“Səbail” klubunun yoldaşlıq oyunu keçirəcəyi rəqibləri müəyyənləşib

İyulun 10-dan 27-dək Türkiyənin Kartepe qəsəbəsində təlim-məşq toplanışında olacaq Bakının “Səbail” futbol klubunun yoldaşlıq oyunu keçirəcəyi rəqibləri müəyyənləşib.Azərtac kluba istinadla xəbər verir ki, komandamızın ilk rəqibi iyulun 13-də Omanın U-23 yığması olacaq. İyulun 15-də son mövsümü İran Pro-liqasını 4-cü pillədə başa vuran “Zob Ahan”la üz-üzə gələcək “aslanlar” iyulun 20-də Səudiyyə Ərəbistanını təmsil edən “Əl İttifaq” ilə qarşılaşacaqlar. Üç gün sonra “Səbail”in rəqibi Özbəkistan təmsilçisi “Paxtakor” olacaq.Komandamız hazırlıq prosesi çərçivəsində son oyununu iyulun 26-da Səudiyyə Ərəbistanının “Əl Raed” komandasına qarşı keçirəcək.xeber100.com

Anlaşma haqqında memorandum imzalanıb

İyulun 5-də AFFA-nın inzibati binasında Azərbaycan Futbol Federasiyaları Assosiasiyası (AFFA) ilə Azərbaycan Milli Antidopinq Agentliyi (AMADA) arasında qarşılıqlı anlaşma haqqında memorandum imzalanıb.Azərtac xəbər verir ki, AFFA-nın baş katibi Elxan Məmmədov və AMADA-nın direktoru Şəfəq Hüseynlinin imzaladığı memorandumun müddəalarına uyğun olaraq, növbəti mövsümdən etibarən futbol üzrə Azərbaycan Premyer Liqasında çıxış edən, həmçinin Azərbaycan milli komandalarına cəlb olunan futbolçular dopinq nəzarətinə cəlb olunacaq, bu sahə ilə bağlı müxtəlif təbirlər, seminarlar keçiriləcək, maarifləndirmə işləri aparılacaq.xeber100.com

Cüdo üzrə Azərbaycan çempionatı keçirilib

“Sərhədçi” İdman Olimpiya Kompleksində 23 yaşadək gənclər arasında cüdo üzrə Azərbaycan çempionatı keçirilib.Fövqəladə Hallar Nazirliyindən Azərtac-a bildiriblər ki, çempionata 36 komandanın heyətində 400 idmançı qatılıb.Yarışda nazirliyin İdman-sağlamlıq klubunu Mülki Müdafiə Qoşunlarının “N” saylı hərbi hissəsinin əsgəri Cəlil Şükürov 100 kiloqramdan yuxarı çəki dərəcəsində təmsil edib. O, bütün rəqiblərinə qalib gələrək fəxri kürsünün ən yüksək pilləsinə qalxıb.Cəlil Şükürovun məşqçiləri Taleh Sadıqov və Rasim Babayev olublar.xeber100.com

Sərbəst güləş üzrə 48-ci beynəlxalq turnir keçiriləcək

İyulun 7-8-də Rusiya Federasiyası Dağıstan Respublikasının Kaspiysk şəhərində beşqat dünya çempionu Əli Əliyevin xatirəsinə sərbəst güləş üzrə 48-ci beynəlxalq turnir keçiriləcək.Azərtac xəbər verir ki, turnirdə baş məşqçi Firdovsi Umudov və məşqçi Arif Abdullayevin rəhbərliyi altında yığma komandamızın 16 üzvünün iştirak etməsi planlaşdırılıb. Heyətdə Georgi Edişeraşvili, Mahir Əmiraslanov, Mircəlal Həsənzadə, Pərviz İbrahimov (hamısı 57 kq), Qalib Əliyev, Əhmədnəbi Qvarzatilov (hər ikisi 61 kq), Coşqun Əzimov, Məhəmməd Müslümov, Ağahüseyn Mustafayev (hamısı 65 kq), Murtuz Müslümov, Ruslan Dibirhacıyev, Hacımurad Ömərov (hamısı 70 kq), Cəbrayıl Həsənov (74 kq), Aleksandr Qostiyev, Murad Süleymanov (hər ikisi 86 kq) və Aslanbek Alborov (97 kq) yer alıblar.Yarışın proqramına əsasən, ilk günündə 57, 65, 74, 97, ikinci yarış günündə isə 61, 70, 86 və 125 kiloqram çəkidə güləşçilər mübarizə aparacaqlar.Görüşlərin idarə edilməsində ölkəmizi beynəlxalq dərəcəli hakim Rövşən Azadov təmsil edəcək.xeber100.com

“FIDE Qran-Prisi – 2017” seriyasından üçüncü mərhələnin açılışı olacaq

İsveçrənin Cenevrə şəhərində “FIDE Qran-Prisi – 2017” seriyasından üçüncü mərhələnin açılışı olub. Şahmat turnirində starta 18 aparıcı qrossmeyster çıxacaq.Azərtac xəbər verir ki, Azərbaycanı turnirdə Şəhriyar Məmmədyarov və Teymur Rəcəbov təmsil edirlər.Azərbaycan qrossmeysterləri ilə Aleksandr Qrişşuk, Pyotr Svidler, Yan Nepomnyaşşiy, Dmitri Yakovenko, Ernesto İnarkiyev, Aleksandr Ryazantsev (Rusiya), Aniş Giri (Hollandiya), Pavel Elyanov (Ukrayna), Pentala Harikrişna (Hindistan), Maykl Adams (İngiltərə), Li Çao, Hou İfan (Çin), Rixard Rapport (Macarıstan), Levon Aronyan (Ermənistan), Boris Gelfand (İsrail) və Salem Saleh (BƏƏ) mübarizə aparacaqlar.İsveçrə sistemi üzrə keçirilən turnir 9 turdan ibarətdir.Əlavə edək ki, seriyanın iki mərhələsindən sonra 280 balla Şəhriyar Məmmədyarov liderlik edir. İkinci yerdə 240 balla Din Lijen (Çin) gəlir, üçüncü və dördüncü yerləri hər biri 211,4 bal toplayan Aleksandr Qrişşuk və Maksim Vaşye-Laqrav (Fransa) bölüşürlər.xeber100.com

