dayandırılan dəmir yolu, sürətli qatar və təyyarə reysləri bərpa edilir.Azərtac xəbər verir ki, bu gündən etibarən ölkədə dəmir yolu və sürətli qatar biletlərinin satışına başlanıb. Türkiyədə dəmir yolu səfərlərinin mayın 28-dən, aviareyslərin isə iyunun 4-dən etibarən başlaması nəzərdə tutulur.Biletlər ilkin mərhələdə yalnız onlayn sistemlə satılacaq.Səfərlər qabaqlayıcı tədbirlər çərçivəsində baş tutacaq.xeber100.com

“Mainichi Shimbun” qəzetinin apardığı sorğunun nəticələrinə görə…

Baş Nazir Şinzo Abenin rəhbərlik etdiyi Yaponiya hökumətinin reytinqi 27 faizə düşüb.Azərtac xəbər verir ki, bu barədə mayın 23-də “Mainichi Shimbun” qəzeti apardığı sorğunun nəticələrinə görə məlumat yayıb.Qeyd edilir ki, buna qədər mayın 6-da keçirilən sorğu zamanı hökumətin reytinqi 40 faiz təşkil edib.Son sorğunun nəticələrinə görə hökumətə inamsızlıq 45 faizdən 64 faizə qalxıb. Bunun əsas səbəbi kimi son günlər Tokionun baş prokuroru Hiroma Kurokava ətrafında qalxan qalmaqal göstərilir. Baş Nazir Ş.Abe ilə sıx münasibətlərə malik olduğu deyilən H.Kurokava milli prokurorluq sistemində ikinci şəxs, ölkənin baş prokuroru vəzifəsinə əsas namizəd hesab edilirdi.H.Kurokava ölkədə fövqəladə vəziyyət rejiminin hökm sürdüyü və hökumətin insanlar arasında təması 70-80 faiz azaltmağa çalışdığı bir vaxtda tanış jurnalistin evinə gedərək onunla qumar oynamaqda ittiham olunur. Həmin vaxt orada digər jurnalistlərin də olduğu və onların da pul ilə maconq oyununa qatıldığı bildirilir.Məsələ burasındadır ki, Yaponiyada qumar oyunu qanunla qadağandır. Bununla yanaşı, belə görüşlərin son üç ildə ayda iki-üç dəfə təşkil edildiyi də məlum olub. Bu oyun zamanı bir məzənnənin 20 min yen (təqribən 185 dollar) təşkil etdiyi də bildirilir.Bu qalmaqalı qızışdıran daha bir məqam isə hadisənin parlamentdə prokurorluq haqqında qanuna düzəlişlərin müzakirə edilməsi ilə eyni vaxta düşməsidir. Müxalifətin bu məsələdə qabartdığı bənddə yaş həddinin artırılması göstərilir. Həmin partiyalar bildirirlər ki, qanuna düzəlişdə məqsəd hökumətə yaxın olan H.Kurokavanın ölkənin baş prokuroru vəzifəsinə yerləşdirilməsi olub.xeber100.com

COVID-19 əleyhinə peyvəndin istehsal olunacağı vaxt açıqlanıb

Böyük Britaniyanın “AstraZeneca” əczaçılıq kompaniyası testlərin nəticələri müsbət olacağı təqdirdə Oksford Universiteti ilə birgə hazırladığı COVID-19 infeksiyası əleyhinə vaksinin kütləvi istehsalına sentyabr ayında başlamağı planlaşdırır.Azərtac Britaniya KİV-lərinə istinadla xəbər verir ki, kompaniya azı 400 milyon vaksinin çatdırılması üzrə ilk müqaviləni imzalayıb, həmçinin milyard doza hazırlamaq üçün şərait yaradıb. “AstraZeneca” 2020-ci ilin sentyabrında ilk çatdırılmaları həyata keçirmək niyyətindədir.“Koronavirusa qarşı vaksinin hazırlanması və istehsalı prosesinin sürətləndirilməsi üçün göstərdiyi dəstəyə görə ABŞ və Böyük Britaniya hökumətlərinə minnətdarıq. Vaksini tezliklə hazırlamaq və onu əlçatan etmək üçün əlimizdən gələni edəcəyik”, - deyə kompaniyanın rəhbəri Paskal Sorio bildirib.ABŞ hökuməti koronavirus əleyhinə peyvənd hazırlanması üçün “AstraZeneca” kompaniyasına bir milyard dollardan çox vəsait köçürüb.Qeyd edək ki, İngiltərədə keçirilən klinik sınaqların ilk mərhələsinin nəticələri iyunda bəlli olacaq. Uğurlu alınacağı təqdirdə sınaqlar digər ölkələrdə də davam edəcək. Plana görə sentyabr ayında 30 milyon britaniyalı, yəni birləşmiş Krallıq əhalisinin təxminən yarısı vaksin əldə edə biləcək.xeber100.com

