Milli Gimnastika Arenasında cüdo üzrə dünya çempionatı keçiriləcək

Sentyabrın 20-dən 27-dək Bakıdakı Milli Gimnastika Arenasında cüdo üzrə dünya çempionatı keçiriləcək.Azərtac xəbər verir ki, artıq 133 ölkə mundialda iştirakını təsdiqləyib.Bakıda 828 cüdoçu tatami üzərinə çıxacaq.Dünya çempionatında ölkəmizi 9 kişi və 6 qadın cüdoçu təmsil edəcək.Qeyd edək ki, dünya çempionatına bilet satışı davam edir. Yarış üçün biletləri “ASAN xidmət” mərkəzlərindən, şəhərimizin bütün kassalarından, eləcə də onlayn qaydada “iTicket.az” saytından almaq olar.Biletlərin qiyməti kateqoriyalara uyğun olaraq səhər yarışları üçün 1,5, VIP yerlərə 25, final mərhələsi üçün isə 2 və 10, VIP yerlərə 50 manatdır.Çempionatda 150-dək ölkədən cüdoçuların iştirakı gözlənilir. Dünya çempionatının təntənəli açılış mərasimi sentyabrın 20-də saat 15:00-da keçiriləcək.xeber100.com

Türkiyə Superliqasında növbəti oyunlar keçirilib

Türkiyə Superliqasında 4-cü turun növbəti oyunları keçirilib.Milli.az-ın məlumatına görə, matçlarda aşağıdakı nəticələr qeydə alınıb. "Trabzonspor" - "Qalatasaray" - 4:0 Qollar: Onazi, 3, Nvakaeme, 25, 45, Ekuban, 90 Qırmızı vərəqə: Belhanda, 30 ("Qalatasaray") "Fənərbağça" - "Kayserispor" - 2:3 Qollar: Ayyu, 13 (1:0), Mensah, 52 (1:10, Silmani, 57 (2:1), Skrtel, 61-avtoqol (2:2), Şeri, 69 (2:3) Qırmızı vərəqə: Cinaz, 82 ("Kayserispor") "Akhisar" - "Sivasspor" - 1:1 Qollar: Kone, 46 (0:1), Reqattin, 82 (1:1) "Alanyaspor" - "Göztepe" - 1:0 Qol: Maniatis, 72 31 avqust "Yeni Malatyaspor" - "Konyaspor" - 0:1 Qol: Miloşeviç, 14 2 sentyabr "Erzurumspor" - "Başakşəhər" "Kasımpaşa" - "Ankaragücü" "Antalyaspor" - "Rizespor" "Bursaspor" - "Beşiktaş".xeber100.com

İngiltərə Premyer Liqasının 4-cü turunda…

Mövsümə uğurlu start verən "Liverpul" ardıcıl 4-cü qələbəsini qazanıb.Milli.az xəbər verir ki, İngiltərə Premyer Liqasının 4-cü turunun açılış oyununda səfərdə "Lester"in qonağı olan Yurgen Kloppun komandası rəqibini 2:1 hesabı ilə məğlub edib. Mersisaydlıların heyətində 10-cu dəqiqədə Sadio Mane, 45-ci dəqiqədə Roberto Firmino fərqləniblər. "Lester"in yeganə qolunu isə komandanın yeni transferi Raşid Gezzal vurub. Bu qol eyni zamanda "Liverpul"un yeni mövsümdə qapısından buraxdığı ilk top olub.Qeyd edək ki, 4 turdan sonra maksimum nəticə göstərən "Liverpul" 12 xalla turnir cədvəlinə başçılıq edir.xeber100.com

“Vorskla” – “Qarabağ” oyununun stadionu dəqiqləşib

Avropa Liqasının E qrupunda keçiriləcək "Vorskla" - "Qarabağ" oyununun stadionu dəqiqləşib.Milli.az xəbər verir ki, görüş Aleksey Butovski adına Vorskla stadionunda oynanılacaq. Artıq sözügedən arena Poltava təmsilçisinin Avroliqada ev oyunlarını keçirəcəyi stadion kimi təsdiqlənib.Qeyd edək ki, "Qarabağ", "Arsenal" və "Sportinq"lə E qrupunda mbarizə aparacaq "Vorskla" evdə ilk oyununu ikinci turda "Sportinq"ə qarşı keçirəcək. Vorskla stadionunda "Qarabağ"la oyun isə noyabrın 9-da olacaq.xeber100.com

2018/2019 mövsümünün püşkü atılıb

Avropa Liqasında 2018/2019 mövsümünün püşkü atılıb.Milli.az xəbər verir ki, Monakoda keçirilən püşkatma mərasimində təmsilçimiz "Qarabağ"ın da rəqibləri müəyyənləşib.Ağdam klubu İngiltərənin "Arsenal", Portuqaliyanın "Sportinq" və Ukraynanın "Vorskla" klubları ilə "E" qrupunda mübarizə aparacaq.xeber100.com

“Real” futbol klubu yeni transferini təqdim edib

"Real" yeni transferini təqdim edib.Milli.Az xəbər verir ki, "kral klubu" "Lion"dan Mariano Diası transfer edib. Gənc futbolçu ilə 5 illik müqavilə imzalanıb. Dias "Real"da 7 nömrəli formanı geyəcək.Qeyd edək ki, Madrid klubunda daha öncə bu formanı mövsümlərarası fasilədə "Yuventus"a transfer olan Kristiano Ronaldu geyirdi.xeber100.com

