Cüdo üzrə dünya çempionatının heyəti açıqlanıb

Finlandiya millisinin Bakıda keçiriləcək cüdo üzrə dünya çempionatı üçün heyəti açıqlanıb.Azərtac xəbər verir ki, Bakı mundialında 4 finlandiyalı cüdoçu tatami üzərinə çıxacaq.Məşqçilər korpusu dünya çempionatında kişilərin yarışında Aatu Laamanen və Jaakko Alliyə (hər ikisi 90 kq) şans verəcək.Qadınların mübarizəsində isə Katri Kakko (52 kq) və Emilia Kanerva (63 kq) birincilik uğrunda mübarizə aparacaqlar.Qeyd edək ki, cüdo üzrə dünya çempionatı sentyabrın 20-dən 27-dək Bakıda keçiriləcək.xeber100.com

UEFA Millətlər Liqasının ikinci turunda…

Futbol üzrə Azərbaycan yığmasının UEFA Millətlər Liqasının ikinci turunda Malta ilə keçirəcəyi səfər oyununun hakimləri məlum olub.Azərtac xəbər verir ki, sentyabrın 10-da keçiriləcək qarşılaşmanı Montoneqrodan olan hakimlər briqadası idarə edəcək. Görüşün baş hakimi Nikola Dabanoviç olacaq. Ona Milutin Cukiç və Yovitsa Tatar kömək edəcəklər. Dördüncü hakim funksiyasını isə Aleksandar Cikanoviç yerinə yetirəcək. Milovan Milaçiç və Miloş Boşkoviç isə baş hakimin əlavə köməkçiləri qismində fəaliyyət göstərəcəklər. Oyunun hakim-inspektoru lüksemburqlu Luk Vilymas, UEFA nümayəndəsi isə ingiltərəli Qrem Hover olacaq.Azərbaycan milli komandasının Malta ilə keçirəcəyi oyun “Ta Qali Milli” stadionunda baş tutacaq. Görüş Bakı vaxtı ilə saat 22:45-də başlayacaq.xeber100.com

Badminton Federasiyası reytinq cədvəlini açıqlayıb

Beynəlxalq Badminton Federasiyası yeni reytinq cədvəlini açıqlayıb.Azərtac xəbər verir ki, Ukraynanın Xarkov şəhərində keçirilən “RSL Kharkiv International-2018" turnirində finala yüksələn badmintonçumuz Edi Reski Dviçayo siyahıda 38 pillə irəliləyib. Aktivində 11 min 900 reytinq xalı olan Dviçayo 139-cu sıradadır.Digər badmintonçumuz Ezmi Qovimuramadhoni isə reytinqdə 85 pillə irəliləyib. Hesabında 4478 xalı olan Ezmi siyahıda 286-cıdır. Edi və Ezmi cütü badmintonçuların qoşa yarışlarında da irəliləyişə nail olub. Siyahıda 9 pillə irəliləyən Edi-Ezmi tandemi 142-ci sıradadır.xeber100.com

İspaniyanın Birinci Futbol Liqasında…

İspaniyanın Birinci Futbol Liqasında (La Liqa) çıxış edən “Real Madrid” klubunun 2017-2018-ci il mövsümündəki gəliri 750,9 milyon avroya çatıb.Anadolu informasiya agentliyi xəbər verir ki, “Real Madrid” komandasının ötən mövsümlə bağlı dərc etdiyi maliyyə hesabatına əsasən, klubun fəaliyyətindən gələn gəlirlər bundan öncəki mövsümlə müqayisədə 11,3 faiz artaraq 750,9 milyon avro təşkil edib.Hesabata oyunçu transferlərindən əldə olunan qazanclar daxil edilməsə də, 76 milyon avroluq artım 2000-ci ildən bəri qeydə alınan ən yüksək göstəricidir.Borcu olmayan paytaxt təmsilçisinin ardıcıl üçüncü dəfə mövsümü gəlirlə başa vurduğu bildirilir.xeber100.com

Şahmat üzrə dünya çempionatı başlayıb

Bu gün Türkiyənin Qəbzə şəhərində yaşı 20-dən çox olmayan şahmatçı gənclər arasında dünya çempionatının birinci partiyaları oynanılacaq. Yarışların startına 65 ölkədən 268 idmançı - 168 oğlan və 100 qız çıxacaq. Yarışlar İsveçrə sistemi üzrə 11 turdan ibarət olacaq.Azərtac xəbər verir ki, yuniorlar arasında çempionatın reytinq-favoritləri Parxam Maqsudlu (2649, İran), Yorden van Foreyest (2624, Niderland) və Aleksandr Donçenkodur (2614, Almaniya).Bu turnirdə Azərbaycanı beynəlxalq ustalar Vüqar Əsədli, Ülvi Sadıxov, Məhəmməd Muradlı və Nail Başirli, FIDE ustası Kənan Qarayev və Məhəmməd İsmayılov təmsil edəcəklər.Qızların yarışında Stavrula Solakidu (Yunanıstan, 2393), Davaabemberel Nomin-Erdene (2377, Monqolustan) və Bibisara Assaubayeva (Rusiya, 2371) reytinq-favoritlər statusunda çıxış edəcəklər.Qızların yarışlarında ölkəmizi beynəlxalq qrossmeyster Aydan Höcətova, FIDE ustası Gövhər Beydullayeva və Aytac Heydərova təmsil edəcəklər.Çempionatın oyun günləri 5-9 sentyabr və 11-15 sentyabr tarixləridir.xeber100.com