“Air Serbia” hava yolu şirkəti uçuşlarını bərpa edib

Serbiyanın milli hava yolu şirkəti “Air Serbia” uçuşlarını bərpa edib.azərtac xəbər verir ki, aviareyslər məcburi maska taxılması və yeməksiz həyata keçiriləcək. Sərnişinlər özləri ilə istədikləri halda əlcək, üz üçün qoruma ekranı və sair vasitələri təyyarə bortuna götürə biləcəklər. Təyyarədəki xidmətlərdə, jurnal və broşürlər də daxil olmaqla, təmasın minimuma endirilməsinə nəzarət ediləcək. Yaşı 65-dən yuxarı sərnişinlərə isə üstünlük veriləcək.“Air Serbia” mayın 21-dən iyunun 14-dək yalnız London, Frankfurt, Sürix və Vyanaya, mayın 29-dan etibarən planlı digər reysləri, iyunun 6-dan isə Nyu-Yorka uçuşları bərpa edir. İyunun 15-dən başlayaraq uçuşlar bütün Avropa üzrə həyata keçiriləcək.xeber100.com

Pandemiya səbəbindən yaranmış böhranla bağlı etirazlar başlayıb

Çilinin paytaxtı Santyaqonun bir sıra rayonlarında yüzlərlə insan küçələrə çıxaraq koronavirus pandemiyası səbəbindən yaranmış sosial böhranla bağlı hökumətdən kömək istəyib.Azərtac xəbər verir ki, ölkədə koronavirusa artıq 46 mindən çox yoluxma faktı qeydə alınıb, 478 nəfər isə bu xəstəlikdən həyatını itirib.Santyaqonun mərkəzində yerləşən “Telefónica” binasının üzərinə "Aclıq" sözü proyeksiya olunub və sosial şəbəkələr vasitəsilə etiraz aksiyalarına çağırışlar edilib. Yerli KİV-lər mərkəzi Estación Central rayonunda və şəhərin bəzi yerlərində kiçik barrikadaların quraşdırılması, həmçinin avtobusun yandırılması barədə xəbərlər yayıblar.Çili prezidenti Sebastian Pinera ən çox ehtiyacı olan ailələrə 2,5 milyon paket qida, yuyucu və gigiyena məhsullarının çatdırılacağını bildirib.Koronavirus pandemiyası 2020-ci ilin ilk rübündə Çilidə işsizliyin 8,2 faiz artmasına səbəb olub. Latın Amerikası və Karib dənizi İqtisadi Komissiyasının araşdırmalarına görə, pandemiya böhranı nəticəsində 215 milyon insan yoxsulluq həddinə çatacaq. Qeyd edək ki, bu, region əhalisinin 34,7 faizini təşkil edir.xeber100.com

ABŞ-ın bütün ştatında iqtisadi fəaliyyət bərpa edilib

ABŞ-ın bütün 50 ştatında koronavirus pandemiyası səbəbindən dayandırılmış iqtisadi fəaliyyət qismən bərpa edilib.Azərtac Amerika KİV-lərinə istinadla xəbər verir ki, bunu ABŞ-ın vitse-prezidenti Mayk Pens Ağ Ev administrasiyası üzvlərinin iclasında bildirib.Prezident Donald Trampın administrasiyası aprelin ortalarında antivirus məhdudiyyətlərinin ləğvinə dair üçmərhələli plan təqdim etmişdi. Həmin plana əsasən, müddəti qubernatorlar özləri epidemioloji vəziyyətdən asılı olaraq sərbəst şəkildə müəyyən etməlidirlər.Amerikanın Cons Hopkins İnstitutunun məlumatına görə, hazırda ABŞ-da koronavirusa 1,5 milyon yoluxma halı aşkarlanıb, 91 mindən çox insan həyatını itirib, 283 mindən artıq xəstə sağalıb.xeber100.com

