Türkiyə Super Liqasının XVI turu çərçivəsində

Dekabrın 17-də futbol üzrə Türkiyə Super Liqasının XVI turu çərçivəsində növbəti oyunlar keçirilib.Azərtac xəbər verir ki, "Başakşehir" doğma meydanda "Antalyaspor"u 4:1 hesabı ilə məğlub edərək 33 xalla turnir cədvəlinin birinci pilləsinə yüksəlib. "Qalatasaray" isə səfərdə "Malatyaspor"a 1:2 hesabı ilə uduzub. Hesabında 32 xal olan "Qalatasaray" turnir cədvəlinin ikinci pilləsində qərarlaşıb."Beşiktaş" komandası isə doğma meydanda "Osmanlıspor"a böyük hesabla qalib gəlib. İstanbul təmsilçisi rəqibindən 5:1 hesabı ilə üstün olub.Turnir cədvəlində ilk üçlüyü 30 xalla "Beşiktaş" komandası qapayıb.Tura dekabrın 18-də keçiriləcək "Göztepe"-"Konyaspor" və "Fənərbağça"-"Karabükspor" oyunları ilə yekun vurulacaq.xeber100.com

“Telefoot” şousunun təqdim etdiyi mükafat uğrunda mübarizədə

PSJ futbol klubunun hücumçusu Kilian Mbappe Fransada ilin ən yaxşı gənc oyunçusu elan edilib.Azərtac xəbər verir ki, Fransanın “Telefoot” şousunun təqdim etdiyi bu mükafat uğrunda mübarizədə 18 yaşlı forvard “Mançester Yunayted” komandasından Antoni Marsyalı və “Marsel”dən Maksim Lopesi geridə qoyub.Ötən mövsümdə Mbappe “Monako” komandasının tərkibində Fransa çempionu olub və Çempionlar Liqasının yarımfinalınadək yüksəlib.Bu il yayda PSJ-yə keçən Mbappe cari mövsümün startında bütün turnirlərin 21 oyununda 11 qolun müəllifi olub.xeber100.com

“Real” Braziliya təmsilçisi “Qremio” ilə qarşılaşıb

Birləşmiş Ərəb Əmirliklərində (BƏƏ) keçirilən klublararası dünya çempionatına yekun vurulub. Apasport.az saytının məlumatına görə, həlledici görüşdə “Real” Braziliya təmsilçisi “Qremio” ilə qarşılaşıb.Matçın taleyini bir qol həll edib. Madrid klubu portuqaliyalı ulduzu Kristiano Ronaldonun vurduğu qolla çempion olub.Qeyd edək ki, üçüncülük uğrunda oyunda Meksika klubu “Paçuka” meydan sahibi “Əl Cəzirə”yə 4:1 hesabı ilə qalib gələrək bürünc medalları qazanıb.xeber100.com

“Qalatasaray” Türkiyə Superliqasının cari mövsümündə

“Qalatasaray” qış transfer dövründə heyətində dəyişikliklər etmək niyyətindədi. Apasport.az saytı “Fanatik”ə istinadən xəbər verir ki, İstanbul klubu bəzi futbolçularla yolları ayırmağa qərar verib.“Qara siyahı”ya 3 legionerin adı daxil edilib. “Sarı-qırmızılılar”ın gələcək planlarına daxil olmayan oyunçuların sırasında komandadan uzaqlaşdırılan Naycel de Yonqla yanaşı, Rayan Donk da var. Göndəriləcək digər futbolçu isə Yasmin Latovleviçi və Martin Linnesdən biri olacaq.Əvəzində diqqətlər başqa 3 əcnəbi oyunçuya yönəlib. Hazırda “Atletiko”nun müdafiəçisi Filipe Luis, “Yuventus”un formasını geyinən Kvadvo Asamoa və “Şalke”nin üzvü Yevgen Konoplyanka ilə danışıqlar aparılır.Qeyd edək ki, “Qalatasaray” Türkiyə Superliqasının cari mövsümündə 15 turdan sonra 32 xal toplayıb və turnir cədvəlində birincidi.xeber100.com

