İngiltərə Premyer Liqası iyun ayında bərpa oluna bilər

Koronavirus pandemiyasına görə dayandırılmış futbol üzrə İngiltərə Premyer Liqası mövsümü iyunun 13-də davam etdirə bilər.Azərtac xəbər verir ki, federasiya və klub nümayəndələri mövsümü davam etdirməklə bağlı razılığa gəliblər.Liqa rəhbərliyi artıq çempionatın davamının müddəti barədə klublara, futbolçulara və məşqçilərə məktubla müraciət edib. Komandalar qrup məşqlərini mayın ortalarında başlayacaqlar. Son qərarı isə Böyük Britaniya hökuməti verməlidir.Qeyd edilir ki, bu işlə Britaniyanın Mədəniyyəti naziri Oliver Dauden məşğul olur. O, həmçinin başqa kütləvi tədbirlərin keçirilməsinə məsuliyyət daşıyır. Məlumata görə, nazir məhdudiyyətlərin ləğvi haqqında məhsuldar danışıqlar keçirib.İngiltərə Premyer Liqasının klubları turnirin 8 iyunda davam etdirilməsi məsələsini mayın 1-də müzakirə edəcəklər.xeber100.com

“Arsenal” futbol klubu məşqləri bərpa edib

Londonun "Arsenal" futbol klubu məşqləri bərpa edib.İngiltərə mətbuatı xəbər verir ki, Aleksandr Lyakazett, David Luis, Qranit Caka klubun bazasına daxil olarkən görülüb. Futbolçular meydanda məsafə qaydalarına əməl edərək fərdi şəkildə məşq ediblər.Beləliklə, "Arsenal" Premyer Liqa təmsilçiləri arasında məşqləri bərpa edən birinci klub olub.xeber100.com

Argentina Futbol Assosiasiyasının məlumatı əsasında…

Argentinada cari mövsümdə keçirilən futbol çempionatı vaxtından əvvəl yekunlaşıb.Azərtac Argentina Futbol Assosiasiyasına istinadla xəbər verir ki, qurumun prezidenti Klaudo Tapia bu qərarın alınmasına koronavirus pandemiyasını səbəb göstərib. Çempionatda iki mövsüm ərzində heç bir klub elit diviziondan enməyəcək. Lakin yüksəliş olacaq. Çünki 2021/2022 mövsümündə elitada klubların sayı 24-dən 28-ə çatdırılacaq. Digər liqalar arasında mübadilə məsələsi isə gələcəkdə həllini tapacaq.xeber100.com

Beynəlxalq Triatlon Şurası turnirləri ləğv etməkdə davam edir

Beynəlxalq Triatlon Şurası (ITU) reytinq xarakterli turnirləri ləğv etməkdə davam edir.Azərtac xəbər verir ki, qurum koronavirus pandemiyasına görə, avqustun 17-23-də Kanadanın Edmonton şəhərində keçirilməsi planlaşdırılan dünya seriyasının final mərhələsini ləğv edib.Turnirdə Azərbaycan idmançılarının da iştirakı nəzərdə tutulmuşdu.Bir müddət əvvəl ITU iyulun ortasında Almaniyanın Hamburq şəhərində keçirilməli olan dünya seriyasının mərhələ yarışını da ləğv etmişdi.xeber100.com

Şahmat üzrə onlayn superturnirdə iki görüşü keçirilib

Aprelin 28-də şahmat üzrə onlayn superturnirdə altıncı turun ilk iki görüşü keçirilib.Azərtac xəbər verir ki, dünya çempionu, norveçli Maqnus Karlsen rusiyalı Yan Nepomnyaşini “armagedon”da üstələyərək (3:2) 2 xal qazanıb. Bununla o, turnirdə yenidən liderliyi ələ alıb. Digər görüşün qalibi isə FIDE-nin iranlı təmsilçisi Əlirza Firuzca olub. Niderlandlı Aniş Girini 2,5:1,5 hesabı ilə məğlub edən şahmatçı aktivinə daha 3 xal yazdırıb.Hazırda turnir cədvəlinə 13 xalla M.Karlsen başçılıq edir. Amerikalı şahmatçı Hikaru Nakamura, çinli Liren Dinq 11, ABŞ-ın digər təmsilçisi Fabiano Karuana 10, Ə. Firuzca, Y.Nepomnyaşi 6, fransalı Maksim Vaşe-Laqrav 5, A. Giri 4 xala malikdirlər.xeber100.com

