İngiltərə millisinin dünya çempionatı üçün heyəti açıqlanıb

Cüdo üzrə İngiltərə milli komandasının sentyabrın 20-də Bakıda start götürəcək dünya çempionatı üçün heyəti açıqlanıb.Azərtac xəbər verir ki, yığmanın tərkibinə 14 cüdoçu daxil edilib. Onlardan 3-ü kişilərin, 9-u qadınların fərdi yarışlarına qatılacaq. Daha 2 kişi cüdoçu isə bu idmançılarla birgə qarışıq yarışlarda iştirak üçün nəzərdə tutulub.Milli komandanın heyətinə kişilərdən Eşli Makkenzi (60 kq), Stüart Makvot (81 kq), Maks Stüart (90 kq), qadınlardan Çelsi Gilz (52 kq), Nekoda Smit-Devis (57 kq), Alis Şlezinger, Emi Livsi (hər ikisi - 63 kq), Selli Konvey, Cemma Hauell (hər ikisi - 70 kq), Natali Pauell, Keti Cemima Yits-Braun (hər ikisi – 78 kq), Sara Adlinqton (+78 kq), kişilər arasında qarışıq yarışlarda çıxış etmək üçün isə Denni Uilyams (73 kq) və Uesli Qrinic (90 kq-dan yuxarı) daxil ediliblər.Komandanın üzvləri arasında 2012-ci il London Yay Olimpiya Oyunlarının iştirakçısı Denni Uilyams, Rio Olimpiadasının bürünc mükafatçısı Selli Konvey, həmçinin 2017-ci ildə Budapeştdə keçirilmiş dünya çempionatının bürünc medalçıları Nekoda Smit-Devis və Natali Pauell də var.İyirmi doqquz yaşlı Denni Uilyams 2011-ci ildən sonra ilk dəfə dünya çempionatında çıxış edəcək. Çelsi Gilz, Keti Cemima Yits-Braun və Uesli Qrinic isə ilk dəfə dünya çempionatında mübarizə aparacaqlar.Qeyd edək ki, Milli Gimnastika Arenasında keçiriləcək dünya çempionatına sentyabrın 27-də yekun vurulacaq.xeber100.com

UEFA Çempionlar Liqasının qrup mərhələsində

Avqustun 28-də UEFA Çempionlar Liqasının qrup mərhələsinə vəsiqə qazanan ilk üç iştirakçının adı bəlli olub.Azərtac xəbər verir ki, səfərdə Macarıstanın "Vidi" klubuna 2:1 hesabı ilə qalib gələn Yunanıstan təmsilçisi AEK doğma meydanda ilk oyunda əldə etdiyi üstünlüyünü qoruya bilib. Qarşılaşma 1:1 hesablı heç-heçə ilə başa çatıb və iki oyunun nəticəsinə görə AEK Avropanın ən nüfuzlu klub turnirinin qrup mərhələsinə yüksəlib.Səfərdə “Yanq Boyz” klubu ilə heç-heçə edən Xorvatiyanın "Dinamo Zaqreb" klubu doğma meydanda 2:1 hesabı ilə məğlub olaraq Çempionlar Liqasında mübarizəni dayandırıb.Günün üçüncü qarşılaşması isə Ukraynanın "Olimpiyski" stadionunda “Dinamo Kiyev” və Hollandiyanın "Ayaks" klubları arasında baş tutub. Görüş qolsuz heç-heçə ilə başa çatıb. Hollandiya təmsilçisi iki oyun nəticəsinə əsasən qrup mərhələsinə vəsiqə qazanıb.Qeyd edək, Çempionlar Liqasının play-off mərhələsində məğlub olan klublar ("Vidi", "Dinamo Kiyev", "Dinamo Zaqreb") UEFA Avropa Liqasının qrup mərhələsində mübarizə aparacaqlar.xeber100.com

“Qarabağ” və “Şerif” komandaları arasında cavab matçı keçiriləcək

Avqustun 30-da Bakıda, Tofiq Bəhramov adına stadionunda Avropa Liqasının pley-off raundunda Azərbaycanın “Qarabağ” və Moldovanın “Şerif” komandaları arasında cavab matçı keçiriləcək.Cavab matçını makedoniyalı hakimlər briqadası idarə edəcək. Bu görüşün baş hakimi makedoniyalı Aleksandr Stavrev olacaq. Ona Maryan Kirovski, Deyan Kostandinov və Dimitar Mekarovski kömək edəcəklər.Xatırladaq ki, görüş Bakı vaxtilə saat 21:00-da başlanacaq.xeber100.com

