“Barselona” klubu 2017/2018-ci illər mövsümündə

İspaniyanın “Barselona” futbol klubu dünyada ilk idman klubudur ki, gəlirləri 1 milyard dolları aşıb.Azərtac klubun mətbuat xidmətinə istinadla xəbər verir ki, 2017/2018-ci illər mövsümündə “Barselona”nın qazancı 1,05 milyard dollar olub. Klub ardıcıl olaraq beş il öz gəlirlərinin həcminə görə “rekordçudur”. Həmçinin bildirilir ki, 2018-ci il iyunun 30-u üçün olan məlumata görə, İspaniya klubunun xərcləri 1,017 milyard dollara, borcu isə 181,3 milyon dollara bərabər olub. 2021-ci ildə gəlirin məbləğini 1,15 milyard dollara çatdırmaq planına uyğun olaraq 2018/2019-cu illər mövsümü üçün büdcədə 1,1 milyard dollar gəlir əldə etmək nəzərdə tutulur.Ötən mövsümdə “Barselona” İspaniya çempionu və ölkə Kubokunun sahibi olub.xeber100.com

43-cü Ümumdünya Şahmat Olimpiadası finişə yaxınlaşır

Gürcüstanın Batumi şəhərində keçirilən 43-cü Ümumdünya Şahmat Olimpiadası finişə yaxınlaşır.Azərtac xəbər verir ki, yarışların sonuna üç tur qalmış Azərbaycanın hər iki yığmasının mükafatçılar sırasında olmaq şansı var.Bu gün keçiriləcək doqquzuncu turda Azərbaycanın kişilərdən ibarət komandasının rəqibləri çinli idmançılar olacaq, qızlarımız isə ukraynalı şahmatçılarla qarşılaşacaqlar.Olimpiadanın başa çatmasına üç tur qalmış aktivində 15 xal olan ABŞ yığması yeganə liderdir. İkinci yerdə amerikalılardan bir xal geri qalan Polşa yığması gedir. Azərbaycan, Hindistan, Fransa, Çin, Ermənistan, Almaniya və İngiltərə komandalarının hərəsi 13 xal qazanıb.Qadınların yarışında liderliyi hərəsi 14 xal toplamış Çin və Ukrayna yığmaları bölüşdürürlər. Səkkizinci turda bu komandaların hər ikisi böyük hesabla qələbə qazanıb: Çin idmançıları Rumıniyanın komandasını uddular – 3,5:0,5, ukraynalılar ermənistanlı rəqiblərindən daha güclü olublar – 3:1.ABŞ, Macarıstan, Azərbaycan, Ermənistan və Qazaxıstan komandalarının hərəsinin aktivində 13 xal var.Bu gün Azərbaycan-Çin matçında Şəhriyar Məmmədyarov - Dinq Liren, Teymur Rəcəbov - Yu Yanqyi, Arkadi Naydiç - Vey Yu və Eltac Səfərli - Bu Syanci cütlükləri, Azərbaycan - Ukrayna görüşündə isə Günay Məmmədzadə - Anna Muzıçuk, Xanım Balacayeva - Marina Muzıçuk, Gülnar Məmmədova - Anna Uşenina və Ülviyyə Fətəliyeva - Yuliya Osmak cütlükləri qarşılaşacaqlar.43-cü Ümumdünya Şahmat Olimpiadası oktyabrın 5-də başa çatacaq.xeber100.com  

Stolüstü Tennis Federasiyasının məlumatına görə…

Avropa Stolüstü Tennis Birliyinin təqvim planına müvafiq olaraq, 2019-cu il Avropa komanda çempionatının növbəti təsnifat mərhələsi Bakıda keçiriləcək.Azərbaycan Stolüstü Tennis Federasiyasından Azərtac-a bildiriblər ki, oktyabrın 2-də saat 15:00-da qadınlardan ibarət Azərbaycan yığma komandası Almaniya yığması, saat 18:00–da isə kişilərdən ibarət komandamız Litva millisi ilə görüşəcək.Avropa Stolüstü Tennis Birliyinin yeni qaydalarına əsasən, Avropa komanda və şəxsi çempionatları bir il şəxsi və növbəti il komanda olmaqla keçiriləcək. 2019-cu ildə keçiriləcək Avropa komanda çempionatında 24 qadın və 24 kişi komandası iştirak hüququna malikdir. Bu 24 millinin arasında yer almaq üçün Avropa komandaları ev sahibi və səfərdə olmaqla təsnifat oyunlarında iştirak edirlər.Təsnifat oyunu “Şüa” idman sağlamlıq kompleksində keçiriləcək.xeber100.com

