Türkiyə çempionatının 32-ci turunun üçüncü gün qarşılaşmasında

İyulun 13-də futbol üzrə Türkiyə çempionatının 32-ci turunun üçüncü gün qarşılaşmasında "Başakşəhər" səfərdə "Konyaspor"un qonağı olub.Azərtac xəbər verir ki, maraqlı keçən qarşılaşmada meydan sahibləri istanbulluları 4:3 hesabı ilə məğlub ediblər.Günün digər görüşündə isə turnir cədvəlində ikinci pillədə qərarlaşan "Trabzonspor" səfərdə "Dənizlispor"a minimal fərqlə uduzub -2:1. "Yeni Malatyaspor" isə doğma divarlar arasında "Beşiktaş"la bacarmayıb 0:1. "Kasımpaşa" isə öz meydanında "Rizəspor"u sınağa çəkib. Matç 2:0 hesabı ilə meydan sahiblərinin xeyrinə bitib. "Kayserispor" – "Qaziantep" görüşündə isə qalib müəyyənləşməyib -1:1.Türkiyə çempionatında hazırda "Başakşəhər" 66 xalla turnir cədvəlinin lideridir. "Trabzonspor" 62 xalla ikincidir. "Sivasspor" 57 xalla üçüncü, "Beşiktaş" klubu isə 56 xalla dördüncü pillədə qərarlaşıb. Sonrakı yerlərdə "Qalatasaray" (52 xal), "Alanyaspor" (51 xal), "Fənərbağça" (50 xal) və digər komandalar gəlir.xeber100.com

Beynəlxalq Voleybol Federasiyası yeni reytinq cədvəlini açıqlayıb

Beynəlxalq Voleybol Federasiyası (BVF) milli komandaların yeni reytinq cədvəlini açıqlayıb.Azərtac BVF-yə istinadla xəbər verir ki, hesabında 127 reytinq xalı olan qadın voleybolçulardan ibarət milli komandamız mövqeyini qoruyub. Millimiz 26-cı pillədə qərarlaşıb.Siyahıya 391 xalla Çin voleybolçuları başçılıq edirlər. İlk üçlüyü ABŞ (382 xal) və Braziliya (328) yığmaları tamamlayır.xeber100.com

“Barselona” futbol klubu əsas formasını ictimaiyyətə təqdim edib

İspaniyanın “Barselona” futbol klubu yeni mövsüm üçün əsas formasını ictimaiyyətə təqdim edib.Azərtac klubun rəsmi saytına istinadla xəbər verir ki, “Barselona”nın 2020/2021-ci il mövsümü üçün formasında dəyişiklik olmayıb.xeber100.com  

“Sabah” futbol klubunda yeni təyinatlar həyata keçirilib

Bakının “Sabah” futbol klubunda yeni təyinatlar həyata keçirilib.Azərtac klubun saytına istinadla xəbər verir ki, Ramin Quliyev klubun idman direktoru vəzifəsinə təyin edilib. Futbolçu karyerası ərzində “Bakı”, “Olimpik”, “Standart”, “Şəfa”, “Neftçi” və “Qəbələ” klublarında çıxış etmiş R.Quliyev, Azərbaycan millisinin də üzvü olub. O, ötən ilin oktyabrından “Sabah”da məşqçi kimi çalışırdı.Ukraynalı məşqçi Qleb Platov baş məşqçinin köməkçisi, ispaniyalı mütəxəssis Xesus Pinedo isə fiziki hazırlıq üzrə məşqçi təyin olunub.Platov karyerası ərzində “Dinamo”nun (Kiyev, Ukrayna) gənclərdən ibarət komandasında, Qətərin U-23 milli komandasında və “Aspire “Akademiyası”nda məşqçi kimi çalışıb.xeber100.com

Türkiyə birinci liqasında qalib müəyyənləşib

Türkiyə birinci liqasında mövsümün sonuna bir tur qalmış qalib müəyyənləşib.Azərtac xəbər verir ki, 33-cü turda “Hatayspor” çempionluğunu rəsmiləşdirib. Sözügedən komanda səfərdə “Adanaspor”u 2:1 məğlub etməklə buna nail olub.Qeyd edək ki, 1967-ci ildə yaranan “Hatayspor” ilk dəfə Superliqaya vəsiqə qazanır.xeber100.com

