Hindistanın “Vikram” kosmik aparatının qalıqları aşkar edilib

ABŞ-ın Aeronavtika və Kosmik Tədqiqatlar Milli Agentliyinin (NASA) “Lunar Reconnaissance Orbiter” (LRO) orbital stansiyası sentyabrda Yerin təbii peykinə endiyi zaman qəzaya uğrayan Hindistanın “Vikram” kosmik aparatının qalıqlarını Ayın səthində aşkar edib.Azərtac NASA-nın saytına istinadla xəbər verir ki, agentlik Hindistan kosmik aparatının Ayın səthinə çırpıldığı yerin fotoşəklini yayıb.Xatırladaq ki, sentyabrın 7-də Hindistan Ay missiyasını yerinə yetirən özünün “Chandrayaan-2” pilotsuz kosmik gəmisi və “Vikram” aparatı ilə əlaqəni Yerin təbii peykinin səthindən 2 kilometr hündürlükdə itirib. Hindistanın Kosmik Tədqiqatlar Təşkilatı (ISRO) hər ötən saat kosmik aparatın batareyasının tükəndiyini, bir neçə gündən sonra modulun işləməsi üçün heç bir gücünün qalmayacağını bildirmişdi. İndi məlum olub ki, kosmik aparat Ayın səthinə çırpılaraq parçalanıb. O, Yerin təbii peykinə “Praqyan” lunoxodunu çatdırmalı idi. “Chandrayaan-2” pilotsuz kosmik gəmisi isə bu gün də orbitdə fəaliyyətini davam etdirir.xeber100.com

Özbəkistan Ali Məclisi Senatının 24-cü plenar iclasında

Noyabrın 30-da Özbəkistan Ali Məclisi Senatının 24-cü plenar iclasında 2020-ci il üçün ölkənin dövlət büdcəsi təsdiq edilib.Azərtac xəbər verir ki, Özbəkistanın Maliyyə naziri Jamşid Kuçkarov 2020-ci ilin büdcəsi haqqında ətraflı danışıb. Bildirib ki, gələn ilin dövlət büdcəsinin gəlirləri 128,5 trilyon sum (1 dollar 9,491sumdur), xərcləri isə 131,1 trilyon sum müəyyən edilib.Ümumiyyətlə, Senatın iclasında 19 məsələyə baxılıb.xeber100.com

“Gazprom” şirkətinin xalis mənfəəti 211,7 milyard rubl təşkil edib

Cari ilin üçüncü rübündə Rusiyanın “Gazprom” şirkətinin xalis mənfəəti 211,7 milyard rubl təşkil edib.Azərtac şirkətə istinadla xəbər verir ki, hesabat dövründə “Gazprom”un gəlirləri isə 1,62 trilyon rubl olub.Analitiklərin proqnozu mənfəətin 199,8 milyard rubl, gəlirin isə 1,65 trilyon rubl səviyyəsində olacağı idi.“Gazprom”un üçüncü rübdə Avropa İttifaqı (Aİ) və Türkiyəyə satdığı təbii qazın orta qiyməti 1000 kubmetr üçün 169,8 dollar olub.xeber100.com

ABŞ Milli Meteorologiya Xidmətinin məlumatı

ABŞ aeroportlarının və aviaşirkətlərin administrasiyaları ölkədə kəskin hava şəraitinin yaranması ilə əlaqədar son iki gündə yüzlərlə reysi ləğv etməyə məcbur olublar.Azərtac xəbər verir ki, Qayalı dağlarda qar qasırğası nəticəsində minlərlə reys təxirə salınıb. Sinoptiklərin sözlərinə görə, noyabrın 27-də güclü qar istiqamətini Qayalı dağlar regionuna və Orta Qərbə doğru dəyişib, Denverdə qar örtüyünün qalınlığı 25 santimetrdən çox olub.Çikaqonun O`Xara beynəlxalq aeroportunda və Minneapolis/Sent-Pol aeroportunda ləngimələrin sayı daha çox olub: müvafiq olaraq 321 və 201 ləngimə. Noyabrın 27-nə olan məlumata görə, Birləşmiş Ştatlara və oradan istiqamət götürən 4500-dən çox reys qar qasırğası ilə əlaqədar ləngiyib.ABŞ Milli Meteorologiya Xidmətindən bildiriblər ki, fırtına öz gücünə və miqyasına görə rekord səviyyədə ola bilər.xeber100.com

Amerika Neft İnstitutunun məlumatı əsasında…

Ötən həftə Birləşmiş Ştatların xam neft ehtiyatları artıb.Azərtac xəbər verir ki, bu barədə əsasən özəl sektorun maliyyələşdirdiyi Amerika Neft İnstitutu (API) məlumat yayıb. Bildirilir ki, keçən həftə ölkədəki neft ehtiyatları əvvəlki həftə ilə müqayisədə 3,64 milyon barrel artıb. Bazar proqnozları da ehtiyatların çoxalacağı istiqamətində idi. Əvvəlki həftə ehtiyatlar 5,95 milyon barrel artmışdı.Ölkədəki ehtiyatlarla bağlı rəsmi rəqəmlər ABŞ-ın Enerji İnformasiya Administrasiyası (EIA) tərəfindən açıqlanacaq.xeber100.com