“CIES Football Observatory” şirkətinin açıqlamasına əsasən…

İsveçrənin futbol statistikası ilə məşğul olan “CIES Football Observatory” şirkəti klubların 2010-2018-ci illərdə transfer bazarında fəaliyyətinin yekunlarını açıqlayıb.Azərtac xəbər verir ki, Fransanın “Monako” klubu oyunçuların satışından əldə olunan gəlirin miqdarına görə liderdir. Bu komanda 950 milyon avro qazanıb.Ən çox gəlir əldə edən klubların beşliyinə İngiltərənin “Liverpul” (683 milyon), İtaliyanın “Roma” (680 milyon), İspaniyanın “Barselona” (628 milyon) və “Real” (625 milyon) da daxildir.xeber100.com

64 xanalı dama üzrə dünya çempionatına yekun vurulub

Polşanın Mlava şəhərində xüsusi qrup insanlar arasında keçirilən 64 xanalı dama üzrə dünya çempionatına yekun vurulub.Azərtac xəbər verir ki, “Neftçi İdman Klubu”nun təmsilçisi, Azərbaycan və Avropa çempionu, beynəlxalq usta Pərviz Həsənov yarışda əzmkarlıq nümayiş etdirərək böyük uğura imza atıb. İdmançımız İsveçrə sistemi üzrə keçirilən mötəbər turnirdə 7 tura 13 xal toplayaraq (6 qələbə, 1 heç-heçə) dünya çempionatının qızıl medalına sahib olub.xeber100.com

UEFA-nın yeni təsis etdiyi Millətlər Liqasına start veriləcək

Sentyabrın 6-də UEFA-nın yeni təsis etdiyi qitə miqyaslı yeni futbol turnirinə - Millətlər Liqasına start veriləcək.Azərtac xəbər verir ki, turnirin açılış oyunu Azərbaycan milli komandasının da yer aldığı “D” liqasında baş tutacaq. Qazaxıstan millisi “Astana Arena”da Gürcüstan yığmasını qəbul edəcək. Azərbaycan yığma komandası isə sentyabrın 7-də Bakıda Kosovo millisi ilə üz-üzə gələcək.UEFA Millətlər Liqasının formatı və reqlamenti 2014-cü il dekabrın 4-də təsdiqlənib. Millətlər Liqasında çıxış edən 55 milli komanda hər birində dörd qrupun olduğu dörd liqada (“A”, “B”, “C”, “D”) mübarizə aparacaq. “A” liqasında UEFA-nın milli komandaların reytinq siyahısında ilk 12 sırada qərarlaşan yığmalar yer alıblar. Belə ki, bu liqada Almaniya, Portuqaliya, Belçika, İspaniya, Fransa, İngiltərə, İsveçrə, İtaliya, Polşa, İslandiya, Xorvatiya və Niderland yığmaları hər birində üç komanda olan dörd qrupda yarışacaqlar.UEFA-nın reytinq siyahısında 13-24-cü yerlərdə qərarlaşan digər 12 komanda - Avstriya, Uels, Rusiya, Slovakiya, İsveç, Ukrayna, İrlandiya, Bosniya və Herseqovina, Şimali İrlandiya, Danimarka, Çexiya, Türkiyə “B” liqasında hər birində üç millinin olduğu dörd qrupda mübarizə aparacaq.xeber100.com

“Qarabağ” klubunun qrup mərhələsi üçün sifariş ərizəsi müəyyənləşib

Ağdamın "Qarabağ" klubunun Avropa Liqasının qrup mərhələsi üçün sifariş ərizəsi müəyyənləşib.Azərtac UEFA-nın rəsmi saytına istinadla xəbər verir ki, Azərbaycan təmsilçisi 5 qapıçı, 9 müdafiəçi, 11 yarımmüdafiəçi və 1 hücumçu sifariş edib.Siyahıda qapıçılardan Hannes Tur Halldorsson, Şahruddin Məhəmmədəliyev, Vaqner Da Silva, Nicat Mehbalıyev, Məmməd Hüseynov, müdafiəçilərdən Qara Qarayev, Rahil Məmmədov, Maksim Medvedev, Rəşad Sadıqov, Ansi Aqolli, Abbas Hüseynov, Yakub Jezniçak, Bədavi Hüseynov, yarımmüdafiəçilərdən Simeon Slavçev, Miçel, Araz Abdullayev, Dani Kintana, Abdullah Zubir, İsmayıl İbrahimli, Filip Ozobiç, Zaur Fərzəliyev, Con Delarj, Donald Gerrye, Coşqun Diniyev, hücumçulardan isə İnnosent Emeqara və Mahir Mədətov yer alıblar.Qeyd edək ki, "Qarabağ" ilk oyununu sentyabrın 20-də Portuqaliyada "Sportinq" komandasına qarşı keçirəcək. “E” qrupunda İngiltərənin "Arsenal" və Ukraynanın "Vorskla" klubları da yer alıb.xeber100.com

Dünya Güləş Birliyinin təqvim planına əsasən…

Sentyabrın 7-dən 9-dək Polşanın paytaxtı Varşavada Dünya Güləş Birliyinin (UWW) təqvim planına əsasən, “Qran-pri” seriyasından olan “Poland Open” turniri keçiriləcək.Azərtac xəbər verir ki, yarışda ölkəmizi qadınlardan ibarət yığmamızın kapitanı Mariya Stadnik (50 kq) təmsil edəcək. Üçqat Olimpiya medalçısı, dünya və 7 qat Avropa çempionu şəxsi məşqçisi Andrey Stadnikin rəhbərliyi altında Varşavada güləşəcək.xeber100.com