Futzalçılardan ibarət Azərbaycan yığması yoldaşlıq oyunu keçirəcək

On doqquz yaşadək futzalçılardan ibarət Azərbaycan yığması noyabrın 10-da və 11-də Tbilisi şəhərində Gürcüstanın müvafiq yaş qrupundan ibarət komandası ilə iki yoldaşlıq oyunu keçirəcək.Azərtac xəbər verir ki, oyunlar müvafiq olaraq saat 19:00-da və 13:00-da başlayacaq.Millimizin heyətində Rauf Rüstəmov, Rəfael Mütəllimov, Ceyhun Nuriyev, Turan Əhmədov, Sabir Həsənov, Nurlan Mehdizadə, Niyaz Əhmədov, Nicat Quluzadə, Kənan Əsədli, Fuad Məmmədzadə, Tofiq Hüseynov, Vladislav Reznov, İqbal Pənahov və Hüseyn Qarayev yer alıblar.xeber100.com

“Bahrain International Series-2018” turnirinə yekun vurulub

Bəhreynin Madinat-İsa şəhərində badminton üzrə “Bahrain International Series-2018” turnirinə yekun vurulub. Turnirdə iştirak edən badmintonçularımız Edi Reski Dviçayo və Ezmi Qovimuramadhoni uğurlu çıxışla yadda qalıblar.Azərtac xəbər verir ki, kişilərin şəxsi yarışında mübarizəyə 1/16 finaldan start verən Ezmi Qovimuramadhoni yarımfinala kimi məğlubiyyətsiz irəliləyib. Yarımfinala kimi Bəhreyn, Pakistan, İordaniya badmintonçularına qalib gələn Ezmi bu mərhələdə ABŞ təmsilçisi Timoti Lamla qarşılaşıb. Üç set davam edən görüş amerikalı badmintonçunun 2:1 hesablı qələbəsi ilə başa çatıb. Mübarizəni yarımfinalda dayandıran Qovimuramadhoni kişilərin şəxsi yarışında bürünc medal qazanıb.Mübarizəyə 1/8 finaldan qoşulan Edi Reski Dviçayo isə yarımfinala kimi İngiltərə və Bəhreyn badmintonçularına qalib gəlib. Yarımfinalda Yaponiya idmançısı Haruki Fukuda üzərində 2:1 hesablı qələbə qazanan Edi finalda ABŞ badmintonçusu Timoti Lamla üz-üzə gəlib. Amerikalı rəqibini 2:0 hesabı ilə məğlub edən Dviçayo “Bahrain International Series-2018” turnirinin qızıl medalını qazanıb.Badmintonçularımız eyni uğuru kişilərin qoşa yarışında da təkrarlayıblar. Bu kateqoriya üzrə yarışda mübarizəyə 1/4 finalda başlayan badmintonçularımız finala kimi Bəhreyn və Pakistandan olan həmkarlarına qalib gəliblər. Həlledici görüşdə yerli idmançılar Adnan və Cəfər İbrahim tandeminə 2:0 hesabı ilə qalib gələn Edi-Ezmi cütlüyü badmintonçuların qoşa yarışında qızıl medala sahib çıxıb.Beləliklə, ilk dəfə badmintonçularımız beynəlxalq turnirdə ümumilikdə 3 medal qazanıblar.

BATE futbol komandası Belarus çempionatının 27-ci turunda

BATE futbol komandası Belarus çempionatının 27-ci turunda “Neman”a qarşı oyundan sonra növbəti dəfə ölkə çempionu olub.Azərtac xəbər verir ki, Borisov təmsilçisi çempionatın bitməsinə üç tur qalmış 69 xalla çempionluğunu rəsmiləşdirib.BATE-“Neman” oyunu meydan sahiblərinin minimal hesablı qələbəsi ilə yekunlaşıb – 1:0.Qeyd edək ki, Belarus klubu ardıcıl 13-cü, ümumilikdə isə 15-ci dəfə ölkə çempionu adını qazanıb.xeber100.com