Yaponiya Cüdo Federasiyasının məlumatı əsasında…

Cüdo üzrə Yaponiya millisinin sentyabrın 20-də Bakıda start götürəcək dünya çempionatı üçün heyəti açıqlanıb.Azərtac Yaponiya Cüdo Federasiyasının saytına istinadla xəbər verir ki, yarışın favoritlərindən sayılan gündoğar ölkə təmsilçisi Azərbaycana 22 cüdoçu ilə gələcək. Onlardan 7-si ötən il Budapeştdə keçirilmiş dünya çempionatında fərdi, 4-ü isə komanda yarışlarının qalibi olub.Qeyd edək ki, Yaponiya nümayəndə heyəti ümumilikdə 43 nəfərdən ibarətdir.Cüdo üzrə dünya çempionatı sentyabrın 20-dən 27-dək Milli Gimnastika Arenasında keçiriləcək.xeber100.com

Türkiyə Superliqasının üçüncü turunun növbəti oyununda

Futbol üzrə Türkiyə Superliqasının üçüncü turunun növbəti oyununda “Başakşehir” komandası doğma meydanda “Akhisar” klubunu qəbul edib.Azərtac xəbər verir ki, gərgin idman mübarizəsi şəraitində keçən matç ev sahiblərinin 3:1 hesablı qələbəsi ilə başa çatıb.Görüşün 9-cu dəqiqəsində meydan sahiblərinin heyətində Edin Viska hesabı açıb – 1:0. Bundan 19 dəqiqə sonra qonaq komandanın futbolçusu Elvis Manu hesabı bərabərləşdirib - 1:1.Fasilədən sonra da oyun İstanbul təmsilçisinin üstünlüyü şəraitində keçib. Matçın 70-ci dəqiqəsində Riad Bajiç komandasını hesabda irəli çıxarıb - 2:1. Oyuna əlavə edilmiş dəqiqələrdə isə Manuel Da Kosta hesab arasındakı fərqi artırıb - 3:1.Beləliklə, Abdulla Avcının baş məşqçisi olduğu komanda bu qələbə sayəsində xallarının sayını 6-ya çatdıraraq çempionatda üçüncü sıraya yüksəlib.Qeyd edək ki, bu tur çempionluq uğrunda mübarizə aparan komandalardan “Fənərbağça”, “Trabzonspor” və “Beşiktaş” rəqibləri ilə keçirdikləri oyunlarda məğlub olaraq vacib xallar itiriblər.xeber100.com

Beynəlxalq Cüdo Federasiyası konfrans keçirəcək

Beynəlxalq Cüdo Federasiyasının (IJF) gender bərabərliyi üzrə komissiyası cüdoda qadınlar və kişilər arasında bərabərlik məsələlərinə dair ilk konfransı Bakıda keçirməyi planlaşdırır.Azərtac IJF-in rəsmi saytına istinadla xəbər verir ki, tədbir dünya çempionatından əvvəl qurumun yarışlar üzrə meneceri Liza Allanın sədrliyi ilə təşkil ediləcək.Konfransda IJF-in prezidenti Marius Vizerin, rumıniyalı deputat Rozalia-İbolya Bironun, Xorvatiya Cüdo Federasiyasının prezidenti Sanda Çorakın, Avstraliya Cüdo Federasiyasının prezidenti Keyt Korkerinin, yaponiyalı Akiko Amanonun, braziliyalı Yuko Fujinin, kosovolu Driton Kukanın və Maylinda Kelmendinin, avstriyalı Sabrina Filzmoserin və digər şəxslərin iştirakı planlaşdırılır.Konfransın sentyabrın 19-da “Hilton” otelində keçirilməsi nəzərdə tutulur.Qeyd edək ki, cüdo üzrə dünya çempionatı sentyabrın 20–27-də Bakıda, Milli Gimnastika Arenasında təşkil olunacaq.xeber100.com

