Beynəlxalq Atıcılıq İdmanı Federasiyasının məlumatına görə…

Bakıda təşkili nəzərdə tutulan güllə və stend atıcılığı üzrə dünya kuboku yarışları ləğv edilib.Azərtac Beynəlxalq Atıcılıq İdmanı Federasiyasına (ISSF) istinadla xəbər verir ki, yarış koronovirus səbəbindən ləğv edilib. İnsanların sağlamlığı əsas götürülərək Bakıda yarışın təşkili məqsədəuyğun hesab edilməyib.Qeyd edək ki, dünya kuboku yarışlarının iyunun 21-dən iyulun 2-dək keçirilməsi planlaşdırılırdı.xeber100.com

Dünya kuboku yarışları üçün Kolumbiya komandasının heyəti açıqlanıb

Mayın 7-9-da Bakıda keçiriləcək bədii gimnastika üzrə dünya kuboku yarışları üçün Kolumbiya komandasının heyəti açıqlanıb.Azərtac xəbər verir ki, turnirdə fərdi proqramda Lina Dussan və Oriana Vinas çıxış edəcək.Turnirdə 36 ölkədən 170-dən çox gimnastın iştirakı gözlənilir.xeber100.com

Nazirlər Kabineti yanında Operativ Qərargahın məlumatı əsasında…

Aprelin 24-də Azərbaycanda yeni koronavirus (COVID-19) infeksiyasına qarşı 16 min 90 doza vaksin vurulub.Nazirlər Kabineti yanında Operativ Qərargahdan Azərtac-a bildiriblər ki, onlardan birinci mərhələ üzrə vaksinasiyadan keçənlərin sayı 8830, ikinci mərhələ üzrə peyvənd olunanların sayı 7260 nəfər olub.Hazırkı dövrədək ölkəmizdə vurulan vaksin dozalarının sayı 1 milyon 412 min 481-ə bərabərdir. Birinci mərhələ üzrə vaksin vurduranların sayı 934 min 906, ikinci mərhələ üzrə peyvənd olunanların sayı 477 min 575 nəfərdir.xeber100.com

“Champions Chess Tour” şahmat seriyasının növbəti turniri start götürür

Aprelin 24-də dünya çempionu Maqnus Karlsenin təşkil etdiyi “Champions Chess Tour” onlayn şahmat seriyasının növbəti turniri start götürür.Azərtac xəbər verir ki, “New İn Chess Classic” adlanan turnirdə iki şahmatçımız - Şəhriyar Məmmədyarov və Teymur Rəcəbov mübarizəyə başlayır. Birinci turda Ş.Məmmədyarov Hikaru Nakamura, T.Rəcəbov Qeveyn Consa qarşı mübarizə aparacaqlar.Turnirdə şahmatçılarımız və rəqibləri ilə yanaşı, Maqnus Karlsen, amerikalı şahmatçılar Uesli So, Leyner Dominqes, rusiyalı Sergey Karyakin, ermənistanlı Levon Aronyan, FIDE-ni təmsil edən Alireza Firuzca, Norveç təmsilçiləri Aryan Tari və Yoxan-Sebastyan Kristyensen, polşalı Yan-Kşıştof Duda, Vyetnam təmsilçisi Le Quanq Lyem və hindistanlılar Vidjit Santos və Rameşbabu Praqnanandha iştirak edirlər.Qeyd edək ki, 16 şahmatçının mübarizəyə qatıldığı və mayın 2-dək davam edəcək turnirdə ən güclü 8 şahmatçı pley-offa vəsiqə qazanacaq.“Champions Chess Tour” onlayn şahmat seriyası ümumilikdə 10 turnirdən ibarət olacaq və 2021-ci ilin sentyabr ayınadək davam edəcək.xeber100.com