“Rayo Valekano” komandası “Barselona”ya məğlub olub

İspaniyanın "Rayo Valekano" komandası öz meydanında 2:3 hesabı ilə "Barselona"ya məğlub olub.Milli.az bildirir ki, oyun İspaniya Çempionatının 11-ci turu çərçivəsində keçirilib."Rayo Valekano"nun heyətində qolları Xose Anxel Poso (35-ci dəqiqə) və Alvaro Qarsiya (57-ci dəqiqə) vurublar. Kataloniyalılardan isə Luis Suares (11 və 90-cı dəqiqələr) və Usman Dembele (87-ci dəqiqə) fərqlənib.Beləliklə, "Barselona" turnir cədvəlində 24 xalla birincidir, "Rayo Valekano" isə 6 xalla 19-cudur.xeber100.com

“Qəbələ” futbol klubu “Sabah”la qarşılaşacaq

Bu gün Topaz Premyer Liqada 10-cu tura yekun vurulacaq.Milli.az xəbər verir ki, son oyun günündə iki görüş keçiriləcək."Qəbələ" öz meydanında Premyer Liqamızın debütantı "Sabah"la qarşılaşacaq.Günün digər matçında isə "Səbail" "Zirə"nin qonağı olacaq. 4 noyabr (bazar) 17:00. "Qəbələ" - "Sabah" Hakimlər: Rəvan Həmzəzadə, Mübariz Haşımov, Vüqar Bayramov, Mahir Məmmədov Qəbələ şəhər stadionu 19:00. "Zirə" - "Səbail" Hakimlər: Rəhim Həsənov, Zeynal Zeynalov, Rza Məmmədov, Nahid Xasıyev "Bakcell Arena".xeber100.com

Beynəlxalq Boks Federasiyasının məlumatı

Beynəlxalq Boks Federasiyasının Konqresi (AIBA) Yay Olimpiya Oyunlarında çəki dərəcələrinə edilən dəyişiklikləri təsdiqləyib.Milli.az xəbər verir ki, kişilərin mübarizəsində 49 kq və 60 kq çəkilər ləğv edilib.Həmçinin 56 kq və 63 kq çəki dərəclərinə dəyişiklik olunub. Beləliklə, boksçular 2020-ci il Tokio Yay Olimpiya Oyunlarından etibarən, səkkiz - 52 kq, 57 kq, 64 kq, 69 kq, 75 kq, 81 kq, 91 kq və +91 kq çəki dərəcələri üzrə yarışacaqlar. Oyunlarda 214 idmançı iştirak edəcək.Bunadək isə qadınların yarışına 2 çəki dərəcəsi əlavə olunub. Xanım boksçular 51 kq, 60 kq və 75 kq ilə yanaşı, 57 və 60 kq çəki dərəcələri üzrə də mübarizə aparacaqlar. Oyunlarda 72 boksçu çıxış edəcək. Həmçinin peşəkar boksçuların da Oyunlarda iştirakına limit tətbiq olunub. İdmançıların təsnifat mərhələsində ən azı 15 peşəkar döyüşü olmalıdır.Qeyd edək ki, AIBA-nın Konqresi Rusiyanın paytaxtı Moskvada keçirilir və bu gün başa çatacaq.xeber100.com

İtaliya A seriyasının XI turunda “Napoli” qələbə qazanıb

İtaliya A seriyasının XI turunda "Empoli"ni qəbul edən "Napoli" böyükhesablı (5:1) qələbə qazanıb.Milli.az xəbər verir ki, bu görüşdə het-trik edən "Napoli"nin hücumçusu Dris Mertens tarixə düşüb. "Empoli"nin qapısından 3 qol keçirdən Mertens A seriyasında ən çox qol vuran belçikalı futbolçu ünvanına sahib olub. Onun aktivində ümumilikdə 73 qol var.Mertens "Kalyari", "Fiorentina" və "Boloyna"da ümumilikdə 72 dəfə fərqlənmiş həmyerlisi Luis Oliveyranı qabaqlayıb.xeber100.com

