“Bavariya” futbol klubu Almaniya çempionu olub

“Bavariya” klubu sona iki tur qalmış Almaniya çempionu olub.Azərtac xəbər verir ki, Münhen təmsilçisi buna Bremendə “Verder”ə 0:1 hesablı qələbəsi sayəsində nail olub. Bununla da tarixində ardıcıl 8-ci, ümumilikdə isə 30-cu dəfə çempion adını qazanıb.Qeyd edək ki, turnir cədvəlində ikinci pillədə qərarlaşan “Borussiya Dortmund” klubunun 66 xalı var və “Bavariya”dan 10 xal geri qalır.xeber100.com

“Azərreyl” klubu heyətini gücləndirib

Bakının qadınlardan ibarət “Azərreyl” klubu heyətini yeni voleybolçu ilə gücləndirib.Azərtac xəbər verir ki, yeni mövsümdən Çağırış kuboku yarışlarında mübarizə aparacaq Bakı təmsilçisi Anastasiya Bessonova ilə birillik müqavilə imzalayıb.Yığmamızın üzvü daha əvvəl yerli klublarla yanaşı, Sloveniyanın “Maribor” və Rumıniyanın “Alba” komandalarında da çıxış edib.Daha öncə Bakı təmsilçisi sloveniyalı Moytsa Pene, rusiyalı Anastasiya Mertsalova və millimizin üzvü Kseniya Pavlenko ilə müqaviləni artırıb, slovakiyalı Romana Hudeçova və yığmamızın oyunçusu Yuliya Kərimova ilə birillik müqavilə imzalayıb.xeber100.com

“Masters” seriyalı tennis turniri Nyu-Yorkda keçiriləcək

Sinsinnatidə nəzərdə tutulan “Masters” seriyalı tennis turniri Nyu-Yorkda keçiriləcək.Azərtac xəbər verir ki, bu barədə turnirin təşkilatçıları məlumat verib.Turnir “US Open”dən dərhal sonra təşkil olunacaq. Daha doğrusu təşkilatçılar tennisçiləri ABŞ-ın bir tərəfindən digərinə üzücü yol keçməməsi üçün belə bir addım atmağa məcbur olublar. İndiki vəziyyətdə ölkədə koronavirus sürətlə yayıldığından tennisçilər arasında yoluxma riskinin qarşısını almaq üçün hər iki turniri eyni şəhərdə keçirmək məqsədəuyğun sayılıb.xeber100.com

Sambo üzrə son qərar iyulun ortalarında veriləcək

Yekaterinburqun ev sahibliyi edəcəyi sambo üzrə Avropa çempionatının keçirilmə tarixi ilə bağlı son qərar iyulun ortalarında veriləcək.TASS informasiya agentliyi xəbər verir ki, bu barədə Ümumrusiya və Avropa Sambo federasiyalarının prezidenti Sergey Yeliseyev məlumat verib. S.Yeliseyev bildirib ki, Avropada hava nəqliyyatında vəziyyətdən asılı olaraq qitə çempionatının keçirilmə vaxtında dəyişiklik edilə bilər. Əgər hər şey normal olarsa, yarış sentyabr ayında keçiriləcək. Hər hansı bir problem olarsa, Avropa çempionatı ilin sonuna təxirə salınacaq.Onun sözlərinə görə, Yekaterinburq şəhərində Avropa çempionatına hazırlıqla bağlı bütün işlər plan üzrə gedir.Qeyd edək ki, sambo üzrə qitə çempionatının əvvəlcə mayın 22-24-də keçirilməsi planlaşdırılsa da, koronavirus pandemiyasına görə sentyabrın 17-21-nə təxirə salınıb. Yarış əvvəl nəzərdə tutulduğu kimi Yekaterinburqda keçiriləcək.Xatırladaq ki, ötən il təşkil olunan Avropa çempionatında Azərbaycan samboçuları 2 bürünc medal qazanıblar.xeber100.com

Türkiyə çempionatının XXVII turunun sonuncu qarşılaşmasında

İyunun 15-də futbol üzrə Türkiyə çempionatının XXVII turunun sonuncu qarşılaşmasında “Sivasspor” “Dənizlispor”u qəbul edib.Azərtac xəbər verir ki, görüşün taleyini bir qol həll edib. Meydan sahiblərinin hücumçusu Mustafa Yatabare komandasına qələbə qazandıran qolun müəllifi olub. Beləliklə, “Sivasspor” “Dənizlispor”u 1:0 hesabı ilə məğlub edib.Türkiyə çempionatında hazırda “Trabzonspor” 56 xalla turnir cədvəlinin liderdir. Onunla eyni xala malik olan “Başakşəhər” ikincidir. “Sivasspor” 52 xalla üçüncü, “Qalatasaray” klubu isə 50 xalla dördüncü pillə qərarlaşıb. Sonrakı yerlərdə “Beşiktaş” (44 xal), “Alanyaspor” (43 xal), “Fənərbağça” (43 xal) və digər komandalar gəlir.xeber100.com