Peşəkar Futbol Liqasının məlumatı əsasında…

Xüsusi karantin rejimi mayın 4-də başa çatacağı təqdirdə Peşəkar Futbol Liqasının təşkilatçılığı ilə keçirilən yarışların bərpası planlaşdırılır.Peşəkar Futbol Liqasından Azərtac-a bildiriblər ki, dünyanın əksər ölkələrində geniş yayılmış koronavirus pandemiyası ilə əlaqədar Azərbaycan Premyer Liqası, Azərbaycan I divizionu və Azərbaycan kuboku yarışlarına müvəqqəti olaraq fasilə verilib.Ölkəmizdə pandemiyaya qarşı aparılan uğurlu mübarizənin nəticəsi olaraq, Nazirlər Kabineti yanında Operativ Qərargah aprelin 27-dən etibarən xüsusi karantin rejiminin müəyyən qədər yumşaldılması barədə qərar qəbul edib. Daha əvvəl qəbul olunmuş qərara əsasən, xüsusi karantin rejimi mayın 4-də başa çatacağı təqdirdə Peşəkar Futbol Liqasının təşkilatçılığı ilə keçirilən yarışların bərpası planlaşdırılır. UEFA, FIFA, EPFL və digər beynəlxalq futbol qurumlarının tövsiyələri, AFFA, klublarımızla aparılan müzakirələr və yarışların bitməsi üçün müəyyənləşdirilmiş mümkün tarixlər nəzərə alınaraq, mayın 21-də I divizionun, mayın 23-də isə Premyer Liqanın bərpa olunması nəzərdə tutulur.Aparılan müzakirələrə uyğun olaraq, Peşəkar Futbol Liqasının qərarına əsasən, Premyer Liqa oyunları başa çatdıqdan sonra Azərbaycan kubokunun yarımfinal və final oyunları keçiriləcək.Kubokun təqvimində dəyişikliyə əsas səbəb klubları onsuz da sıx olan təqvimdən qorumaq, kubokda iştirak etməyən klubların cari mövsümü erkən bitirərək növbəti mövsümə daha yaxşı hazırlaşmasına şərait yaratmaqdır.Azarkeşsiz keçiriləcək Premyer Liqa, I divizion və Azərbaycan kubokunun yeni təqvimi ilə bağlı məlumat veriləcək.Qeyd edək ki, xüsusi karantin rejimi ilə bağlı mövcud vəziyyət hər hansı şəkildə dəyişəcəyi təqdirdə Nazirlər Kabineti yanında Operativ Qərargahın qəbul edəcəyi qərarlara uyğun olaraq Peşəkar Futbol Liqası tərəfindən müvafiq qərarlar qəbul oluna bilər.xeber100.com

Şahmat turnirində beşinci turun növbəti iki görüşü keçirilib

Aprelin 27-də onlayn şahmat turnirində beşinci turun növbəti iki görüşü keçirilib.Azərtac xəbər verir ki, turun son oyunlarında amerikalı şahmatçı Fabiano Karuana həmyerlisi Hikaru Nakamuranı "armagedon"da üstələyərək 2 xal qazanıb. H.Nakamura 1 xal əldə edib. Rusiyalı Yan Nepomnyaşiyə 2,5:1,5 hesabla qalib gələn çinli Liren Dinq 3 xal qazanıb.Hazırda dünya çempionu Maqnus Karlsen, H.Nakamura, L.Dinq 11 xalla öndədirlər. F.Karuana 10, fransalı Maksim Vaşe-Laqrav və Y.Nepomnyaşi 5, niderlandlı Aniş Giri 4, FIDE təmsilçisi Əlirza Firuzca 3 xala malikdir.Turnirin mükafat fondu 250 min dollardır.xeber100.com

Koronavirus pandemiyası səbəbindən futbol yarışları dayandırılıb

Tacikistanda koronavirus pandemiyası səbəbindən futbol yarışları dayandırılıb.Azərtac Tacikistan futbol federasiyasının rəsmi saytına istinadən xəbər verir ki, mayın 10-na qədər bütün futbol oyunları təxirə salınıb.Hökumətin əhalinin sağlamlığını və təhlükəsizliyini qorumaq məqsədilə ictimai və idman tədbirlərinə qadağa qoymasından sonra Tacikistan Futbol Federasiyası bütün futbol yarışlarını dayandırmaq məcburiyyətində qalıb.Çempionatın 4-cü turunun bu gününə planlaşdırılan görüşləri isə keçiriləcək.Xatırladaq ki, Tacikistan çempionatına aprelin 5-də start verilmişdi və koronavirus pandemiyasına baxmayaraq, dünyada davam edən nadir liqalardan biri idi.xeber100.com