Varşavada güləş üzrə Avropa çempionatı davam edir

Polşanın paytaxtı Varşavada güləş üzrə Avropa çempionatı davam edir.Azərtac xəbər verir ki, yarışın altıncı günündə - aprelin 24-də daha 5 yunan-Roma güləşçimiz mübarizəyə qoşulacaq.Güləşçilərimizdən Murad Bazarov (60 kq) belaruslu Qleb Makaranka, Namaz Rüstəmov (67 kq) Serbiya idmançısı Mate Nemes, Xasay Həsənli (72 kq) moldovalı Valentin Petiç, Tuncay Vəzirzadə (82 kq) Mixail Bradu (Moldova), Zamir Məhəmmədov (97 kq) isə Balaş Kiss (Macarıstan) ilə qarşılaşacaq.Qeyd edək ki, Avropa çempionatında sərbəst güləşçilərimizdən Turan Bayramov (70 kq) gümüş, Əfqan Xaşalov (57 kq), Əli Rəhimzadə (65 kq) və Osman Nurməhəmmədov (92 kq) bürünc medala sahib olublar. Qadın güləşçimiz Mariya Stadnik (50 kq) isə səkkizqat Avropa çempionu adını qazanıb.xeber100.com

Azərbaycan Gimnastika Federasiyasının məlumatına görə…

Mayın 7-9-da Bakıda keçiriləcək bədii gimnastika üzrə dünya kuboku yarışlarında iştirak edəcək Azərbaycan milli komandasının heyəti açıqlanıb.Azərtac Azərbaycan Gimnastika Federasiyasına istinadla xəbər verir ki, ölkəmizi fərdi proqramda Zöhrə Ağamirova və Arzu Cəlilova təmsil edəcəklər.Ləman Əlimuradova, Zeynəb Hümmətova, Yelizaveta Luzan, Məryəm Səfərova və Darya Sorokinadan ibarət qrup hərəkətləri komandamız da medallar uğrunda mübarizə aparacaq.Turnirdə 36 ölkədən 170-dən çox gimnastın iştirakı gözlənilir.xeber100.com

“Champions Chess Tour” onlayn şahmat seriyasının növbəti turniri başlayacaq

Aprelin 24-də dünya çempionu Maqnus Karlsenin təşkil etdiyi “Champions Chess Tour” onlayn şahmat seriyasının növbəti turniri başlayacaq.Azərtac xəbər verir ki, “Newin Chess Classic” adlanan turnirdə iki şahmatçımız - Şəhriyar Məmmədyarov və Teymur Rəcəbov mübarizə aparacaq.Şahmatçılarımızın rəqibləri Maqnus Karlsen, amerikalı şahmatçılar Hikaru Nakamura, Uesli So, Leyner Dominqes, rusiyalı Sergey Karyakin, ermənistanlı Levon Aronyan, FIDE-ni təmsil edən Alireza Firuzca, Norveç təmsilçiləri Aryan Tari və Yoxan-Sebastyan Kristyensen, polşalı Yan-Kşıştof Duda, Vyetnam təmsilçisi Le Quanq Lyem, ingiltərəli Qeveyn Cons və hindistanlılar Vidjit Santos və Rameşbabu Praqnanandha olacaqlar.Qeyd edək ki, 16 şahmatçının mübarizəyə qatılacağı turnirin mükafat fondu 100 min ABŞ dolları təşkil edəcək. “Champions Chess Tour” onlayn şahmat seriyası ümumilikdə 10 turnirdən ibarət olacaq və 2021-ci ilin sentyabr ayınadək davam edəcək.xeber100.com

