Güləşçilər arasında dünya çempionatı davam edir

Bolqarıstanın paytaxtı Sofiyada yeniyetmə güləşçilər arasında dünya çempionatı davam edir.Azərtac xəbər verir ki, ikinci yarış günündə 45, 51, 60, 71 və 92 kiloqram çəki dərəcəsində sərbəst güləşçilər mübarizə aparırlar.Çempionatda 45 kiloqram çəki dərəcəsində çıxış edən Murad Haqverdiyev dünya birinciliyinə inamlı qələbə ilə başlayıb. Avropa Gənclər Olimpiya Festivalının (EYOF) qalibi ilk görüşdə Gürcüstan idmançısına vaxtından əvvəl qalib gəlib. Rusiyalı rəqibi üzərində də əzmkar qələbə qazanan M.Haqverdiyev adını yarımfinala yazdırıb.Riad Aslanov (51 kq) üçün debüt uğursuz alınıb. Həmyerlimiz iranlı rəqibinə uduzub.Güləşçimiz Fərhad Kərimli (60 kq) ilk görüşdə çətinlik çəkmədən makedoniyalı həmkarını üstələyib. Həmyerlimiz 1/4 finalda amerikalı idmançını da məğlub edərək yarımfinala yüksəlib.Məhəmmədəli Əliyev (71 kq) təsnifat mərhələsində Hindistan güləşçisi ilə bacarmayıb.xeber100.com

UEFA Çempionlar Liqası ikinci təsnifat mərhələsi çərçivəsində

İyulun 30-da UEFA Çempionlar Liqasının 2019-2020-ci il mövsümünün ikinci təsnifat mərhələsi çərçivəsində cavab görüşləri keçiriləcək.Azərtac xəbər verir ki, qarşılaşmalar iki gün ərzində oynanılacaq. İyulun 30-da 7, bir gün sonra isə 5 görüş təşkil olunacaq. İkinci təsnifat mərhələsinin birinci günündə aşağıdakı görüşlər oynanılacaq: “APOEL” (Kipr) – “Sutyeska (Monteneqro), ilk oyun – 1:0; “Kalyu” (Estoniya) – Seltik (Şotlandiya), ilk oyun – 0:5; “Təl-Əviv” (İsrail) - “CFR Cluj” (Rumıniya), ilk oyun – 0:1; “Bazel” (İsveçrə) – “PSV Eyndhoven” (Hollandiya), ilk oyun – 2:3; “Dinamo Zaqreb” (Xorvatiya) – “Saburtalo” (Gürcüstan), ilk oyun - 2:0; “Valletta” (Malta) – “Ferentsvaroş” (Macarıstan), ilk oyun – 1:3; “Olimpiakos (Yunanıstan) – “Plzen” (Çexiya), ilk oyun – 0:0. Azərbaycanın bu turnirdəki yeganə təmsilçisi Ağdamın “Qarabağ” klubu ikinci təsnifat mərhələsində cavab qarşılaşmasını iyulun 31-də keçirəcək. Birinci oyunda səfərdə İrlandiyanın “Dandulk” komandası ilə 1:1 hesablı heç-heçə edən ağdamlılar rəqibi “Dalğa Arena”da qəbul edəcəklər. Növbəti mərhələyə vəsiqə üçün ağdamlılara qolsuz heç-heçə də kifayət edir. İyulun 31-də oynanılacaq digər cavab qarşılaşmaları aşağıdakılardır: “HYK” (Finlandiya) – “Srvena Zvezda” (Serbiya), ilk oyun – 0:2; “AIK” (İsveç) – “Maribor” (Sloveniya), ilk oyun - 1:2; “Rusenborq” (Norveç) – “BATE” (Belarus), ilk oyun –1:2; “Kopenhagen” (Danimarka) – “TNS” (Uels), ilk oyun – 2:0. Qeyd edək ki, “Qarabağ” komandası qələbə qazanacağı təqdirdə üçüncü təsnifat mərhələsində “Sutyeska” – “APOEL” qarşılaşmasının qalibi ilə üz-üzə gələcək.xeber100.com