Krit adası yaxınlığında 5,8 bal gücündə zəlzələ baş verib

Afina Seysmologiya Laboratoriyasının məlumatına əsasən, Krit adası yaxınlığında 5,8 bal gücündə zəlzələ baş verib. Zəlzələnin episentri Xaniya şəhərindən 74 kilometr qərb istiqamətində dənizdə 30 kilometr dərinlikdə baş verib.Azərtac xəbər verir ki, təkanlar Afinada da hiss olunub. Xəsarət alanlar barədə məlumat yoxdur.xeber100.com

Vikinqlər dövrünə aid insan məskəni və gəmi aşkar edilib

Norveçin qərb hissəsindəki Edoya adasında yerləşən kilsə yaxınlığında Norveç Mədəni İrsin Tədqiqatları İnstitutunun arxeoloqları tərəfindən aparılan arxeoloji qazıntı işləri zamanı vikinqlər dövrünə aid olması ehtimal edilən insan məskəninin və gəminin qalıqları aşkar edilib.Azərtac xəbər verir ki, bu ərazidə arxeoloji tədqiqatlar tarixi izləri aşkar etməyə imkan verən ən yeni georadar texnologiyalarından istifadə edilməklə aparılıb.Edoya adasındakı kəşf ilə arxeoloqlar tərəfindən bu il Yelestadda aşkar edilmiş tapıntı arasında xeyli oxşarlıq var. Hər iki gəmi torpağın üst qatından bir az aşağıda yerləşirdi, Orada əvvəl kurqan olub. Georadar məlumatlarında diametri 18 metr olan kurqanın mərkəzində gəminin 13 metr uzunluğunda kili aydın görünür. Arxeoloqlar vurğulayırlar ki, gəminin nə vaxt inşa olunmasını dəqiq təyin etmək mümkün deyil, amma, bununla belə, onlar əmindirlər ki, gəminin yaşı 1000-dən çoxdur.xeber100.com

Böyük Britaniyanın Baş Naziri seçki manifestini açıqlayıb

Böyük Britaniyanın Baş Naziri Boris Conson Qərbi Midlandsdakı Şropşir əyalətində çıxışı zamanı Mühafizəkarlar Partiyasının seçki manifestini açıqlayıb.Azərtac xəbər verir ki, seçkiyə 18 gün qalmış açıqlanan 59 səhifəlik manifestdə partiyanın Brexiti yekunlaşdıracağı və yeni ölkə qurulacağı vəd olunur.O, çıxışında səhiyyə sahəsində dəyişiklik olacağına və 50 min tibb işçisinin işə başlayacağını vəd edib.Conson immiqrasiya sisteminə nəzarətin gücləndiriləcəyinə, gəlir vergisi, milli sığorta və Əlavə Dəyər Vergisi (ƏDV) dərəcələrinin artırılmayacağını da qeyd edib.Qeyd edək ki, Leyboristlər, Liberal Demokratlar və Yaşıllar (The Green) partiyaları öz manifestolarını ötən həftə açıqlayıblar.xeber100.com

“BeiDou” naviqasiya sisteminin növbəti iki peyki orbitə çıxarılıb

Çin “BeiDou” naviqasiya sisteminin növbəti iki peykini orbitə çıxarıb.Azərtac xəbər verir ki, sistemin 50-ci və 51-ci peykləri Siçanq kosmik mərkəzindən “Long March-3B” raketdaşıyıcısı ilə buraxılıb. Buraxılış yerli vaxtla səhər 8:55-də baş tutub. Təxminən 3 saatdan sonra peyklər nəzərdə tutulan orbitə çatıblar.Bu, "Long March" raketdaşıyıcılarının 319-cu buraxılışı olub.Qeyd edək ki, 2011-ci ilin dekabrında kommersiya istifadəsinə verilən “BeiDou” peyk sistemi 2012-ci ilin dekabrından Asiya-Sakit okean regionu ölkələrində mülki xidmətlərin göstərilməsinə başlayıb. Sistem Çin, qonşu ölkələr və Asiya-Sakit okean regionu ərazisində coğrafi koordinatların müəyyənləşdirilməsini təmin edir. “BeiDou” sistemi dünyada GPS (ABŞ), “GLONASS” (Rusiya) və “Galileo”dan (“Avropa İttifaqı) sonra 4-cü naviqasiya sistemidir. Orbitdə “Beidou” sisteminin formalaşdırılmasının 2020-ci ildə başa çatdırılması planlaşdırılıb.xeber100.com

UNESKO Baş Konfransının 40-cı sessiyasında

UNESKO Baş Konfransının 40-cı sessiyasında Polşa bu təşkilatın İcraiyyə Şurasının üzvü seçilib.Azərtac xəbər verir ki, bundan sonra Polşa UNESKO-nun İcraiyyə Şurasının üzvü olaraq təşkilatın gələcək simasını müəyyən edəcək islahatlarla bağlı qərar qəbuletmə prosesində iştirak edəcək.İcraiyyə Şurası UNESKO-nun konstitusiya qanununa uyğun olaraq yaradılan üç qurumundan biridir. Bu, təşkilatın proqramı və büdcəsinin icrasına nəzarət edən və bütün müvafiq qərarlar üzrə nəticələri araşdıran ən vacib hökumətlərarası orqandır. Şura dördillik müddətə seçilən 58 ölkədən ibarətdir.xeber100.com