“Zirə” futbol klubu yeni transferlərini açıqlayıb

Bakının “Zirə” futbol klubu yeni transferlərini açıqlayıb.Azərtac kluba istinadla xəbər verir ki, klub 4 futbolçu ilə müqavilə imzalayıb. "Qəbələ"dən ayrılan Klesio Bauk, "Sabah"la vidalaşan Rəşad Eyyubov və Kərim Diniyevlə birillik sözləşmə bağlanılıb. "Sumqayıt"la yollarını ayıran Sərtan Taşqın isə ikiillik müqaviləyə qol çəkib.Qeyd edək ki, Rəşad Sadıqov "Zirə"nin baş məşqçisi təyin olunub. Qəsəbə təmsilçisi 38 yaşlı mütəxəssislə üçillik müqavilə imzalayıb.xeber100.com

Moldova çempionatında üçüncü turun rəmzi komandası açıqlanıb

Futbol üzrə Moldova çempionatında üçüncü turun rəmzi komandası açıqlanıb.Azərtac xəbər verir ki, rəmzi 11-likdə “Milsami”nin futbolçusu, millimizin sabiq üzvü Amit Quluzadə də yer alıb.“Milsami”nin “Sperantsa”ya 3:0 hesabı ilə qalib gəldiyi görüşdə A.Quluzadə 90 dəqiqə meydanda olub.xeber100.com

“Qarabağ” və “Keşlə” futbol klubları üz-üzə gələcəklər

Yeni mövsümdə ölkəmizi avrokuboklarda təmsil edəcək “Qarabağ” və “Keşlə” futbol klubları yoxlama oyununda üz-üzə gələcəklər.Azərtac xəbər verir ki, komandalar iyulun 18-də Qəbələ şəhər stadionunda qarşılaşacaqlar.Qeyd edək ki, Çempionlar Liqasında çıxış edəcək “Qarabağ” Qəbələdə, Avropa Liqasında mübarizə aparacaq “Keşlə” isə Şamaxıda hazırlıq keçir.xeber100.com

Beynəlxalq Olimpiya Komitəsinin 136-cı sessiyası öz işinə başlayır

Bu gün Beynəlxalq Olimpiya Komitəsinin (BOK) 136-cı sessiyası öz işinə başlayır. Beynəlxalq qurumun onlayn qaydada keçiriləcək toplantısı iyulun 22-dək davam edəcək.Azərtac BOK-un rəsmi saytına istinadla xəbər verir ki, toplantının ilk günündə qurumun vitse-prezidentinin və İcraiyyə Komitəsinə üzvlərin seçilməsinə dair səsvermə keçiriləcək.BOK-un vitse-prezidenti vəzifəsinə iki nəfərin namizədliyi irəli sürülüb. Həmin namizədlər Con Kouts (Avstraliya )və Mianq Hiqdir (Sinqapur).BOK İcraiyyə Şurasının üzvlüyünə 4 namizəddən yalnız ikisi seçiləcək. Seçim Pyer Olivye Bekker-Vyuant (Belçika), Herardo Verteyn (Argentina) və xanımlar- Daqmavit Girmey Berheyn (Efiopiya), Mikaela Kojuanka Yavorski (Filippin) arasında aparılacaq.BOK-un 136-cı sessiyası “YouTube” kanalı ilə canlı yayımlanacaq.Toplantılardan sonra BOK prezidenti media nümayəndələrinin suallarını cavablandıracaq.xeber100.com

FIFA milli komandaların növbəti reytinq cədvəlini açıqlayıb

FIFA futbol üzrə milli komandaların növbəti reytinq cədvəlini açıqlayıb.Azərtac xəbər verir ki, ötən ay açıqlanmış reytinq cədvəli ilə müqayisədə Azərbaycan milli komandasının mövqeyində dəyişiklik olmayıb. Millimiz 1177 xalla 114-cü pillədə qərarlaşıb.Reytinqin ilk üç pilləsində Belçika (1765), Fransa (1733) və Braziliya (1712) yığmaları qərarlaşıblar.Qeyd edək ki, AFFA Azərbaycan milli komandasının baş məşqçi postu üçün italiyalı Cianni De Byazi ilə müqavilə imzalayacaq.xeber100.com