İdmançıların hüquqlarının müdafiəsi üçün anlaşma memorandumu imzalanıb

Azərbaycan Milli Antidopinq Agentliyi (AMADA) və “BM Morrison Partners” (BM) şirkəti idmançıların hüquqlarının müdafiəsini gücləndirmək məqsədilə anlaşma memorandumu imzalayıblar.Azərtac xəbər verir ki, memorandum çərçivəsində AMADA-nın fəaliyyəti ilə bağlı xüsusi yaradılmış İntizam və Apellyasiya komitələrində agentliyin yurisdiksiyasına daxil olan idmançılar barədə başlanılan və ya icraatda olan işlərdə, BM hüquq şirkəti tərəfindən həmin atletlərə hüquqi yardım göstəriləcək. Şirkət idmançılara hüquqi xidmətləri pro bono (ödəniş almadan) əsasında təqdim edəcək. Bütün işlərin təcrübəli vəkillər və hüquqşünaslar tərəfindən aparılması nəzərdə tutulur.AMADA-nın direktoru və Avropa Şurasının “İnsan hüquqları və idmançılar” üzrə xüsusi işçi qrupunun sədr müavini Şəfəq Hüseynli imzalanma mərasimində deyib: “Bu memorandum idmanda dopinqə qarşı mübarizə və antidopinq qaydalarının tətbiqi zamanı insan hüquqlarının qorunmasını gücləndirmək, idmançıların ədalət mühakiməsinə çıxışını asanlaşdırmaq məqsədini daşıyır. Bu fundamental hüquqlar Avropa İnsan Hüquqları Konvensiyası, Avropa Şurasının Antidopinq Konvensiyası və idman sahəsini əhatə edən digər beynəlxalq sənədlərdə əks olunub”.O, antidopinq təşkilatları və hüquq şirkətlərinin bu istiqamətdə əməkdaşlığının idman dünyası üçün yenilik olduğunu vurğulayıb.“BM Morrison Partners” hüquq şirkətinin baş partnyoru Fərhad Mirzəyev çıxışında bildirib: “Belə şəffaf və qanunçuluq proseslərinin bir hissəsi olmaq bizim kimi müstəqil hüquq şirkəti üçün kifayət qədər vacib hadisədir. Ölkənin aparıcı şirkəti olaraq bu sahəyə töhfə verməyimizdən qürur duyuruq. Bütövlüklə Birləşmiş Krallıq kapitalı ilə fəaliyyət göstərən bir yerli hüquq şirkəti kimi, biz ən yaxşı Britaniya təcrübəsini Azərbaycana gətirməyə şad olarıq”.Xatırladaq ki, Avropa Şurasının Antidopinq Konvensiyası 1989-cu ildə qəbul edilib. Azərbaycan bu sənədi 2002-ci ildə imzalayıb.xeber100.com

Azərbaycan Milli Paralimpiya Komitəsinin məlumatı

Paracüdo üzrə Azərbaycan komandası İtaliyanın Genuya şəhərində keçirilən Avropa çempionatında 10 medal qazanıb.Azərbaycan Milli Paralimpiya Komitəsinin mətbuat xidmətindən Azərtac-a bildiriblər ki, çempionatda 1 qızıl, 4 gümüş və 5 bürünc medala sahib olan komandamız medal sayına görə ikinci yerdə qərarlaşıb.Qızıl medalı ölkəmizin aktivinə qadınların yarışında 63 kiloqram çəki dərəcəsində mübarizə aparan Xanım Hüseynova yazdırıb. Sevda Vəliyeva (57 kq) və Dürsədəf Kərimova (70 kq) gümüş, Səbinə Abdullayeva (52 kq) bürünc medallara layiq görülüblər.Kişilərin yarışında Bayram Mustafayev (66 kq) və İlham Zəkiyev (+100 kq) Avropa çempionatında yalnız finalda uduzaraq gümüş medallarla kifayətlənməli olublar. Bürünc medalları isə ölkəmizə Namiq Abbaslı (66 kq), Ramil Qasımov (73 kq), Hüseyn Rəhimli (83 kq) və Kənan Abdullaxanlı (100 kq) yazdırıblar.İdmançılarımız bu nailiyyət sayəsində “Tokio 2020” XVI Yay Paralimpiya Oyunlarına qatılmaq şanslarını daha da möhkəmləndiriblər.xeber100.com