“ANA Cargo” şirkəti birbaşa reyslərin icrasına başlayıb

Çinin koronavirusdan zərərçəkmiş Uxan şəhərində zavodların fəaliyyəti bərpa edildikdən sonra buradan Tokionun yaxınlığında yerləşən “Narita” aeroportuna ilk yük təyyarəsinin uçuşu həyata keçirilib.Azərtac Yaponiya KİV-lərinə istinadla xəbər verir ki, Çində koronavirus epidemiyasının mərkəzi hesab edilən Uxan şəhəri iki aydan çox bir müddət ərzində qapalı vəziyyətdə qalıb. Burada zavodların fəaliyyəti aprelin 8-də, məhdudiyyətlər aradan qaldırıldıqdan sonra bərpa olunub.“All Nippon Airways” şirkətinin filialı olan “ANA Cargo” mayın 19-dan “Narita” ilə Uxan arasında birbaşa qeyri-müntəzəm yük reyslərinin icrasına başlamaq qərarına gəlib. Göyərtəsində 20 ton müxtəliflər yük – tibbi maskalar, avtomobillər üçün ehtiyat hissələri və digər elektron komponentlər olan ilk təyyarə dünən axşam saatlarında “Narita” aeroportuna enib.Bu reyslərin Uxan ilə Şanxay arasında yük daşımalarında yaranmış qarışıqlığı aradan qaldırmağa yardım edəcəyi gözlənilir.“ANA Cargo”nun icraçı direktoru Katsube Akio bildirib ki, şirkət ehtiyac duyulduğu təqdirdə reysləri davam etdirməyə hazırdır.

19 May – Atatürkü Anma, Gənclik və İdman Bayramıdır

Türkiyədə 19 May - Atatürkü Anma, Gənclik və İdman Bayramıdır. Yeni növ koronavirus (COVID-19) pandemiyası səbəbindən kütləvi tədbirlərin ləğv olunmasına baxmayaraq, küçə və meydanlar bayramsayağı bəzədilib. Ölkə üzrə ümumi tətil elan olunub.Azərtac xəbər verir ki, bayram münasibətilə Gənclik və İdman naziri Mehmet Muharrem Kasapoğlunun rəhbərliyi ilə nümayəndə heyəti Anıtqəbirə gələrək Türkiyə Respublikasının banisi Mustafa Kamal Atatürkün məzarını ziyarət edib. Anıtqəbir önünə əklil qoyulub, Türkiyənin dövlət himni ifa edilib, xatirə dəftərinə ürək sözləri yazılıb.Qeyd edək ki, bu gün 19 May - Atatürkü Anma, Gənclik və İdman bayramı münasibətilə yerli vaxtla saat 19:19-da ölkənin bütün stadionlarında Türkiyə Respublikasının dövlət himni – “İstiqlal marşı” səsləndiriləcək.xeber100.com

Yaponiyada 5,3 bal gücündə iki zəlzələ baş verib

Mayın 19-da Yaponiyanın həm şərqində, həm də qərbində 5,3 bal gücündə iki zəlzələ baş verib.Azərtac xəbər verir ki, bu barədə Yaponiya Meteorologiya Agentliyi məlumat yayıb.Bildirilir ki, yerli vaxtla gecə saat 00:17 dəqiqədə qeydə alınan ilk yeraltı təkanların episentri Fukuşima prefekturasının Sakit okean sahillərində, ocağı 50 kilometr dərinlikdə yerləşib.Bundan təqribən bir saat sonra baş verən ikinci zəlzələ isə Qifu prefekturasının qərb hissəsində qeydə alınıb. Bu zəlzələnin ocağı 10 kilometr dərinlikdə yerləşib.Hər iki zəlzələ nəticəsində dağıntılar və zərərçəkənlər barədə məlumat verilmir. Sunami xəbərdarlığı elan edilməyib.xeber100.com  

“Czech Airlines” aviakompaniyasının beynəlxalq reysləri bərpa edilib

“Czech Airlines” aviakompaniyası koronavirus pandemiyası səbəbindən dayandırılan bir sıra beynəlxalq reysləri mayın 18-dən bərpa edib.Çexiya KİV-ləri xəbər verir ki, bu barədə jurnalistlərə milli aviadaşıyıcının rəsmi nümayəndəsi Vladimira Dufkova deyib.“Mayın 18-dən etibarən Praqanı Paris, Amsterdam və Frankfurt-Mayn şəhərləri ilə birləşdirən müntəzəm uçuşlar bərpa olunur. “Czech Airlines” mayın 21-dən Stokholma, mayın 24-dən Kiyevə, mayın 25-dən isə Odessa və Buxarestə uçuşlara başlayacaq”, - deyə Vladimira Dufkova bildirib. Onun sözlərinə görə, sərnişinlər və ekipaj üzvləri bütün uçuş müddəti ərzində tibbi maskada olmalı, eniş vaxtı və təyyarəni tərk edən zaman iki metrlik sosial distansiyanı saxlamalıdır.İlk reyslər zamanı təyyarələr yarıboş uçacaq. Pandemiya səbəbindən ölkələr arasında hərəkətə qoyulan məhdudiyyətlər aradan qaldırıldıqdan sonra aviadaşımaların dirçələcəyi gözlənilir.xeber100.com