Türkiyə klubu misirli oyunçunun transfer hüququnu əldə edə bilər

Türkiyənin "Başakşəhər" klubu heyətini yeni futbolçu ilə gücləndirib. Milli.Az xəbər verir ki, Super Liqa təmsilçisi misirli sol cinah müdafiəçisi Kərim Hafezi sıralarına qatıb. Bu barədə klubun mətbuat xidməti məlumat yayıb.22 yaşlı futbolçu ölkəsinin "Vadi Deqla" klubundan 1 illik icarəyə götürülüb. Lakin mövsümün sonunda Türkiyə klubu misirli oyunçunun transfer hüququnu da əldə edə bilər.Hafez ötən mövsümü Fransanın 2-ci liqa təmsilçisi "Lans"da keçirib. O, bu komandada 20 oyuna çıxıb, 2 qola imza atıb.xeber100.com

“Galatasaray” futbol klubu daha bir futbolçuyla yollarını ayırıb

"Galatasaray" daha bir futbolçuya "qapını göstərib".Milli.Az xəbər verir ki, "sarı qırmızılar" Tolqa Ciyerci ilə yollarını ayırıb. 26 yaşlı türk əsilli yarımmüdafiəçinin müqaviləsi qarşılıqlı razılıq əsasında ləğv edilib. Futbolçu 2 milyon avro məvacibindən yalnız 75 min avonu almağa razılaşıb.Tolqa 2016-cı ilin yazında 3 milyon avro qarşılığında "Herta"dan transfer edilmişdi. O, İstanbul klubunun heyətində 42 oyuna 6 qol vurub.xeber100.com

İngiltərə millisinin dünya çempionatı üçün heyəti açıqlanıb

Cüdo üzrə İngiltərə milli komandasının sentyabrın 20-də Bakıda start götürəcək dünya çempionatı üçün heyəti açıqlanıb.Azərtac xəbər verir ki, yığmanın tərkibinə 14 cüdoçu daxil edilib. Onlardan 3-ü kişilərin, 9-u qadınların fərdi yarışlarına qatılacaq. Daha 2 kişi cüdoçu isə bu idmançılarla birgə qarışıq yarışlarda iştirak üçün nəzərdə tutulub.Milli komandanın heyətinə kişilərdən Eşli Makkenzi (60 kq), Stüart Makvot (81 kq), Maks Stüart (90 kq), qadınlardan Çelsi Gilz (52 kq), Nekoda Smit-Devis (57 kq), Alis Şlezinger, Emi Livsi (hər ikisi - 63 kq), Selli Konvey, Cemma Hauell (hər ikisi - 70 kq), Natali Pauell, Keti Cemima Yits-Braun (hər ikisi – 78 kq), Sara Adlinqton (+78 kq), kişilər arasında qarışıq yarışlarda çıxış etmək üçün isə Denni Uilyams (73 kq) və Uesli Qrinic (90 kq-dan yuxarı) daxil ediliblər.Komandanın üzvləri arasında 2012-ci il London Yay Olimpiya Oyunlarının iştirakçısı Denni Uilyams, Rio Olimpiadasının bürünc mükafatçısı Selli Konvey, həmçinin 2017-ci ildə Budapeştdə keçirilmiş dünya çempionatının bürünc medalçıları Nekoda Smit-Devis və Natali Pauell də var.İyirmi doqquz yaşlı Denni Uilyams 2011-ci ildən sonra ilk dəfə dünya çempionatında çıxış edəcək. Çelsi Gilz, Keti Cemima Yits-Braun və Uesli Qrinic isə ilk dəfə dünya çempionatında mübarizə aparacaqlar.Qeyd edək ki, Milli Gimnastika Arenasında keçiriləcək dünya çempionatına sentyabrın 27-də yekun vurulacaq.xeber100.com

UEFA Çempionlar Liqasının qrup mərhələsində

Avqustun 28-də UEFA Çempionlar Liqasının qrup mərhələsinə vəsiqə qazanan ilk üç iştirakçının adı bəlli olub.Azərtac xəbər verir ki, səfərdə Macarıstanın "Vidi" klubuna 2:1 hesabı ilə qalib gələn Yunanıstan təmsilçisi AEK doğma meydanda ilk oyunda əldə etdiyi üstünlüyünü qoruya bilib. Qarşılaşma 1:1 hesablı heç-heçə ilə başa çatıb və iki oyunun nəticəsinə görə AEK Avropanın ən nüfuzlu klub turnirinin qrup mərhələsinə yüksəlib.Səfərdə “Yanq Boyz” klubu ilə heç-heçə edən Xorvatiyanın "Dinamo Zaqreb" klubu doğma meydanda 2:1 hesabı ilə məğlub olaraq Çempionlar Liqasında mübarizəni dayandırıb.Günün üçüncü qarşılaşması isə Ukraynanın "Olimpiyski" stadionunda “Dinamo Kiyev” və Hollandiyanın "Ayaks" klubları arasında baş tutub. Görüş qolsuz heç-heçə ilə başa çatıb. Hollandiya təmsilçisi iki oyun nəticəsinə əsasən qrup mərhələsinə vəsiqə qazanıb.Qeyd edək, Çempionlar Liqasının play-off mərhələsində məğlub olan klublar ("Vidi", "Dinamo Kiyev", "Dinamo Zaqreb") UEFA Avropa Liqasının qrup mərhələsində mübarizə aparacaqlar.xeber100.com