İngiltərə Premyer Liqasının növbəti turuna yekun vurulub

İngiltərə Premyer Liqasının üçüncü turuna yekun vurulub.Azərtac xəbər verir ki, "Old Traford" stadionunda keçirilən qarşılaşmada meydan sahibi "Mançester Yunayted" "Tottenhem" klubunu qəbul edib. İlk dəqiqələrdən hər iki komandanın təhlükəli vəziyyətlərinə baxmayaraq birinci hissədə hesab dəyişilməyib.Fasilədən sonra daha üstün oyun nümayiş etdirən London təmsilçisi hesabı açıb. Belə ki, matçın 50-ci dəqiqəsində Kiran Trepyerin künc ötürməsini "Tottenhem" klubunun əsas qol silahı sayılan Hari Keyn dəqiq baş zərbəsi ilə tamamlayıb - 1:0. Qoldan sonra irəli atılan Joze Mourinyonun yetirmələri qarşılaşmanın 52-ci dəqiqəsində qapısında növbəti qolu görüblər. Lukas Maura fərdi ustalıqı sahəsində hesab arasındakı fərqi iki topa çatdırıb – 2:0.Bu, oyunda son qol olmayıb. "Qırmızı şeytan"ları əks hücumda yaxalayan Maurisiyo Pereqrinin yetirmələri oyunun 84-cü dəqiqəsində hesabı artırıb. Lukas Maura özünün ikinci komandasının üçüncü topun vuraraq adını tabloya yazdırıb – 3:0.Mançester şəhərinin təmsilçisinin oyunun sonuna kimi bir neçə əlverişli vəziyyətlər yaratsa da, "Tottenhem" klubunun müdafiəsini keçmək mümkün olmayıb. Beləliklə, görüş "Tottenhem" klubunun 3:0 hesabı ilə qələbəsi ilə başa çatıb.Qeyd edək ki, bu komandalar arasında ilk oyun 1899-cu ilə təsadüf edir. Həmin görüşdə hər iki komanda heç-heçəyə razı olublar 1:1. Ümumilikdə isə hər iki komandalar İngiltərə Premyer Liqasında bu vaxta kimi 154 dəfə qarşılaşıblar, 78 oyunda “Mançester Yunayted”, 37 görüşdə isə “Tottenhem” klubu qalib gəlib. Otuz doqquz oyun isə heç-heçə başa çatıb.“Mançester Yunayted” klubu Mançester şəhərinin dəmiryol fəhlələri tərəfindən 1878-ci ildə “Newton Heath FK” adı altında yaradılıb. Klubun ilk rəngləri yaşıl və qızılı olub. 1892-ci ildə klub Futbol liqasına daxil olur və dəmiryol stansiyasından ayrılaraq müstəqil fəaliyyətə başlayır. Komanda 1902-ci ildə 2500 funt-sterlinqdən çox borcla iflas həddinə çatır. Klubu iflasdan yerli pivə istehsalçısı Con Henri Deyvis xilas edir. O, komandanın yeni prezidenti olur. Həmin ildə klubun adı dəyişdirərək “Mançester Yunayted” olur. Eyni zamanda, klubun forma rəngləri yaşıl-qızılıdan, qırmızı-ağa dəyişdirilir. “Mançester Yunayted” 20 dəfə İngiltərə Premyer Liqasının, üç dəfə UEFA Çempionlar Liqasının, bir dəfə UEFA Super kubokunun, 11 dəfə İngiltərə FA kubokunu və beş dəfə İngiltərə kubokunun qalibidir. Klubun tarixində ən çox qol vuran oyunçusu İngiltərə millisinin sabit hücumçusu Uyen Runidi. O, 559 oyuna 253 qol vurub. Ən çox oyun keçirən oyunçu isə Rayan Qiqsdı (963 oyun).“Tottenhem Hotspur” futbol klubu 1882-ci ildə All Hallows kilsəsinin İncil sinfinin qrammatika bölməsindəki tələbələr tərəfindən yaradılmışdı. Bu tələbələr, eyni zamanda, “Hotspur Kriket” klubunun üzvləri idi. 1884-cü ildə klub “London Hotspur” klubu ilə birləşərək “Tottenhem Football and Athletic club” adlandırıldı. “Tottenhem” İngiltərədə 1960/1961-ci illər mövsümündə həm İngiltərə Liqasını, həm də İngiltərə kubokunu qazanmağı bacarmış ilk komandadır. Həmçinin 1963-cü ildə Kuboklar Kubokunu Avropada qazanan ilk ingilis komandası olub. “Tottenhem” ikiqat İngiltərə Premyer Liqasının qalibidir. Klub, həmçinin səkkiz dəfə İngiltərə Federasiya kubokunu, dörd dəfə İngiltərə kubokunu, yeddi dəfə İngiltərə Super kubokunu və iki dəfə UEFA Avropa Liqasının qalibi olub.xeber100.com