Avtomobil Federasiyasının təşkilatçılığı ilə avtomobillərin yürüşü keçiriləcək

Avqustun 25-də Azərbaycan Avtomobil Federasiyasının (AAF) təşkilatçılığı ilə Bakıda klassik avtomobillərin yürüşü keçiriləcək.Federasiyadan Azərtac-a bildiriblər ki, bununla əlaqədar 1980-ci ilədək istehsal olunan avtomobillərin sahibləri avqustun 20-də saat 18:00-dək AAF-da qeydiyyatdan keçə bilərlər.Qeydiyyatdan keçən avtomobil və sahibləri avqustun 25-də saat 15:30-da Heydər Əliyev Mərkəzinin qarşısında olmalıdırlar. Yürüş paytaxtın mərkəzi küçə və prospektlərini əhatə edəcək.xeber100.com

“Grand Chess Tour 2019” seriyasının üçüncü mərhələsində

İyulun 29-da Parisdə “Grand Chess Tour 2019” seriyasının üçüncü mərhələsinin rapid yarışlarının son üç turu keçiriləcək.Azərtac  xəbər verir ki, ölkəmizi nüfuzlu turnirdə təmsil edən Şəhriyar Məmmədyarov yeddinci turda hindistanlı Vişvanatan Anand, səkkizinci turda amerikalı Fabiano Karuana, növbəti turda isə rusiyalı Daniil Dubovla qarşılaşacaq.Qeyd edək ki, altı turun nəticəsinə görə, şahmatçımızın aktivində 5 xal var. Fransalı Maksim Vaşe-Laqrav 9 xalla turnir cədvəlinin lideridir.xeber100.com

“EYOF Bakı 2019” XV Avropa Gənclər Olimpiya Festivalında

Çalışırdım ki, ilk cəhddən yaxşı nəticə göstərim. Belə də oldu. Yaxşı nəticə göstərə bildim. Bakıda uğur qazandığım üçün çox xoşbəxtəm.Bu sözləri “EYOF Bakı 2019” XV Avropa Gənclər Olimpiya Festivalının atletika yarışlarının oğlanlar arasında diskatma üzrə yarışlarda qızıl medal qazanan, belaruslu Roman Kartanoviç Azərtac-a müsahibəsində bildirib.Belarus təmsilçisi deyib: “Uğurlu çıxışıma görə əlbəttə ki, ilk növbədə məşqçimə öz minnətdarlığımı bildirirəm. Yarışda ən çətin rəqibim Almaniya təmsilçisi oldu. Lakin qələbə qazanmağı bacardım. Bakıda hər şey ən yüksək səviyyədə təşkil olunub. Burada mübarizə aparmaq üçün idmançılar üçün bütün şərait yaradılıb. Yarışlarda kifayət qədər güclü atletlər mübarizə aparırlar”.xeber100.com

“Grand Chess Tour 2019” seriyasının üçüncü mərhələsi başlayıb

İyulun 27-də Parisdə “Grand Chess Tour 2019” seriyasının üçüncü mərhələsi start götürüb.Azərtac xəbər verir ki, ölkəmizi bu nüfuzlu turnirdə təmsil edən Şəhriyar Məmmədyarov rapid yarışlarının ilk turunda rusiyalı Aleksandr Qrişukla xalları yarı bölüb.Şahmatçımız ikinci turda fransalı Maksim Vaşe-Laqrava, üçüncü turda isə amerikalı Hikaru Nakamuraya məğlub olub. Rapid turniri 9 turdan ibarətdir.Şahmatçılar daha sonra blitz turnirində mübarizə aparacaqlar. "Grand Chess Tour 2019" seriyasının üçüncü mərhələsinə avqustun 2-də yekun vurulacaq.Yarışların sonrakı mərhələləri avqustun 8-dən 15-dək və 16-dan 30-dək Sent-Luis, noyabrın 4-dən 11-dək Buxarest, noyabrın 20-dən 27-dək isə Kəlkətə şəhərlərində baş tutacaq.Yarışların final seriyası isə noyabrın 30-dan dekabrın 10-dək Londonda keçiriləcək.xeber100.com