“Barselona”nın yarımmüdafiəçisi transfer ediləcək

İtaliyanın “Milan” klubu İspaniyanın “Barselona” komandasının yarımmüdafiəçisi Denis Suarezi heyətinə qatmaq istəyir.“Football Espana” nəşri xəbər verir ki, 24 yaşlı ispaniyalını “Milan” klubu mövsümün əvvəlində transfer etmək istəsə də, kataloniyalılar futbolçunu komandada saxlamağa qərar veriblər. Transferlə “rossoneri”lərin yeni direktor vəzifəsinə təyin olunmuş klubun sabiq oyunçusu Leonardo məşğul olur. Leonardo orda xətti gücləndirmək məqsədi ilə İngiltərənin “Çelsi” klubunun oyunçusu Fabreqasın da transferi üzərində çalışır.Qeyd edək ki, D.Suarez cari mövsüm “Barselona”nın heyətində yalnız bir oyunda meydana çıxıb.xeber100.com

Formula 1 yarışlarının Vyetnam Qran-Prisi keçiriləcək

2020-ci ildə Vyetnamın paytaxtı Hanoy şəhərində ilk dəfə olaraq Formula 1 yarışlarının mərhələsi keçiriləcək.F1News.ru saytı xəbər verir ki, gələn həftə Hanoy trasının konfiqurasiyasının təqdimatı nəzərdə tutulur.Yeni Qran-Prinin təqdimatına dəvətnamədə deyilir: “Hanoyun hakimiyyət orqanları FOM ilə kontrakt bağlayıblar. Beləliklə, 2020-ci ilin aprel ayından başlayaraq bu şəhər rəsmən Formula 1 mərhələsinin keçiriləcəyi yer olacaq”.Hanoyun hakimiyyət orqanları əvvəlcə istəyirdilər ki, tras Köhnə Şəhərin yaxınlığındakı Hoankyem gölünün ətrafı ilə keçsin, lakin yekunda bu trası Mi Din stadionunun yaxınlığına keçirmək qərara alınıb, çünki orada yol paytaxtın mərkəzi ilə müqayisədə daha genişdir.Formula 1 yarışlarının direktoru Çarli Uaytinq bu yaxınlarda Hanoya səfər edib. O əmindir ki, tras vaxtında hazır olacaq. Trasın bir hissəsi mövcud yollar boyunca keçəcək, bir hissəsi isə hələ tikilməlidir, lakin bu, problem yaratmamalıdır.xeber100.com

Futbol üzrə Türkiyə Superliqasının XI turunda

Noyabrın 2-də futbol üzrə Türkiyə Superliqasının XI turunda “Qalatasaray” komandası İstanbul derbisində əzəli rəqibi “Fənərbağça”nı qəbul edəcək.Azərtac xəbər verir ki, “Türk Telekom Arena”da keçiriləcək matç Bakı vaxtı ilə saat 22:00-da başlayacaq. Oyunun baş hakimi Fırat Aydınus olacaq.“Qalatasaray” və “Fənərbağça”nın heyətində bəzi aparıcı futbolçular zədəli və cəzalı olduqları üçün derbi oyununda meydana çıxa bilməyəcəklər.Bu qarşılaşma iki komanda arasında oynanılacaq 388-ci derbi matçı olacaq. Bu oyunlarda “Qalatasaray” 123, “Fənərbağça” isə 146 dəfə qalib gəlib, 118 görüş isə heç-heçə başa çatıb.Fatih Terimin baş məşqçisi olduğu komanda ötən həftə keçirilən görüşdə “Yeni Malatyaspor”a 0:2 hesabı ilə uduzub. Hesabında 19 xal olan “Qalatasaray” komandası üçüncü sırada qərarlaşıb.“Fənərbağça” klubunun rəhbərliyi sonuncu turda “Ankaragücü” komandasına 1:3 hesablı məğlubiyyətdən sonra hollandiyalı baş məşqçi Filip Kokunu vəzifəsindən azad edib. Derbi görüşünə komandanı hollandiyalı mütəxəssisin köməkçisi Ervin Kuman çıxaracaq. “Fənərbağça” çempionatda oynadığı son beş matçda qələbə qazana bilmir. On oyundan sonra cəmi 9 xal toplaya bilən “sarı-lacivərdlilər” hazırda turnir cədvəlində 18 komanda arasında 15-ci pillədə yer alıb.Türkiyə çempionatında “Başakşəhər” komandası 21 xalla liderdir. “Qalatasaray”la eyni xala malik “Kasımpaşa” isə top fərqinə görə turnir cədvəlində ikinci yeri tutur.xeber100.com