Şimali Makedoniyada prezident seçkilərinin ikinci turu keçirilib

Xəbər verdiyimiz kimi, mayın 5-də Şimali Makedoniya Respublikasında prezident seçkilərinin ikinci turu keçirilib.Azərtac Şimali Makedoniyanın Dövlət Seçki Komissiyasının (DSK) rəsmi saytına istinadla xəbər verir ki, ölkə üzrə seçicilərin təxminən 46.7 faizdən çoxu səsvermədə iştirak edib.Hələlik səslərin 51.66 faizini toplayan Stevo Pendarovski liderdir. Bildirilir ki, DSK ən yaxın zamanda son nəticələri elan edəcək.Qeyd edək ki, Şimali Makedoniyanın Sosial Demokratlar Birliyinin namizədi olan Stevo Pendarovski ölkənin türk icması tərəfindən ciddi dəstəklənib.xeber100.com

“Şərq tərəfdaşlığı”nın 10 illik yubiley tədbirində…

Belarus prezidenti Aleksandr Lukaşenko "Şərq tərəfdaşlığı"nın yubiley tədbirinə qatılmayacaq.Milli.az xəbər verir ki, bu barədə Sputnik agentliyinin yaydığı məlumatda deyilir.Bildirilir ki, əvəzində Brüsellə Belarus xarici işlər naziri Vladimir Makey yollanacaq.Qeyd olunur ki, Lukaşenko "Şərq tərəfdaşlığı"nın 10 illik yubiley tədbirinə dəvət alsa da, sonda Brüsselə getməmək qərarına gəlib.Bununla belə Belarus XİN-in mətbuat katibi Anatoli Qlaz bildirib ki, yaxın zamanlarda "Şərq tərəfdaşlığı"nın əsas məqsəd və vəzifələrinin həyata keçirilməsi üçün şərait yaradılsa, Lukaşenkonun Brüsselə səfəri gerçəkləşə bilər.Qeyd edək ki, sözügedən tədbir Brüsseldə mayın 13-14-də keçiriləcək.xeber100.com

5,7 bal gücündə zəlzələ baş verib

Filippinin Mindoro adasında 5,7 bal gücündə zəlzələ baş verib.Milli.az bildirir ki, zəlzələnin episentri 4 min nəfər əhalisi olan Adela yaşayış məntəqəsindən 2 kilometr şimal-qərbdə yerləşib. Yeraltı təkanlar 40 kilometr dərinlikdə qeydə alınıb.Dağıntılar və xəsarət alanlar barədə məlumat yoxdur.xeber100.com

KXDR Yapon dənizi istiqamətində yaxın məsafəli raket buraxıb

Koreya Xalq Demokratik Respublikası (KXDR) Yapon dənizi istiqamətində yaxın məsafəli raket buraxıb.Milli.az xəbər verir ki, bunu Koreya Respublikasının Baş Qərargah Rəislərinin Birləşmiş Komitəsi (BQRBK) bildirib.Məlumata əsasən, raket Vansan şəhəri tərəfindən yerli vaxtla 09:06-da buraxılıb.xeber100.com

Estoniyanın qızıl ehtiyyatı 256 kiloqram təşkil edir

Estoniyanın qızıl ehtiyyatı cəmi 256 kiloqram təşkil edir.Milli.az bildirir ki, ölkənin Mərkəzi bankında cəmi bir külçə qızıl var. Bankına maliyyə bazarları şöbəsinin təhbəri Fabio Filipotsi deyib ki, qızıl ehtiyyatının bu səviyyədə olmasının səbəbi SSRİ-dən çıxdıqdan sonra ölkənin qiymətli metallarının satması olub.Həmçinin qeyd olunur ki, ölkənin qızıl ehtiyyatı "təhlükəsizlik baxımından" xarici banklarda saxlanılır. Bankda saxlanılan külçənin qiyməti isə təqribən yarım milyon ABŞ dolları təşkil edir: "Onun təmizliyi maliyyə bazarlarında reallaşdırılması üçün kifayət qədər deyil, buna görə də, 11 kiloqramı "muzey eksponatı" adlandırmaq olar".xeber100.com

Böyük Çamlıca məscidinin açılışı baş tutub

İstanbulda cümə namazı zamanı yeni Böyük Çamlıca məscidinin açılışı baş tutub.Trend-in məlumatına görə, bu, Türkiyədə ən böyük məscid adını qazanıb.Məscidin açılışında Türkiyə Prezidenti Rəcəb Tayyib Ərdoğan da iştirak edib.Məscidin hündürlüyü 72 metrə bərabərdir. Burada muzey və kitabxana da fəaliyyət göstərəcək.Qeyd edək ki, eyni anda 63 min nəfərin namaz qıla biləcəyi məscidin tikintisi 6 il əvvəl başlamışdı.xeber100.com