Şahmatçıların fərdi qaydada qeydiyyatı davam edir

Mayın 16-dan 31-dək Avropa Şahmat İttifaqının təşkilatçılığı ilə onlayn Avropa çempionatı keçiriləcək.Azərtac xəbər verir ki, qitə çempionatında iştirak etmək üçün indiyədək Azərbaycanın 20 şahmatçısı qeydiyyatdan keçib. Onların sırasında tanınmış şahmatçılarımız Aydın Süleymanlı, Abdulla Qədimbəyli, Ülviyyə Fətəliyeva, Xəyalə Abdulla və başqaları yer alıb.Yarışda iştirak etmək istəyən şahmatçıların fərdi qaydada qeydiyyatı davam edir.xeber100.com

Aprelin 26-na gözlənilən hava proqnozu açıqlanıb

Ölkə ərazisində aprelin 26-na gözlənilən hava proqnozu açıqlanıb.Ekologiya və Təbii Sərvətlər Nazirliyinin Milli Hidrometeorologiya Xidmətindən AzərtacAC-a verilən məlumata görə, Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi, lakin gecə bəzi yerlərdə yağış yağacağı, şimşək çaxacağı gözlənilir. Cənub-qərb küləyi əsəcək, gündüz mülayim şimal-qərb küləyi ilə əvəzlənəcək. Havanın temperaturu Abşeron yarımadasında gecə 7-10°, gündüz 14-18° isti, Bakıda gecə 7-9°, gündüz 15-17° isti olacaq. Atmosfer təzyiqi 755 millimetr civə sütunu, nisbi rütubət gecə 70-80, gündüz 45-50 faiz təşkil edəcək.Aprelin 26-da Azərbaycanın rayonlarında arabir yağış, dağlıq ərazilərdə qar yağacağı, gündüz əksər rayonlarda havanın əsasən yağmursuz keçəcəyi ehtimalı var. Gecə və səhər duman olacaq, qərb küləyi ayrı-ayrı yerlərdə arabir güclənəcək. Havanın temperaturunun gecə 4-8°, gündüz 16-21° isti, dağlarda gecə 2-7° şaxta, gündüz 2° şaxtadan 3°-dək isti olacağı ehtimal edilir.Naxçıvan Muxtar Respublikasında arabir yağış, dağlıq ərazilərdə qar yağacağı gözlənilir. Qərb küləyi əsəcək, ayrı-ayrı yerlərdə arabir güclənəcək. Havanın temperaturunun gecə 0-5°, gündüz 12-17° isti olacaq.Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, həmçinin Daşkəsən, Gədəbəy rayonlarında arabir yağış, bəzi yerlərdə qar yağacağı gözlənilir. Gecə və səhər saatlarında duman olacaq. Qərb küləyi əsəcək, ayrı-ayrı yerlərdə arabir sürətlənəcək. Havanın temperaturunun gecə 2-7° şaxta, gündüz 2° şaxtadan 3°-dək isti olacağı ehtimalı var.Gəncə şəhərində, Qazax, Goranboy, Tərtər, Ağdam, Füzuli, Cəbrayıl rayonlarında hava əsasən yağmursuz keçəcək. Lakin gecə və axşam bəzi yerlərdə yağış yağacağı gözlənilir. Səhər saatlarında duman olacaq. Qərb küləyi əsəcək, ayrı-ayrı yerlərdə arabir güclənəcək. Havanın temperaturunun gecə 3-7°, gündüz 15-20° isti olacağı ehtimal edilir.Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında hava əsasən yağmursuz keçəcək. Lakin gecə və axşam arabir yağış yağacağı gözlənilir. Gecə və səhər saatlarında duman olacaq. Qərb küləyi əsəcək, ayrı-ayrı yerlərdə arabir sürətlənəcək. Havanın temperaturunun gecə 2-6°, gündüz 13-18° isti, dağlarda gecə 3-8°, gündüz 0-3° şaxta olacağı proqnozlaşdırılır.Mərkəzi Aran: Mingəçevir və Şirvan şəhərlərində, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Hacıqabul, Salyan, Neftçala rayonlarında hava əsasən yağmursuz keçəcək. Səhər bəzi yerlərdə duman, çiskin olacaq. Qərb küləyi əsəcək, ayrı-ayrı yerlərdə arabir güclənəcək. Havanın temperaturunun gecə 4-8°, gündüz 16-21° isti olacağı gözlənilir.Masallı, Yardımlı, Lerik, Lənkəran, Astara rayonlarında hava əsasən yağmursuz keçəcək. Lakin gecə və axşam bəzi yerlərdə yağış yağacağı gözlənilir. Səhər dağlarda duman olacaq. Şimal-şərq küləyi əsəcək. Havanın temperaturunun gecə 6-8°, gündüz 13-18° isti, dağlarda gecə 0-3°, gündüz 4-7° isti olacağı bildirilir.xeber100.com