“Neftçi” futbol klubunun hazırlıq planı müəyyənləşib

"Neftçi”nin qış fasiləsindəki hazırlıq planı müəyyənləşib. Apasport.az klubun saytına istinadən xəbər verir ki, bu gündən etibarən istirahətə buraxılan komandanın üzvləri iki mərhələdən ibarət təlim-məşq toplanışı keçmək üçün yanvarın 5-də bir araya gələcəklər.Əsasən fiziki hazırlığa üstünlük veriləcək ilk mərhələ yanvarın 15-dək Bakıda təşkil olunacaq. Yanvarın 12-də yerli klublardan biri ilə yoxlama oyunu keçirilməsi nəzərdə tutulub.Yanvarın 17-dən 31-dək Türkiyənin Antalya şəhərinə yollanacaq “ağ-qaralar” Bələkdə yerləşən "Alva Donna" otelində məskunlaşacaq. Bu mərhələdə daha çox texniki və taktiki hazırlığa nəzər yetiriləcək."Neftçi”nin Türkiyədə 5 yoxlama oyunu keçirməsi planlaşdırılır. Tərlan Əhmədovun yetirmələri yanvarın 22-si Rusiyanın “SKA-Xabarovsk”, 25-i Rumıniyanın "Konkordiya” və Ukraynanın "Çernomorets”, 27-də isə Rusiyanın "Krılya Sovetov” klubları ilə qarşılaşacaq.Təlim məşq-toplanışında yanvarın 30-u nəzərdə tutulan görüşə isə rəqib dəqiqləşəndən sonra məlumat veriləcək.Qeyd edək ki, “Neftçi”nin sınaqçı rəqiblərindən olan “SKA-Xabarovsk”da “ağ-qaralar”ın sabiq futbolçusu Georgi Navalovski oynayır.xeber100.com

“Forbes” jurnalı reytinq siyahısını tərtib edib

Məşhur “Forbes” jurnalı tarixin ən çox qazanan idmançılarının reytinq siyahısını tərtib edib.Apasport.az saytının məlumatına görə, 25 nəfərin yer aldığı siyahıda idmançıların həm peşəkar müqavilələrdən, həm də sponsor anlaşmalarından toplam qazancları qeyd edilib.Maraqlıdır ki, sözügedən reytinq cədvəlinə bütün zamanların yaxşı basketbolçusu hesab edilən Maykl Cordan başçılıq edir. O, ümumilikdə 1.85 milyard dollar qazanıb.25 nəfərlik siyahını diqqətinizə çatdırırıq. 1. Maykl Cordan (basketbol) – 1.85 milyard dollar 2. Tayger Vuds (qolf) – 1.7 milyard 3. Arnold Palmer (qolf) – 1.4 4. Cek Niklaus (qolf) – 1.3 5. Mixail Şumaxer (Formula 1) – 1 6. Fil Mikelson (qolf) – 815 milyon 7-8. Kobe Brayant (basketbol), Devid Bekhem (futbol) – 800 9. Floyd Mayvezer (boks) – 785 10. Şakil O`Nil (basketbol) – 735 11. Lebron Ceyms (basketbol) – 735 12. Kriştianu Ronaldo (futbol) – 725 13. Qreq Norman (qolf) – 705 14. Mayk Tayson (boks) – 700 15. Roje Federer (tennis) – 675 16. Lionel Messi (futbol) – 600 17. Aleks Rodrigez (beyzbol) – 575 18. Ceff Qordon (ralli) – 525 19. Oskar De La Hoya (boks) – 520 20. Menni Pakyao (boks) – 510 21. Derek Citer (beyzbol) – 490 22-23. Peyton Menninq (Amerika futbol), Kevin Qarnet (basketbol) – 480 24. Evander Holifild (boks) – 475 25. Andre Aqassi (tennis) – 470.xeber100.com