2020-ci ilin “Golden Boy” mükafatına namizədlərin adları açıqlanıb

İtaliyanın “Tuttosport” nəşri 2020-ci ilin ən yaxşı 21 yaşadək futbolçusuna təqdim olunan “Golden Boy” mükafatına namizədləri açıqlayıb.Azərtac xəbər verir ki, birinci olaraq 100 oyunçudan ibarət siyahıda məşhur futbolçulardan Meyson Qrinvud (Mançester Yunayted), Eduardo Kamavinqa (Renn), Alfonso Devis (Bavariya), Anssumane Fati (Barselona), Filip Foden (Mançester Siti), Erlinq Holand, Ceydon Sanço (hər ikisi Borussiya" Dortmund), Kallum Hadson-Odoi (Çelsi), Takefusa Kubo (Malyorka, Reala məxsusdur), Daniel Maldini (Milan), Reyner (Real), Sandro Tonali (Breşiya), Ferran Torres (Valensiya) yer alıb.Mükafata namizəd olacaq 20 futbolçudan ibarət yeni siyahı oktyabrın 15-i açıqlanacaq.Qeyd edək ki, ötən il bu mükafatı “Atletiko”nun futbolçusu Joau Feliks qazanıb.xeber100.com

İspaniya La Liqasının 28-ci turunda

İspaniya La Liqasının 28-ci turunda “Real Madrid”in “Eybar”ı məğlub etdiyi görüş (3:1) “kral” klubunun baş məşqçisi Zinəddin Zidan üçün əlamətdar olub.Azərtac xarici KİV-lərə istinadla xəbər verir ki, bu, fransız mütəxəssisin baş məşqçi kimi 90-cı qələbəsi olub.O, bu göstərici ilə sələflərindən biri Leo Benhakkeri qabaqlayıb. Benhakkerin “Real”ın baş məşqçisi kimi balansında 89 qələbə var.Zidan indi yalnız Miqel Munyosdan (257 qələbə) geri qalır.“Real” Zidanın rəhbərliyi altında 200 matç keçirərək 132 qələbə qazanıb, 42 dəfə heç-heçə edib və 26 dəfə məğlub olub. Fransız klubu 10 mükafat, o cümlədən ardıcıl olaraq Çempionlar Liqasının üç kubokunu əldə edib. Komanda Zidanın başçılığı ilə keçirdiyi oyunlarda 489 qol vurub, öz qapısından isə 210 top buraxıb.Hazırda komanda 28 matçda 59 xal toplayaraq ikinci yerdə qərarlaşıb. “Real” lider “Barselona”dan 2 xal geri qalır.xeber100.com

Futbol üzrə İtaliya A Seriyası 2020-2021-ci il mövsümündə

Futbol üzrə İtaliya A Seriyasının 2020-2021-ci il mövsümün başlama tarixi məlum olub.İtaliya mətbuatı xəbər verir ki, yeni mövsüm sentyabrın 12-də başlayacaq. Rəsmi təsdiq bu gün Liqa Şurasının iclasında veriləcək.Qeyd edək ki, cari mövsüm koronavirus pandemiyasına görə iki aydan çox dayandırılıb. Mövsümün davamı iyunun 20-də nəzərdə tutulur.xeber100.com

“Qarabağ” futbol klubu ikinci yoxlama oyununu keçirib

İyunun 13-də Ağdamın “Qarabağ” futbol klubu Premyer Liqada yaranan fasilə zamanı ikinci yoxlama oyununu keçirib.Azərtac xəbər verir ki, lider Tofiq Bəhramov adına Respublika stadionunda “Səbail”i qəbul edib. Oyuna sürətli başlayan qonaqlar matçın 7-ci dəqiqəsində hesabı açıb. Bu qoldan sonra oyunda nəzarəti ələ alan komanda matçın 23-cü dəqiqəsində hesabı bərabərləşdirib. Qara Qarayevin zərbəsini qapıçı dəf etsə də, Mahir Emreli topu qapıdan keçirib. Matçın 42-ci dəqiqəsində isə Ovusu Kvabena cərimə zərbəsindən möhtəşəm qol vuraraq hesabı 2:1 edib. Matçın 86-cı dəqiqəsində isə Qara Qarayev baxımlı zərbə ilə hesabı 3:1 edib.Əvvəlcədən planlaşdırıldığı kimi, qarşılaşma 3 hissədən ibarət olub. 90 dəqiqə yekunlaşdıqdan sonra əlavə 30 dəqiqə oynanılıb. Üçüncü hissənin sonlarına doğru ağdamlılar rəqib qapısından dördüncü topu keçirib. Ozobiç özü qurduğu hücumu dəqiq tamamlayıb.xeber100.com

Paytaxtın “Neftçi” futbol klubu hazırlıq çərçivəsində

Paytaxtın “Neftçi” futbol klubu hazırlıq çərçivəsində ikinci yoxlama oyununu keçirib.Azərtac xəbər verir ki, Bakı təmsilçisi doğma meydanda “Qəbələ” ilə qarşılaşıb. “Bakcell Arena”da baş tutan görüşdə “ağ-qaralar” qalib gəlib – 2:1. Hesabı 26-cı dəqiqədə qonaqların hücumçusu Rövlan Muradov açsa da, “Neftçi” fasiləyədək qollardan birinin əvəzini çıxıb. Matçın 40-cı dəqiqəsində Mirabdulla Abbasov fərqlənib. İkinci hissədə meydana daxil olan Dario Frederiko isə 63-cü dəqiqədə görüşdə son nöqtəni qoyub.Qeyd edək ki, “Neftçi” birinci sınaq matçında “Keşlə” üzərinə 3:1 hesablı qələbə qazanıb.