Milli Hokkey Liqasında draft mərasiminin vaxtı müəyyənləşib

Milli Hokkey Liqasında növbəti mövsüm üçün draft mərasiminin vaxtı müəyyənləşib.Azərtac liqanın saytına istinadla xəbər verir ki, mərasim oktyabrın 9-10-da keçiriləcək.Mərasim adəti üzrə adi qaydada yox, onlayn formatında təşkil olunacaq.xeber100.com

İspaniya La Liqasına yüksələn ilk klubun adı məlum olub

Sequndanın bitməsinə 2 tur qalmış İspaniya La Liqasına yüksələn ilk klubun adı məlum olub.Azərtac xəbər verir ki, Sequndaya 40 turdan sonra 69 xalla liderlik edən “Kadiz” liderliyi təmin edib.“Hueska” 64 xalla ikinci, “Saraqosa” isə 62 xalla üçüncüdür.Qeyd edək ki, “Kadiz” sonuncu dəfə 2005-2006-cı il mövsümündə La Liqada çıxış edib.xeber100.com

“Çelsi” futbol klubu “Şeffild Yunayted” komandasının qonağı olub

İyulun 11-də futbol üzrə İngiltərə Premyer Liqasında 35-ci turun növbəti oyunu keçirilib.Azərtac xəbər verir ki, "Çelsi" klubu səfərdə "Şeffild Yunayted" komandasının qonağı olub. “Bramall Lane” stadionunda keçirilən görüş meydan sahiblərinin böyük hesablı qələbəsi ilə başa çatıb - 3:0. “Şeffild Yunayted”in heyətində David Makqoldrik (2) və Oliver Makburni fərqləniblər.Bu qələbədən sonra xal ehtiyatını 54-ə çatdıran “Şeffild Yunayted” turnir cədvəlində 6-ci yerə yüksəlib. “Çelsi” isə 60 xalla üçüncü yerdə qərarlaşıb.xeber100.com

İspaniya La Liqasında 36-cı turun növbəti oyunu keçirilib

İyulun 11-də futbol üzrə İspaniya La Liqasında 36-cı turun növbəti oyunu keçirilib.Azərtac xəbər verir ki, "Barselona" klubu səfərdə “Real Vallyadolid" komandasını qonağı olub. “Xose Zorilla” stadionunda keçirilən görüş Kataloniya təmsilçisinin minimal hesabla qələbəsi ilə başa çatıb - 0:1. “Barselona”nın heyətində yeganə qolun müəllifi matçın 15-ci dəqiqəsində Arturo Vidal olub.Bu qələbədən sonra xal ehtiyatını 79-a çatdıran “Barselona” turnir cədvəlində ikinci yerə qərarlaşıb. “Real Vallyadolid” isə 39 xalla 14-cü yerdədir.xeber100.com

İtaliya A Seriyasında 32-ci turun növbəti oyunları keçirilib

İyulun 11-də futbol üzrə İtaliya A Seriyasında 32-ci turun növbəti oyunları keçirilib.Azərtac xəbər verir ki, "Roma" klubu səfərdə autsayder “Breşiya"nın qonağı olub. “Mario Rigamonti” stadionunda keçirilən görüş qonaqların böyük hesablı qələbəsi ilə başa çatıb - 3:0. “Roma”in heyətində Federiko Fazio, Nikola Kaliniç və Nikolo Dzaniolo fərqləniblər. Bu qələbədən sonra xal ehtiyatını 54-ə çatdıran “Roma” turnir cədvəlində 5-ci yerə yüksəlib. “Breşiya” isə 21 xalla 19-cu pillədə qərarlaşıb.Turnir cədvəlində ikinci pillədə qərarlaşan “Latsio” öz meydanında “Sassuolo” klubunu qəbul edib. Görüş “Sassuolo”nin 2:1 hesablı qələbəsi ilə başa çatıb. Bu, “Latsio”nin ardıcıl üçüncü məğlubiyyətidir.xeber100.com