Hava və Ekstremal İdman Növləri Federasiyasının təşkilatçılığı ilə…

Azərbaycan Hava və Ekstremal İdman Növləri Federasiyasının (FAIREX) təşkilatçılığı ilə dekabrın 23-24-də draytulinq üzrə ölkə çempionatı keçiriləcək.FAIREX-dən Azərtac-a bildiriblər ki, çempionat Beynəlxalq Dağçılıq və Dırmanma Federasiyasının qaydaları əsasında “ClimBaku” idman dırmanması mərkəzində təşkil ediləcək.Çempionata qatılmaq istəyən şəxslər dekabrın 20-dək qeydiyyatdan keçə bilərlər. Turnirdə 14 yaşdan yuxarı şəxslər iştirak edə bilərlər.xeber100.com

Futbol üzrə Azərbaycan kubokunun sonuncu yarımfinalçıları müəyyənləşəcək

Dekabrın 15-də futbol üzrə Azərbaycan kuboku yarışının dörddəbir final mərhələsinin növbəti cavab oyunları keçiriləcək.Azərtac xəbər verir ki, günün ilk qarşılaşması “Bayıl Arena”da “Səbail” və “Qəbələ” klubları arasında oynanılacaq. Bu kollektivlərin Qəbələdəki görüşündə meydan sahibləri qalib gəliblər - 1:0. Oyunun qalibi yarımfinalda “Neftçi” komandası ilə qarşılaşacaq.Növbəti matçda “Kapital Bank Arena”da Ağdamın “Qarabağ” komandası səfərdə “Sumqayıt”ın qonağı olacaq. Ağdam klubu ilk görüşdə Sumqayıt təmsilçisinə 2:1 hesabı ilə qalib gəlib. Bu cütün qalibi yarımfinalda “Keşlə”nin rəqibi olacaq.Bu iki oyunun nəticələri Azərbaycan kubokunun son iki yarımfinalçısını müəyyənləşdirəcək.Azərbaycan kuboku uğrunda yarışların dekabrın 14-də oynanılan cavab qarşılaşmalarının nəticəsində “Neftçi” və “Keşlə” kollektivləri yarımfinala vəsiqə qazanıblar.xeber100.com

“Kəpəz” futbol klubu hazırlığını Antalyada davam etdirəcək

Azərbaycan Premyer Liqasında yaranan qış fasiləsi ilə əlaqədar olaraq “Kəpəz”in üzvləri istirahətə buraxılıb.Klubdan Azərtac-a bildiriblər ki, komandanın tətil günləri gələn il yanvarın 4-dək davam edəcək. Sonrakı iki gün ərzində Bakıda tibbi müayinədən keçəcək futbolçular yanvarın 7-də baş məşqçinin sərəncamında olacaqlar. Məşqlər də bu tarixdən başlayacaq.Yanvarın 8-dən isə “sarı-göylər” gündə iki dəfə olmaqla təlim-məşq toplanışına start verəcəklər. Yanvarın 13-dək komanda “Dalğa Arena”da qalıb çalışmalarını da burada davam etdirəcək. Daha iki gün isə futbolçular Azərbaycan Dövlət Bədən Tərbiyəsi və İdman Akademiyasının stadionunda hazırlıq keçəcəklər.“Kəpəz”in üzvləri yanvarın 16-da istirahət edəcəklər. Bir gün sonra komanda Türkiyəyə yollanacaq. “Kəpəz” hazırlığın bundan sonrakı hissəsini Antalyada davam etdirəcək. Gəncə klubu fevralın 2-dək qardaş ölkədə olacaq.xeber100.com

“Milan” futbol klubu müdafiəçisi ilə müqaviləni yeniləyib

“Milan” futbol klubu müdafiəçisi Davide Kalabriya ilə müqaviləni yeniləyib.Azərtac klubun rəsmi saytına istinadla xəbər verir ki, İtaliya təmsilçisi 21 yaşlı futbolçu ilə 2022-ci il iyunun 30-dək müqavilə imzalayıb.İtaliyalı futbolçu cari mövsüm ölkə çempionatında keçirdiyi 6 oyunda 1 məhsuldar ötürmə edib.xeber100.com