UEFA Çempionlar Liqasının ikinci turuna start verilir

Oktyabrın 2-də UEFA Çempionlar Liqasının qrup mərhələsinin ikinci turuna start verilir.azərtac xəbər verir ki, E qrupunda yer alan Almaniyanın “Bavariya” klubu “Alyanz Arena”da Hollandiyanın “Ayaks” komandasını qəbul edəcək. Portuqaliya çempionu “Benfika” isə səfərdə Yunanıstanın AEK klubunun qonağı olacaq.İlk turda “Ayaks” doğma meydanda AEK-ı (3:0), “Bavariya” isə səfərdə “Benfika”nı məğlub edib (2:0).F qrupunda yer alan Almaniyanın “Hoffenhaym” klubu doğma meydanda İngiltərə çempionu “Mançester Siti” komandasını qəbul edəcək. Qrupun digər qarşılaşması Fransada oynanılacaq. “Lion” Ukraynanın “Şaxtyor” klubunu qəbul edəcək. İkinci turda “Mançester Siti” qalib gəlməyə çalışacaq, çünki ilk turda doğma meydanda “Lion”a gözlənilmədən məğlub olub (2:1). “Şaxtyor” – “Hoffenhaym” oyununda isə qalib müəyyənləşməyib (2:2).UEFA Çempionlar Liqasının son qalibi İspaniyanın “Real Madrid” klubu G qrupunda səfərdə Rusiyanın MOİK komandasının qonağı olacaq. İtaliyanın “Roma” klubu isə doğma meydanda “Olimpiko” stadionunda Çexiya təmsilçisi “Viktoriya Plzen” klubunu qəbul edəcək.İlk turda “Viktoriya Plzen” klubu ilə sonuncu dəqiqələrdə vurduğu qolla MOİK 2:2 hesabı ilə heç-heçə edib, “Real Madrid” isə “Santyaqo Bernabeo” stadionunda “Roma”nın qapısından üç cavabsız top keçirib.H qrupunda yer alan İtaliyanın “Yuventus” klubu doğma meydanda İsveçrənin “Yanq Boyz” klubu ilə münasibətlərə aydınlıq gətirəcək. Qrupun digər qarşılaşması isə İngiltərədə baş tutacaq. “Mançester Yunayted” İspaniyanın “Valensiya” klubunu qəbul edəcək.UEFA Çempionlar Liqasının ilk turunda “Yuventus” klubu səfərdə “Valensiya” ilə oyunda 29-ci dəqiqədə əsas qol silahı sayilan Kriştianu Ronaldusuz qalıb. Buna baxmayaraq rəqibin qapısından iki cavabsız top keçirdib. “Mançester Yunayted” isə səfərdə “Yanq Boyz” klubu üzərində böyük hesablı qələbə qazanıb (3:0).Qeyd edək ki, “Hoffenhaym” – “Mançester Siti” və “Yuventus” - “Yanq Boyz” oyunu Bakı vaxtı ilə saat 20:55-də, digər qarşılaşmalar isə saat 23:00-da başlayacaq.xeber100.com

Azərbaycan millisi Rusiya yığması ilə qarşılaşıb

Oktyabrın 2-də qadın voleybolçulardan ibarət Azərbaycan millisi Yaponiyada keçirilən dünya çempionatında Rusiya yığması ilə qarşılaşıb.Azərtac xəbər verir ki, oyun Rusiya voleybolçularının 3:0 (25:21, 25:21, 25:22) hesablı qələbəsi ilə başa çatıb.Baş məşqçi Faiq Qarayevin yetirmələri hazırda üç xalla “C” qrupunda dördüncü sıradadırlar. Rusiya bu qalibiyyətdən sonra xallarını səkkizə çatdıraraq qrupda liderliyə yüksəlib. Tur çərçivəsində qrupun digər oyunlarında Trinidad və Tobaqo komandası Tailand yığması ilə görüşür. Dünya çempionu ABŞ voleybolçuları isə bu gün Koreya Respublikası ilə üz-üzə gələcək.Qeyd edək ki, Azərbaycan millisi oktyabrın 3-də Trinidad və Tobaqo yığması ilə görüşəcək. Qarşılaşma Bakı vaxtı ilə saat 08:40-da başlayacaq.“C” qrupunda Azərbaycan, Rusiya, ABŞ, Tailand, Trinidad və Tobaqo, Koreya Respublikası yığmaları mübarizə aparırlar.xeber100.com

UEFA Çempionlar Liqasının əsas təsnifat mərhələsində

FIFA referimiz Elçin Səmədli beynəlxalq oyunlara təyinat alıb.Azərtac xəbər verir ki, o, futzal üzrə UEFA Çempionlar Liqasının əsas təsnifat mərhələsinin 4-cü qrupunda keçiriləcək oyunları idarə edəcək.“Sportinq” (Portuqaliya), “Kayrat” (Qazaxıstan), “Lida” (Belarus) və “Feniks” (Kosovo) komandalarının mübarizə aparacağı bu qrupun oyunları oktyabrın 3-dən 6-dək Kosovoda keçiriləcək.xeber100.com

