“Qarabağ” futbol klubu ikinci yoxlama oyununu keçirib

İyunun 13-də Ağdamın “Qarabağ” futbol klubu Premyer Liqada yaranan fasilə zamanı ikinci yoxlama oyununu keçirib.Azərtac xəbər verir ki, lider Tofiq Bəhramov adına Respublika stadionunda “Səbail”i qəbul edib. Oyuna sürətli başlayan qonaqlar matçın 7-ci dəqiqəsində hesabı açıb. Bu qoldan sonra oyunda nəzarəti ələ alan komanda matçın 23-cü dəqiqəsində hesabı bərabərləşdirib. Qara Qarayevin zərbəsini qapıçı dəf etsə də, Mahir Emreli topu qapıdan keçirib. Matçın 42-ci dəqiqəsində isə Ovusu Kvabena cərimə zərbəsindən möhtəşəm qol vuraraq hesabı 2:1 edib. Matçın 86-cı dəqiqəsində isə Qara Qarayev baxımlı zərbə ilə hesabı 3:1 edib.Əvvəlcədən planlaşdırıldığı kimi, qarşılaşma 3 hissədən ibarət olub. 90 dəqiqə yekunlaşdıqdan sonra əlavə 30 dəqiqə oynanılıb. Üçüncü hissənin sonlarına doğru ağdamlılar rəqib qapısından dördüncü topu keçirib. Ozobiç özü qurduğu hücumu dəqiq tamamlayıb.xeber100.com

Paytaxtın “Neftçi” futbol klubu hazırlıq çərçivəsində

Paytaxtın “Neftçi” futbol klubu hazırlıq çərçivəsində ikinci yoxlama oyununu keçirib.Azərtac xəbər verir ki, Bakı təmsilçisi doğma meydanda “Qəbələ” ilə qarşılaşıb. “Bakcell Arena”da baş tutan görüşdə “ağ-qaralar” qalib gəlib – 2:1. Hesabı 26-cı dəqiqədə qonaqların hücumçusu Rövlan Muradov açsa da, “Neftçi” fasiləyədək qollardan birinin əvəzini çıxıb. Matçın 40-cı dəqiqəsində Mirabdulla Abbasov fərqlənib. İkinci hissədə meydana daxil olan Dario Frederiko isə 63-cü dəqiqədə görüşdə son nöqtəni qoyub.Qeyd edək ki, “Neftçi” birinci sınaq matçında “Keşlə” üzərinə 3:1 hesablı qələbə qazanıb.

“Dakar” avtomarafonu gələn il də eyni plan əsasında təşkil ediləcək

Koronavirus bu il iki mötəbər yarışa təsir göstərmədi. Onlardan biri “Australian Open” tennis turniri, digəri isə “Dakar” rallisi oldu. Çünki hər iki yarış hələ pandemiyadan əvvəl - yanvarda keçirilmişdi. “Dakar” avtomarafonu gələn il də eyni plan əsasında təşkil ediləcək.Azərtac xəbər verir ki, mötəbər yarış gələn il yanvarın 3-dən 15-dək keçiriləcək. İdmançılar 11 mərhələdə mübarizə aparacaqlar. Yarış bu il olduğu kimi yenə də Səudiyyə Ərəbistanında olacaq. İştirakçılar Ciddə şəhərində starta çıxacaq və elə burada da yürüşü tamamlayacaqlar.Növbəti mövsümdə daha bir yenilik ediləcək. Belə ki, yarışa “Dakar klassikası” kateqoriyası da əlavə olunacaq. Həmin kateqoriyada 2000-ci ilədək bu yarışda iştirak edən avtomobillər və yük maşınları yenidən marafona çıxacaqlar. Yeniliklərdən biri də yol kitabçaları ilə bağlı qaydaların dəyişməsidir. Təhlükəli yerlərə getməmək və optimal yolu təyin etmək üçün şturmanlar marşrutu gündəlik proqrama əsasən alırdılarsa, indi bütün mərhələlər barədə məlumat onlara yarışdan əvvəl birdəfəlik təqdim ediləcək. Təşkilatçıların fikrincə, bu amil yarışın intriqasını artırmaqla yanaşı, pilotlara bərabər imkanlar yaradacaq.Qeyd edək ki, bu ilin yanvarında keçirilən rallinin bəzi hissələrində eksperiment kimi bu variantdan istifadə olunmuşdu.xeber100.com

XXI əsrin ən yaxşı 100 idmançısının adı açıqlanıb

İspaniyanın “Marca” nəşri XXI əsrin ən yaxşı 100 idmançısının siyahısını dərc edib.Azərtac xəbər verir ki, siyahıya üzgüçülük üzrə 23 qat olimpiya çempionu Maykl Felps başçılıq edir. İkinci yerdə qaçış üzrə Olimpiya çempionu Useyn Bolt, üçüncü pillədə isə tennisçi Rocer Federer qərarlaşıb.Futbolçulardan “Barselona”nın kapitanı Lionel Messi 7-ci və “Yuventus”un hücumçusu Kriştiano Ronaldo isə onuncu olub.xeber100.com

“Paris Sen-Jermen” futbol klubu yeni müqavilə imzalamayacaq

Fransanın “Paris Sen-Jermen” futbol klubu Erik Şupo-Motinqlə yeni müqavilə imzalamayacaq.Azərtac xəbər verir ki, Paris təmsilçisi 31 yaşlı yarımmüdafiəçi ilə iyunun sonunda başa çatacaq müqavilənin müddətini uzatmayacaq. Futbolçu avqustda bərpası planlaşdırılan UEFA Çempionlar Liqasında oynamayacaq və azad agent olacaq.Qeyd edək ki, Şupo-Motinq cari mövsümdə “Paris Sen-Jermen”in heyətində keçirilən 17 oyunda 5 qol vurub.xeber100.com