Cüdoçular arasında “Avropa Açıq Kuboku” uğrunda yarışa start verilib

Almaniyanın paytaxtı Berlin şəhərində gənc cüdoçular arasında "Avropa Açıq Kuboku" uğrunda yarış keçirilir.Azərtac xəbər verir ki, beynəlxalq turnirdə Azərbaycan idmançıları ilə yanaşı, Yaponiya, Braziliya, Monqolustan, Rusiya, İtaliya, Almaniya, Fransa, Hollandiya, Kanada, Belçika, Gürcüstan, İsrail, Macarıstan və digər ölkələrin ən güclü gənc cüdoçuları mübarizə aparırlar.Ümumilikdə, Berlin yarışında 39 ölkədən 470 cüdoqi ustası iştirak edir. Avropa Kubokunun ilk günü Azərbaycan cüdoçuları üçün uğurlu olub. Belə ki, ölkəmizi 60 kiloqram çəki dərəcəsində təmsil edən Rövşən Əliyev və Əhməd Yusifov bütün rəqiblərinə qalib gələrək finala çıxıblar. Həlledici qarşılaşmada qələbə qazanan Əhməd Yusifov “Berlin-2019”un qalibi olub. Rövşən Əliyev isə gümüş medala layiq görülüb.xeber100.com

Güləşçilər arasında dünya çempionatı keçiriləcək

İyulun 29-dan avqustun 4-dək Bolqarıstanın paytaxtı Sofiyada yeniyetmə güləşçilər arasında dünya çempionatı keçiriləcək.Azərtac Azərbaycan Güləş Federasiyasının saytına istinadla xəbər verir ki, ilk günlərdə mübarizə aparacaq sərbəst güləşçilərimiz böyük məşqçi Əsgərxan Novruzov və məşqçi Yaşar Əliyevin rəhbərliyi ilə çıxış edəcəklər. Heyətdə Murad Haqverdiyev (45 kq), Cavid Cavadov (48 kq), Riad Aslanov (51 kq), Zirəddin Bayramov (55 kq), Fərhad Kərimli (60 kq), Cəbrayıl Hacıyev (65 kq), Məmmədəli Əliyev (71 kq), Fərid Cabbarov (80 kq), Saqadulla Ağayev (92 kq) və Hamlet Nəsibli (110 kq) yer alıblar.Yeniyetmə qızların yarışında ölkəmizi böyük məşqçi Həsrət Məmmədyarov və məşqçi Solmaz Adilovanın rəhbərliyi altında Zenfira Həşimova (43 kq), Gültəkin Şirinova (46 kq), Nərgiz Səmədova (49 kq), Elnurə Məmmədova (53 kq), Birgül Soltanova (57 kq), Firuzə Məcidova (61 kq) və Nigar Mirzəzadə (65 kq) təmsil edəcəklər.Mundialın son günlərində böyük məşqçi Taleh İsrafilov və məşqçi Rasim Ağayevin rəhbərliyi ilə mübarizəyə qoşulacaq yunan-Roma güləşi üzrə millimizin tərkibinə Fərid Sadıxlı (45 kq), Ziya Babaşov (48 kq), Elmir Əliyev (51 kq), Nihat Məmmədli (55 kq), Həsrət Cəfərov (60 kq), Xasay Həsənli (65 kq), Rauf Əliyev (71 kq) və Laçın Vəliyev (92 kq) daxil edilib.Qeyd edək ki, dünya çempionatında beynəlxalq dərəcəli hakim Zaur Şərifov da ədaləti qoruyacaq.xeber100.com