Avropa çempionatının seçmə mərhələsi çərçivəsində

Avropa çempionatının seçmə mərhələsi çərçivəsində sentyabrın 6-da Bakıda İsrail, 11-də isə Norveç yığmaları ilə qarşılaşacaq 21 yaşadək futbolçulardan ibarət Azərbaycan millisi bu gündən təlim-məşq toplanışına başlayıb.Azərtac xəbər verir ki, yığmanın toplanışına və oyunlar üçün heyətinə aşağıdakı futbolçular daxil ediliblər: Kamran İbrahimov (Neftçi), Aydın Bayramov (Sabah), Nicat Mehbalıyev (Qarabağ), Amin Seydiyev (Qəbələ), Ömər Buludov (Neftçi), İbrahim Hüseynov (Qarabağ), Bəhlul Mustafazadə (Qəbələ), Anton Krivotsyuk (Neftçi), Yusif Nəbiyev (Sumqayıt), Elvin Sərkərov (Neftçi), Sərtan Taşkın (Keşlə), İlkin Muradov (Zirə), Murtuz Abakarov (Səbail), İsmayıl İbrahimli (Qarabağ), Qismət Alıyev (Qəbələ), Budağ Nəsirov (Zirə), Hacıağa Hacılı (Qarabağ), Fəhmin Muradbəyli (Səbail), Ziya Əzizov (NEC Nijmegen (Hollandiya)), Ozan Can Kökcü (Giresunspor (Türkiyə)), Fərid Nəbiyev (SK Slavia Praha (Çexiya)), Barış Ekincier (VfL Bochum 1848 (Almaniya)), Murad Mahmudov (Eintracht Frankfurt (Almaniya)), Renat Dadaşov (Estoril FC (Portuqaliya)), Ülvi İsgəndərov (Sumqayıt).xeber100.com

İspaniya La Liqasının ikinci turun oyunları keçirilib

Avqustun 26-da İspaniya La Liqasının ikinci turun oyunları keçirilib.Azərtac xəbər verir ki, maraqla gözlənilən oyunlardan biri "Estadi Montilivi" stadionunda keçirilib. "Jirona" "Real Madrid" klubunu qəbul edib. Qarşılaşma Madrid təmsilçilərinin 4:1 hesablı qələbəsi ilə başa çatıb. "Kral" klubunun heyətində Serxio Ramos (onbirmetrlik), Kərim Benzema (2) və Qaret Beyl, "Jirona"nın heyətində isə Borja Qarsiya fərqləniblər.Günün digər oyunlarında aşağıdakı nəticələr qeydə alınıb: Xetafe" - "Eybar" - 2:0 "Leqanes" - "Real Sosyedad " - 2:2 "Deportivo Alaves" - "Real Betis" - 0:0 "Atletiko Madrid" - "Rayo Valekano" - 1:0 "Real Valyadolid" - "Barselona" - 0:1 "Espanyol" - "Valensiya" - 2:0 "Sevilya" - "Vilyareal" - 0:0. Qeyd edək ki, İspaniya La Liqasının ikinci turuna avqustun 27-də keçiriləcək "Levante" - "Selta Viqo" və "Atletik Bilbao" - "Huyeska" oyunları ilə yekun vurulacaq.xeber100.com

“Yuventus” klubunun səhmləri 55,15 faiz artıb

Portuqaliyalı hücumçu Kriştiano Ronaldonun transferindən sonra Turinın “Yuventus” klubunun səhmləri 55,15 faiz artıb.Azərtac TASS informasiya agentliyinə istinadla xəbər verir ki, hazırda “Yuventus” klubunun səhmləri 1 milyard avro həcmində dəyərləndirilir. Klubun səhmlərinin birjada bu qədər yüksəlməsinin səbəbi isə futbolçunun “Yuventus” formasının satışı ilə izah edilir.Xatırladaq ki, Ronaldo bu yay İspaniyanın “Real Madrid” klubundan 112 milyon avroya “Yuventus” klubuna transfer olunub. Otuz üç yaşlı hücumçunun illik maaşı isə 30 milyon avro təşkil edir.xeber100.com