Şahmat üzrə “ABC Grand Prix” turniri start götürür

İyunun 12-də Azərbaycan şahmatçısı Vüqar Rəsulovun da iştirak edəcəyi “ABC Grand Prix” turniri start götürür.Azərtac xəbər verir ki, yarış “Lichess.org” onlayn şahmat platforması üzərindən təşkil olunacaq. Yarış çərçivəsində 3 turnir (blits ( 3 dəqiqə), bullet (1 dəqiqə+1 saniyə), blits (3 dəqiqə+2 saniyə) keçiriləcək.V.Rəsulov hər 3 turnirdə mübarizə aparacaq.xeber100.com

“Sumqayıt” futbol klubu “Qəbələ” ilə yoxlama oyunu keçirib

Azərbaycan Premyer Liqasına hazırlıqlarını davam etdirən "Sumqayıt" klubu iyunun 10-da "Qəbələ" ilə yoxlama oyunu keçirib.Azərtac xəbər verir ki, "Kapital Bank Arena"da keçirilən matçda qalib müəyyənləşməyib. Görüşdə "Sumqayıt"ın qollarını Elvin Cəfərquliyev (8) və Amil Yunanov (73) vurub. "Qəbələ"nin heyətində isə Roman Hüseynov (42) və Nikolas Raysel (60) fərqləniblər.Qeyd edək ki, "Sumqayıt" Premyer Liqada 23 xalla 4-cü, "Qəbələ" isə 19 xalla sonuncu - 8-ci yerdədir. Turnirin iyunun 21-də bərpa ediləcəyi açıqlanıb.xeber100.com

Almaniya kubokunun ikinci yarımfinal görüşü keçirilib

İyunun 10-da futbol üzrə Almaniya kubokunun ikinci yarımfinal görüşü keçirilib.Azərtac xəbər verir ki, bir oyundan ibarət görüşdə “Bavariya” “Allianz Arena”da “Ayntraxt” komandası ilə qarşılaşıb. Oyunda hesabı erkən qolla (14-cü dəqiqə) Münxen təmsilçisi açıb. İvan Perişiç Tomas Müllerin ötürməsini dəqiq zərbə ilə tamamlayıb. Birinci hissədə hesab dəyişilməsə də, fasilədən sonra “Ayntraxt” hesaba tarazlıq gətirib. Oyuna yenicə daxil olmuş Danni Da Kosta adını tabloya yazdırıb. Qoldan altı dəqiqə sonra “Bavariya” yenidən hesabda önə keçib. Robert Levandovskiy çoxötürməli kombinasiyanı qola çevirib. Qalan dəqiqələrdə hər iki komandanın cəhdlərinə baxmayaraq hesab dəyişilməyib. Beləliklə, “Bavariya” Almaniya kubokunun final mərhələsinə vəsiqə qazanıb. Paytaxt təmsilçisi həlledici görüşdə iyunun 9-da “Saarbrükken” klubunu 3:0 hesabı ilə məğlub edən “Bayer Leverkuzen” komandası ilə qarşılaşacaq.Final görüşünün iyulun 4-də keçirilməsi planlaşdırılır.xeber100.com

Futbol mövsümü iyunun 12-də kubok yarışı ilə bərpa olunacaq

İtaliyada futbol mövsümü iyunun 12-də kubok yarışı ilə bərpa olunacaq. Həmin gün meydana “Yuventus” və “Milan” futbolçuları çıxacaqlar.Azərtac xəbər verir ki, iyunun 20-də isə “Torino”–“Parma” matçı ilə “A” seriyası davam etdiriləcək. Turnir yenidən dayandırılacağı təqdirdə çempionun pley-of oyunları ilə aşkarlanmasına dair qərar qəbul edilib. Hələlik 26 turdan sonra 63 xal toplayan “Yuventus” yarış cədvəlinə başçılıq edir. Liderdən 1 xal geri qalan “Latsio” ikincidir. İlk üçlüyü isə 54 xalla “İnter” tamamlayır.Bundan başqa İtaliyada transfer pəncərəsinin yeni tarixi açıqlanıb. Komandalar sentyabrın 1-dən futbolçuların keçidlərini reallaşdıra biləcəklər. Bu dövr oktyabrın 5-nə qədər davam edəcək.Xatırladaq ki, pandemiyadan əvvəl transfer pəncərəsi iyulun 1-dən sentyabrın 2-nə qədər olurdu.xeber100.com

“Dakar-2021” rallisinin bu gün təqdimatı olacaq

Səudiyyə Ərəbistanında təşkil olunacaq "Dakar-2021” rallisinin bu gün təqdimatı olacaq.Azərtac xəbər verir ki, onlayn formatda təşkil olunacaq təqdimatda yarışın marşrutu və yeniliklər barədə məlumat veriləcək.Yarışın rəsmi “Facebook” səhifəsində canlı yayımlanacaq təqdimatda Səudiyyə Ərəbistanının idman naziri Abdulaziz bin Turki Əl Feysal Əl Saud, yarışın direktoru David Kaster, ölkənin avtomobil və motosiklet federasiyalarının nümayəndələri iştirak edəcəklər.xeber100.com