Ümumdünya Boks Şurasının 56-cı konqresinə start verilib

Ümumdünya Boks Şurasının (WBC) 56-cı konqresinə start verilib. Kiyevdə təşkil olunan tədbirdə “Qəbələ” idman klubunun boks bölməsinin rəhbəri Fariz Məmmədov da iştirak edir. Azərbaycanın peşəkar boks üzrə ilk dünya çempionu tədbirə fəxri qonaq qismində dəvət olunub.Azərtac xəbər verir ki, konqresə 160 ölkədən 700-dən artıq qonaq qatılıb. Fəxri qonaqlar arasında Lennoks Lyuis, Evander Holifild, Oskar de la Xoyya, Xulio Sezar Çaves kimi dünya boksunun əfsanələri də yer alıblar. Konqresin Təşkilat Komitəsinin rəhbəri isə ukraynalı Vitali Kliçkodur.Tədbirin ilk günündə bir sıra görüşlər təşkil olunub. Tanınmış boksçular konqres çərçivəsində təşkil olunan “Əfsanələrlə birlikdə” beynəlxalq turnirinin iştirakçılarının açıq məşqinə qatılıblar. Fariz Məmmədov müxtəlif illərdə dünya çempionu olan əfsanələr ukraynalı Vladimir Kliçko, böyük britaniyalı Amir Xan, meksikalı Xulio Sezar Çaves, ABŞ təmsilçiləri Evander Holifild, Şon Porter, Marvin Haqler, panamalı Roberto Dyuran və digər ulduzlarla görüşüb.Konqresin rəsmi açılış mərasimi, həmçinin Vitali Kliçko və əfsanələrdən birinin iştirakı ilə mətbuat konfransı da təşkil olunub. Oktyabrın 2-də isə ukraynalı əfsanə ulduz qonaqlarla uşaqlara yardım evində olacaq. Ardınca bokssevərlər üçün ulduzlardan avtoqraf almaq imkanı yaradılacaq. Konqres oktyabrın 5-dək davam edəcək.xeber100.com

“Milan” futbol klubunun yeni fan-klubu yaradılıb

İtaliyanın “Milan” futbol klubunun Bakıda yeni fan-klubu yaradılıb.Azərtac xəbər verir ki, artıq klubun rəsmi saytı da fəaliyyətə başlayıb - acmilam.az. Sayt iki dildə fəaliyyət göstərir. Saytda fan-klub haqqında ətraflı məlumat əldə etmək mümkündür.xeber100.com

“Qəbələ” idman klubunun kikboksçusu növbəti qələbəsini qazanıb

Azərbaycanın və “Qəbələ” idman klubunun kikboksçusu Alim Nəbiyev növbəti qələbəsini qazanıb.Azərtac xəbər verir ki, idmançımız “Glory” seriyalı yarışda uğur əldə edib. O, Hollandiyanın paytaxtı Amsterdamda təşkil olunan “Glory59” döyüş gecəsindən qələbə ilə ayrılıb. A.Nəbiyev “Yohan Kroyff Arena”da hollandiyalı Eyevan Danenberqlə üz-üzə gəlib. “Glory” reytinqinin 2-cisi olan kikboksçumuz bu siyahıda 4-cü olan rəqibinin müqavimətini qıraraq, döyüşü qalib kimi tərk edib.Bu, Alimin nüfuzlu seriyada keçirdiyi 5-ci döyüşdə 4-cü qələbəsi olub. Ümumilikdə isə A.Nəbiyev 57-ci döyüşündə 50-ci dəfə qalib gəlib.xeber100.com

“Barselona”nın futbolçusu La Liqanın 7-ci turunda

"Barselona"nın futbolçusu Lionel Messi La Liqanın 7-ci turunda "Atletik"lə 1:1 hesabı ilə heç-heçə etdikləri matçdan sonra fikirlərini bildirib.Milli.az xəbər verir ki, argentinalı forvard İspaniya mətbuatına açıqlamasında müdafiədə güclü olmadıqlarını deyib:"Mövsümün əvvəlidir hələ. Son həftələrdə aldığımız nəticələr gözlənilməz oldu. Müdafiə xəttimiz daha güclü olmalıdır. Hər oyunda qapımızdan top buraxsaq, oyunları qazana bilmərik"."Barselona" son həftələrdəki xal itkilərinə baxmayaraq, 14 xalla turnir cədvəlində Real-la 1-2-ci yerləri bölüşür.xeber100.com