Varşavada güləş üzrə Avropa çempionatı davam edir

Polşanın paytaxtı Varşavada güləş üzrə Avropa çempionatı davam edir.Azərtac xəbər verir ki, yunan-Roma güləşçimiz Eldəniz Əzizli (55 kq) qitə birinciliyinə inamlı qələbə ilə start verib. Dünya və Avropa çempionumuz Bolqarıstan güləşçisini elə ilk hissədə məğlubiyyətə uğradıb. Dörddəbir finala yüksələn güləşçimizin rəqibi gürcüstanlı Nuqzari Tsurtsumia olacaq.Güləşçimiz Taleh Məmmədov ilk görüşdə bolqar həmkarına qalib gəlib. Dörddəbir final mərhələsində idmançımız Qraçya Poqosyan (Ermənistan) ilə qarşılaşacaq.Millimizin üzvü Sənan Süleymanov (77 kq) səkkizdəbir finalda finlandiyalı rəqibini vaxtından əvvəl üstələyib. İdmançımızın növbəti rəqibi Yunus Əmrə Başar (Türkiyə) olacaq.Qeyd edək ki, Avropa çempionatında sərbəst güləşçilərimizdən Turan Bayramov (70 kq) gümüş, Əfqan Xaşalov (57 kq), Əli Rəhimzadə (65 kq) və Osman Nurməhəmmədov (92 kq) bürünc medala sahib olublar. Qadın güləşçimiz Mariya Stadnik (50 kq) isə səkkizqat Avropa çempionu adını qazanıb.xeber100.com  

Avropa çempionatının keçiriləcəyi şəhərlərin siyahısı təsdiqlənib

UEFA İcraiyyə Komitəsi Avropa çempionatının oyunlarının keçiriləcəyi şəhərlərin siyahısını təsdiqləyib.AZƏRTAC xəbər verir ki, UEFA Almaniyanın Münxen şəhərində əvvəlcədən nəzərdə tutulan matçların keçiriləcəyini təsdiqləyib. Bilbao və Dublində keçirilməsi planlaşdırılan “Avro-2020” qrup mərhələsinin oyunlarının isə müvafiq olaraq Sevilya və Sankt-Peterburqa keçirilməsinə qərar verilib. Orada "E" qrupunun komandaları oynayacaq.İspaniya millisinin İsveç, Polşa və Slovakiyaya qarşı oyunları Sevilyada, Polşa - Slovakiya, İsveç - Slovakiya və İsveç - Polşa oyunları Sankt-Peterburqda baş tutacaq.Beləliklə, “Avro-2020”nin oyunlarına Bakı (Azərbaycan) ilə yanaşı, Sankt-Peterburq (Rusiya), London (İngiltərə), Münhen (Almaniya), Roma (İtaliya), Buxarest (Rumıniya), Kopenhagen (Danimarka), "Sevilya" (İspaniya), Qlazqo (Şotlandiya), Budapeşt (Macarıstan), Amsterdam (Niderland) ev sahibliyi edəcək. Oyunların iyunun 11-dən iyulun 11-dək keçirilməsi planlaşdırılıb.Qeyd edək ki, Avropa çempionatının “A” qrupunun İsveçrə-Uels, Türkiyə-Uels və Türkiyə-İsveçrə oyunlarına, həmçinin dörddəbir final mərhələsinin bir matçına Bakı Olimpiya Stadionu ev sahibliyi edəcək.xeber100.com

Şahmat üzrə “Vladimir Bato Kontiç” turnirində sonuncu turun oyunları keçiriləcək

Bu gün Monteneqronun Nikşiç şəhərində şahmat üzrə “Vladimir Bato Kontiç” turnirində sonuncu turun oyunları keçiriləcək.Azərtac xəbər verir ki, ilk turdan üstünlüyü əlində saxlayan Azərbaycan şahmatçısı Aydın Süleymanlı qələbənin bir addımlığındadır. Təmsilçimiz sonuncu turda yerli idmançı Marko Krivokapic ilə qarşılaşacaq. Şahmatçımız ötən turların nəticəsinə görə 6 xalla turnir cədvəlinin vahid lideridir.Yarış İsveçrə sistemi üzrə keçirilir və 9 turdan ibarətdir. Turnirdə 6-sı qrossmeyster olmaqla, 20 şahmatçı iştirak edir.xeber100.com