Əmək haqqının artırılması tələbi ilə tətil elan edilib

Skandinaviyanın SAS aviaşirkəti pilotların tətili ilə əlaqədar bu günə nəzərdə tutulan 280 reysi təxirə salıb.Trend-in məlumatına görə, pilotlar əmək haqqının artırılması tələbi ilə ötən həftənin cümə günündən tətil elan edib.Etiraz aksiyası ümumilikdə 3300-dən çox reysin təxirə salınmasına səbəb olub.Hazırda pilot həmkarlar təşkilatları şirkət rəhbərliyi ilə danışıqlar aparır.Qeyd edək ki, SAS İsveç, Norveç və Danimarkanın birgə aviaşirkətidir.xeber100.com

72-ci Kann kinofestivalının tam tərkibi açıqlanıb

Yunanıstan aktyoru və ssenaristi Yorqos Lantimos, polşalı rejissor Pavel Pavlikovski və aktrisa El Fanninq 72-ci Kann kinofestivalının münsiflər heyətinə daxil olub.Azərtac festivalın saytına istinadla xəbər verir ki, ekran əsərləri, həmçinin ssenarist Roben Kapiyo, kinorejissorlar Enki Bilal və Aliçe Rorvaher tərəfindən qiymətləndiriləcək. Jüriyə meksikalı rejissor Alehandro Qonsales İnyarritu başçılıq edəcək.Mayın 14-25-də keçiriləcək festivalın seçim komitəsinə təxminən 2 min tammetrajlı əsər daxil olub. Onların arasından yalnız 60 film Kann kinofestivalı üçün seçilib.xeber100.com

İspaniyada son dörd ildə artıq üçüncü seçkilər keçirilib

Aprelin 28-də İspaniyada son dörd ildə artıq üçüncü seçkilər keçirilib.Azərtac xarici KİV-lərə istinadla xəbər verir ki, bülletenlərin 99,9 faizinin hesablanmasından sonra “İspaniyanın sosialist işçi partiyası” 350 nəfərlik konqresdə (parlamentin aşağı palatası) 123 mandat alıb. İkinci yerdə 66 mandatla sağ “Xalq partiyası”, üçüncü yerdə isə 57 mandatla mərkəzçi “Vətəndaşlar” partiyası qərarlaşıb. “Unidas Podemos” sol koalisiyası aşağı palatada cəmi 42 yer qazanıb. İfrat sağ VOX partiyası isə ilk dəfə olaraq konqresin deputatları sırasına daxil ola bilib (24 mandat). Parlamentdə digər yerləri isə müxtəlif muxtar cəmiyyətləri təmsil edən milliyyətçi partiyalar bölüşdürüb.Baş nazirin təsdiq edilməsi üçün mütləq əksəriyyətin – 176 deputatın dəstəyini qazanmaq lazımdır.İspaniyada hökumətin formalaşdırılması və büdcənin təsdiqi perspektivinə gəldikdə isə, sosialistlər qələbəyə baxmayaraq çətin vəziyyətə düşüb. “İspaniyanın sosialist işçi partiyası” bütün hallarda bundan əvvəl hökumət koalisiyasından çıxaraq növbədənkənar seçkilərə səbəb olan Kataloniya partiyalarının simasında dəstək axtarmalıdır.xeber100.com

“Dubay EXPO 2020” beynəlxalq sərgisində

192 ölkənin iştirak edəcəyi “Dubay EXPO 2020” beynəlxalq sərgisində Qətər də öz iştirakını təsdiqləyib.“Arabian Business” nəşri xəbər verir ki, Qətər “Dubay EXPO” sərgisinə dəvət alıb və artıq öz iştirakını təsdiqləyib.Qeyd edək ki, “Dubay EXPO ” 192 ölkənin sərgidə iştirakını artıq təsdiq edib. Birləşmiş Ərəb Əmirliklərinin (BƏƏ) bu sərgiyə bütün ölkələri dəvət etdiyi bildirilib və vurğulanıb ki, BƏƏ bu sərgini beynəlxalq hadisəyə və platformaya çevirmək niyyətindədir.Xatırladaq ki, Azərbaycan “EXPO 2020”də iştirakını təsdiqləyən ilk ölkələrdən biri olub.xeber100.com