“Women’s Speed Chess Championship” yarışı çərçivəsində

Sürətli şahmat üzrə “Women's Speed Chess Championship” yarışı çərçivəsində iyulun 16-da onlayn Qran-Pri turnirinin dördüncü mərhələsinin növbəti oyunları keçiriləcək.Azərtac xəbər verir ki, FIDE-nin təşkilatçılığı ilə keçirilən yarışın dörddəbir finalında rusiyalı şahmatçılar Valentina Qunina hindistanlı Humpi Koneru, Aleksandra Kostenyuk Hindistanın digər təmsilçisi Harika Dronavali, çinli Hou Yifan qazaxıstanlı Jansaya Abdulmalik, ukraynalı Anna Muzıçuk iranlı Sarasadat Hademalşarieh ilə mübarizə aparacaqlar.Azərbaycan şahmatçısı Günay Məmmədzadə Qran-Prinin bundan əvvəlki 3 mərhələsində iştirak etsə də, çıxışı uğurlu alınmayıb.Xatırladaq ki, Qran-Prinin mərhələ yarışlarının nəticəsinə görə ən çox xal toplayan şahmatçılar superfinalda vəsiqə qazanacaqlar. Superfinal iyulun 20-də - Ümumdünya Şahmat Günündə baş tutacaq.xeber100.com

2019/2020-ci il mövsümünün qalibi müəyyənləşib

Futbol üzrə Portuqaliya çempionatında 2019/2020-ci il mövsümünün qalibi müəyyənləşib.Azərtac xəbər verir ki, çempionatın 32-ci turda doğma meydanda “Sportinq”ə 2:0 hesabı ilə qalib gələn “Portu” turnirin bitməsinə 2 həftə qalmış ən yaxın izləyicisi “Benfika” ilə xal fərqini 8-ə yüksəldərək çempionluğu rəsmiləşdirib.Qeyd edək ki, bu, “Portu”nun 29-cu ölkə çempionluğudur.xeber100.com  

“Mançester Siti” klubu geyinəcəyi formanı təqdim edib

“Mançester Siti” klubu yeni mövsümdə ev oyunlarda geyinəcəyi formanı təqdim edib.Azərtac xəbər verir ki, yeni mövsümün ev forması klubun rəsmi “Twitter” hesabı vasitəsilə yayımlanıb.“Puma” şirkəti tərəfindən hazırlanan forma ənənəvi olaraq mavi rəngdədir.xeber100.com  

Braziliya çempionatında yeni mövsümün təqvimi müəyyənləşib

Futbol üzrə Braziliya çempionatında yeni mövsümün təqvimi müəyyənləşib.Azərtac xəbər verir ki, Braziliya Futbol Konfederasiyası mövsümə avqustun 8-də start veriləcəyini açıqlayıb.Oyunlar həftədə iki dəfə keçiriləcək və mövsüm 2021-ci ilin fevralında yekunlaşacaq.xeber100.com

Qətərdə keçiriləcək futbol üzrə dünya çempionatının təqvimi açıqlanıb

2022-ci ildə Qətərdə keçiriləcək futbol üzrə dünya çempionatının təqvimi açıqlanıb.Azərtac xəbər verir ki, mundialın açılış matçı noyabrın 21-də Bakı vaxtı ilə 14:00-da ev sahibi komandanın iştirakı ilə 80 min azarkeş tutumuna malik “Al Bayt” stadionunda keçiriləcək. Final qarşılaşması isə dekabrın 18-də saat 19:00-da “Lusail” Arenasında oynanılacaq.Qrup mərhələsinin matçları noyabrın 21-dən dekabrın 2-dək, səkkizdəbir final mərhələsinin oyunları dekabrın 3-6-da, dörddəbir final qarşılaşmaları dekabrın 9-10-da, yarımfinal görüşləri isə dekabrın 13-14-də keçiriləcək. Üçüncü yer uğrunda matç isə dekabrın 17-də “Xəlifə” stadionunda keçiriləcək.xeber100.com