Döyüş növləri üzrə növbəti dünya çempionatı keçirilib

Antalyada əlbəyaxa döyüş növləri üzrə növbəti dünya çempionatı keçirilib.Azərtac xəbər verir ki, dünya və Avropa çempionu Vüqar Əzimov Azərbaycan yığma komandasının heyətində bu çempionatda da uğurla çıxış edib.Otuz beş ölkənin idmançılarının qatıldığı mundialda 90 kiloqramdan yuxarı çəki dərəcəsində çıxış edən Azərbaycan idmançısı Vüqar Əzimov peşəkarlar arasında K-1 versiyası üzrə qızıl medal qazanıb. Təmsilçimiz İran və Marokko rəqibləri üzərində inamlı qələbə qazanaraq fəxri kürsünün ən yüksək pilləsinə qalxıb.Bu qələbə sayəsində Vüqar Əzimov dünya çempionu titulunu qoruya bilib. Bu il onu daha iki sınaq gözləyir. O, sentyabrda Gürcüstanda Zaqafqaziya çempionatında və oktyabrda İspaniyada keçiriləcək dünya birinciliyində mübarizə aparacaq.xeber100.com

Tur-de Frans velo yürüşünə start verilib

Tur-de Frans velo yürüşündə üçüncü mərhələyə yekun vurulub.Azərtac xəbər verir ki, yürüşə Belçikanın Verbiya şəhərində start verilib. Velosipedçilər 212,5 kilometr məsafəni qət edərək Fransanın Mondorf-le-Ben şəhərində finiş xəttini keçiblər.Qeyd edək ki, marşrut zamanı velosipedçilər Lüksemburq ərazisindən də yürüş ediblər.Gərgin və maraqlı idman mübarizəsində keçən yarışın qalibi slovakiyalı Petor Sayman olub. O, 212,5 kilometr məsafəni 5 saat 7 dəqiqə 19 saniyəyə qət edib. Avstraliyalı Maykl Metyus finişə ikinci çatıb. İlk üçlüyü isə irlandiyalı Devil Martin tamamlayıb.xeber100.com

Milli Karate Federasiyasının məlumatına görə…

Xorvatiyanın Umaq şəhərində keçirilən karate üzrə dünya kuboku yarışlarında karateçilərimiz 4 medal qazanıblar.Azərbaycan Milli Karate Federasiyasından Azərtac-a bildirilib ki, gənclərdən ibarət seçmə komandanın üzvlərindən Müseib Məmmədov (-55 kq) və Fidan Teymurova (-48 kq) dünya kubokunun gümüş medallarına yiyələniblər. Fərid Ağayev (-52 kq) isə yeniyetmələr arasında bürünc mükafata sahib olub. Azyaşlılar arasında çıxış edən perspektivli Gəncə idmançısı Fərid Savadov da 3-cü yer tutub.Azərbaycan Milli Karate Federasiyasının prezidenti, Dünya Karate Federasiyası texniki komitəsinin üzvü və Avropa Karate Federasiyası İdarə heyətinin üzvü Yaşar Bəşirov nüfuzlu yarışın mükafatlandırma mərasimində iştirak edib.xeber100.com

Qəbələ” futbol klubunda yeni təyinat

“Qəbələ” futbol klubunda yeni təyinat gerçəkləşib.Azərtac kluba istinadla xəbər verir ki, Elmar Baxşıyev əvəzedicilərdən ibarət komandanın baş məşqçisi təyin olunub. O, 2015-ci ildən məşqçi kimi çalışdığı bu komandaya rəhbərlik edəcək.Futbolçu kimi “Şəfa” (1997-1999-cu il), “İnter” (1999-2007-ci il), “Xəzər-Lənkəran” (2007-2008-ci il), “Neftçi”nin (2008-2011-ci il) şərəfini qoruyan E.Baxşıyev karyerasını “Qəbələ”də (2012-2013-cü il) başa vurub.Azərbaycan çempionatlarında ən çox oyun keçirən 50 futbolçu arasında yer alan yarımmüdafiəçi 268 matçda 9 qol vurub. O, “Qəbələ”də hamısı çempionatda olmaqla 28 oyun keçirib. 2004-2009-cu illərdə Azərbaycan milli komandasının şərəfini qoruyan E.Baxşıyev yığmada 32 görüşdə iştirak edib. Futbolçu karyerasını bitirdikdən sonra məşqçilik fəaliyyətinə başlayan çalışdırıcının ilk iş yeri “Neftçi”nin U-19 komandası olub.xeber100.com

Beynəlxalq Basketbol Federasiyası reytinq cədvəlini açıqlayıb

Beynəlxalq Basketbol Federasiyası (FİBA) 3x3 basketbol üzrə milli komandaların yeni reytinq cədvəlini açıqlayıb.Azərtac xəbər verir ki, reytinqə əsasən, Azərbaycan millisi dünyada 49-cu, Avropada isə 28-ci yerdə qərarlaşıb.Sloveniya və Rusiyanı qabaqlayan Serbiya reytinq cədvəlində birinci yerdə qərarlaşıb.xeber100.com